حجزت 301 هاي لاين

[S.Hasan]

يا جماعة انا حجزت ال 301 هاي لاين وانا اسااسا كل سواقتي مانيوال فحاسس اني متردد بصراحة شايف ان الانسبلي المانيوال خاصة في فرق السعر وكمان انا كده كده هقسط وبرده من ناحية تانية موضوع الاوبشنز اللي في الهاي لاين مزغلله عيني فانا محتاااااااااااااااار جداا

افيدوني

[airac2002]

الاخ العزيز انا مثلك تماما...وتوكلت علي اللة وحجزت الهاي لاين ومستني التسليم

[Haitham Basha]

شوف يا باشا أولاً الف مبروك على الوحش الجميل أوي 301 عربية محترمة جداً و ممتازة و اعتمادية جداً ... ثانياً يا راجل الأوتو بتشتري بيه دماغك و بتريح نفسك يعني هنلاقيها من الشغل و لا البيت و لا الشارع و ما أدراك ما الشارع حيث عفاريت الأسفلت و الحرب اليومية الي بنعمله على شان نروح من حته لي حته يا راجل دا أنا بقيت كل ما أسوق مانويل في البلد دي بحس إن رجلي بتقولي حرام عليك هو احنا مش جسم واحد و لا إيه ههههههههههههه راحة ما بعدها راحة ... انسى بقى قصة المانويل دي مات الكلام يا كبير و بعدين اديك قلتها الكماليات و الأبشنز الي في الهاي لاين مزغلله عنيك و هي بصراحة حلوة أوي و بصراحة إنت كسبت العربية دي انت و كل الي جابها متغيرش رأيك لأنك هترجع تندم كتيييييييييييير أوي بعد كده ... ده رأي و رأيك إنت طبعاً أهم ... تقبل مروري و تحياتي ...

[S O P H O S]

المانيوال جميل
لكن ده زمن الاوتو ..

[هانى القناوى]

الف مبروك مقدما
بس كنت عايز استفسر من حضرتك اكيد لما جحز العربيه دى بحثت عن مواصفاتها ووسائل امان وصاج وثبات الخ الخ
اريت تقولى علشان مش عارف معلومات عنها ياريت تشرح اعلى فيه
ثبات وصاج وامكانيات وسائل الامان والابشن وقوه التاكيف هل ال 301 فيه مشاكل كتيره واخبار التوكيل وقطع الغيار
والف مبروك للمره الثانيه

[هانى القناوى]

اه هل واسعه جوه والكنبه اللى ورا مريحه ؟
السعر كام لا على فئه

[mohjarr]

اه هل واسعه جوه والكنبه اللى ورا مريحه ؟
السعر كام لا على فئه

السيارة واسعة جداً من الداخل و لا يظهر ذلك من الخارج يعنى مظهرها يخدع الصراحة و شنطتها واسعة جداً و تشيل كتير!
الكنبة مريحة و السعر لأعلى فئة 135.900جنية من التوكيل.. و المعارض تضيف أوفر برايس بإختلاف التوكيل وذلك للتسليم الفورى و إن كنت أفضل شرائها من التوكيل و عدم دفع الأوفر برايس حتى لا نشجع التجار على جشعهم .

[mohjarr]

يا جماعة انا حجزت ال 301 هاي لاين وانا اسااسا كل سواقتي مانيوال فحاسس اني متردد بصراحة شايف ان الانسبلي المانيوال خاصة في فرق السعر وكمان انا كده كده هقسط وبرده من ناحية تانية موضوع الاوبشنز اللي في الهاي لاين مزغلله عيني فانا محتاااااااااااااااار جداا

افيدوني

أولاً ألف مبروك عليك و إختيار موفق إن شاء الله... نقطة الأتوماتيك و المانوال دى إنت كده بشرائك للأتوماتيك عندك الإثنين يعنى لو حولت الفتيس على التيبترونيك سوف يكون لديك كامل التحكم فى السيارة مثل المانوال بالظبط و أسهل لأستخدامك علامتى ال + و - للنقلات و الفارق الوحيد أنه لا يوجد دبرياج .
الصراحة المانوال متعب جداً فى بلدنا و الزحمة إللى موجودة فى كل حته .. أنا بأرجع من شغلى كل يوم فى ساعتين و نص على الأقل فى مشوار لا يستغرق نص ساعة يعنى لو عربيتى كانت مانوال كنت بعتها بسبب ذلك .

[S.Hasan]

أولاً ألف مبروك عليك و إختيار موفق إن شاء الله... نقطة الأتوماتيك و المانوال دى إنت كده بشرائك للأتوماتيك عندك الإثنين يعنى لو حولت الفتيس على التيبترونيك سوف يكون لديك كامل التحكم فى السيارة مثل المانوال بالظبط و أسهل لأستخدامك علامتى ال + و - للنقلات و الفارق الوحيد أنه لا يوجد دبرياج .
الصراحة المانوال متعب جداً فى بلدنا و الزحمة إللى موجودة فى كل حته .. أنا بأرجع من شغلى كل يوم فى ساعتين و نص على الأقل فى مشوار لا يستغرق نص ساعة يعنى لو عربيتى كانت مانوال كنت بعتها بسبب ذلك .

شكرا لردك طيب الفتيس بتاعها ومضووع النتشة دي اخبارها ايه ؟

[S.Hasan]

الف مبروك مقدما
بس كنت عايز استفسر من حضرتك اكيد لما جحز العربيه دى بحثت عن مواصفاتها ووسائل امان وصاج وثبات الخ الخ
اريت تقولى علشان مش عارف معلومات عنها ياريت تشرح اعلى فيه
ثبات وصاج وامكانيات وسائل الامان والابشن وقوه التاكيف هل ال 301 فيه مشاكل كتيره واخبار التوكيل وقطع الغيار
والف مبروك للمره الثانيه

اتفضا حضرتك هتلاقي الاجابة علي كل اسئلتك في مناقشات الاعضاء

http://www.nilemotors.net/Nile/35895...eot-301-a.html (أسعار قطع غيار “peugeot 301″ الجديدة)

http://www.nilemotors.net/Nile/360846-301.html (تقييم كامل بيجو 301)

http://www.nilemotors.net/Nile/369153-301.html (أول تجربة للسفر بالبيجو ال301)

http://www.nilemotors.net/Nile/376384-301.html (سؤالين عن بيجو 301 فى العدادات و الزجاج)

http://www.nilemotors.net/Nile/371895-301.html (ايه الفرق بين 301 بيزلاين و هاي لاين)

http://www.nilemotors.net/Nile/361949-301.html (سؤال : الفرق بين الفئة الأولي و الهاي لاين بيجو 301)

http://www.nilemotors.net/Nile/359777-301.html (تقرير مبدئى لبيجو 301 بعد إستلامى) __________________

[mohjarr]

شكرا لردك طيب الفتيس بتاعها ومضووع النتشة دي اخبارها ايه ؟

كله يعتمد على طريقة سواقتك...و الصراحة أنا شايف موضوع النتشة ده الناس كبرته خالص .. أنا الصراحة مش بحس بالحكاية دى منذ مدة علشان كده متهيألى إن بالتعود على العربية و ماتورها و إستجابته بتظبط الحكاية دى و يمكن مع طريقة سواقتك ماتحسش بالموضوع ده أساساً .. ماتقلقش خالص من التقطة دى.

[S.Hasan]

شوف يا باشا أولاً الف مبروك على الوحش الجميل أوي 301 عربية محترمة جداً و ممتازة و اعتمادية جداً ... ثانياً يا راجل الأوتو بتشتري بيه دماغك و بتريح نفسك يعني هنلاقيها من الشغل و لا البيت و لا الشارع و ما أدراك ما الشارع حيث عفاريت الأسفلت و الحرب اليومية الي بنعمله على شان نروح من حته لي حته يا راجل دا أنا بقيت كل ما أسوق مانويل في البلد دي بحس إن رجلي بتقولي حرام عليك هو احنا مش جسم واحد و لا إيه ههههههههههههه راحة ما بعدها راحة ... انسى بقى قصة المانويل دي مات الكلام يا كبير و بعدين اديك قلتها الكماليات و الأبشنز الي في الهاي لاين مزغلله عنيك و هي بصراحة حلوة أوي و بصراحة إنت كسبت العربية دي انت و كل الي جابها متغيرش رأيك لأنك هترجع تندم كتيييييييييييير أوي بعد كده ... ده رأي و رأيك إنت طبعاً أهم ... تقبل مروري و تحياتي ...

شكرا لردك وكلامك مقنع

[Fo1Fo]

أولاً ألف مبروك عليك و إختيار موفق إن شاء الله... نقطة الأتوماتيك و المانوال دى إنت كده بشرائك للأتوماتيك عندك الإثنين يعنى لو حولت الفتيس على التيبترونيك سوف يكون لديك كامل التحكم فى السيارة مثل المانوال بالظبط و أسهل لأستخدامك علامتى ال + و - للنقلات و الفارق الوحيد أنه لا يوجد دبرياج .
الصراحة المانوال متعب جداً فى بلدنا و الزحمة إللى موجودة فى كل حته .. أنا بأرجع من شغلى كل يوم فى ساعتين و نص على الأقل فى مشوار لا يستغرق نص ساعة يعنى لو عربيتى كانت مانوال كنت بعتها بسبب ذلك .

ما تنساش يأستاذى ان الجير المانويل 5 نقلات والجير الستبترونيك 4 نقله فقط وده اهم فرق . يعنى فى واحد كان بيعيب على جير ( الأليزيه _ توأم ال 301 ) ان صوت الموتور بيعلى على سرعه 140 وان الجير بيبقى على أخر نقله يعنى على الرابع , فالموضوع ده ممكن يفرق مع ناس وناس تانيه لأ

[Ahmed_selmy]

اولا مبروك على العربيه
ثانيا انا كنت فى نفس الحيرة والقلق لما جيت اشترى التيدا لانها اتوماتيك وانا كان كل سواقتى مانيوال....وكل اللى عملتوا انى قريت عن الاتوماتيك و اعمل ايه واخلى بالى من ايه لحد ما حسيت انى تمام ....والحمد لله انا اللى رحت استلمت العربيه لوحدى وسوقت الاتوماتيك لاول مرة وكله كان تمام ......اهم حاجه خد وقتك فى اول مرة وظبط نفسك وبالراحه خالص وان شاء الله كلوا حيبقى تمام