بيجو 301 لن تنتشر

[abohend]

السلام عليكم و رحمة الله و بركاته
الواضح أن بيجو 301 هتنتشر فالعالم اﻹفتراضي فقط ﻷن معظم رواده من الشباب
لكن على أرض الواقع اﻹنتشار محدود
صني 2014 نزلت بعد البيجو و رغم كده تمشي تتكعبل فيها
لدرجة أنا شكيت في نفسي و قلت أكيد في حاجة أنا مش فاهمها صح
دخلت على قسم نيسان و قعدت أشوف رأي ملاكها فيها و تقارير المستلمين إستغربت
كلهم أجمعوا على قلة جودة التقفيل و ضعف الصاج
ده غير المشاكل الموجودة في بعض الدفعات من تيل و طنابير
صحيح كلهم أجمعوا على إهتمام الوكيل بالمشكلة لكن هل قوة الوكيل و سعر إعادة البيع يخلوني أفضل عربية موتورها أضعف تقفيلها سئ صاجها ضعيف على عربية أوروبي
حاسس أن في حلقة مفقودة...
ثقافة شعب...يمكن
ضعف دعاية للبيجو...ممكن
سمعة الصني القديمة...معتقدش
رهبة المصريين عامة من اﻷوروبي عشان قطع الغيار و إعادة البيع....مش عارف
أنا عارف أن بعضكم هيهاجمني و يقولي أن حجز البيجو بال3 شهور
يا سيدي عارف و أنا حاجز و مستني...لكن أنا فاﻷسكندرية مشوفتش العربية غير 5 مرات
و في القاهرة بقالي 5 أيام شفتها مرة واحدة
عايز تفسير مقنع

[gehadag05]

انا ممكن اختار....ثقافة شعب
للاسف بلدنا مش شرط الناجح فيها هو الافضل ودة في كل المجالات مش بس العربيات
ولكن انا متفائل خير ان شاء الله في البيجو 301

[mohamed hussei]

بيجو 301 نازلة قبل نيسان صني ازاي ؟؟؟؟؟ دة نيسان صني نازلة من نص 2012 او قبل كدة كمان وبيجو 301 انا عندي في الحي بتاعي في بتاع 5 عربيات بيجو وشوفتها كذا مرة في صلاح سالم اول لما نزلت

[Batman372]

الصنى الشكل الجديد من نصف ٢٠١٢ ... يعنى بقاله اكتر من سنه ...
و حتفضل تعمل مبيعات حلوه نظرا لسمعتها الجيده و ثبوت اعتماديتها من ٢٠٠٦ بالاضافه لسعرها المنافس جدا رغم كفاءتها ...
البيجو ٣٠١ لسه مبقلهاش ٥ شهور ... و لكن حجم المبيعات حتى اليوم مبشره ...
انا عندى فى الجراج ٤ صنى شكل قديم + ٣ شكل جديد + ٢ بيجو ٣٠١
تحياتى ...

[assaf]

انا من الشرقيه امبارح نزلت الزقازيق شفت 3 عربيات منها وعربيه ستتروين حتي لاول مره الاقي معارض العربيات جيباها و دا حدث تاريخي ان معرض عربيات ينزل عربيه اوربي في الشرقيه كانوا مشيين بمبدأ الكوري التام او الموت الزوام بس استثني الانسر من الموضوع دا
بص السعر له عامل جامد في انتشار البيجو و الرينو لان الكوري سعره رفع اوي

[shawke hamed]

بص يا باشا عندك حق الصنى فى الزقازيق عندنا بتكعبل فيها كل اما امشى الاقى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى صنى ر صنى صنى صنى صنى صنى صنى صنى صنى صنى صنى صنى صنى
بيجو لغاية دلوقتى مشوفتش الا واحدة منها

[Akram.Gamal]

مش عارف ارد عليك
عندى مشكله فى الكتابه
بس انا رافض معظم كلامك
و متخافش من حاجه توكل على الله و متتبعش ثقافة الشرا بتاعة المصريين
ياراجل ده احنا بقينا كل ماحد يفكر ف عربيه الناس تقوله هات سيراتو -- هات ريو - هات النترا
بالرغم ان اسعارهم مبالغ فيها قصاد اوبشن اصلا ضعيف نسبيا

اعمل استخاره و انزل اتفرج ع العربيه ال عجباك و توكل على الله

[lanos2004]

انا بشوف البيجو الموديل دة كتير الان مش قوى بس موجود

[Ahmed TRAVCO]

أنا بقى شايف ان لو الموضوع ثقافة شعب يبقى المفروض الـ301 تغرق الدنيا علشان شعبنا اللذيذ لسة بيتكلم في الـ504 لحد النهاردة... فلو الـ301 منتشرة يبقى ده اللي بسبب ثقافة الشعب اللي عمره ما كره البيجو في أي مرحلة... والدليل عدم انتشار السيتروين سي-إليزيه رغم انها تكاد تكون نسخة طبق الأصل من الـ301... ونفس الكلام ينطبق بشدة على اختفاء السيتروين d5 مثلا في حين ان البيجو 508 مغرقة البلد...

[Batman372]

أنا بقى شايف ان لو الموضوع ثقافة شعب يبقى المفروض الـ301 تغرق الدنيا علشان شعبنا اللذيذ لسة بيتكلم في الـ504 لحد النهاردة... فلو الـ301 منتشرة يبقى ده اللي بسبب ثقافة الشعب اللي عمره ما كره البيجو في أي مرحلة... والدليل عدم انتشار السيتروين سي-إليزيه رغم انها تكاد تكون نسخة طبق الأصل من الـ301... ونفس الكلام ينطبق بشدة على اختفاء السيتروين d5 مثلا في حين ان البيجو 508 مغرقة البلد...

+++١١١
هو فعلا ثقافه شعب ... و اول ما نزلت بيجو تنافس كسياره و سعرا ... تم الاقبال عليها ...
تحياتى ...

[ah-elgendy]

وجهه نظرى ان السوق المصرى فيه تشبع من العربيات ومفيش اى عربيه هتنتشر زى ما انت متخيل ( لانسر بومه او سيراتو شكل قديم ) حتى التويوتا يارس برود مش هتنتشر انا نفسى يلغوا دخول عربيات مصر الطرق خلاص مش مستحمله ااااااكتر من كده كفايه كده ويعملوا احلال للعربيات القديمه زى التاكسى

[Ahmedshalaby]

انا من اسكندرية و باشوف ال ٣٠١ علاقل ٣-٤ مرات كل نزلة
سبحان الله

[amrelsaqqa]

السلام عليكم و رحمة الله و بركاته
الواضح أن بيجو 301 هتنتشر فالعالم اﻹفتراضي فقط ﻷن معظم رواده من الشباب
لكن على أرض الواقع اﻹنتشار محدود
صني 2014 نزلت بعد البيجو و رغم كده تمشي تتكعبل فيها
لدرجة أنا شكيت في نفسي و قلت أكيد في حاجة أنا مش فاهمها صح
دخلت على قسم نيسان و قعدت أشوف رأي ملاكها فيها و تقارير المستلمين إستغربت
كلهم أجمعوا على قلة جودة التقفيل و ضعف الصاج
ده غير المشاكل الموجودة في بعض الدفعات من تيل و طنابير
صحيح كلهم أجمعوا على إهتمام الوكيل بالمشكلة لكن هل قوة الوكيل و سعر إعادة البيع يخلوني أفضل عربية موتورها أضعف تقفيلها سئ صاجها ضعيف على عربية أوروبي
حاسس أن في حلقة مفقودة...
ثقافة شعب...يمكن
ضعف دعاية للبيجو...ممكن
سمعة الصني القديمة...معتقدش
رهبة المصريين عامة من اﻷوروبي عشان قطع الغيار و إعادة البيع....مش عارف
أنا عارف أن بعضكم هيهاجمني و يقولي أن حجز البيجو بال3 شهور
يا سيدي عارف و أنا حاجز و مستني...لكن أنا فاﻷسكندرية مشوفتش العربية غير 5 مرات
و في القاهرة بقالي 5 أيام شفتها مرة واحدة
عايز تفسير مقنع

قلشت منك خالص دي ياعم الحاج ! الصنى نازلة من زماااان جدا لان فيه منها 2013 ونازلة من نص 2012 تقريبا ! انما البيجو كلها موديل 2014 !!!!!
ولو بتتكلم على موديل 2014 نفسه ، يبقى مقارنة غير عادلة لان العربية اللى موجودة اولريدي في السوق ومعروفة هتبيع اكتر حتى لو موديل 2014 تحديدا نزل بعد البيجو ، المقارنة دى صح في حالة واحدة ، ان يكون الاتنين اول ظهور ليهم في 2014 :)



بالنسبة للبيجو ، لو العربية معليهاش طلب مكنش هيبقى الاوفر برايس 7000 جنيه ، ماهى عرض وطلب في الاخر ، ولا انت ايه رأيك ، الانتشار الرهيب اللى انت بتتكلم عليه اللى هو في اي عينة عشوائية تلاقي عربية بيجو ، ده محتاج كمان فترة قدام ، وعلى فكرة بعد ده كله ، مش شرط برضة البيجو تكتسح المبيعات من نيسان ، على فكرة نجاح المبيعات مالوش اي علاقة بنجاح المنتج وجودته :)

عندك الهيونداي فيرنا كمثال ، سعرها وصل حاجة و 80 الف ولسة الناس بتشتريها !

[mahmed0100]

انا عن نفسي يوميا بشوف البيجو 301 مره علي الاقل في المعادي و الهرم
و حجزتها لانها عجبتني بصراحه
الكوري ضعيف اوي .. صاج و امان و جوده ..بالنسبه ليها و الالماني و الياباني .. شريحه اعلي من الاقتصاديه
فانا حجزتها علشان اركب علي مزاجي .. انا شايف ناس كتير راكبه هيونداي و نيسان .. بس لو انا ركبت زيهم علشان الناس بتشتري العربيات دي ... يبقي انا مش حستمتع بالعربيه و ححس اني اشتريت علشان الناس مش اشتريت ليا

نصيحه يا جماعه ... اللي تعجبه عربيه يشتريها و يركبها .. الناس هنا بتتكلم عن عربيات زيروا فانت حتركب بفلوسك .. يبقي اركب علي مزاجك و اركب اللي انت ترتاح ليه
و سيبك من السوق .. في الاخر بعد سنه بعد عشره .. لما تفكر تبيع حتلاقي اللي يشتري منك
و لو مش مصدق اتفرج في سوق الجمعه :)

[abohend]

أنا بتكلم عن الشكل الجديد

بيجو 301 نازلة قبل نيسان صني ازاي ؟؟؟؟؟ دة نيسان صني نازلة من نص 2012 او قبل كدة كمان وبيجو 301 انا عندي في الحي بتاعي في بتاع 5 عربيات بيجو وشوفتها كذا مرة في صلاح سالم اول لما نزلت

أنا بتكلم عن الشكل الجديد
و فعلا ممكن يكون عندك 5 في الحي بتاعك أنا مش هكدبك
لكن بوجه عام مين حقق إنتشار أكبر و بكام ضعف و ايه السبب
هو ده سؤالي اللي بوجهه لكل أعضاء المنتدى
ايه تفسيرهم ﻹنتشار الصني رغم عيوبها