هل 301 بها مؤشر حراره

[Ahmed Amin]

أنا مبسوط إنك سألت السؤال ده

أسمها أنا سعيد إنك سألت السؤال دا.

لا يا عم أحمد مليش دعوة
أنا عايز الزتونة

بس كدا ؟؟ مع أنك تاعبني,, ومغلبني,,
ودايماً تعترض,
وأدخل المواضيع الأقيك بتقول أنا معترض أنا مختلف بشدة,

وبتفكرني بسعيد صالح في مسرحية العيال كبرت,,
‫سعيد صالح (سلطان) - أنا معترض‬‎ - YouTube


أدي يا سيدي أحلي طبق سلطة زتون عشان خاطر عيون هند بس,


وأدي الزتون ذات نفسه,


وأدي زيت الزتون,



ودا طبق موتزاريلا بالزتون بس أيه,, تحفة,
لو جربته مش هتبطله.


كفاية كدا بقي أحسن ريقي جري,,
حبيبي يا أبو هند,

[Akram.Gamal]

أما العربيات الجديدة كلها تقريباً بتنزل بمية تبريد من نوع oat ودي عمرها الأفتراضي 5 سنين أو 150 ألف كيلو متر قبل ماتحتاج تتغير, وبتمنع الصدأ وبتمنع غليان المية وبتمنع تأكل الأجزاء الداخلية للموتور وبتزيت طلمبة المياة,
ونادر لما عربية بتظهر فيها مشكلة حرارة إلا لو عملت حادثة وحصل مشكلة بدورة التبريد,
وأعرف عربيات كتير داخلة في ال 7 سنين بالمية بتاعتها متغيرتش لسه والحرارة دايماً علي النص برضه.

ياباشا انا كنت مشاكل الحراره عندى فى ال 504 حاجه عاديه جدا
و فمره قمت جاي منظف الردياتير و مجدد اللحام بتاعه و مركب قميص للمروحه (قميص الفبر بتاع الفبريكه ) و حطيت مياه حضراء و من يوميها بزودها يمكن كل شهر او شهرين و ساعات بلاقيها ناقصه و اكبر دماغى

الحكايه مش حكاية امبير حراره او لمبة حراره
الحكايه حكاية أدوات .. العربيه اجزائها الميكانيكيه تمام و ادواتها تمام (زي القربه و المياه و الترموستات و المروحه ) يبقا خلاص فاكس ولا يهمك من اي حاجه
لان لو العربيه لا قدر الله سخنت مش هتبقا الحكايه حكاية حراره .. لا اكيد هتبقا مشكله عندك يا اما فى الردياتير او القربه او المياه او الترموستات .. يبقا لازم نصلح العطل اول بعديها الحراره هتتعدل تللقائى

معلش انا جاي ارد و طولت عليكوا بعد الموضوع ماخلص
و لكن هو انت لو ماشى بالعربيه و لاقيت امبير الحراره عدا النص .. هتعمل ايه ؟؟!!
انا عن نفسى لو بال 504 يبقا ربك يسهلها لما اوصل الجراج غير كده ياكش تولع :d


لالا انا ال اقصده بجد .. انك لو العداد بيطلع لبعد النص مره و اتنين ممكن تنسا و هكذا
و مع مره فى التانيه تلاقيك بقيت فى مشكله حقيقيه .. السبب فى المشكله انك مش هتهتم العربيه حرارتها زادت 10 سليزيوس ليه

[Ahmed Amin]

الحكايه مش حكاية امبير حراره او لمبة حراره
الحكايه حكاية أدوات .. العربيه اجزائها الميكانيكيه تمام و ادواتها تمام (زي القربه و المياه و الترموستات و المروحه ) يبقا خلاص فاكس ولا يهمك من اي حاجه
لان لو العربيه لا قدر الله سخنت مش هتبقا الحكايه حكاية حراره .. لا اكيد هتبقا مشكله عندك يا اما فى الردياتير او القربه او المياه او الترموستات .. يبقا لازم نصلح العطل اول بعديها الحراره هتتعدل تللقائى

معلش انا جاي ارد و طولت عليكوا بعد الموضوع ماخلص
و لكن هو انت لو ماشى بالعربيه و لاقيت امبير الحراره عدا النص .. هتعمل ايه ؟؟!!
انا عن نفسى لو بال 504 يبقا ربك يسهلها لما اوصل الجراج غير كده ياكش تولع :d


لالا انا ال اقصده بجد .. انك لو العداد بيطلع لبعد النص مره و اتنين ممكن تنسا و هكذا
و مع مره فى التانيه تلاقيك بقيت فى مشكله حقيقيه .. السبب فى المشكله انك مش هتهتم العربيه حرارتها زادت 10 سليزيوس ليه

تمام كدا يا أكرم,
يبقي عشان الواحد يحافظ علي العربية ودورة التبريد ميبقاش فيها مشاكل, ودي في أي عربية مش البيجو 301 بس,

المية بتتغير كل 5 سنين, عشان كل الجديد بينزل بمية حمراء, برتقالي, بينك أو حتي خضرا زي في البيجو بتكون oat ودي عمرها الأفتراضي 150 ألف كيلو أو 5 سنين وممكن تعد أكتر بس يفضل تغيرها في الحدود دي,

ومع تغير المية يفضل تغير الترموستات بس مش شرط,
وكل 10 سنين يفضل تغير خراطيم الرادياتير الكاوتش,
طلمبة المية يفضل تتغير مع سير الكاتينة علي صيانة ال 60 ألف,
بس معظم الناس بتغيرة علي 120 ألف كيلو.

وطبعاً يتكشف علي منسوب المية في القربة كل أسبوع علي الأقل عشان لو فيه تسريب لأي سبب,
وكمان التأكد من إن المروحة شغالة لو اللمبة نورت في يوم وأنت ماشي.

لو المية أتغيرت في معادها, ونفس الحال مع الترموستات وطلمبة المياة والخراطيم,
أضمن لأي حد إن مش هيكون عنده أي مشاكل في دراجة حرارة العربية ولا المية وهتفضل دايماً ثابتة علي النص.
إلا لو حصل عيب تاني زيت تسريب مية, ساعتها حتي لو العربية فيها لمبة ونورت أو فيها مؤشر الحرارة هتزيد وهتوصل للأحمر ومش هتعرف تعمل حاجة غير أنك تقف وتستني لما العربية تبرد وتكشف علي المية.

[mhkorayem]

أنا عندي ملاحظه أن العربيات اللي كانت بتنزل بلمبه بدل مؤشر الحراره كتير منها رجع تاني ينزل العربيه بالمؤشر وأنا هدي هنا امثله للموضوع ده
النيو اكسنت لمبه فقط - الاكسنت ار بي بمؤشر حرارة
الالنترا hd لمبه فقط - الالنترا الجديدة بمؤشر حرارة
السيراتو القديمه لمبه فقط - السيراتو الجديدة بمؤشر حرارة
الريو حتى 2013 لمبه فقط (كل الفئات باستثناء الهاي لاين) - الريو من اول 2014 بمؤشر حرارة بكل الفئات
الـ i10 القديمه لمبه فقط - الجراند i10 بمؤشر حرارة
دول كلهم على سبيل المثال لا الحصر
فهل ده مؤشر على عدم نجاح فكره الغاء مؤشر الحراره وعدم تقبلها عالمياً ولا في تفسير تاني
وهل في امل الـ 301 نشوفها قريباً بالمؤشر

[Sherif Mandoor]

انا شايف ان مؤشر الحراره مهم
ان الترموستات ممكن يكون فيها مشكله انها تكون مفتوحه وبالتالى الموتور مش حيكون فى درجه الحراره المطلوبه
اللمبه مش حتوضح المشكله دى

[mhkorayem]

انا شايف ان مؤشر الحراره مهم
ان الترموستات ممكن يكون فيها مشكله انها تكون مفتوحه وبالتالى الموتور مش حيكون فى درجه الحراره المطلوبه
اللمبه مش حتوضح المشكله دى

هي وجهات نظر بتختلف من شخص للتاني
بس أنا عن نفسي مش مقتنع بفكرة عدم وجود مؤشر حرارة في العربيه بصراحه مش بالع الموضوع ده ودي كانت من الاسباب الرئيسية اللي خلتني كنت مستبعد الـ 301 من اختياراتي رغم اعجابي الشديد بالعربيه وكنت برضوا مستبعد الريو لحد ما عرفت بالصدفه انهم نزلوا فيها المؤشر في كل الفئات في موديلات 2014 وده خلاني افكر فيها تاني وادخلها في حساباتي واشترتها في الاخر
بس لما حصل كده في الريو وبعدها كمان الـ i10 وقبلهم كان السيراتو والالنترا والاكسنت ده خلاني افكر هل فعلاً الفكره منجحتش عالمياً عشان كده الشركات رجعت تنزل المؤشر مرة تانيه ولا في سبب تاني
وهل في امل بيجو تلحق بالباقي ونلاقيها عدلت الموضوع ده قريب زي الريو كده ولا مفيش امل؟؟؟

[mohmedelsogher]

معظم العربيات دلوقتى مفهااش مؤشر دة مش عيب

[mhkorayem]

معظم العربيات دلوقتى مفهااش مؤشر دة مش عيب

هو مش عيب بس أنا بعتبره شئ توبشن مهم ناقص من العربيه
بس زي ما انا موضح ان حتى العربيات اللي كانت لغت المؤشر رجعت رجعته تاني فهل ده له تفسير ؟؟؟