افضل لون في البيجو 301

[mahmoud_afifi]

اللون السيلفر مع الجنط ال16 بتاع الهايلاين. من الأخر

[chemist1998]

أنا حاجز شامبين
و في رأيي الشامبين ثم السيلفر ثم الأبيض (دي برضه رغباتي فالحجز)
أنا ساكن في منطقة مليئة بالغبار و التراب و ده طبعا أثر في إختياري للون

الشامبين شيك جداً و جديد و ميتالك و بين الفواتح و الغوامق فتاخد رحابة الفواتح و شياكة الغوامق

السيلفر تقليدي لكن عملي جداً و شيك و ميتالك

الأبيض مكبرها (تدي على ال508) و شكله حلو بس مش ميتاليك (مطفي)

البترولي مبطيأوش لما شفته عند المصرية مكنتش هجيب العربية (أذواق)


الموكا شيك و ميتالك بس غامق فالتراب بيبان فيه و بيصغر العربية (هي أصلا كنزة من ورا)

الفراني تحفة و شيك و ميتالك بس بالنسبة لي غير مناسب عشان التراب و مصغر الغربية شوية

الأسود مش فالمقارنة بالنسبة لي عشان التراب بيبان فيه و مطفي مش ميتالك و بيصغر العربية (كله عيوب)
يتهيألي كده لخبطتك أكتر.....
إستخير ربنا و إن شاء الله خير
بس لو هتركنها بره جراج يبقى إبعد عن الغوامق
بالتوفيق

لا يا استاذنا الفاضل مفيش لخبطة ولا حاجة انا عارف ان دي مسالة اذواق وميول ولكني ارغب في معرفة اراء الاخرين واشوف فكرهم ايه ف الموضوع
بس انا لي تعليق بسيط على موقفك من اللون البترولي, انا مكنتش بفكر ف البترولي على الاطلاق قبل مشوفه ولما شفته في المعرض وكانت العربية هاي لاين وبجوارها الموكا حسيت انه ظاهر اوي ومكبر العربية وموضح معالمها ودرجته معقولة بس اللي مخليني متردد ان عربيتي الحالية سماوي فكنت بفكر ف تغييير درجة اللون. والموكا حلو وعجبني جدا بس حاسس ان العربية معالمها مش واضحة اوي زي البترولي والاسود مثلا

[abohend]

ياه ده انت تقريبا رأيك زيي بالظبط في كل حاجة

Bright minds think a like
و الله يا عمرو أنت متعرفش أنا زعلت إزاي عشان اللي حصلك فالتوكيل
كأن عربيتي اللي اتخبطت
يا رب تكوت مش باينة و الحمد الله جت فحديد

[abohend]

لا يا استاذنا الفاضل مفيش لخبطة ولا حاجة انا عارف ان دي مسالة اذواق وميول ولكني ارغب في معرفة اراء الاخرين واشوف فكرهم ايه ف الموضوع
بس انا لي تعليق بسيط على موقفك من اللون البترولي, انا مكنتش بفكر ف البترولي على الاطلاق قبل مشوفه ولما شفته في المعرض وكانت العربية هاي لاين وبجوارها الموكا حسيت انه ظاهر اوي ومكبر العربية وموضح معالمها ودرجته معقولة بس اللي مخليني متردد ان عربيتي الحالية سماوي فكنت بفكر ف تغييير درجة اللون. والموكا حلو وعجبني جدا بس حاسس ان العربية معالمها مش واضحة اوي زي البترولي والاسود مثلا

مانا قلتلك من اﻷول ده موضوع أذواق
الغوامق فعلا بتبين خطوط العربية بس مشكلتها معايا فأني منطقة مليئة بالغبار
و مشكلتي مع البترولي شخصية....يمكن عشان أنا مهندس بترول ههههههههههه
التوفيق إن شاء الله

[amrelsaqqa]

bright minds think a like
و الله يا عمرو أنت متعرفش أنا زعلت إزاي عشان اللي حصلك فالتوكيل
كأن عربيتي اللي اتخبطت
يا رب تكوت مش باينة و الحمد الله جت فحديد

تسلم يا باشا والله كلك ذوق
بس بجد والله الحمد لله ما بقتش باينة خاااااالص واتعملت صح ، ودى حاجة انا استغربتها الصراحة ، معرفش ان عندهم سمكرية كويسين كدة

[abohend]

لا يا استاذنا الفاضل مفيش لخبطة ولا حاجة انا عارف ان دي مسالة اذواق وميول ولكني ارغب في معرفة اراء الاخرين واشوف فكرهم ايه ف الموضوع
بس انا لي تعليق بسيط على موقفك من اللون البترولي, انا مكنتش بفكر ف البترولي على الاطلاق قبل مشوفه ولما شفته في المعرض وكانت العربية هاي لاين وبجوارها الموكا حسيت انه ظاهر اوي ومكبر العربية وموضح معالمها ودرجته معقولة بس اللي مخليني متردد ان عربيتي الحالية سماوي فكنت بفكر ف تغييير درجة اللون. والموكا حلو وعجبني جدا بس حاسس ان العربية معالمها مش واضحة اوي زي البترولي والاسود مثلا

مانا قلتلك من اﻷول ده موضوع أذواق
الغوامق فعلا بتبين خطوط العربية بس مشكلتها معايا فأني منطقة مليئة بالغبار
و مشكلتي مع البترولي شخصية....يمكن عشان أنا مهندس بترول ههههههههههه
التوفيق إن شاء الله

[m.basha]

بصراحة افضل الوان كانت عجبانى فى العربية وكنت محتار جدا بينهم البترولى و الشامبين و اخترت الشامبين و طلع لون جميل اوى عليها الميزة فى اللونين دول انهم الصبح بيدوا على فاتح و باليل لون تانى غامق ده بالنسبة للفواتح االى حاسس انهم مكبريين العربية و خصوصا من الخلف لان العربية كنزة شوية من الخلف اما لو حضرتك بتفكر فى لون غامق انا عاجبنى الفيرانى بتاعها و ده راى الشخصى المتواضع و بالتوفيق فى الاختيار انا لما احترت قبل ما احجز صليت استخارة و حسيت انى ميال للشامبيين اكتر و فى الاخر هى مسالة اذواق مش اكتر يعنى االى يعجبنى ممكن ما يعجبشى غيرى و العكس صحيح و شكرا

[S O P H O S]

الفضي او الفيراني

[هوندا]

الفراني تحفة و شيك خصوصا الهاي لاين و الخيرة فيما اختاره الله

[م/حازم.حافظ]

[م/حازم.حافظ]

اللون الاحمر بس ده مانزلش مصر

[م/حازم.حافظ]

الاسود والابيض والفضي والشامبين والازرق داخلين القاهرة

[J A G U A R]

الفضى او الموكا

[Ahmed Amin]

اللون الاحمر بس ده مانزلش مصر

ولا نزل في أي حتة,
اللون دا فوتوشوب وال blog دي اللي كانت عاملاه قبل ما العربية تنزل وكانو لسه بيعلنو عنها, في شهر 5 سنة 2012
El Peugeot 301 podría fabricarse en Brasil | AUTOS | Blog

يعني مش لون حقيقي ولا موجود للعربية في أي مكان.


وحتي بعد ما نزلت حطو لها صورة فوتوشوب تانية بلون تاني مش موجود ليها برضه اللي هوا دا,


ودي الألوان الوحيدة للعربية في أي دولة بتنزل فيها,
زي الصورة اللي أنت كنت حاططها من شوية. ;)

[م/حازم.حافظ]

ولا نزل في أي حتة,
اللون دا فوتوشوب وال blog دي اللي كانت عاملاه قبل ما العربية تنزل وكانو لسه بيعلنو عنها, في شهر 5 سنة 2012


يعني مش لون حقيقي ولا موجود للعربية في أي مكان.

شكرا على التوضيح بالنسبة للون الاحمر
الصورة ديه فيها افضل لونين بالنسبة لي (الشامبين والفضي)