بيجو 301 .. صيانة ال 2500

[yassermotors]

شباب محتاج مساعدتكم
انا حاليا بعمل صيانة ال 2500 .. كان عندي شكوى ان سحب العربية مش تمام أوي .. وفيه نتشة باحسها بين الاول والتاني
جابولي عينة من بنزين العربية .. سيئة للغاية وقالولي هيا دي المشكلة
مع انى بمون في وطنية دايماً
عموماً هيتم تغيير فتر البنزين ..

عايز أعرف حد واجه نفس المشكلة اللي عندي من ملاك العربية في أول صيانة ؟؟
وهل راحت بعد الصيانة ولا لازالت موجودة .. هل هيا حاجة تانية غير البنزين ؟

[Hema_Basha]

انا معملتهاش بس سحب العربية جيد جدا سواء بالتكييف او من غيره

[mohjarr]

أنا عملت الصيانة و مافيش مافيش أية مشاكل بالنسبة للسحب معايا بالتكييف أو بدونه.

[mohamed hussei]

متابع بشدة

[Ahmed Amin]

من متابعتي للقسم كل الناس اللي أستملت ومعاها البيجو 301 معندهاش أي مشاكل مع سحب العربية سواء بتكييف او من غير,
وكويس أنك عرفت سبب مشكلتك في الصيانة دي عشان البنزين السئ دا كان مع الوقت هيتعب لك الرشاشات وطلبمة البنزين,,
ولما ولو فلتر البنزين الخارجي يتسد من البنزين دا كان هيأدي لعمل ضغط علي طلمبة البنزين عشان هتبقي بتحاول دايماً توصل الضغط المطلوب للموتور عشان يشتغل ويسحب بكفائة,
ولكن لسوء البنزين وإنسداد الفلتر كان هيبقي السحب دايماً وحش.
والفلتر لو مسدود هيحرق الطلمبة مع الوقت,, فغيرة كل 10 الأف لو بتمون من بنزينات مش نضيفة..

وبالنسبة للنتشة اللي ما بين الأول والتاني دي طبيعية في كل العربيات الفرنساوي, ومفيش منها مشاكل.

ونصيحة مني دلوقتي مع إن أعرف أن بنزينة وطنية كويسة, أبعد عنها مؤقتاً,,
وخليك في بنزينة أمارات مصر لو بتعدي عليها, أو شيل أو توتال,,

ودايماً علي قد ما تقدر نقي البنزينة الجديدة والنضيفة, عشان البنزين النضيفة بيكون فيها أهتمام عن البنزينات القديمة من ناحية النضافة وأعمال الصيانة لفلاتر البنزين الخاصة بالطلمبات اللي عندهم وبالتانك اللي تحت البنزينة,,
نفس الحال البنزينات الجديدة بيبقي بنزينهم أفضل من القديمة لأن البنزينات القديمة مش بيتنضف بتاعها التانك إلا كل فين وفين, وبيبقي دايماً فيه رواسب في الارضية ومش بتتنضف كلها,,

.... نصيحة مهمة جداً, لما تيجي تدخل بنزينة تفول,, وتلاقي عربية الشركة الخاصة بنقل الوقود داخلة تزود المحطة بالبنزين,,
والناس مستنية بالدور وراها عشان تدخل تفول بعد ما تانك البنزينة يتملاً,
أوعي تفول منها,,,, <<<<

عشان سواء البنزينة جديدة أو قديمة, التانك مع الوقت بتترسب فيه الشوائب في الأرضية, ولما بتيجي عربية البنزين تفضي البنزين جواة, دا بيقلب الشوائب مع
الموضوع دا حصل معايا زمان أكتر من مرة بس عربية قديمة بيجو 505
كنت أدخل أفول بعد ما العربية النقل تعبي البنزينة بالبنزين وأطلع بالعربية أمشي شوية والأقيها بتنتش وتقطع,,
طبعاً أنت مش هتنتش عندك ولا تقتطع, لأن عربيتك مش قديمة بس هتوسخ لك الفلتر ومع الوقت هتهلك موتور طلمبة البنزين عندك.


أخر حاجة هقولها لك, غير فلتر البنزين اللي عندك كل 10 الأف لأنه هوا اللي بيمسك كل الشوائب, وعشان لو عندك لسه شوائب تتخلص منها عن طريقة بسهولة بدل ما تهلك الطلمبة أو تفك التانك,,
ودي مش هتبقي صيانة أوفر ولا مكلفة الفلتر ب 75 جنية,

عشان تبقي زيادة نضافة لعربيتك, وعشان متتعبش طلمبة البنزين لأنها غالية, ولا مع الوقت الفلتر يتنسد ويعدي شوائب للرشاشات.

[yassermotors]

شكراً ليكو جميعاً خاصةً leitoSR
واعتذر عن تأخري في الرد
ياريت اللي عمل صيانة ال2500 يقولنا عملها فين وايه انطباعه
انا عملتها في ابو رواش .. الحقيقة تعبت كتير عشان اوصل .. مفيش حتى يافطة تدل على المكان
الشغل جوا الورشة متقدرش تتابعه عشان بتكون في مكان تاني وممنوع تدخل الورشة
كنت جاي بدري .. العربية مكملتش 30 دقيقة .. دي حاجة كويسة
النظام قديم شوية هناك .. طالع وانا عندي ناوي اجرب فرع غمرة المرة اللي جاية

[Ahmed Amin]

الشكر لله, وغمرة أحسن بمراحل من أبو رواش في عمل الصيانات عن تجربة,,
وكمان في الصيانات الخفيفة هتشوف العربية قدامك وهما شغالين فيها علي عكس أبو رواش.

[goldfinger2]

السلام عليكم
ممكن حد يعرفنى لو سمحتوا توكيل غمرة مكانه فين بالظبط

[Ahmed Amin]

السلام عليكم
ممكن حد يعرفنى لو سمحتوا توكيل غمرة مكانه فين بالظبط

العنوان : غمرة 114 الخليج المصري
أرقام التليفون: 24824647 -- 24823092
سـاعات العمل: 9:00 ص-5:00 م
أيام الأجازات: الجمعة

شرح تفصيلي لمكان التوكيل:

http://www.nilemotors.net/Nile/177885-a.html

http://www.nilemotors.net/Nile/177884-a.html

[goldfinger2]

الف الف شكر استاذ احمد ربنا يباركلك
سؤال هى صيانة ال 2500 مهمة ولا ايه؟

[Ahmed Amin]

الف الف شكر استاذ احمد ربنا يباركلك
سؤال هى صيانة ال 2500 مهمة ولا ايه؟

أيوة مهمة جداً,
رديت عليك في الموضوع دا.

http://www.nilemotors.net/Nile/395263-301-5.html#post3875336880

وأبقي شوف المشاركة دي كمان.

http://www.nilemotors.net/Nile/377484-301.html#post3875172924

[modysasazin]

السلام عليكم
انا عملت صيانة ال 2500
الاسبوع اللي فات في فرع صلاح سالم
انا حسيت بتحسن نسبي في السحب بعد تنزيل السوفت وير
بس انا ماكنتش بشتكي من السحب اصلا قبل كدة
بس ماحستش باي فرق في موضوع النتشة بس انا اصلا اتعودت عليها
بس اللي انا لاحظته ان فرع صلاح سالم االنس اللي هناك على قدهم وبيستسهلوا
لاني لما قولتلهم على المشكلة بتاعة البرجلة والمروحة اللي اشتغلت لوحدها على اقصى سرعة والعربية باردة
ماحسيتش انهم اهنموا وقالولي كله هيبقى تمام بعد السوفت وير الجديد
بس في ملاحظة للاخ اللي عمل الصيانة في ابورواش وماخدتش وقت
هي فعلا ما بتاخدش وقت
بس تنزيل السوفت وير بياخد وقت لا يقل عن ساعة ونص
فلازم يتاكدانهم نزلولوا السوفت وير الجديد
اسف على الاطالة
أخوكم د . محمود صالح

[Ahmed Amin]

السلام عليكم
انا عملت صيانة ال 2500
الاسبوع اللي فات في فرع صلاح سالم
انا حسيت بتحسن نسبي في السحب بعد تنزيل السوفت وير
بس انا ماكنتش بشتكي من السحب اصلا قبل كدة
بس ماحستش باي فرق في موضوع النتشة بس انا اصلا اتعودت عليها
بس اللي انا لاحظته ان فرع صلاح سالم االنس اللي هناك على قدهم وبيستسهلوا
لاني لما قولتلهم على المشكلة بتاعة البرجلة والمروحة اللي اشتغلت لوحدها على اقصى سرعة والعربية باردة
ماحسيتش انهم اهنموا وقالولي كله هيبقى تمام بعد السوفت وير الجديد
بس في ملاحظة للاخ اللي عمل الصيانة في ابورواش وماخدتش وقت
هي فعلا ما بتاخدش وقت
بس تنزيل السوفت وير بياخد وقت لا يقل عن ساعة ونص
فلازم يتاكدانهم نزلولوا السوفت وير الجديد
اسف على الاطالة
أخوكم د . محمود صالح

هما فعلاً علي قدهم شوية, عشان أغلب شغلهم صيانات سريعة,,
فا يامش بيشغلو بالهم, أو لو فيه حاجة صعبة وميعرفهوش هيقولولك روح غمرة,
ونفس الكلام دا بيتقال في أبو رواش برضه.

وفعلاً الصيانة مش بتاخد وقت,,
بس علي حسب لو أنت رايح في عربيات قبلك في الورشة فأنت بتغيب,,
أما أبو رواش عشان أكبر وكمان عشان بعيد فا ناس كتير مش بتروحة زي صلاح سالم عشان قريب من وسط البلد, وطريق بيجو صلاح سالم مش صعب زي طريق بيجو غمرة.
فاممكن الناس تغيب شوية في صلاح سالم لو كان فيه عربيات قدامها لما توصل.

المهم مبروك علي الصيانة, وعقبال صيانة ال 10 الأف.

[gehadag05]

السلام عليكم
انا عملت صيانة ال 2500
الاسبوع اللي فات في فرع صلاح سالم
انا حسيت بتحسن نسبي في السحب بعد تنزيل السوفت وير
بس انا ماكنتش بشتكي من السحب اصلا قبل كدة
بس ماحستش باي فرق في موضوع النتشة بس انا اصلا اتعودت عليها
بس اللي انا لاحظته ان فرع صلاح سالم االنس اللي هناك على قدهم وبيستسهلوا
لاني لما قولتلهم على المشكلة بتاعة البرجلة والمروحة اللي اشتغلت لوحدها على اقصى سرعة والعربية باردة
ماحسيتش انهم اهنموا وقالولي كله هيبقى تمام بعد السوفت وير الجديد
بس في ملاحظة للاخ اللي عمل الصيانة في ابورواش وماخدتش وقت
هي فعلا ما بتاخدش وقت
بس تنزيل السوفت وير بياخد وقت لا يقل عن ساعة ونص
فلازم يتاكدانهم نزلولوا السوفت وير الجديد
اسف على الاطالة
أخوكم د . محمود صالح

دي حقيقة
انا برده عملت صيانة ال 2500 الحمدلله الاسبوع اللي فات ولكن محستش بفرق في سحب العربية لاني مكنتش بشتكي منه اصلا
لكن موضوع النتشة لسة موجود بس احيانا مش دايما معرفش ليه...؟
ووقت السوفت وير فعلا بياخد من ساعة الي ساعة ونص انما باقي الحاجات مش بتاخد وقت

[modysasazin]

هما فعلاً علي قدهم شوية, عشان أغلب شغلهم صيانات سريعة,,
فا يامش بيشغلو بالهم, أو لو فيه حاجة صعبة وميعرفهوش هيقولولك روح غمرة,
ونفس الكلام دا بيتقال في أبو رواش برضه.

وفعلاً الصيانة مش بتاخد وقت,,
بس علي حسب لو أنت رايح في عربيات قبلك في الورشة فأنت بتغيب,,
أما أبو رواش عشان أكبر وكمان عشان بعيد فا ناس كتير مش بتروحة زي صلاح سالم عشان قريب من وسط البلد, وطريق بيجو صلاح سالم مش صعب زي طريق بيجو غمرة.
فاممكن الناس تغيب شوية في صلاح سالم لو كان فيه عربيات قدامها لما توصل.

المهم مبروك علي الصيانة, وعقبال صيانة ال 10 الأف.

كبيرقسم البيجو واستاذنا أ/ احمد امين الله يبارك في حضرتك
ربنا يخليك لينا ومايحرمناش منك
ويجزيك عنا خير الجزاء