استفسار عااااااااجل ل 301

[AUDAI]

السلام عليكم ورحمة الله وبركاتة
انا من مالكى ال 301 وقاربت على 10000 كم
وفعلا العربية ممتازة وربنا يباركلنا فيها ان شاء الله
عندى استفسار
انا كنت عملت صيانة 2500 فى فرع غمرة ولكن لم اخد منهم ورقة باثبات الصيانة وكنت فى وقتها لم املك كتيب العربية كنت لسه ما جبتوش بس انا صورت الايصال اللى كتبوة على الموبيل
السؤال
هل ممكن اعمل صيانة ال 10000 فى صلاح سالم واثبت الصيانتين ولا لازم اروح فرع غمرة بردة عشان اسجل الصيانة السابقة

ياريت تفيدونى اللى عمل صيانة ال 10000 كم ياترى عملتو ايه فى موضوع الزيت المستخدم وايه اللزوجة المناسبة
معلش طولت عليكم
شكرا

[amrelsaqqa]

انا زيك بالظبط ، بس انا لسة 3200 ، بس هو هيفرق في ايه اثبات صيانة وخصوصا الـ 2500 ؟

[gebreel]

لو عاملها في التوكيل نفسه مش مركز خدمة معتمد يبقى هتبقى متسجلة على السيستم عندهم و ممكن تثبت ال2 بدون مشاكل ان شاء الله

[AUDAI]

انا عملتها فى بيجو فرع غمرة اعتقد دة فرع للتوكيل نفسة ولا ايه؟

[amrelsaqqa]

انا عملتها فى بيجو فرع غمرة اعتقد دة فرع للتوكيل نفسة ولا ايه؟

ايوة

[Ahmed Amin]

انا عملتها فى بيجو فرع غمرة اعتقد دة فرع للتوكيل نفسة ولا ايه؟

غمرة التوكيل نفسه وهوا المركز الرئيسي مش فرع.
و بيجو أبو رواش توكيل برضه, ومنصحش حد بيه.
وأخيراً بيجو مرغم أسكندرية توكيل بيخدم أسكندرية.

والباقي مراكز خدمة مملوكة من أفراد, زي أحمد عمارة ومودرن سيرفس.

وصلاح سالم علي ما أعتقد فرع أخر من فروع التوكيل ومش تبع أفراد.

وممكن تروح صلاح سالم المرة الجاية عادي وتقولهم عالي حصل,
بس علي حد علمي مفيش سيستم مشترك ما بينهم ومش هيعرفو انت رحت غمرة ولا لأ
لما تروح وتشوف أبقي عرفنا بقي.

[Akram.Gamal]

انا كنت فى فرع صلاح سالم يوم الاثنين و انا بستلم
و لما كلمته عن الصيانه قالى تعالا هنا فى صلاح سالم اعمل الصيانه و سالته عن فرع غمره فقالى ان ده لو عايز تعمل حاجه فى ورشة الدوكو و الدهان او السمكره و كده
وانا شفت مكان الصيانه بتاع فرع صلاح سالم .. طبعا مقدرش احكم عليه بالمنظر
بس هو كان فيه ناس كتير منهم 508 و 301 و ماشاء الله ناس كتير

يعنى و الله اعلم شكله هيبقا اسهل من غيره لانه على صلاح سالم على طول و مدخله قدام مدخل مسجد الرحمن الرحيم

[Ahmed Amin]

صلاح سالم أسمو صلاح سالم رابيد,,
للصيانات السريعة تغير زيت سيور فلاتر,, مناسب للعربيات الجديدة عشان مش بياخد وقت في الصيانات ولا في شغل معقد بيتعمل هناك.
ممكن برضه تعمل صيانات تقيلة شوية زي تغير الكاتينة.

بس لو هتعمل شغل في الفتيس (بالنسبة للعربيات اللي ماشية كيلومتر عالي) و حاجات تقيلة زي دي هيقولك روح علي غمرة المركز الرئيسي.

[Akram.Gamal]

تمام كده اصلا انا اسهلى بكتير اروح صلاح سالم
و كمان الناس هناك عرفانى (عشرة 3 شهور ) :d

[Hema_Basha]

تمام كده اصلا انا اسهلى بكتير اروح صلاح سالم
و كمان الناس هناك عرفانى (عشرة 3 شهور ) :d

زيك بالظبط يا اكرم

[wel781]

و بيجو أبو رواش توكيل برضه, ومنصحش حد بيه. .
.

أستاذ أحمد انت ليه ماتنصحش بتوكيل أبو رواش

ده جنب شغلى جدا وإن شاء الله لما هاستلم العربية هايكون سهل أوى عليا فى الصيانة

[amrelsaqqa]

أستاذ أحمد انت ليه ماتنصحش بتوكيل أبو رواش

ده جنب شغلى جدا وإن شاء الله لما هاستلم العربية هايكون سهل أوى عليا فى الصيانة

انا كمان ناوى اكمل صيانات فيه ، خصوصا ان تجربتى في غمرة ماكنتش لذيذة اصلا :d

[mahmed0100]

انت يا عمور كويس انك حتدخل التوكيل تاني ههههههه بعد التجربه دي

[Ahmed Amin]

أستاذ أحمد انت ليه ماتنصحش بتوكيل أبو رواش

ده جنب شغلى جدا وإن شاء الله لما هاستلم العربية هايكون سهل أوى عليا فى الصيانة

عككاكين إلي أبعد الحدود,, في كام مهندس هناك بدون ذكر أسامي لا يصح أن يتقال عليهم مهندسين أو بيفهمو,

أنا مثلاً عربيتي بتاخد 3.5 لتر زيت بالفلتر, كانو بيحطو لي 4 لتر دايماً,
وكانت دايماً عندي شكوي إن فيه ترشيح زيت حوالين المكنة والرد يكون أنو دا عادي ومتشغلش بالك,!

في صيانة ال 30 ألف بقولو شوف محتاجة أيه في صيانة ال 30,
لاقيت واحد طالع لي بكشف فيه كل حاجة من الأبرة للصاروخ, وكاتب لي سير كاتينة وبلي كاتينة وسير مجموعة وبلي مجموعة وكل الفلاتر والتيل قدام وورا والأيريال مع كان في الشنطة والمساحات وبصراحة شكل الورقة مستفز وأنا لما كنا في الشتاء ومش بشغل التكييف ولا هشغله في الفترة دي بقوله ليه كاتب فلتر تكييف أنت شوفته ؟ أنا معنديش شكوي من روايح ولا ضعف في الهواء, قالي أصل بيجو بتحب تحافظ علي صحة عملائها ههههههههههههه بضحكة ساقعة كدا وسنان صفراء قلبت لي بطني,
قلت له طب ليه كاتب سير كاتينة, قالي أصل أحنا كشفنا عليه ولاقيناه مشقق كدا ومش عارف أيه,
وعرفت بعدها أنو مفكش حتي جنب الموتور ولا السير كان مشقق زي ما قال كذب,, لأني غيرت السر علي 60 ألف في غمرة ومكنش فيه شق واحد.!!

المهم أنا في الأخر قلت له غير لي زيت موتور بس ومشيت,
وكان فيه موقفين تانين حصلو واحد منهم كنت رايح أغير زيت بس وملاقتش حد يستلم مني العربية الساعة 12,30 الضهر,
بسئل بتاع الأمن فين مهندسين الأستقبال ؟ بيقولو بيفطرو !!
فا الأول فكرته بيهزر معايا وقلت له أنت بتهزر صح ؟ قالي لأ والله بيفطرو,
للحظة حسيت أني في مصلحة حكومية,
بعدين بقولو هوا مش فيه حاجة أسمها مواعيد عمل والمفروض أن المركز يفضل شغال فيها وتستقبلو عربيات من العملاء لحد ما مواعيد العمل تخلص, ولو حد هيفطر ولا يتنيل المفروض يكون فيه واحد يستقبل العربيات, أيه التهريج دا,, قالي أنو مالوش دعوة وأنو أستني لما حد يطلع لي,,
فضلت قاعد في العربية تاني وأنا بغلي لأني طلعت أبو رواش مخصوص ووقفت عال محور بتاع ساعة عشان أغير زيت بس وعشان مدخلش جوا البلد,, ودلوقتي المفروض أستنا البهوات لحد ما يخصلو فطار,,
بعد حوال تلت ساعة واحد طلع مكنش ليا نفس حتي أقولو ينفع كدا ؟؟
وسلمته العربية وغيرو لي الزيت وبرضه حطولي أربعة لتر,, وبعدها بفترة لما قريت المانيوال بتاع الموتور ودا غير المانيوال اللي بيجي مع العربية عرفت أنو المفروض بياخد 3.50 لتر بس بالفلتر,
وأتصدمت أكتر بعدها بعد أما خلصت الضمان ب 3 سنين وقلت هغير زيت في بنزين مرة, وبسأل العامل كدا بختبره بقوله العربية بتاخد كام لتر تقريباً فراح قايلي 3.50 لتر بالزيت, كان هيخيلني أعيط.!
بقوله طيب واللي يحط فيها أربعة, ومقولتش بقي أنو كان بيعمولو معايا كدا في التوكيل,
قالي يبقي


دي تجربة تانية لواحد عمل شغل bodywork هناك, وطبعاً علي اللي عمرو السقا حكاه قبل كدا والتصليح اللي عملوه لعربيته ال 301 في غمرة وأنها مبقتش باينة وهيا معمولة علي البارد معناه أنهم شطار ومحترفين,, ودا الفرق ما بين العك في أبو رواش ومابين الشغل النضيف في غمرة.

http://www.nilemotors.net/Nile/21225-a-4.html#post3874700604

انا كمان ناوى اكمل صيانات فيه ، خصوصا ان تجربتى في غمرة ماكنتش لذيذة اصلا :d

المهندسين بيتنقلو بين المراكز, وانا مش حابب أقول أسامي, بس اللي عايز أقوله أن صلاح سالم وغمرة أفضل لأنك بتشوف العربية وهوا بيتعمل فيها الشغل,
وكمان نصيحة لعمرو وأي حد تابع عربيتك بعنيك, لو لاقيت حد طالع يجربها بعد ما تغير تيل أو تجربة لأي سبب أطلع قدام العربية وهيا طالعة من المركز وأركب معاه,, مش عيب ولا حد هيرفض علي فكرة, ولو حد غلس هتيبقي منه ولو أصريت هيركبك,, أنا دايماً بعمل كدا..

بالنسلة لصلاح سالم بقي الشغل فيها بيخصل بسرعة يعني بتروحها ةقبل ما تطلب الحاجة تتعمل لك, وتفكر تعد في الأستراحة هتكون الحاجة خلصت لك,,

وغمرة الشغل فيها نفس الكلام علي حسب فيه عربيات كتير ولا بس شاطرين جداً ومتمرسين عشان كدا بروح لهم بس العيب في المشوار بس,,

[wel781]

عككاكين إلي أبعد الحدود,, في كام مهندس هناك بدون ذكر أسامي لا يصح أن يتقال عليهم مهندسين أو بيفهمو,


بس اللي عايز أقوله أن صلاح سالم وغمرة أفضل لأنك بتشوف العربية وهوا بيتعمل فيها الشغل,
بروح لهم بس العيب في المشوار بس,,

يا نهار أبيض كل ده
بقى أنا هربان من العك بتاع توكيل كيا أبورواش ألبس فى بيجو :(

المشكلة إن انا ساكن فى 6 أكتوبر وشغلى فى أبو رواش

هو فعلا صلاح سالم و غمرة بتشوف العربية و هيا بتتصلح ؟