الـ 301 اتخبطت

[mans336]

السلام عليكم ورحمة الله وبركاته
الـ 301 اتخبطت امبارح من موتوسيكل ابن حلال
الخطبه جت فى الكبوت جنب علامة البيجو وفى الشبكه
واحدة نيكل من اللى فى الشبكه اتكسر حته منها و اللى جنب العلامه اتطبقت فى الكبوت
رحت انهرده للسمكرى قاللى انها مزنوقه اوى وجايه فى العضم وحاول يعدلهالى على اد ما يقدر بس طبعا مكانها باين انها مش مظبوطه
انا هتجنن طبعا وترجع زى الاول علشان كل ما ابص على العربيه اتضايق
هل لو رحت التوكيل ممكن يظبطهالى اكتر من كده؟؟؟
وهل ممكن اجيب واحدة نيكل بس ولا لازم الشبكه كلها تتغير؟؟؟

[Ahmed Amin]

أولاً قدر الله وماشاء فعل,,
أنا للأسف مفهمتش أنت تقصد أيه بـ
" واحدة نيكل من اللى فى الشبكه اتكسر حته منها و اللى جنب العلامه اتطبقت فى الكبوت"
يعني مش متخيل المكان أو الوصف مش واضح,,
المهم أنا حاسس أنها بسيطة من وصفك, وإن شاء الله تكون سهلة تتظبط,,

زميلنا عمرو السقا معاه 301 كانت العربية أتخبطت عنده من فترة,
وراح ورشة نايل موتورز والعربية بيقول طلعت زي الفابريكة,, لو حابب تروح عندهم وتشوف كدا هيقولولك أيه,


وتاني مرة لما أتحكت وعملها في التوكيل ردوها له علي البارد وكانت كويسة برضة
وبيقول مش باينة إلا لما يدقق فيها,
ممكن الراجل اللي أنت رحت له أيديه علي قده في الشغل,, ومعرفش يظبطها,,

عموماً أنا مش بفضل شغل السمكرة في التوكيل إلا لو الواحد مضطر أوي,
ممكن تروح ورشة نايل موتورز الأول وتشوف هيقولو لك أيه,, وأنا مش بعمل أعلان ولا روحتها قبل كدا بس بتكلم علي وصف عمرو لشغلهم,

دا لنك موضوع عمرو بعد لما العربية أتخبطت,

http://www.nilemotors.net/Nile/382189-301.html

ودي بعد ما أتصلحت,,

http://www.nilemotors.net/Nile/382189-301-4.html#post3875222860

أو تروح للتوكيل بس مش دايماً النتايج بتبقي مبهرة في التوكيل لو أنت متخيل دا,
ولو هتروح التوكيل يبقي تروح غمرة لأن عندهم ناس قديمة وأيديهم متمرسة وعمرو لما عمل حكة الباب عندهم كانت كويسة,

وبلاش تفكر تروح أبو رواش عشان عكاكين,,
ودي عينة من العك بتاعهم,

http://www.nilemotors.net/Nile/21225-a-4.html#post3874700604

[mans336]

أولاً قدر الله وماشاء فعل,,
أنا للأسف مفهمتش أنت تقصد أيه بـ
" واحدة نيكل من اللى فى الشبكه اتكسر حته منها و اللى جنب العلامه اتطبقت فى الكبوت"
يعني مش متخيل المكان أو الوصف مش واضح,,
المهم أنا حاسس أنها بسيطة من وصفك, وإن شاء الله تكون سهلة تتظبط,,

زميلنا عمرو السقا معاه 301 كانت العربية أتخبطت عنده من فترة,
وراح ورشة نايل موتورز والعربية بيقول طلعت زي الفابريكة,, لو حابب تروح عندهم وتشوف كدا هيقولولك أيه,


وتاني مرة لما أتحكت وعملها في التوكيل ردوها له علي البارد وكانت كويسة برضة
وبيقول مش باينة إلا لما يدقق فيها,
ممكن الراجل اللي أنت رحت له أيديه علي قده في الشغل,, ومعرفش يظبطها,,

عموماً أنا مش بفضل شغل السمكرة في التوكيل إلا لو الواحد مضطر أوي,
ممكن تروح ورشة نايل موتورز الأول وتشوف هيقولو لك أيه,, وأنا مش بعمل أعلان ولا روحتها قبل كدا بس بتكلم علي وصف عمرو لشغلهم,

دا لنك موضوع عمرو بعد لما العربية أتخبطت,

http://www.nilemotors.net/nile/382189-301.html

ودي بعد ما أتصلحت,,

http://www.nilemotors.net/nile/382189-301-4.html#post3875222860

أو تروح للتوكيل بس مش دايماً النتايج بتبقي مبهرة في التوكيل لو أنت متخيل دا,
ولو هتروح التوكيل يبقي تروح غمرة لأن عندهم ناس قديمة وأيديهم متمرسة وعمرو لما عمل حكة الباب عندهم كانت كويسة,

وبلاش تفكر تروح أبو رواش عشان عكاكين,,
ودي عينة من العك بتاعهم,
http://www.nilemotors.net/nile/21225...post3874700604

اولا الف شكر ليك على الرد والمتابعه
الموتوسيكل خبط العربيه فى الشبكه والكبوت
الشبكه فيها حتة نيكل اتكسرت من اللى موجودين عليها من بره
والكبوت فى حتة اتطبقت جنب العلامه
اللى رحتله سمكرى كويس جدا بس قاللى انها مزنوقة جامد
حضرتك لو فتحت الكبوت هتلاقى جنب العلامه من تحت متقفل خالص علشان كده هو معرفش يظبطها الا بالعافيه
هى شكلها كويس ومش باينه الا لما تركز فيها
وطبعا علشان انا عارف مكانها كل شويه ببص عليها وبتضايق
عاوز اعرف من حضرتك ممكن اشترى حتة نيكل اللى موجوده فى الشبكه من التوكيل ولا لازم الشبكه كلها تتغير؟؟؟

[smsm2004w]

انشاء الله بسيطة بس هو حضرتك مش مأمن على العربية ؟؟؟

[mahmed0100]

احنا محتاجين رابطه ملاك بيجو 301 المحسوده و المخبوطه .. قدر الله و ما شاء فعل
حضرتك في معاد الصيانه اسال عليها في التوكيل اول كلم 19207 و اسال لازم تشتري الشبكه كلها و لا عمود نيكل واحد بس من ال 3 ؟ و شوف حيقولوا لليك ايه .. و بسيطه ان شاء الله

[Ahmed Amin]

اولا الف شكر ليك على الرد والمتابعه
الموتوسيكل خبط العربيه فى الشبكه والكبوت
الشبكه فيها حتة نيكل اتكسرت من اللى موجودين عليها من بره
والكبوت فى حتة اتطبقت جنب العلامه
اللى رحتله سمكرى كويس جدا بس قاللى انها مزنوقة جامد
حضرتك لو فتحت الكبوت هتلاقى جنب العلامه من تحت متقفل خالص علشان كده هو معرفش يظبطها الا بالعافيه
هى شكلها كويس ومش باينه الا لما تركز فيها
وطبعا علشان انا عارف مكانها كل شويه ببص عليها وبتضايق
عاوز اعرف من حضرتك ممكن اشترى حتة نيكل اللى موجوده فى الشبكه من التوكيل ولا لازم الشبكه كلها تتغير؟؟؟

الشكر لله,
طيب لو هيا شكلها كويس خلاص متركزش فيها,, كدا كدا أي عربية هتمشي في شوراع المحروسة لازم هتاخد ختم الجودة دا,,
دي حاجة للأسف لازم نتقبلها لأنها هتبقي غصب عنا ومش بمزاجنا.!

فأنت متعدش كل شوية تبص عليها زي ما بتقول وتضايق نفسك,
لأنك حتي لو راكن العربية في مشوار ونزلت فيه أحتمالات كبير تلاقيها محكوكة أو مخبوطة,
ونفس الحال لو ماشي في طريق زحمة ودا العادي بتاعنا كلنا أنهارده في أحتمالات كتير أن واحد مش مركز جمبك أو وراك يخبطك أو يحكك,
فا ربنا يستر طريقك وطريقنا.

الحتة النيكل اللي في الشبكة دي معنديش خلفية بتتباع لوحدها ولا مع الشبكة,
فأنت ممكن في الصيانة الجاية تسئلهم عليها,
ولو لاقيت سعرها عالي ممكن تسيبها كدا لحد ما تنزل عند بتوع الأكسسوارات لو شكلها مش مضايقك أووي أو ينفع يتمشي بيها عادي.
وسيبها تاخد العين شوية.

[amrelsaqqa]

اهلا بيك في نادى المخبوطين هههههههه
معلش ياباشا ما تزعلش نفسك

بص زي ما احمد قال انا اتعاملت مع ورشة نايل موتورز وكان شغلهم كويس جدا ، والتوكيل ،لما هم خبطوهالى عملوها كويس بردو . .

دى صورة للخبطة اللى اتعملت في التوكيل بس للاسف معنديش صورة قبل الاصلاح ، بس قبل الاصلاح الخبطة كانت غبية وصعب تفكر انها تيجى ع البارد اصلا لانها كانت داخلة بسوكة الباب لجوة ، وحتة تحت السوكة كمان ، وكان عليها اثار بوية زرقا ( اللى حك فيها )

بس الحمد لله زي ما هتشوف الصورة ، اتعملت كويس جدا واثر صغير بس اللى باين عند السوكة واللى تحتها اختفت تماما




بصراحة ما توقعتش التوكيل يطلع شغل كدة ، بس خلى بالك انا في حالتى كانوا هم اللى خابطين العربية واكيد كانوا عايزين يرضونى بأي طريقة وطلعوا احسن ما عندهم

بس هى عربيتك لونها ايه ؟ اوعى تكون سيلفر :D

[nonalaziza]

السلام عليكم ورحمة الله وبركاته
الـ 301 اتخبطت امبارح من موتوسيكل ابن حلال
الخطبه جت فى الكبوت جنب علامة البيجو وفى الشبكه
واحدة نيكل من اللى فى الشبكه اتكسر حته منها و اللى جنب العلامه اتطبقت فى الكبوت
رحت انهرده للسمكرى قاللى انها مزنوقه اوى وجايه فى العضم وحاول يعدلهالى على اد ما يقدر بس طبعا مكانها باين انها مش مظبوطه
انا هتجنن طبعا وترجع زى الاول علشان كل ما ابص على العربيه اتضايق
هل لو رحت التوكيل ممكن يظبطهالى اكتر من كده؟؟؟
وهل ممكن اجيب واحدة نيكل بس ولا لازم الشبكه كلها تتغير؟؟؟

لو عربيتك لونها موكا يبقي تقريبا هي اللي شوفتها مخبوطه من يومين نفس الخبطة تقريبا و بصراحه صعبت عليا اوي الخبطة رخمه دا لو هي.
لو مش هي ابقي اعرفلك اتصلحت فين.
ربنا يعينك و يكفيك العين

[Akram.Gamal]

معلش ياباشا قدر الله و ماشاء فعل
ربنا يحفظنا من العين
عليك و ع الرقيه حشان ربنا يستر طريقك

http://www.nilemotors.net/Nile/384898-a.html

[J A G U A R]

الحمد لله انها جات لحد كده .. ربنا يسترها

[S.Hasan]

لاحول ولا قوة الا بالله الظاهر انه كأس وداير علي كل الرابطة
يلا معلش الحمد لله علي كل شيء وكويس انها بتيجي في الحديد وربنا يكفيك شر العين
بس انا راي سيبها شوية كده تاخد العين

[wel781]

قدر الله وما شاء فعل

[mans336]

عربيتى لونها فيرانى
قدر الله وما شاء فعل