رابطة ملاك البيچو ٥٠٨

[beka_kader]

رخصت ولا لسه ؟
اصلي لسه راجع من مرور النزهه و مافيش لوحات و بيقولوا بعد يومين

رخصت يوم الأربعاء اللي فات و فعلا كانت نفس المشكله في مرور العجوزه و بعتو جابو لوح و مشيت في الإجراءات لحد التسليم و جت فعلا اللوح بعد ساعه الحمد لله

[hany63]

رخصت يوم الأربعاء اللي فات و فعلا كانت نفس المشكله في مرور العجوزه و بعتو جابو لوح و مشيت في الإجراءات لحد التسليم و جت فعلا اللوح بعد ساعه الحمد لله

ده انا اساسا المفروض ارخص العجوزه عشان عنوان البطاقه على هناك بس عشان عارف ان المرور هناك معجنه برخص على محل سكني عن طريق وصل النور اللي فيه اسمي و زمان مرور الشيراتون كان بيهش و بيدور على ناس دلوقت بقى زحمه و كمان اهوا مفيش لوحات الا بعد يومين شكلهم بيزحلقوا الواحد
الف مبروك للترخيص و عقبالنا

[beka_kader]

ده انا اساسا المفروض ارخص العجوزه عشان عنوان البطاقه على هناك بس عشان عارف ان المرور هناك معجنه برخص على محل سكني عن طريق وصل النور اللي فيه اسمي و زمان مرور الشيراتون كان بيهش و بيدور على ناس دلوقت بقى زحمه و كمان اهوا مفيش لوحات الا بعد يومين شكلهم بيزحلقوا الواحد
الف مبروك للترخيص و عقبالنا

الله يبارك فيك و انشالله اللوح تيجي و كتخدش وقت

[mdhalpha]

يا ريت التثبيت متاااابع

[sherifffff]

السلام عليكم

مبروك لكل من إشترى ال ٥٠٨

كتيب الصيانات واحد لكل سيارات البيجو
وفية ٣ جداول للصيانات
الاول لل ٤٠٠٧
والتاني للمحركات ال boxer
والثالث لجميع المحركات ومن ضمنها ال THP 1.6 بتاع ال ٥٠٨

عند ١٠٠٠ أو ٢٠٠٥ يتم فحص ميكانيكي بالعين فقط
والصيانة الاولى مع تغيير الزيوت عند ١٠٠٠٠ كيلو في المناطق الحارة و ٢٠٠٠٠ في المناطق الباردة
ويتم فحص وظائف السيارة بالكمبيوتر وتثبيت بعض خصائص برمجة كمبيوتر السيارة

الصيانات الدورية تتم كل ١٠٠٠٠ كيلو ويتم فيها الفحص الميكانيكي فقط وتغيير زيت المحرك بزيت توتال مخلق وتغيير فلتر الزيت والتشييك على بافي السوائل، ولا يتم الفحق بالكمبيوتر إلا إذا كان هناك شكوى لصاحب السيارة فقط

عند صيانة ال ٤٠٠٠٠ و ال ٦٠٠٠٠ ألف يتم تغيير فلتر البنزين وفلتر الهواء وتيل الفرامل
وعند ال ١٠٠٠٠٠ يتم تغيير البوچيهات وسائل الفتيس والفرامل

الاسبوع اللي فات كلموني وقالولي إن فيه تحديث لبرمجة السيارة لتقليل سرعة فتح وغلق النوافذ لتفادي مشكلة تحدث بسبب الحرارة الذائدة في الخليج وبوظتلي ٣ نوافذ في أول الصيف وغيرتهم في الوكالة مجاناً

[zeitoun]

السلام عليكم ورحمة الله و بركاته
انا بحمد ربنا علي الرابطه دي لاني خلاص هشتري البيجو 508 2015 و محتار لاني انا في الرياض و للاسف مش عارف نظام الصيانه بتاعها ايه و هل قطع غيارها متاحه علي طول ولا لا و هل هي غاليه و لا لا
انا قلقان جدا من خدمة ما بعد البيع
يا ريت لو حد بقدر يوضحلي الامور دي ............ شكر ا


م /محمد زيتون
0554111635

[إسلام شاهين]

الاسبوع اللي فات كلموني وقالولي إن فيه تحديث لبرمجة السيارة لتقليل سرعة فتح وغلق النوافذ لتفادي مشكلة تحدث بسبب الحرارة الذائدة في الخليج وبوظتلي ٣ نوافذ في أول الصيف وغيرتهم في الوكالة مجاناً

سلام عليكم :

ممكن توضيح أكثر لأن معايا السيارة في قطر وطبعا الجو حر جدا بس مش فاهم المشكلة ديه بتحصل إزاي ؟

مع الشكر