هل 301 بها مؤشر حراره

[J A G U A R]

الصراحه اللمبه دى عيب كبير فى العربيه ... ضاقت فى وشهم يعنى معرفوش يعملو امبير حراره .

[Ahmed Amin]

مش موجودة في الهايلاين

هيا أيه اللي مش موجودة في الهاي لاين يا عمرو ؟
لمبة الحرارة موجودة في كل الفئات, لأنها ثابته في تصميم الطابلوة,,
ولا أنت قصدك علي حاجة تانية غير اللمبة ؟

[Ahmed Amin]

الموضوع دا أتفتح أكتر من مرة,, وكل مرة نفس السؤال, ونفس الخوف والقلق,,
ونفس الأجوبة تقريباً.

أنا مكنتش رديت رد كافي في المواضيع القديمة عشان مكنش فيه وقت أكتب برد,
فهرد في الموضوع دا يمكن أجابتي تريح قلوب الناس القلقانة,


بالنسبة للمبة يا جماعة دا مش عيب ولا أستخسار مثلاً من شركة بيجو ولا أي شركة تانية,,
فيه شركات كتير زي ما أستاذ mhkorayem وضح بقت تنزل عربياتها من غير مؤشر حرارة,
مش معني كدا إنهم كمان بيستخسرو,

بالنسبه لصديقنا اللي مستغرب ان العربيه مفيهاش مؤشر حراره أحب أقول له أن واضح ان دي موضع دلوقتي
السيراتو القديمه كانت كده (مش متأكد الهاي لاين كده ولا لأ)
الريو كده (بأستثناء الهاي لاين)
الصني الجديده أول فئه
الياريس الجديده
البيكانتو
الهيونداي ال i10
وفي حاجات تانيه كتير

مش فاهم ايه الحكمه من كده بصراحه قال يعني هو المؤشر ده اللي هيكلفهم أوي

وكنت عايز أقولك زود علي اللستة دي الهيونداي الأكسنت اللي هيا الشكل القديم اللي قبل ال RB
مفهاش عداد حرارة,, فيها لمبة بس.


سبب عدم وجود المؤشر في معظم العربيات الأقتصادية الجديدة بسيط جداً,
وهوا إن المؤشر ممكن يفضل بال 5 و ال 6 سنين في كل العربيات الجديدة ثابت في النص لا بيزيد ولا بيقل.!!
طيب أيه لازمته بقي ؟؟

البنزين أه ضروري لازم يكون فيه مؤشر,
وعداد لفات الموتور,, وعداد السرعة لأنهم متغيرين طول الوقت طول مانت ماشي,,
مؤشر البنزين بيقل والتاني متغير بيزيد ويقل,,
أما الحرارة دايماً ثابت,,


كمان فيه نقطتين تانين مهمين.,
(1) إن فيه ناس كتير وأغلبهم الكبار في السن أو اللي بيسوق وخلاص مش بياخد باله من مؤشر الحرارة,
(2) في ناس تانية ممكن مؤشر الحرارة يزيد قدامها وتكون الحرارة عالية فعلاً,,
بس يخلطو ما بينه وما بين مؤشر البنزين.!!
لأن الأتينن بيكونو في الغالب جنب بعض,,


لكن فكرة اللمبة عملية أكتر,, موفرة أكتر,,
وهتبقي أوضح للي سايق أكتر من المؤشر لأنها هتنور أحمر قدامه في الطابلوة,, وأي حاجة بتنور أحمر في الطابلوة معناه إن فيه مشكلة في العريبة وساعتها هتفكر تقف عشان تشوف فيه أيه,,

لمبة الحرارة بقي اللي كتر الكلام عنها شكلها مألوف ومش غريب,,
عشان فيه ناس كتير أستغربت قصتها دا شكلها في الطابلوة للي عايز يشوفها,
موجود تحت مؤشر ال RPM علي طول فوق لمبة الفوجات وجنب لمبة البطارية,, يعني مكان واضح وهتبان.



واللمبة بتعمل Check وبتنور كل ما بتدور عربيتك عشان تتأكد أنها شغالة ومش عطلانة مثلاً,
ومجرد أنها بتفصل أول ما بتدور تبقي العربية حرارتها مظبوطة.

أما لو حصل مشكلة في الحرارة أو دورة التبريد عموماً,
فا اللمبة هتنور لك وهيبقي لونها أحمر عشان تحذرك,

وهتنور معاها كمان لمبة STOP عشان تعرفك إنك لازم تقف.




أخر ملحوظة أحب أضيفها,, إن معظم مواتير البيجو لو درجة حراراته دخلت في المنطقة الحمراء بالنسبة لدرجة الحرارة بيفصل لوحدة,
فا اللي قلقان من موضوع اللمبة أتمني الرد دا يكون طمنه شوية,,

[nonalaziza]

الموضوع دا أتفتح أكتر من مرة,, وكل مرة نفس السؤال, ونفس الخوف والقلق,,
ونفس الأجوبة تقريباً.

أنا مكنتش رديت رد كافي في المواضيع القديمة عشان مكنش فيه وقت أكتب برد,
فهرد في الموضوع دا يمكن أجابتي تريح قلوب الناس القلقانة,


بالنسبة للمبة يا جماعة دا مش عيب ولا أستخسار مثلاً من شركة بيجو ولا أي شركة تانية,,
فيه شركات كتير زي ما أستاذ mhkorayem وضح بقت تنزل عربياتها من غير مؤشر حرارة,
مش معني كدا إنهم كمان بيستخسرو,


وكنت عايز أقولك زود علي اللستة دي الهيونداي الأكسنت اللي هيا الشكل القديم اللي قبل ال rb
مفهاش عداد حرارة,, فيها لمبة بس.


سبب عدم وجود المؤشر في معظم العربيات الأقتصادية الجديدة بسيط جداً,
وهوا إن المؤشر ممكن يفضل بال 5 و ال 6 سنين في كل العربيات الجديدة ثابت في النص لا بيزيد ولا بيقل.!!
طيب أيه لازمته بقي ؟؟

البنزين أه ضروري لازم يكون فيه مؤشر,
وعداد لفات الموتور,, وعداد السرعة لأنهم متغيرين طول الوقت طول مانت ماشي,,
مؤشر البنزين بيقل والتاني متغير بيزيد ويقل,,
أما الحرارة دايماً ثابت,,


كمان فيه نقطتين تانين مهمين.,
(1) إن فيه ناس كتير وأغلبهم الكبار في السن أو اللي بيسوق وخلاص مش بياخد باله من مؤشر الحرارة,
(2) في ناس تانية ممكن مؤشر الحرارة يزيد قدامها وتكون الحرارة عالية فعلاً,,
بس يخلطو ما بينه وما بين مؤشر البنزين.!!
لأن الأتينن بيكونو في الغالب جنب بعض,,


لكن فكرة اللمبة عملية أكتر,, موفرة أكتر,,
وهتبقي أوضح للي سايق أكتر من المؤشر لأنها هتنور أحمر قدامه في الطابلوة,, وأي حاجة بتنور أحمر في الطابلوة معناه إن فيه مشكلة في العريبة وساعتها هتفكر تقف عشان تشوف فيه أيه,,

لمبة الحرارة بقي اللي كتر الكلام عنها شكلها مألوف ومش غريب,,
عشان فيه ناس كتير أستغربت قصتها دا شكلها في الطابلوة للي عايز يشوفها,
موجود تحت مؤشر ال rpm علي طول فوق لمبة الفوجات وجنب لمبة البطارية,, يعني مكان واضح وهتبان.



واللمبة بتعمل check وبتنور كل ما بتدور عربيتك عشان تتأكد أنها شغالة ومش عطلانة مثلاً,
ومجرد أنها بتفصل أول ما بتدور تبقي العربية حرارتها مظبوطة.

أما لو حصل مشكلة في الحرارة أو دورة التبريد عموماً,
فا اللمبة هتنور لك وهيبقي لونها أحمر عشان تحذرك,

وهتنور معاها كمان لمبة stop عشان تعرفك إنك لازم تقف.




أخر ملحوظة أحب أضيفها,, إن معظم مواتير البيجو لو درجة حراراته دخلت في المنطقة الحمراء بالنسبة لدرجة الحرارة بيفصل لوحدة,
فا اللي قلقان من موضوع اللمبة أتمني الرد دا يكون طمنه شوية,,

رد وافي جدااااااااااااا. فعلاً اللمبه افيد وعن تجربه ﻻنك لما تتعود على وجود مؤشر للحرارة عينك هتاخد عليه و في زحمة المشاغل اليوميه ممكن ميلفتش نظرك عكس اللمبه بتشد الانتباه

[abohend]

أختلف

الموضوع دا أتفتح أكتر من مرة,, وكل مرة نفس السؤال, ونفس الخوف والقلق,,
ونفس الأجوبة تقريباً.

أنا مكنتش رديت رد كافي في المواضيع القديمة عشان مكنش فيه وقت أكتب برد,
فهرد في الموضوع دا يمكن أجابتي تريح قلوب الناس القلقانة,


بالنسبة للمبة يا جماعة دا مش عيب ولا أستخسار مثلاً من شركة بيجو ولا أي شركة تانية,,
فيه شركات كتير زي ما أستاذ mhkorayem وضح بقت تنزل عربياتها من غير مؤشر حرارة,
مش معني كدا إنهم كمان بيستخسرو,


وكنت عايز أقولك زود علي اللستة دي الهيونداي الأكسنت اللي هيا الشكل القديم اللي قبل ال RB
مفهاش عداد حرارة,, فيها لمبة بس.


سبب عدم وجود المؤشر في معظم العربيات الأقتصادية الجديدة بسيط جداً,
وهوا إن المؤشر ممكن يفضل بال 5 و ال 6 سنين في كل العربيات الجديدة ثابت في النص لا بيزيد ولا بيقل.!!
طيب أيه لازمته بقي ؟؟

البنزين أه ضروري لازم يكون فيه مؤشر,
وعداد لفات الموتور,, وعداد السرعة لأنهم متغيرين طول الوقت طول مانت ماشي,,
مؤشر البنزين بيقل والتاني متغير بيزيد ويقل,,
أما الحرارة دايماً ثابت,,


كمان فيه نقطتين تانين مهمين.,
(1) إن فيه ناس كتير وأغلبهم الكبار في السن أو اللي بيسوق وخلاص مش بياخد باله من مؤشر الحرارة,
(2) في ناس تانية ممكن مؤشر الحرارة يزيد قدامها وتكون الحرارة عالية فعلاً,,
بس يخلطو ما بينه وما بين مؤشر البنزين.!!
لأن الأتينن بيكونو في الغالب جنب بعض,,


لكن فكرة اللمبة عملية أكتر,, موفرة أكتر,,
وهتبقي أوضح للي سايق أكتر من المؤشر لأنها هتنور أحمر قدامه في الطابلوة,, وأي حاجة بتنور أحمر في الطابلوة معناه إن فيه مشكلة في العريبة وساعتها هتفكر تقف عشان تشوف فيه أيه,,

لمبة الحرارة بقي اللي كتر الكلام عنها شكلها مألوف ومش غريب,,
عشان فيه ناس كتير أستغربت قصتها دا شكلها في الطابلوة للي عايز يشوفها,
موجود تحت مؤشر ال RPM علي طول فوق لمبة الفوجات وجنب لمبة البطارية,, يعني مكان واضح وهتبان.



واللمبة بتعمل Check وبتنور كل ما بتدور عربيتك عشان تتأكد أنها شغالة ومش عطلانة مثلاً,
ومجرد أنها بتفصل أول ما بتدور تبقي العربية حرارتها مظبوطة.

أما لو حصل مشكلة في الحرارة أو دورة التبريد عموماً,
فا اللمبة هتنور لك وهيبقي لونها أحمر عشان تحذرك,

وهتنور معاها كمان لمبة STOP عشان تعرفك إنك لازم تقف.




أخر ملحوظة أحب أضيفها,, إن معظم مواتير البيجو لو درجة حراراته دخلت في المنطقة الحمراء بالنسبة لدرجة الحرارة بيفصل لوحدة,
فا اللي قلقان من موضوع اللمبة أتمني الرد دا يكون طمنه شوية,,

أختلف معاك يا أحمد
المعروف في قواعد التشغيل هو وجود continuous monitoring أو مراقبة مستمرة للمتغيرات الهامة
و مينفعش أتعامل مع المستخدم على إنه مش هياخد باله لأن على هذا الأساس المفروض ألغي الcheck اللي مع الدوارة لأنه بيبقى لحظات و المستخدم مش هياخد باله
لازم قراءة الحرارة تكون موجودة باستمرار
لو المستخدم خد باله أن العربية بدأت تسخن عن المعتاد يحاول يحل المشكلة قبل متتطور (proactive intervention)
و لو مخادش باله يبقى أساليب الحماية الأعلى اللي أنت أشرت ليها هتقوم بدورها
يبقى بإلغاء العداد ده أنا شلت barrier من منظومة الحماية
أنا معاك إن الموضوع مش عيب قاتل و عادي ممكن تتعايش من غيره....بس وجوده أفضل
تقبل تحياتي

[Ahmed Amin]

أختلف معاك يا أحمد
المعروف في قواعد التشغيل هو وجود continuous monitoring أو مراقبة مستمرة للمتغيرات الهامة
و مينفعش أتعامل مع المستخدم على إنه مش هياخد باله لأن على هذا الأساس المفروض ألغي الcheck اللي مع الدوارة لأنه بيبقى لحظات و المستخدم مش هياخد باله
لازم قراءة الحرارة تكون موجودة باستمرار
لو المستخدم خد باله أن العربية بدأت تسخن عن المعتاد يحاول يحل المشكلة قبل متتطور (proactive intervention)
و لو مخادش باله يبقى أساليب الحماية الأعلى اللي أنت أشرت ليها هتقوم بدورها
يبقى بإلغاء العداد ده أنا شلت barrier من منظومة الحماية
أنا معاك إن الموضوع مش عيب قاتل و عادي ممكن تتعايش من غيره....بس وجوده أفضل
تقبل تحياتي

ال continuous monitoring مهمة لمراقبة السرعة,,
عشان متبقاش مش عارف أنت ماشي علي كام خصوصاً لو علي طرق فيها Speed Limit

ومهمة كمان عشان البنزين,,
عشان تعرف فاضل معاك قد أيه في التانك, مينفعش تبقي ماشي مش عارف معاك بنزين قد أيه,

أما الحرارة هتبقي مهمة ليها في حالة واحدة فقط من وجهة نظري,,
وهيا إن لو الحرارة متغيرة بشكل كبير ومش مستقرة,, يعني العربية ممكن تسخن أووي في حالات وممكن تبقي باردة أوي ومحتاجة تسخن الأول خصوصاً لو مفهش ترموستات وبتغيب علي ما تسخن,,

يعني لو كان مؤشر الحرارة زي مؤشر البنزين ممكن طول اليوم تبدأ بيه F- Full وتخلص التانك ويبقي علي E -Empty
وترجع تفول العربية, وتبقي Full تاني,, أو تفول نص التانك ويبقي الموشر في النص,,

هبقي ساعتها محتاج عداد حرارة فعلاً,


أما الحرارة يا باشا فهيا دايمة علي النص,,
في كل العربيات الجديدة من يمكن من أول الألفينات وهيا دايماً علي النص,,

يعني بتدور العربية الصبح وتسيبها شوية توصل للنص,, وأمشي بيها إن شاالله 7 ساعات برة البلد أو جوا البلد وأفحتها مشواير هتفضل علي النص,
علي عكس المؤشرات التانية,,

عشان كدا المؤشر مبقاش ليه أهميه ولا بقي محتاج continuous monitoring زي العربيات القديمة
اللي مكنش فيها كمبيوتر يحذرك مثلاً لما العربية تسخن أووي, أو يفصل الموتور لو وصل لدرجة حرارة مؤذية علي الجوانات والموتور عموماً.


واللمبة فعلاً هتلفت الأنتباه أكتر من المؤشر,
لأن ممكن من الجهد اللي علي السواق وهوا ماشي في زحام طول الوقت ميشوفش المؤشر لو مش مركز أو بيسوق وخلاص,
وخصوصاً لو المؤشرين جنب بعض ممكن عنيه تلمحه علي أنه مؤشر النزين وإن التنك مليان.!


فا دا رأيي الشخصي,, وطبعاً رأيك أنا محترمة
وطبعاً عارف إن الأختلاف في الرأيي لا يفسد للوز قضية. ولا حتي البط.

وأنا كمان أفضل وجود عداد لمجرد أني أتعودت عليه,,
بس لو مش موجود مفيش مشكلة,, لأنه فعلاً مبقتش مراقبته مفيدة زي الأول لأن الحرارة دايماً ثابتة علي النص,
ولو حصل حاجة اللمبة هتنور.

[abohend]

كلام جميل بس لسه مقتنعتش

ال continuous monitoring مهمة لمراقبة السرعة,,
عشان متبقاش مش عارف أنت ماشي علي كام خصوصاً لو علي طرق فيها Speed Limit

ومهمة كمان عشان البنزين,,
عشان تعرف فاضل معاك قد أيه في التانك, مينفعش تبقي ماشي مش عارف معاك بنزين قد أيه,

أما الحرارة هتبقي مهمة ليها في حالة واحدة فقط من وجهة نظري,,
وهيا إن لو الحرارة متغيرة بشكل كبير ومش مستقرة,, يعني العربية ممكن تسخن أووي في حالات وممكن تبقي باردة أوي ومحتاجة تسخن الأول خصوصاً لو مفهش ترموستات وبتغيب علي ما تسخن,,

يعني لو كان مؤشر الحرارة زي مؤشر البنزين ممكن طول اليوم تبدأ بيه F- Full وتخلص التانك ويبقي علي E -Empty
وترجع تفول العربية, وتبقي Full تاني,, أو تفول نص التانك ويبقي الموشر في النص,,

هبقي ساعتها محتاج عداد حرارة فعلاً,


أما الحرارة يا باشا فهيا دايمة علي النص,,
في كل العربيات الجديدة من يمكن من أول الألفينات وهيا دايماً علي النص,,

يعني بتدور العربية الصبح وتسيبها شوية توصل للنص,, وأمشي بيها إن شاالله 7 ساعات برة البلد أو جوا البلد وأفحتها مشواير هتفضل علي النص,
علي عكس المؤشرات التانية,,

عشان كدا المؤشر مبقاش ليه أهميه ولا بقي محتاج continuous monitoring زي العربيات القديمة
اللي مكنش فيها كمبيوتر يحذرك مثلاً لما العربية تسخن أووي, أو يفصل الموتور لو وصل لدرجة حرارة مؤذية علي الجوانات والموتور عموماً.


واللمبة فعلاً هتلفت الأنتباه أكتر من المؤشر,
لأن ممكن من الجهد اللي علي السواق وهوا ماشي في زحام طول الوقت ميشوفش المؤشر لو مش مركز أو بيسوق وخلاص,
وخصوصاً لو المؤشرين جنب بعض ممكن عنيه تلمحه علي أنه مؤشر النزين وإن التنك مليان.!


فا دا رأيي الشخصي,, وطبعاً رأيك أنا محترمة
وطبعاً عارف إن الأختلاف في الرأيي لا يفسد للوز قضية. ولا حتي البط.

وأنا كمان أفضل وجود عداد لمجرد أني أتعودت عليه,,
بس لو مش موجود مفيش مشكلة,, لأنه فعلاً مبقتش مراقبته مفيدة زي الأول لأن الحرارة دايماً ثابتة علي النص,
ولو حصل حاجة اللمبة هتنور.

كلامك جميل و وجهة نظر تحترم
لكن أنا مازلت شايف أن سبب غياب مؤشر الحرارة عن ال301 هو توفير (خصوصا إنها موجهة لأسواق الدول النايمة و المعروفة بالجمارك الباهظة حتى على لمبة درج التابلوه)
و الدليل أن بيجو نفسها معملتش كده فال508


و لا الopel insignia


لأن دي عربيات في فئة سعرية أعلى
و لو كان في قناعة عند صناع السيارات بعدم جدواه كانوا شالوه من كل الموديلات الجديدة مش من بعض الموديلات الإقتصادية بس (أختي معاها i10 2011 مفيهاش مؤشر حرارة برضه)

[amrelsaqqa]

معقولة لسة في كلام في الموضوع ده

والله هى عملية تعود يا جدعان
انا كان عندى في الـ 504 مؤشر للبطارية ، وبنفس المنطق ممكن اقوللك انا مش مقتنع بكل العربيات الجديدة اللى فيها لمبة للبطارية من غير مؤشر ! ، و لازم ابقى عارف شحن البطارية كام بالظبط ، مش استنى لما اللمبة تنور ! ، وفي اي وقت ابص اعرف الشحن كام بالظبط ...


طبعا الكلام ده هيبقى غريب جدا للى واخد على انها لمبة ، ومش هيبقى عنده المشكلة دي خالص وهيبقى شايف انى ببالغ في حاجة تافهة


نفس الفكرة مؤشر الحرارة ، زمان كان المؤشر ضروري لان اصلا مفيش حاجة بتحكم درجة حرارة العربية ، والحاجة الوحيدة اللى بتراقب حرارة العربية هى المؤشر اللى قدامك وانت اللى بتراقب بنفسك


الدنيا اتطورت والوضع اختلف وبقت الحرارة ثابتة على 90 طول الوقت صيف شتا زحمة جري ، تحت اي ظرف طالما السستم مظبوط والترموستات بتتحكم بتشغيل المروحة والمروحة كهربة وفي ترموستات بتشغل اكتر من سرعة او اكتر من مروحة ، والدورة مقفولة .... (و كمان ما بقتش محتاج تسخن الصبح لفترة طويلة لان طبيعة دورة التبريد و التزييت اختلفت ) ، كل ده حصل بس فضل الناس متعودين على المؤشر ، وده اللى عامل المشكلة دلوقتى

عايز تنسى المشكلة ما تبصش للموضوع من جذوره التاريخية وسبب وجود المؤشر في الاصل ،
انما فكر هل في حاجة ماسة له دلوقتى فعلا ولا لا ؟


دلوقتى اللاب توب بتاعك هل له مؤشر حرارة ؟ ولا هو في دايرة حماية بتدي انذار صوتى لما الجهاز يسخن وتفصل اوتوماتيك لما يسخن اوى ؟

ده نفس اللى موجود في العربية دلوقتى ، ومش دايما له علاقة بأن العربية اقتصادية ولا لا

لان كان في bmw من غير مؤشر زي ما احد الاعضاء وضح قبل كدة

هو ممكن نفسرها بأنهم بيحاولوا يعودوا الناس على الموضوع ده فبيبدأوا فيه بالعربيات الاقتصادية الاول لانها هتوفر فعلا ولو حاجة بسيطة اوى ، وفي نفس الوقت لان اللى بيشتري عربية اقتصادية بيبقى عنده استعداد يتنازل عن بعض الحاجات عكس اللى بيشتري عربية فارهة ، لو ناقصة حاجة حتى لو مالهاش لزمة هيعتبرها عيب او حاجة ناقصة من العربية

فممكن فعلا تكون دى بداية ان الناس تتعود على ان مؤشر الحرارة مابقاش مهم وان اللمبة كافية وافضل من المؤشر من ناحية لفت الانتباه ، خصوصا لو معاها تنبيه صوتى زي التنبيه بتاع المشى والهاند مرفوعة مثلا في العربيات الجديدة ، ده في رايي احسن من 100 الف مؤشر ، ابقى عمال ابص عليه كل 5 دقايق ، ولو نسيت وحصل حاجة يبقى رحت في داهية !


انا طول عمري من زمان بقول ايه الغباء ده ، ليه ما يعملوش تنبيه صوتى مع المؤشر في كل العربيات وخصوصا انه مكنش محتاج تكنولوجيا متطورة ولا حاجة ، هى دايرة بسيطة جدا تطلع صوت لما صباع الحرارة جهده يوصل عند درجة معينة ، ونخلص بقى من قصة نسيت ابص ع المؤشر والعربية سخنت والجوان ضرب والقصة الفكسانة دى !

[abohend]

شكرا للإفادة

معقولة لسة في كلام في الموضوع ده

والله هى عملية تعود يا جدعان
انا كان عندى في الـ 504 مؤشر للبطارية ، وبنفس المنطق ممكن اقوللك انا مش مقتنع بكل العربيات الجديدة اللى فيها لمبة للبطارية من غير مؤشر ! ، و لازم ابقى عارف شحن البطارية كام بالظبط ، مش استنى لما اللمبة تنور ! ، وفي اي وقت ابص اعرف الشحن كام بالظبط ...


طبعا الكلام ده هيبقى غريب جدا للى واخد على انها لمبة ، ومش هيبقى عنده المشكلة دي خالص وهيبقى شايف انى ببالغ في حاجة تافهة


نفس الفكرة مؤشر الحرارة ، زمان كان المؤشر ضروري لان اصلا مفيش حاجة بتحكم درجة حرارة العربية ، والحاجة الوحيدة اللى بتراقب حرارة العربية هى المؤشر اللى قدامك وانت اللى بتراقب بنفسك


الدنيا اتطورت والوضع اختلف وبقت الحرارة ثابتة على 90 طول الوقت صيف شتا زحمة جري ، تحت اي ظرف طالما السستم مظبوط والترموستات بتتحكم بتشغيل المروحة والمروحة كهربة وفي ترموستات بتشغل اكتر من سرعة او اكتر من مروحة ، والدورة مقفولة .... (و كمان ما بقتش محتاج تسخن الصبح لفترة طويلة لان طبيعة دورة التبريد و التزييت اختلفت ) ، كل ده حصل بس فضل الناس متعودين على المؤشر ، وده اللى عامل المشكلة دلوقتى

عايز تنسى المشكلة ما تبصش للموضوع من جذوره التاريخية وسبب وجود المؤشر في الاصل ،
انما فكر هل في حاجة ماسة له دلوقتى فعلا ولا لا ؟


دلوقتى اللاب توب بتاعك هل له مؤشر حرارة ؟ ولا هو في دايرة حماية بتدي انذار صوتى لما الجهاز يسخن وتفصل اوتوماتيك لما يسخن اوى ؟

ده نفس اللى موجود في العربية دلوقتى ، ومش دايما له علاقة بأن العربية اقتصادية ولا لا

لان كان في bmw من غير مؤشر زي ما احد الاعضاء وضح قبل كدة

هو ممكن نفسرها بأنهم بيحاولوا يعودوا الناس على الموضوع ده فبيبدأوا فيه بالعربيات الاقتصادية الاول لانها هتوفر فعلا ولو حاجة بسيطة اوى ، وفي نفس الوقت لان اللى بيشتري عربية اقتصادية بيبقى عنده استعداد يتنازل عن بعض الحاجات عكس اللى بيشتري عربية فارهة ، لو ناقصة حاجة حتى لو مالهاش لزمة هيعتبرها عيب او حاجة ناقصة من العربية

فممكن فعلا تكون دى بداية ان الناس تتعود على ان مؤشر الحرارة مابقاش مهم وان اللمبة كافية وافضل من المؤشر من ناحية لفت الانتباه ، خصوصا لو معاها تنبيه صوتى زي التنبيه بتاع المشى والهاند مرفوعة مثلا في العربيات الجديدة ، ده في رايي احسن من 100 الف مؤشر ، ابقى عمال ابص عليه كل 5 دقايق ، ولو نسيت وحصل حاجة يبقى رحت في داهية !


انا طول عمري من زمان بقول ايه الغباء ده ، ليه ما يعملوش تنبيه صوتى مع المؤشر في كل العربيات وخصوصا انه مكنش محتاج تكنولوجيا متطورة ولا حاجة ، هى دايرة بسيطة جدا تطلع صوت لما صباع الحرارة جهده يوصل عند درجة معينة ، ونخلص بقى من قصة نسيت ابص ع المؤشر والعربية سخنت والجوان ضرب والقصة الفكسانة دى !

فعلا طلع الكلام بصحيح
أنا راجعت بعض المواقع الأجنبية
و لقيت أن المصنعين بدأوا يتخلوا عن فكرة مؤشر الحرارة لسببين
أولا لأنه في جميع الأحيان مش دقيق بالدرجة اللي هتبين الزيادة و النقصان الطفيف في درجة الحرارة لكن بيشتغل على مدى أوسع يعني بمعنى آخر كأنه متقسم ل3 أقسام
Cold-Normal-Hot
و السبب الثاني إن إستخدام الزيوت التخليقية قلل الحاجة لمؤشر حرارة ينبه المستخدم أنه ميتحركش و العربية لسه باردة
و بالفعل لقيت أن في عربيات BMW من غير المؤشر ده و في السوق الأوروبي و الأمريكي

بس شخصيا مش بالع أن مصنعين كبار يسيبوا حاجة ملهاش لازمة فالطابلوه لمجرد أن الناس إتعودت عليها
لو فعلا ملهاش لازمة لازم تتشال و ده هيكبر المساحة المتاحة للعدادات التانية

جزاكم الله خير و شكرا للإفادة

[hugan]

الموضوع فيه اختلاف فعلا ما بين مؤيد ومعارض
لكن اظن وجود المؤشر افضل بكثير من اللمبه
لئن المؤشر افضل في التحذير عن اللمبه خصوصا بالنهار وفي الشمس
غالبا اللمبه مفيش حد هاياخد باله منها مع شده الضوء نهارا عكس المؤشر

[Ahmed Amin]

كلامك جميل و وجهة نظر تحترم
لكن أنا مازلت شايف أن سبب غياب مؤشر الحرارة عن ال301 هو توفير
(خصوصا إنها موجهة لأسواق الدول النايمة و المعروفة بالجمارك الباهظة حتى على لمبة درج التابلوه) و الدليل أن بيجو نفسها معملتش كده فال508
و لا الopel insignia

لأن دي عربيات في فئة سعرية أعلى

و لو كان في قناعة عند صناع السيارات بعدم جدواه كانوا شالوه من كل الموديلات الجديدة مش من بعض الموديلات الإقتصادية بس (أختي معاها i10 2011 مفيهاش مؤشر حرارة برضه)

تمام,,
أنت بتأكد دلوقتي نفس كلامي اللي قلته قبل كدا في المشاركة الأولي ليا في الموضوع دا,,
واللي هوا " لكن فكرة اللمبة عملية أكتر,, موفرة أكتر,,
وهتبقي أوضح للي سايق أكتر من المؤشر لأنها هتنور أحمر قدامه في الطابلوة,, وأي حاجة بتنور أحمر في الطابلوة معناه إن فيه مشكلة في العريبة وساعتها هتفكر تقف عشان تشوف فيه أيه,,"

وطبعاً مينفعش تقارن البيجو 301 بالبيجو 508 ولا الأوبل Insignia
لأنك لسه قايل إنهم في فئة سعرية أعلي,,

وكمان زي ما عمرو السقا وضح إن فيه عربيات BMW بقت تنزل من غير مؤشر حرارة وهيا لمبة بس,
لنفس السبب اللي كنت وضحته قبل كدا وهوا أنها عملية أكتر وملفته أكتر,
لأنها مش هتكون لقليل التكاليف خالص في حالة ال BMW,,
ولإنك ممكن تعد بال 5 وال 7 سنين من غير مشاكل في الحرارة,

وطبعاً لازم نبقي فاكرين وعارفين إن أول فئة من البيجو 301 المانيوال عاملة 107.900 جنيه,
ولو مفهاش مؤشر حرارة ودا مش عيب,,
فا العربية بينزل فيها ABS+EBD و 2 أير باج و أيموبلايزر.
هات لي عربية كوري أو حتي ياباني فيها نفس الأمكانيات دي ومعدل الأمان العالي دا في عربية من نفس السعر,,
لأنك هتضطر تعدي ال 150 ألف جنية في عربية كوري جسمها ورق عشان تاخد الحاجات دي وممكن متبقاش موجودها كلها كمان.!

فالبيجو 301 هيا أفضل صفقة موجودة في السوق حالياً,,
مؤشر الحرارة مش السبب اللي يخلي واحد يقفل منها أو يعزل عن قرار شرائها لو عاجباه.
لأن فعلاً كل العربيات الجديدة مش بيكون فيها أي مشاكل حرارة ل 4 أو 7 سنين علي الأقل.!
ولو حصل حاجة اللمبة هتنور,,




وللناس اللي بتفكر في عقلها دا موشر بسيط وهتلاقي تمنه بسيط وتافه يعني,,
ليه الشركة تسترخص في حاجة هايفة وبسيطة كدا,,

أحب أدعوكم لقرائة المقال الصغير دا كنت قريته من حوالي 9 سنين,,
وكنت أتصدمت من الرقم اللي فيه.
American Airlines saved $40,000 a year by taking out ONE olive from each salad they served. - OMG Facts

www.therichest.com/business/companies-business/10-bizarre-but-effective-cost-cutting-measures/3/

واللي معندوش وقت هقول المجمل بسرعة هنا,
وهوا إن كان فيه شركة طيران أمريكية كان عندها مشاكل مالية بعد أحداث 11 سبتمبر بتاعة تفجير مبني التجارة العالمي,
وكانت الشركة عايزة توفر شوية في التكاليف اللي بتصرفها في الرحلات عشان متقفلش,,
من القرارت اللي أخدوها عشان يوفرو في التكاليف ويقدمو نفس الخدمة العالية للركاب,,

كان قرار إزالة "زتونة واحدة" من كل طبق سلطة بيعملوة في وجباتهم,
الزتونة دي ممكن تكون حاجة هايفه صح ؟؟
القرار دا وفر للشركة دي 40 ألف دولار في السنة الواحدة من أجمالي المصاريف اللي كانت بتتصرف علي الوجبات.
ودا كان الحد الأدني, أما الحد الأقصي اللي وفرته الشركة كان 100 ألف دولار,

فمحدش فينا يعرف الشركات الكبيرة زي بيجو بتفكر إزاي ولا بتحسبها أزاي عشان يقول هيا ليه بتعمل كدا,
وأكيد المؤشر تكلفته أعلي من تكلفة الزتونة,,

وفي الأخر أنا كمستهلك أكيد يهمني إني أركب عربية محترمة وفيها عوامل أمان محترمة الشركة متكونش مستخصرها فيها,,
يعني عوامل الأمان اللي في البيجو مينفعش أقل عنها زي الألش بتاع الكوري اللي بيخلي عوامل الأمان في الهاي لاين بس,!!

والخلاصة إن البيجو 301 حققت المعادلة الصعبة السنة دي.

[abohend]

فمحدش فينا يعرف الشركات الكبيرة زي بيجو بتفكر إزاي ولا بتحسبها أزاي عشان يقول هيا ليه بتعمل كدا,
وأكيد المؤشر تكلفته أعلي من تكلفة الزتونة,,

لا يا عم أحمد مليش دعوة
أنا عايز الزتونة

[mhkorayem]

الموضوع دا أتفتح أكتر من مرة,, وكل مرة نفس السؤال, ونفس الخوف والقلق,,
ونفس الأجوبة تقريباً.

أنا مكنتش رديت رد كافي في المواضيع القديمة عشان مكنش فيه وقت أكتب برد,
فهرد في الموضوع دا يمكن أجابتي تريح قلوب الناس القلقانة,


بالنسبة للمبة يا جماعة دا مش عيب ولا أستخسار مثلاً من شركة بيجو ولا أي شركة تانية,,
فيه شركات كتير زي ما أستاذ mhkorayem وضح بقت تنزل عربياتها من غير مؤشر حرارة,
مش معني كدا إنهم كمان بيستخسرو,


وكنت عايز أقولك زود علي اللستة دي الهيونداي الأكسنت اللي هيا الشكل القديم اللي قبل ال rb
مفهاش عداد حرارة,, فيها لمبة بس.


سبب عدم وجود المؤشر في معظم العربيات الأقتصادية الجديدة بسيط جداً,
وهوا إن المؤشر ممكن يفضل بال 5 و ال 6 سنين في كل العربيات الجديدة ثابت في النص لا بيزيد ولا بيقل.!!
طيب أيه لازمته بقي ؟؟

البنزين أه ضروري لازم يكون فيه مؤشر,
وعداد لفات الموتور,, وعداد السرعة لأنهم متغيرين طول الوقت طول مانت ماشي,,
مؤشر البنزين بيقل والتاني متغير بيزيد ويقل,,
أما الحرارة دايماً ثابت,,


كمان فيه نقطتين تانين مهمين.,
(1) إن فيه ناس كتير وأغلبهم الكبار في السن أو اللي بيسوق وخلاص مش بياخد باله من مؤشر الحرارة,
(2) في ناس تانية ممكن مؤشر الحرارة يزيد قدامها وتكون الحرارة عالية فعلاً,,
بس يخلطو ما بينه وما بين مؤشر البنزين.!!
لأن الأتينن بيكونو في الغالب جنب بعض,,


لكن فكرة اللمبة عملية أكتر,, موفرة أكتر,,
وهتبقي أوضح للي سايق أكتر من المؤشر لأنها هتنور أحمر قدامه في الطابلوة,, وأي حاجة بتنور أحمر في الطابلوة معناه إن فيه مشكلة في العريبة وساعتها هتفكر تقف عشان تشوف فيه أيه,,

لمبة الحرارة بقي اللي كتر الكلام عنها شكلها مألوف ومش غريب,,
عشان فيه ناس كتير أستغربت قصتها دا شكلها في الطابلوة للي عايز يشوفها,
موجود تحت مؤشر ال rpm علي طول فوق لمبة الفوجات وجنب لمبة البطارية,, يعني مكان واضح وهتبان.



واللمبة بتعمل check وبتنور كل ما بتدور عربيتك عشان تتأكد أنها شغالة ومش عطلانة مثلاً,
ومجرد أنها بتفصل أول ما بتدور تبقي العربية حرارتها مظبوطة.

أما لو حصل مشكلة في الحرارة أو دورة التبريد عموماً,
فا اللمبة هتنور لك وهيبقي لونها أحمر عشان تحذرك,

وهتنور معاها كمان لمبة stop عشان تعرفك إنك لازم تقف.




أخر ملحوظة أحب أضيفها,, إن معظم مواتير البيجو لو درجة حراراته دخلت في المنطقة الحمراء بالنسبة لدرجة الحرارة بيفصل لوحدة,
فا اللي قلقان من موضوع اللمبة أتمني الرد دا يكون طمنه شوية,,

مش عارف أنا المره دي هبقى بشكرك للمره الكام بس بصراحه دائماً ردودك واضحه وتنم عن حد فاهم بجد
بس سؤال بقى أنا دلوقتي لو اللمبه نورت بس أنا كنت في حته مقطوعه ولا مش منوره هل ممكن امشي بيها لحد أقرب مكان أمان شويه على اساس انها مبطلتش يبقى الارتفاع في درجه الحراره موصلش لمرحله الخطر على الماتور ولا الكلام ده غلط
يعني أنا عندي لما العربيه سخنت شويه فضلت حاطط عيني على مؤشر الحراره عشان اطمن انها معليتش للأحمر لحد موصلت بيها مكان ممكن أقف فيه ووقفت
هل ممكن أعمل كده لو هي مجرد لمبه ؟؟؟؟

[abohend]

سؤال وجيه

مش عارف أنا المره دي هبقى بشكرك للمره الكام بس بصراحه دائماً ردودك واضحه وتنم عن حد فاهم بجد
بس سؤال بقى أنا دلوقتي لو اللمبه نورت بس أنا كنت في حته مقطوعه ولا مش منوره هل ممكن امشي بيها لحد أقرب مكان أمان شويه على اساس انها مبطلتش يبقى الارتفاع في درجه الحراره موصلش لمرحله الخطر على الماتور ولا الكلام ده غلط
يعني أنا عندي لما العربيه سخنت شويه فضلت حاطط عيني على مؤشر الحراره عشان اطمن انها معليتش للأحمر لحد موصلت بيها مكان ممكن أقف فيه ووقفت
هل ممكن أعمل كده لو هي مجرد لمبه ؟؟؟؟

أنا مبسوط إنك سألت السؤال ده

[Ahmed Amin]

مش عارف أنا المره دي هبقى بشكرك للمره الكام بس بصراحه دائماً ردودك واضحه وتنم عن حد فاهم بجد
بس سؤال بقى أنا دلوقتي لو اللمبه نورت بس أنا كنت في حته مقطوعه ولا مش منوره هل ممكن امشي بيها لحد أقرب مكان أمان شويه على اساس انها مبطلتش يبقى الارتفاع في درجه الحراره موصلش لمرحله الخطر على الماتور ولا الكلام ده غلط
يعني أنا عندي لما العربيه سخنت شويه فضلت حاطط عيني على مؤشر الحراره عشان اطمن انها معليتش للأحمر لحد موصلت بيها مكان ممكن أقف فيه ووقفت
هل ممكن أعمل كده لو هي مجرد لمبه ؟؟؟؟

ياباشا هوا أنت بتعد ولا أيه,,!
الشكر لله وكفاية عليا أنك فهمت قصدي.

بالنسبة لسؤالك, لو اللمبة نورت وعلي حسب ماهو مكتوب في الكتالوج,
لو اللمبة نورت لازم تقف في أقرب فرصه,,
يعني لو علي سريع تاخد جنب وتبدئ تهدي لحد ما تقف في حارة أمان, دا اللي مقصود في الكتالوج,,

يعني مش تمشي بيها 10 دقايق او ربع ساعة,,
يعني لما اللمبة تنور هتبقي هيا هيا نفس الوضع بتاع المؤشر لما يدخل في المنطقة الحمراء.
لازم تقف وتسيب الموتور يهدي,

وبعد ما تقف شوية لحد ما العربية تهدي من 5 ل 10 دقايق,
هتدورها تاني وهتدور عادي وهتفتح القربة وهتزود مية وهيا دايرة,

فا لو أنت في منطقة مش منورة أو مقطوعة,,
الكلام دا واحد وهيسري علي أي عربية سواء كنت بعربية بمؤشر ودخلت في المنطقة الحمراء, أو لمبة ونورت أحمر,,
لازم تقف وتسيب العربية حوالي 5 - 10 دقايق تهدي,,
وبعدين تزودها مية وتمشي بيها تاني لحد ما توصل المكان اللي أنت رايحة وبعد كدا تشوف أيه المشكلة بالظبط.


والأسباب اللي بتخلي العربية تسخن جامد بتكون معدودة جداً,
ترموستات كوعة قافش وساعتها المية مش هتقل بس هتلاقيها بتغلي,
أو غطاء القربة بايظ وبيهرب الضغط أو فيه تسريب من منطقة تانية للمية وساعتها هتلاقي المية ناقصة,
أو عندك تلف في طلمبة المية, أو الرادياتير مسدود, أو المروحة مش شغالة لعطل فيها أو في الريلاي بتاعها.
في كل الأحوال دي مش هيفيد مراقبة المؤشر بحاجة ساعتها لأن العربية هتفضل تسخن وهيبقي لازم تمشي بيها عشان تروح أو توصل مكان أمان,
وكل ما تمشي بيها وتقرب من الأحمر اللمبة هتنور وهتضطر تركن لحد ما تبرد وتمشي تاني, سواء كانت بمؤشر أو لمبة.


ملحوظة أخيرة: طبعاً أوعي تفكر تفتح القربة وهيا العربية سخنة ومبطلة عشان المية هتفور وممكن تسبب لك حروق كبيرة,
ولا حتي تفتحها وهيا سخنة جداً ودايرة, لازم تبطل وتسيب العربية تهدي شوية,, بعدين تدورها وتزود مية بشويش عشان تحافظ علي جوانات الموتور من المية الساقعه اللي هتدخل علي السخنة.

ومحدش يقلق يا جماعة, أنا أيام ال 505 كان مؤشر الحرارة مهم وكان لازم كل صيف تنضيف لدورة التبريد وتسليك للرادياتير وإلا هيبقي صيف كله مشاكل حرارة,
ودا طبعاً لأن العربيات القديمة كتير كان بيتحط فيها مية عادي ودي سبب المشاكل كلها والصدأ والتاكل والغليان,,

أما العربيات الجديدة كلها تقريباً بتنزل بمية تبريد من نوع OAT ودي عمرها الأفتراضي 5 سنين أو 150 ألف كيلو متر قبل ماتحتاج تتغير, وبتمنع الصدأ وبتمنع غليان المية وبتمنع تأكل الأجزاء الداخلية للموتور وبتزيت طلمبة المياة,
ونادر لما عربية بتظهر فيها مشكلة حرارة إلا لو عملت حادثة وحصل مشكلة بدورة التبريد,
وأعرف عربيات كتير داخلة في ال 7 سنين بالمية بتاعتها متغيرتش لسه والحرارة دايماً علي النص برضه.