بيجو 301 لن تنتشر

[abohend]

كلام مضبوط

انا من الشرقيه امبارح نزلت الزقازيق شفت 3 عربيات منها وعربيه ستتروين حتي لاول مره الاقي معارض العربيات جيباها و دا حدث تاريخي ان معرض عربيات ينزل عربيه اوربي في الشرقيه كانوا مشيين بمبدأ الكوري التام او الموت الزوام بس استثني الانسر من الموضوع دا
بص السعر له عامل جامد في انتشار البيجو و الرينو لان الكوري سعره رفع اوي

كلامك مضبوط
و ده حصل في اللوجان
فعلا لما نزلت بسعر تنافسي إكتسحت الفيرنا و اللانوس
و ده اللي أنا بسأل عنه
ليه البيجو مش قادرة تحقق ده قدام الصني و هي المنافس ليها في نفس الفئة السعرية
عموما توكيل البيجو عليه عامل قوي في إنجاح العربية أو إفشالها
يعني الصني رغم عيوبها وكيلها قدر يثبت رجليها فالسوق
و بروتون رغم أنها عربية جيدة جدا وكيلها كره الناس فيها

[Eng HateM]

بالعكس أنا شايف فيه انتشار شبه أسبوعي لبيجو 301 في اسكندرية , كل يومين أو تلاتة لازم ألمح واحدة بلون مختلف عن اللي قبلها خصوصا في شارع أبو قير / الإبراهيمية , مسألة وقت وتلاقي 301 حلت مكان عربيات تانية كتير بعد زيادة ثقة الناس في الموديل , الثقة موجودة في الماركة من عقود لكن الموديل جديد ع الأسماع :)

[abohend]

أنا مقتنع بالبيجو

مش عارف ارد عليك
عندى مشكله فى الكتابه
بس انا رافض معظم كلامك
و متخافش من حاجه توكل على الله و متتبعش ثقافة الشرا بتاعة المصريين
ياراجل ده احنا بقينا كل ماحد يفكر ف عربيه الناس تقوله هات سيراتو -- هات ريو - هات النترا
بالرغم ان اسعارهم مبالغ فيها قصاد اوبشن اصلا ضعيف نسبيا

اعمل استخاره و انزل اتفرج ع العربيه ال عجباك و توكل على الله

أنا مقتنع بالبيجو 100%
و حجزتها فعلا بعد ماستخرت ربنا
و على قد عدم اﻹنتشار مبيدوخ الواحد فالصيانة و قطع الغيار لكنه بيحسسك بالتميز و أنت راكب
أنا مثلا راكب بيجو 206 عربية فوق الممتازة لكن عشان تصلحها بره يبقى أكيد الخبير اللي هيصلح هيبوظلك حاجة تانية ده غير قطع الفيار اللي دوخك عشان تلاقيها
يعني مثلا لوحة العدادات عندي واحد ابن حلال الله يسامحه خربهالي
مش لاقيها لا فالتوكيل و لا بره مفيش غير مستورد إستعمال و سعرها غالي 350 جنيه
يا رب الحال يختلف مع ال301 ﻷن ده هيساعدنا فالصيانة و قطع الغيار ده غير سعر إعادة البيع
و كل دي حاجات مش هتأثر في إختياري للعربية لكن بالتأكيد تزود من قيمتها و تشجعك على شرائها
تقبل تحياتها

[abohend]

وجهه نظرى ان السوق المصرى فيه تشبع من العربيات ومفيش اى عربيه هتنتشر زى ما انت متخيل ( لانسر بومه او سيراتو شكل قديم ) حتى التويوتا يارس برود مش هتنتشر انا نفسى يلغوا دخول عربيات مصر الطرق خلاص مش مستحمله ااااااكتر من كده كفايه كده ويعملوا احلال للعربيات القديمه زى التاكسى

مش الحل إننا نمنع العربيات
الحل إننا نوفر وسائل مواصلات عامة آدمية و نصلح الطرق و نطلع من ال3.5 % من مساحة مصر اللي إحناىعايشين فيهم
مش إننا نمنع الناس من أقل حقوقها في إقتناء عربية
و بعدين اللي لسه مشتراش يعمل ايه؟؟؟
يبقى مجبر على إستغلال سواقيين التاكسي.
أظن نبقى عامليين زي اللي ايده وجعاه قطعها بدل ميعالجها

[abohend]

هو ده السؤال

قلشت منك خالص دي ياعم الحاج ! الصنى نازلة من زماااان جدا لان فيه منها 2013 ونازلة من نص 2012 تقريبا ! انما البيجو كلها موديل 2014 !!!!!
ولو بتتكلم على موديل 2014 نفسه ، يبقى مقارنة غير عادلة لان العربية اللى موجودة اولريدي في السوق ومعروفة هتبيع اكتر حتى لو موديل 2014 تحديدا نزل بعد البيجو ، المقارنة دى صح في حالة واحدة ، ان يكون الاتنين اول ظهور ليهم في 2014 :)



بالنسبة للبيجو ، لو العربية معليهاش طلب مكنش هيبقى الاوفر برايس 7000 جنيه ، ماهى عرض وطلب في الاخر ، ولا انت ايه رأيك ، الانتشار الرهيب اللى انت بتتكلم عليه اللى هو في اي عينة عشوائية تلاقي عربية بيجو ، ده محتاج كمان فترة قدام ، وعلى فكرة بعد ده كله ، مش شرط برضة البيجو تكتسح المبيعات من نيسان ، على فكرة نجاح المبيعات مالوش اي علاقة بنجاح المنتج وجودته :)

عندك الهيونداي فيرنا كمثال ، سعرها وصل حاجة و 80 الف ولسة الناس بتشتريها !

هو ده سؤالي يا باشا
ليه رغم جودة المنتج مينتشرش
و يفضل منتج أقل منه في الجودة و الخامة مكتسح
دعاية و لا ثقافة و لا سمعة و لا إشاعات و لا جهل و لا قلة خبرةو لا.........

[abohend]

يمكن!!!!

بالعكس أنا شايف فيه انتشار شبه أسبوعي لبيجو 301 في اسكندرية , كل يومين أو تلاتة لازم ألمح واحدة بلون مختلف عن اللي قبلها خصوصا في شارع أبو قير / الإبراهيمية , مسألة وقت وتلاقي 301 حلت مكان عربيات تانية كتير بعد زيادة ثقة الناس في الموديل , الثقة موجودة في الماركة من عقود لكن الموديل جديد ع الأسماع :)

و الله دي عينات عشوائية هتختلف من شخص للتاني و على حسب طريق كل واحد و حركته
لكن أنا بتكلم بصورة عامة
نورت الموضوع يا أبو أسكندر

[ابو هنا]

ان شاء الله بيجو 301 حتنتشر انتشار جيد

[ِA.Elsobky]

و الله دي عينات عشوائية هتختلف من شخص للتاني و على حسب طريق كل واحد و حركته
لكن أنا بتكلم بصورة عامة
نورت الموضوع يا أبو أسكندر

ابو هند ايه اخبار عباد الرحمن معاك ... هتستلم امته ؟!
انا كلمتهم انهارده قالولى اخر 12

[smsm2004w]

اعتقد ان سبب عدم الأنتشار حتى الأن يرجع الى
1- ان العربيه مش موجودة بالتوكيل وناس كتير حاجزة من وقت طويل وشحن العربية كل 3 شهور ومعارض الأوفر برايس ليها نسبة من الشحنه
2- عيب عدم الدعاية للسيارة لأن ناس كتير اوى بتشوف العربية وبتعجبها بس مبيفكرش انه يسأل عليها لأعتقادة غلو سعر سيارات بيجو وناس انا اعرفهم جابوا عربيات اغلى فى السعر وصدموا لما عرفوا سعر البيجو
3- ثقافة شعب كل شوية يمسك فى منتج وميبقاش عايز يغير الناس كل الكلام انك تجيب يبانى او كورى افضل من الأوروبى مع ان زمان اول لما نزل اليابانى كان الناس بتتريق على اللى راكبه
اعتقد ان الحل فى يد التوكيل هو اللى ممكن يعمل دعايه جيدة ويوفر قطع الغيار بأسعار معقولة وبكدة اكيد العربية هتنتشر لأنها افضل من سيارات اعلى منها فى الفئه السعرية

[ahmed mansy]

انا لسه شايف 3 بيجو 301 النهارده والله عربيه تحفه

[smsm2004w]

ان معارض الأوفر برايس بتلاقى عندها العربية فى المخازن كل الألوان وكل الفئات مع ان فى ناس كتير حاجزة فى التوكيل مستنيه وناس تانية كتير جابت عربيات تانية بالرغم من ان العربيه عجباهم بسبب موضوع الأنتشار

[battot90]

بص يا باشا انا حكلمك من وجهة نظر ال marketing و لو عملنا sales break down and reading numbers تلاقي ان شركة بيجو بتنتج اللي هو مصنع PSA اللي في اسبانيا بينتج 100000 عربية 301 و سي اليزيه يعني في الشهر 8300 عربية طاب وكيل بيجو و ستروين مصر بس بياخد منهم كام تقريبا من 400-500 عربية في الشهر يعني تقريبا من 5-8 % من انتاج المصنع طاب المصنع بره حاطت target لمصر كام في الميه من انتاجه لسنة 2013 تقريبا 3-4 % فهو دلوقتي عامل oversales فبالتاكيد مش حيعمل دعاية ليه لانه حتي لو عمل دعاية المصنع معندوش انتاج يدهوله لانه هو فعلين دلوقتي بيديله اكتر من حصته فهو بالنسباله لو كتر الدعاية دلوقتي هو بيخسر ليه لانه دفع فلوس و باع نفس الرقم اللي بيبيعه

حتقلي يعني العربية حتفضل تنتشر بنفس المعدل ده مش حتفرقع يعني اقولك لا حتفرقع بس ايزاي بقة دلوقتي وكيل بيجو و ستروين مصر target 2014 يعني الرقم اللي المفروض يبيعه في 2014 حيزيد لانه عمل oversales في 2013 ووصل ل 8% فترجته حيوصل ل 8-9 % لانه حيتحط عليه حاجة اسمها معدل نمو السوق فترجته حيبقي حيقي تقريا 700 عربية في الشهر ده من ال 8500 عربية علي مستوي العالم غير كده الشركة حتزود قوة خط الانتاج 50% يعني بدل 8500 عربية حيبقوا 12750 عربية علي مستوي العالم حصة الوكيل فيهم كام 8-9% يعني 1050 عربية المفروض يبعهم في الشهر و طبعا هو عايز يعمل oversales عشان ياخد extra bonus فهو حيبقي عايز يبيع 1200 ل 1250عربية في الشهر علي شهر فبراير او مارس فحتلقي علي اول السنة مبهدل الدنيا دعاية لانه حيكسب سعتها لاكن لو عمل دعاية دلوقتي فهو معندوش بضاعة يدهالك اصلا انا عارف ان الكلام معقد بس هو ده ال marketing
فتخيل عربية حتوصل انه تبيع متوسط 1100 عربية في الشهر علي الاقل تبقي انتشرت ولا ايه
PSA increases the production capacity of the 301 and C-Elysee in the Vigo plant

عارف بقي ان كيا واخدة اكتر ماركة باعت في اول 8 شهور في السنة عارف بيعه كام عربية 9000 في 8 شهور ودول ايه كل المودلات يعني ريو علي سيراتو قديم وجديد علي بيكانتوغير السبورتاج والسول يعني 1100 عربية في الشهر اللي هما تارجت ال 301 في الشهر من اول 2014
"كيا" الاكثر مبيعا بالسيارات المستوردة خلال الشهور الثمانية الاولى من العام بـ 9 الاف سيارة - جريدة البورصة

شكرا و معلش طولت عليك

[fady saher]

انا معاك يا بطوط و عايز اضيف كمان لو النيسان يتبيع و منتشرة ليه دايما مش موجودة في تقرير ال20 سيارة الاكثر مبيعا الى بتصدره هيئة الاميك و لو بصينا للبيجو هنلاقيها بالرغم من ضعف الدعاية و انها نازلة في شهر 5 و كمان مش موجودة قفزت للمركز الرابع عشر و حققت مبيعات امال بقى لما تزيد حصة مصر من المصنع حتعمل مبيعات اد ايه
يا جماعة الناس متعطشة لاى عربية بيجو في السعر ده اسال اي حد وقله بيجو و لا نيسان و هتلاقى الاجابة البيجو عربية ولا كلمة عفشة و موتور و بتمشي بريحة البنزين اما النيسان صاج ضعيف فرامل صعيفة موتور تقفيل هندي و معظم الاجزاء الى فيها صيني ده غير عيوب التقفيل المصري و ده بشهادة ملاكها

صدقوني يا جماعة العربية ديه حتبقى زي اللوجان قي انتشارها و بكره تشوفوا مبيعات العربية ديه هتوصل لخمس و ست الالاف عربية في السنة.
وبقول لصاحب الموضوع خد الرابط ده و انت تشوف مبيعات البيجو و اسف على الاطالة

http://www.nilemotors.net/Nile/387054-301.html

[abohend]

كلام علمي محترم

بص يا باشا انا حكلمك من وجهة نظر ال marketing و لو عملنا sales break down and reading numbers تلاقي ان شركة بيجو بتنتج اللي هو مصنع PSA اللي في اسبانيا بينتج 100000 عربية 301 و سي اليزيه يعني في الشهر 8300 عربية طاب وكيل بيجو و ستروين مصر بس بياخد منهم كام تقريبا من 400-500 عربية في الشهر يعني تقريبا من 5-8 % من انتاج المصنع طاب المصنع بره حاطت target لمصر كام في الميه من انتاجه لسنة 2013 تقريبا 3-4 % فهو دلوقتي عامل oversales فبالتاكيد مش حيعمل دعاية ليه لانه حتي لو عمل دعاية المصنع معندوش انتاج يدهوله لانه هو فعلين دلوقتي بيديله اكتر من حصته فهو بالنسباله لو كتر الدعاية دلوقتي هو بيخسر ليه لانه دفع فلوس و باع نفس الرقم اللي بيبيعه

حتقلي يعني العربية حتفضل تنتشر بنفس المعدل ده مش حتفرقع يعني اقولك لا حتفرقع بس ايزاي بقة دلوقتي وكيل بيجو و ستروين مصر target 2014 يعني الرقم اللي المفروض يبيعه في 2014 حيزيد لانه عمل oversales في 2013 ووصل ل 8% فترجته حيوصل ل 8-9 % لانه حيتحط عليه حاجة اسمها معدل نمو السوق فترجته حيبقي حيقي تقريا 700 عربية في الشهر ده من ال 8500 عربية علي مستوي العالم غير كده الشركة حتزود قوة خط الانتاج 50% يعني بدل 8500 عربية حيبقوا 12750 عربية علي مستوي العالم حصة الوكيل فيهم كام 8-9% يعني 1050 عربية المفروض يبعهم في الشهر و طبعا هو عايز يعمل oversales عشان ياخد extra bonus فهو حيبقي عايز يبيع 1200 ل 1250عربية في الشهر علي شهر فبراير او مارس فحتلقي علي اول السنة مبهدل الدنيا دعاية لانه حيكسب سعتها لاكن لو عمل دعاية دلوقتي فهو معندوش بضاعة يدهالك اصلا انا عارف ان الكلام معقد بس هو ده ال marketing
فتخيل عربية حتوصل انه تبيع متوسط 1100 عربية في الشهر علي الاقل تبقي انتشرت ولا ايه
PSA increases the production capacity of the 301 and C-Elysee in the Vigo plant

عارف بقي ان كيا واخدة اكتر ماركة باعت في اول 8 شهور في السنة عارف بيعه كام عربية 9000 في 8 شهور ودول ايه كل المودلات يعني ريو علي سيراتو قديم وجديد علي بيكانتوغير السبورتاج والسول يعني 1100 عربية في الشهر اللي هما تارجت ال 301 في الشهر من اول 2014
"كيا" الاكثر مبيعا بالسيارات المستوردة خلال الشهور الثمانية الاولى من العام بـ 9 الاف سيارة - جريدة البورصة

شكرا و معلش طولت عليك

بجد أنت ريحت قلبي و فهمنتني بكلامك العلمي المحترم
الواحد كان مستغرب ضعف الدعاية و أنت فسرتهولي......الدعاية هتحصل بس فوقتها لما يكون متوفر منتج للعرض
و باﻷرقام بيجو هتنتشر إن شاء الله
لكن هيظل المؤثر الرئيسي على حجم الطلب ف2014 هو feedback ملاك السيارة و من الناحية التقنية الملاك راضيين جدا.....يبقى الدور و الباقي على الوكيل أنه يوفر جميع قطع الغيار و الصيانات و اﻹصلاحات بأسعار تناسب الفئة عشان يساهم في إنتشار السيارة
بشكرك جدا على مشاركتك اللي فادتني جدا
تقبل تحياتي

[abohend]

لا حس و لا خبر

ابو هند ايه اخبار عباد الرحمن معاك ... هتستلم امته ؟!
انا كلمتهم انهارده قالولى اخر 12

حتى اﻵن لا حس و لا خبر
هكلمهم ان شاء الله أول 12 و ربنا يسهل