صيانات سيارات بيجو

[Mahmoud Mok]

ربنا يخليك يا كبير
LeitoSR

والف مبروك على اللعربية الجديدة وان شاء الله يجعلها وش السعد عليك دايماً :)

ولو فى اى حاجه حابب تستفسر عليها فى الصيانات اكيد هساعدك ان شاء الله
انا فى الخدمة

[Mahmoud Mok]

airac2002 & Hazem_Hazem
طبعاً انا اكيد ان شاء الله هنزل كذا موضوع مهم قريب بس الفترة دى مضغوط شوية فى الشغل
وان شاء الله فى اقرب وقت هنزل حجات كتير تخص سيارات بيجو عشان يكون عند اى حد سيارة بيجو جديدة خلفية عن مواضيع كتير ومش يحتاج يتصل ويستفسر عليها

[Ahmed Amin]

Mahmoud Mok أنا مش معايا ال 301, معايا 307 بس أنا عجبتني مشاركتك بخصوص توضيح أعمال الصيانة عشان في ناس كتير بتسمع كلام موظفين المعارض وتروح تنزل الزيت علي أول ألف كيلو,
فموضوعك هيسهل علي ناس كتير تعرف الصح أيه,
والمفروض الواحد لو مش متأكد يسأل التوكيل قبل ما يعمل حاجة زي دي لو حابب يتأكد أكتر.

بالنسبة للناس اللي سألت عن كيفية أستخدام الفتيس الأوتوماتيك لل 301



أولاً بالنسبة للفتيس, هوا أوتوماتيك تيب ترونيك - أربع سرعات,
وبما أنك بتقول أنك سوقت مانيوال بس, هقولك عال أوتو بتاعها بالتفصيل,

ال P هوا الباركنج, تحطها عليه لما تيجي تركنها وهتخرج بره العربية وتمشي منها بس, وغير كدا خليها علي ال N.

وال N هوا الموور زي المانيوال بتبقي مش واخدة غيار, ودا الوضع اللي بتحطة عليها لما بتقف في بنزينه تفول, أو تقف تتكلم مع واحد صاحبك, متحطش P في الأوقات دي..
عشان ال P ليه حساس خاص بيه, وأنا بحب أحافظ عليه عشان ساعات بيحصل فيه مشاكل علي المدي الطويل,, والتكة بتاعتة بتزعجني,, ولو عطلت علي P مش هتعرف تحركها.

والعربية لما بتكون علي P مش هتعرف تحرك العصاية من عليه عشان تنزل لل R و ال D من غير تدوس فرامل, فتدوس فرامل قبل ما تنزل من علي ال P لأي غيار.

ولما تيجي تحط العربية علي ال P ممكن تطلع من غير فرامل عادي,, دا لو أخدت العصاية خطف كدا من الN لل P ودا الطبيعي ومفهوش ضرر علي الفتيس او العصاية,
بس لو حركة أيديك مش سريعة يفضل تدوس فرامل,,, عشان لو أيديك بطيئة العربية هتاخد R منك وأنت طالع بالعصاية لل P وهترجع بضهرها منك فخد بالك كويس..


ال D هوا ال Drive أو وضع الحركة اللي بيمشي العربية,
يفضل قبل ما تجيبه تدوس فرامل بس مش شرط,, عشان العربية هتبدأ تتحرك ولو في مكان ضيق أو جراش أو قدامك عربية ممكن تخبط فيها.
طبعا هتخبطها علي سرعة بطئية مش هتنط بيك, بس عود نفسك من دلوقتي أنك قبل ما تجيب D أو R تكون دايس فرامل تحسبها لظروف المكان اللي حواليك.



ال R هوا اللي بيرجع العربية ورا, مفيش كلام كتير يتقالي عليه,
قبل ما تنقل لل R يفضل أن العربية تكون واقف علي الأرض خالص, مع العلم إن الفتيس فيه خاصية أمان بتمنع العربية تاخد R وهيا ماشية عشان مفيش فاصل ما بينهم زي العربيات الاوتوماتيك العادية اللي بتبقي بزرار, بس أنا محبتش أجرب, وبقف خالص قبل ما أجيب R.


ال M
لما تكون جايب D وماشي بالعربية أو واقف,
في حارة في الجنب الشمال من ال D في الفتيس مكتوب جمبها M
M أختصار لمانيوال ودي اللي بتخليك تتحكم في نقل الغيارات, وتثبت العربية علي غيار معين, وتحرق علي الغيار وتنقل متأخر أو بدري وتسقط غيارات زي الفتيس المانيوال بالظبط.
ولما بتحرك العصاية ناحيتك للشمال بيظهر لك في الطابلوة الغيار اللي أنت عليه, لو كنت واقف مش بتتحرك هتلاقيها كاتبة 1 بدل D يعني الغيار الأول,,

ولما تمشي بالعربية مش هتنقل طبعاً وهتزق عصاية الفتيس لقدام ناحية الطابلوة واللي مرسوم عندك في الفتيس + عشان تنقل للتاني, ولما توصل للرابع وعايز تجري في منطقة مثلاً هتزق العصاية لتحت عشان تجيب التالت وهكذا.

ملحوظة : ممكن في اي وقت تنقل ما بين D لل M وانت ماشي أو واقف, والعكس صحيح,
لو كنت علي ال M وحارق علي غيار ونقلت لل D العربية هتاخد أفضل غيار مناسب للسرعة اللي أنت ماشي بيها وهتكتب لك D علي الشاشة وتنقل الغيارات لوحدها تاني أكنك طلعت عليه من البداية.

أخر حاجة بقي وضع ال D العادي, ليه وضعين تابعين ليه,,
وليهم زرارين منفصلين اللي هما S و النجمة * فوق علي الشمال في الفتيس,

ال S دا الوضع الرياضي Sport : لما بتضغط عليه, بيتكب علي الشاشة قدام في الطابلوة Ds
بيخلي العربية سحبها أسرع وتنقل الغيار متأخر عشان تديك تجميع أعلي في الغيارات, وطبعاً دا بينعكس علي استهلاك البنزين بيزيد بشكل ملحوظ.

ال * دا وضع الجليد Snow: لما بتضغط عليه, بيتكب علي الشاشة قدام في الطابلوة *D
دا في الأساس مصمم للدول اللي فيها جليد وطرق زلقة كتير, لما بتغط عليه العربية بتطلع علي التاني دايماً وتاخد تالت ورابع بس, والحكمة من أنها متاخدش الأول دا عشان تقلل ال Wheel Spin والكاوتش

ميفركش علي الأرض ويفضل محافظ علي تماسكة بالأرض,
يعني في العادي أنت لو علي D أو Ds في شوارعنا ومن غير مية ولا جليد, ودوست سنة بنزين زيادة وأنت طالع, الكاوتش الامامي هيفرك علي الأرض ويطلع أمريكاني زي ما بيقولو, وهيعمل نفس الكلام معاك لو بتاخد شارع علي سرعة,
أما علي وضع ال *D لو وقفت علي دواسة البنزين مش هتفرك ولا هتخمس.
وهيخلي تماسك العربية بالأسفلت أعلي, وهنا في مصر لو أخترتة هيخلي العربية تقف معاك في وقت أقل لو قدامك مطب وأنت ماشي علي سرعة, لأنه بيعمل Engine Brake مع الفرامل العادية وبيسقط غيارات بدري عشان يوقف العربية في وقت ومسافة أقل.
وطبعا في حالة ال D وال Ds مش بيعملو كدا,
ال *D بس هوا اللي بيعمل كدا عشان يزود تماسك الكاوتش في الأرض

وعشان تلغي أي وضع بتضغط علي نفس الزرار اللي أنت ضغطت عليه من ال S أو ال *
وممكن تنقل ما بينهم عادي أو واقف بالعربية أو سايق,
وممكن تشغلهم أو تفصلهم عادي وأنت واقف أو سايق,

ومبروك عليكم العربية الجديدة,
وربنا يبارك لكم فيها.

[Mahmoud Mok]

LeitoSR كلامك مظبوط يا كبير , وفعلاً انا نزلت الموضوع عشان النقطة دى ان بيحصل كتير فى كذا مركز مش رئيسى طبعاً ان بيعمل صيانة ال 1000 ومش بس كده لا وبينزل الزيت على الرغم من ان الزيت يكمل لحد صيانة ال 10.000 كيلو . بالأضافه ان لما اى حد اشتراء اى سيارة جديدة مبيبقاش عنده علم بنقطه انه بيحجز صيانه قبل الميعاد 48 ساعة وطبعا بتسبب مشكله ليه لانه مكنش عامل حسابه او جى من سفر
بس طبعا دى كلها سياسات خاصة بالشركة .

اما بقى بخصوص اجابتك على السؤال بتاع كيفية أستخدام الفتيس الأوتوماتيك لل 301
ف ماشاء الله مش محتاج اقول اى حاجه بعدك :) :)

وال 307 حلوة جدا من السيارات اللى بحبها جدا ربنا يباركلك فيها وان شاء الله تخاويها ب 5008 او 301 :) :)

[piroo]

طبعا شرح وافى مافيش كلام بس عندى سؤال فى موضوع لو عايز اجرى وانا على
وضع m و كنت وصلت الى الرابع لية اجيب التالت عشان اجرى وﻻ انت كنت تقصد
تسقيط غيار ..... ارجو منك الرد

[airac2002]

كلام جميل .... والتقدير لكل من شارك بمعلومة وخاصة (LeitoSR &Mahmoud Mok )
ويامحمود باشا كان اللة في العون وربنا يعينك علي الشغل مش عايز مساعدة؟

[Mahmoud Mok]

امين ان شاء الله يا كبير airac2002
ربنا يخليك ياارب :) تكرم لزوقك

[Haitham G]

LeitoSR كلامك مظبوط يا كبير , وفعلاً انا نزلت الموضوع عشان النقطة دى ان بيحصل كتير فى كذا مركز مش رئيسى طبعاً ان بيعمل صيانة ال 1000 ومش بس كده لا وبينزل الزيت على الرغم من ان الزيت يكمل لحد صيانة ال 10.000 كيلو . بالأضافه ان لما اى حد اشتراء اى سيارة جديدة مبيبقاش عنده علم بنقطه انه بيحجز صيانه قبل الميعاد 48 ساعة وطبعا بتسبب مشكله ليه لانه مكنش عامل حسابه او جى من سفر
بس طبعا دى كلها سياسات خاصة بالشركة .

اما بقى بخصوص اجابتك على السؤال بتاع كيفية أستخدام الفتيس الأوتوماتيك لل 301
ف ماشاء الله مش محتاج اقول اى حاجه بعدك :) :)

وال 307 حلوة جدا من السيارات اللى بحبها جدا ربنا يباركلك فيها وان شاء الله تخاويها ب 5008 او 301 :) :)

يا راجل طب قووول 508

[Haitham G]

طبعا شرح وافى مافيش كلام بس عندى سؤال فى موضوع لو عايز اجرى وانا على
وضع m و كنت وصلت الى الرابع لية اجيب التالت عشان اجرى وﻻ انت كنت تقصد
تسقيط غيار ..... ارجو منك الرد

فعلا المقصود تسقيط غيار من الرابع للثالث او من الثالث للثانى عشان العربية تشد معاك يعنى rpm يغير على 6000 لفة

[Mahmoud Mok]

Haitham G ههههههههههههههههه :) :) :)

[Ahmed Amin]

طبعا شرح وافى مافيش كلام بس عندى سؤال فى موضوع لو عايز اجرى وانا على
وضع m و كنت وصلت الى الرابع لية اجيب التالت عشان اجرى وﻻ انت كنت تقصد
تسقيط غيار ..... ارجو منك الرد

فعلا المقصود تسقيط غيار من الرابع للثالث او من الثالث للثانى عشان العربية تشد معاك يعنى rpm يغير على 6000 لفة

فعلاً زي ما أستاذ هيثم وضح لك,
ساعات أنا مش بحب أني أضغط علي دواسة البنزين للأخر(كيك داون)
لأن العربية لو كانت لسه واخدة الرابع, وتقيلة في السحب طبعاً وأنت عايز تسارع,,
وضغطت علي الدواسة للأخر هتجيب هيا تالت,, ولو فضلت ضاغط جامد للأخر والعربية كانت فايقة معاك هتجيب التاني كمان لو كان الجير يسمح,,
وأنا مش بحب كدا لما بتعملها لأني هبقي بضغط عليها أوي من غير داعي, خصوصاً أني كنت عايزها تجيب تالت بس عشان أعدي عربية مثلاً, ومش عايز أحرق كدا علي التاني وأنا علي السريع,,

فلاقيت أنو أفضل ليا وللعربية وعشان أكون متحكم أكتر, أني أنقل عصا الفتيس علي وضع المانيوال, وأزقة زقة لورا ياخد تالت
ودأوس بقي براحتي ساعتها سواء جامد أو براحة, لحد ما أعدي العربية اللي بعديها وأنقل رابع تاني,,
بس أكون أنا اللي مسيطر علي الغيار مش العربية اللي بتختار بمزاجها
والأهم إني هكون مش بقرص عليها زي لما حد بيعمل كيك داون.

[Ahmed Amin]

LeitoSR كلامك مظبوط يا كبير , وفعلاً انا نزلت الموضوع عشان النقطة دى ان بيحصل كتير فى كذا مركز مش رئيسى طبعاً ان بيعمل صيانة ال 1000 ومش بس كده لا وبينزل الزيت على الرغم من ان الزيت يكمل لحد صيانة ال 10.000 كيلو . بالأضافه ان لما اى حد اشتراء اى سيارة جديدة مبيبقاش عنده علم بنقطه انه بيحجز صيانه قبل الميعاد 48 ساعة وطبعا بتسبب مشكله ليه لانه مكنش عامل حسابه او جى من سفر
بس طبعا دى كلها سياسات خاصة بالشركة .

اما بقى بخصوص اجابتك على السؤال بتاع كيفية أستخدام الفتيس الأوتوماتيك لل 301
ف ماشاء الله مش محتاج اقول اى حاجه بعدك :) :)

وال 307 حلوة جدا من السيارات اللى بحبها جدا ربنا يباركلك فيها وان شاء الله تخاويها ب 5008 او 301 :) :)

ياباشا ربنا يخليك, ويبارك لك في عربيتك أنت كمان,
وأدعلي لنا نجيب ال 3008 لأنها عاجباني ونفسي فيها,,

يا راجل طب قووول 508

أيوة مش يقول 508 مثلاً,,
مش تقولهم يتوصو بيا كدا,,

[piroo]

فعلاً زي ما أستاذ هيثم وضح لك,
ساعات أنا مش بحب أني أضغط علي دواسة البنزين للأخر(كيك داون)
لأن العربية لو كانت لسه واخدة الرابع, وتقيلة في السحب طبعاً وأنت عايز تسارع,,
وضغطت علي الدواسة للأخر هتجيب هيا تالت,, ولو فضلت ضاغط جامد للأخر والعربية كانت فايقة معاك هتجيب التاني كمان لو كان الجير يسمح,,
وأنا مش بحب كدا لما بتعملها لأني هبقي بضغط عليها أوي من غير داعي, خصوصاً أني كنت عايزها تجيب تالت بس عشان أعدي عربية مثلاً, ومش عايز أحرق كدا علي التاني وأنا علي السريع,,

فلاقيت أنو أفضل ليا وللعربية وعشان أكون متحكم أكتر, أني أنقل عصا الفتيس علي وضع المانيوال, وأزقة زقة لورا ياخد تالت
ودأوس بقي براحتي ساعتها سواء جامد أو براحة, لحد ما أعدي العربية اللي بعديها وأنقل رابع تاني,,
بس أكون أنا اللي مسيطر علي الغيار مش العربية اللي بتختار بمزاجها
والأهم إني هكون مش بقرص عليها زي لما حد بيعمل كيك داون.

فعلا ياباشا انا مش عارف اشكرك ازاى....... انت على طول بتنقذنى..
شكرا على اهتمامك
معلش كان نفسى اسالك سؤال ؟
السؤال عن تقنية و تتطور موتور بيحو 301
سبب السؤال هو التخوف ان المتور يكون تقنية قديمة عشان تنزل اقتصادية.
وطبعا منتظر منك الرد زى عاتك معى دائما والف شكر

[Mahmoud Mok]

LeitoSR ان شاء الله تجيب ال 3008 قريب ويا باشا ساعتها لما تعمل اول صيانه ال 2500 كيلو هخليهم يستقبلوك على باب المركز بزفه كبيرررة :)
ان شاء الله قريب هتشتريها :)
وربنا يخليك يا كبير شكرا على زوقك

[Haitham G]

ياباشا ربنا يخليك, ويبارك لك في عربيتك أنت كمان,
وأدعلي لنا نجيب ال 3008 لأنها عاجباني ونفسي فيها,,


أيوة مش يقول 508 مثلاً,,
مش تقولهم يتوصو بيا كدا,,

يا باشا ان شاء االله تجيب 3008 و 508 بس قولهم يتوصوا بيا انا كمان