ممكن الدخول لمالكى 301 بيجو

[منعم]

العربية فيها مشاكل كتير والاعضاء دائما بيشتكوا اية ظروف العربية دية انا بعد مكنت ناوى اجيبها شيلت الفكرة من دماغى خالص يعنى عربية لسة زيروا وفيها مشاكل

[M.Emam]

اعضاء مين اللى دائما يشتكوا !!!! حضرتك متأكد انك تقصد 301؟!
مش علشان اتنين او تلاته من الاعضاء حصل معاهم موقف فى عربياتهم تبقى العربية مش كويسة

[Hema_Basha]

هما مين دول اللي بيشتكوا يا بشمهندس

[Hema_Basha]

وايه هي المشاكل اللي عند الاعضاء

[منعم]

يابشوات انتة بتدافعوا عنها لية شوف التوكيل بيعمل مع الناس اية

[Hema_Basha]

يابشوات انتة بتدافعوا عنها لية شوف التوكيل بيعمل مع الناس اية

مالوا برضوا التوكيل بيعمل ايه هو ما انت لحد دلوقتي مبتقولش اسباب

[Hema_Basha]

وبعدين انا بدافع عشان انا عضو ومعايا العربية ومشتكتش لامن العربية ولا من التوكيل ولا حتي حد هنا اشتكي من حاجة والعربية معايا من 6 شهور وعامل 11000 كم وزي الفل هي ايه بقي المشكلة عند حضرتك

[Amr Hussain]

ممكن توضح اية الشكاوى و التوكيل بعمل اية

[age]

العربيه نهاية من شهرين والحمد لله زي الفل اختيار موفق لسه متعاملتش مع التوكيل بس كلهم في مصر اي كلام لاي نوع عربيه

[د عمرو العمرجى]

اكيد حضرتك تقصد الستروين سى اليزيه
البيجو لم يشكو منها احد بالمرة
العربية معايا من اسبوع و قبلها انا كنت متابع البيجو و الستروين و كنت اقرب ما يكون انى اشترى الستروين و ممكن حضرتك تتتبع بداية مشاركاتى و كلامى و كلام الناس مع ا اسلام و ا احمد امين
لكن استقريت على البيجو و الحمد لله مش ندمان و بنصح بيها الجميع
يا ريت حضرتك تشوف المشاركات السابقة و هتعرف كتير عنها و تشوف اراء الجميع من ملاكها و اللى اجمعوا على تميزها
حتى الستروين-اختها التوأم- مشكلتها اتحلت من مدة

[Karim Alaa]

غالبا انت غلطان فى العنوان الى كاتبه لا الاعضاء كل شويه يشتكو و لا حد اشتكى من التوكيل و انا متابع لانى بحب العربيه و بفكر فيها لو تقصد السى اليزيه او عربيه تانيه ياريت تركز فى انت عايز تقول ايه بالظبط صدقنى احنا مش فاهمينك لانك بتتكلم عن حاجه مش موجوده فى الواقع

[منعم]

معلهش يااخوانى انا غلطت بس يااربت كل حاجة عن البيجو301لانى بفكر جديا فى حجزها ممكن السعر وقطع الغيار والعيوب والممميزات

[Hema_Basha]

معلهش يااخوانى انا غلطت بس يااربت كل حاجة عن البيجو301لانى بفكر جديا فى حجزها ممكن السعر وقطع الغيار والعيوب والممميزات

تابع المشاركات في المنتدي وانت تعرف كل حاجة عن العربية

[ihabsamir]

لو حكم أحد علي الإليزيه أن بها مشاكل ففي البيجو نفس المشاكل بالنص مفيش حاجة اسمها دي احسن من دي لان الإتنين نقس المصنع و نفس التقفيل ما في ايه فرق
ثانيا : البيجو فعلا يوجد بها مشكلة محيرة فعلا هو ضعف مستوي صيانة التوكيل و ترك العملاء سيارتهم لأيام عند الصيانة لحين وصول الرد من فرنسا . أنا نفسي أسلئهم هل ينفع تركيب سماعات علي المانيول أجد أحدهم يقول لي لا أظن و الاخر يقول ينفع و نفس الكلام في مثبت السرعة ما هذا التضارب فلا ينم إلا عن ضعف و خوفهم في وضع ايديهم في السيارة .
مما لا شك فيه أن السيارة أفضل ما فيها هي الهايلاين غير كدا سوف تشتري سيارة معمولة ببخل و فاضية حتي الجنوط بخلوا ان يضعوا نفس ماركة جنوط الهاي لاين .
أنا أري من يريد أن يشتري البيجو عليه أن يتجه إلي الهاي لاين غير كدا السيارة من وجه نظري فاضيه و مخيفة . فقط هذا رأي شخصي و شكرا .

[ABOMO3AZ HASBO]

لو حكم أحد علي الإليزيه أن بها مشاكل ففي البيجو نفس المشاكل بالنص مفيش حاجة اسمها دي احسن من دي لان الإتنين نقس المصنع و نفس التقفيل ما في ايه فرق
ثانيا : البيجو فعلا يوجد بها مشكلة محيرة فعلا هو ضعف مستوي صيانة التوكيل و ترك العملاء سيارتهم لأيام عند الصيانة لحين وصول الرد من فرنسا . أنا نفسي أسلئهم هل ينفع تركيب سماعات علي المانيول أجد أحدهم يقول لي لا أظن و الاخر يقول ينفع و نفس الكلام في مثبت السرعة ما هذا التضارب فلا ينم إلا عن ضعف و خوفهم في وضع ايديهم في السيارة .
مما لا شك فيه أن السيارة أفضل ما فيها هي الهايلاين غير كدا سوف تشتري سيارة معمولة ببخل و فاضية حتي الجنوط بخلوا ان يضعوا نفس ماركة جنوط الهاي لاين .
أنا أري من يريد أن يشتري البيجو عليه أن يتجه إلي الهاي لاين غير كدا السيارة من وجه نظري فاضيه و مخيفة . فقط هذا رأي شخصي و شكرا .

الفرق اللي في الهاي لاين عن الباقي فرق ترفيهي مش عامل اساس في العربيه علشان نقول كده
ايه الفرق اللي ممكن ي}ثر علي العربيه