ممكن الدخول لمالكى 301 بيجو

[smsm2004w]

السلام عليكم زملائى الأعزاء
الموضوع ده شكلة كده والله وأعلم فيه حاجة مش مظبوطة حتى مع اعتذار كاتب الموضوع
أولآ / عنوان الموضوع موجه لأصحاب بيجو 301
ثانيآ / داخل الموضوع كلام مبهم واسئلة لصاحب الموضوع ومبيردش عليها
ثالثآ / بمجرد ما ابو هند رفيق حجز المانيوال جاب سيرة نيسان الدنيا ولعت واصبح الموضوع مقارنه بين بيجو ونيسان
رابعآ / وده رأئى ان النيسان لا يجوز وضعها فى مجال للمقارنة مع بيجو انا قبل محجز البيجو كنت حاجز نيسان سوبر صالون ومكنتش مقتنع بيها وحاولت اقنع نفسى بس والله ما قدرت العربية سيئة شكلآ وموضوعآ وبالرغم من انى كنت حاجز اعلى فئه فى النيسان قررت انى الغى واحجز اول فئه فى البيجو لأنى وجدت انها تفوق النيسان سوبر صالون فى كل شئ وبحمد ربنا على انى لغيت حجز النيسان لأن 3 اصحاب جابوا نيسان و خسروا فلوس كتير لما باعوا العربيات ومكنتش كملت 5000 كم بسبب الصاج الضعيف والكاوتش الصينى السئ اللى بيلم زلط وانت ماشى ومشاكل الفرامل ( التيل والطنابير ) وبلى العجل وتزييق الكراسى وخامات الطابلوه والدهان السئ وفوق كل ده تصميم الشكل اللى لحد دلوقتى الناس مش قادرة تفهم هم عملوه ازاى ووافقو علية ازاى انا نفسى اللى بيحاول يدافع عن نيسان الجديدة مش لازم الناس كلها تغلط غلطتك علشان تحس ان انت اختيارك صح لازم كل واحد يتحمل غلطته وربنا يبارك لكل واحد فى عربيته

[ihabsamir]

أولاً أنا مقولتش إن الموتور ياباني ١٠٠٪,
فامتقولش كلام أنا مقولتهوش الله يكرمك.!!

ثانياً أنا برضه مقولتش إن الفتيس ياباني ,,!!
لأن ردي كان علي الكلام اللي أتقال ما بينكم علي الموتور وكان فيه أختلاف,
وعموما الفتيس فعلاً ياباني ١٠٠٪ ودا واضح لأي حد في اللينكات اللي أنا حطيتهالك تقرأ منها,
بس معلش فهمني هوا أيه الوااااو في كدا.؟

يعني فتيس ياباني وموجود في عربية المفروض أنها ياباني,, أيه اللي في كدا.؟!
مع العلم أن العربية مش ياباني بما إن داخل فيها قطع غيار مصري علي هندي,, وكمان متقفلة برة اليابان.! يعني مهياش عربية ياباني ١٠٠٪
بس أنا عايز أفهم مسكت في كلمة إن الفتيس ياباني ١٠٠٪ دي كدا ليه وكررتها مرتين ليه.؟؟
فين المعجزة في كدا يعني عشان أفهم.؟؟!



هعيد لك كلامي تاني,
أنا قلت إن الموتور بيتبعت كا قطع غيار في كراتين من اليابان علي الهند,,
وبيتجمع وبيتقفل بالكامل في الهند,,
وبكدا بيكون خسر كلمة أنو ياباني ١٠٠٪ لأنو متقفلش بنفس جودة التقفيل الياباني ولا الدقة العالية بتاعتهم. :ansmile23::ansmile23:

وبالمناسبة أنت اللي قلت أن الموتور ياباني مش أنا في المشاركة دي,

فاياريت تبقي تركز في مين اللي قال أيه,


والعربية فيها عيوب تانية غير عيب الصاج اللي حكيت عنه,
عندك مشاكل في الثبات بسبب تصميمها الأيروديناميكي السئ, وكمان بسبب الكاوتش الصيني التعبان
غير مشكلة الفرامل العامة واللي أتعمل للعربية بسببها recall في أكتر من بلد, وتوكيل نيسان مصر أدي ضهره للمشكلة و كانو بيصنفرو للناس التيل في التوكيل عشان ميغيروش التيل في الأول.

في بيچو مثلاً اللي ظهر معاه مشاكل في الفرامل كانت مشاكل فردية, ومكنتش مشكلة عامة زي فرامل النيسان,
واللي راحو التوكيل في بيچو أتغيرلهم التيل والطنابير كمان مع التيل في الضمان من غير صنفرة ولا تحوير علي العميل زي ما حصل في نيسان.


يعني الخلاصة إن النيسان صني عربية بموتور تقفيل هندي, وكمان تقفيل مصري, وداخل فيها خامات مصري,!!
وثباتها فيه مشاكل وفراملها فيها مشاكل تصميمها الايروديناميكي الغلط واللي بيعدي هوا كتير من تحت العربية و بيخليها مش ثابته علي الطريق
غير إن كاوتشها اللي بتنزل بيه صيني سئ جداً وكله بيغيرة أول ما بتستلمها زيرو لو كنت عايز تمشي زي أي واحد جايب عربية زيرو ونفسه يتمتع بيها ويمشي براحته علي ١٤٠ و ١٦٠ من غير مشاكل.؟
+ زود علي كل دا إن قطع غيارها أغلي من البيجو, ومش فاهم علي أيه الصراحة.

البيجو من الأخر, شكل وثبات وفرامل وأمان وراحة, وتقفيل أوروبي محترم وخامات محترمة وتجميع سرعة عالي من موتور أوروبي محترم وكعادة سحب مواتير البيجو, مهياش ورقة علي الطريق زي الصني, البيجو جيب بيها ١٦٠ و ١٨٠ عادي
في الصني لو عدت ال ١٢٠ وحد عدي من جنبها بسرعة بتتمرجح يمين وشمال, وأبقي جرب وشوف.
وبعد كل دا قطع غيار البيچو كمان أرخص.!!
أنت بتتكلم في أيه.؟!!!


عموماً حضرتك لو عاجباك النيسان صني أوووي كدا, ممكن تروح تشتريها وتخلص فيها علي طول طالما عاجباك.
أنا مش فاهم ليه الجدال دا كله بما أنك مقتنع بيها كدا,,
بس متبقاش تزعل بعد كدا لو حسيت انو كان أختيار سئ,
ولو كان أختيار كويس ليك بالتوفيق.

وبالمناسبة الحجز اللي أنت هتسحبه من بيچو مش هيضر,, دا هيبقي مصلحة كبيرة جدا لينا ولناس كتير هنا,
لأن فيه ناس كتير هنا أعرفها مستنية بقالها أكتر من شهر تستلم والطلبات أعلي من الكمية المتاحة. :f_eyeb1[1]:

فا خد قرارك براحتك,
وبالتوفيق في الاختيار.

أهلا بيك سيدي و أشكرك علي ردك مع بعض التحفظات علي بعض النقط
وجه نظري أن السيارتين ممتازين هنا يوجد بعض المشاكل و الناحية الاخري مشاكل من نوع آخر ولولا اختلاف الأذواق لبارت السلع لكن أنا فقط أتكلم أن النيسان سعرها كام مقارنة بالبيجوا بيكام ؟ 109ألف أتومتيك أما البيجو 126 ألف أتوامتيك و هنا يوجد مشاكل و هناك أكيد مشاكل لكن أنا مقتنع أن كل السيارات ممتازة و كله يمشي علي الأرض و الدليل أن النيسان بالمشاكل التي تتكلم عنها أصبحت أكتر من الميكروباص في مصر . و البيجوا بدأت تنتشر .
وجه نظري الموضوع مادي إلي حد ما . موضوع الكفاءة فهو للمتخصصين أكثر من العامة
و لكم مني جزيل الشكر و الإحترام

[carizma1]

أهلا بيك سيدي و أشكرك علي ردك مع بعض التحفظات علي بعض النقط
وجه نظري أن السيارتين ممتازين هنا يوجد بعض المشاكل و الناحية الاخري مشاكل من نوع آخر ولولا اختلاف الأذواق لبارت السلع لكن أنا فقط أتكلم أن النيسان سعرها كام مقارنة بالبيجوا بيكام ؟ 109ألف أتومتيك أما البيجو 126 ألف أتوامتيك و هنا يوجد مشاكل و هناك أكيد مشاكل لكن أنا مقتنع أن كل السيارات ممتازة و كله يمشي علي الأرض و الدليل أن النيسان بالمشاكل التي تتكلم عنها أصبحت أكتر من الميكروباص في مصر . و البيجوا بدأت تنتشر .
وجه نظري الموضوع مادي إلي حد ما . موضوع الكفاءة فهو للمتخصصين أكثر من العامة
و لكم مني جزيل الشكر و الإحترام

يعني لغاية اخر سطر كنت بحاول ابلع اسلوبك انما فالاخر طينتها

سؤال مجرد من الشك....

انت ليه عاوز تحيد أراء الناس هنا عن انهم يبدوا اللي لاحظوه او شافوه او مارسوه او اي حاجه تعجبهم!!!

انت مالك ومال الكفاءه خليك فالسبوبه وخلاص فرق السعر المغري اللي انت شايفه ومش مهم مقارنة المواصفات لإننا عامه وانت عارف ان رأي المتخصصين مش هيكون مظبوط لان كله مسستم كل اللي تبعه.

يعني أرجو من إدارة المنتدي بإغلاق الموضوع الفاقد للحيادية كسياسه المنتدي ويقوم بترويج شائعات بدون اي دليل او ممارسه منه شخصيا او حتي سمع صح.

فالأصح انهاء هذا الحوار الذي يتردي أكثر فأكثر منه قبلنا. وشكرا

[Ahmed Amin]

أهلا بيك سيدي و أشكرك علي ردك مع بعض التحفظات علي بعض النقط
وجه نظري أن السيارتين ممتازين هنا يوجد بعض المشاكل و الناحية الاخري مشاكل من نوع آخر ولولا اختلاف الأذواق لبارت السلع لكن أنا فقط أتكلم أن النيسان سعرها كام مقارنة بالبيجوا بيكام ؟ 109ألف أتومتيك أما البيجو 126 ألف أتوامتيك و هنا يوجد مشاكل و هناك أكيد مشاكل لكن أنا مقتنع أن كل السيارات ممتازة و كله يمشي علي الأرض و الدليل أن النيسان بالمشاكل التي تتكلم عنها أصبحت أكتر من الميكروباص في مصر . و البيجوا بدأت تنتشر .
وجه نظري الموضوع مادي إلي حد ما . موضوع الكفاءة فهو للمتخصصين أكثر من العامة
و لكم مني جزيل الشكر و الإحترام

فعلاً لولا اختلاف الأذواق لبارت السلع,
عشان كدا قلت لك وفر علي نفسك وقت والكلام دا وروح أشتري الحاجة اللي تريحك,,
من غير ما تحاول تشتت نفسك ولا تدخل في مقارانات مالهاش لازمة بما أنك مقرر من الأول أنت ناوي تشتري أيه ومقتنع بيه,
يعني مالوش لازمة أنك تحاول تثبت لنا أن فيه حاجة أحسن من التانية.!
عشان أحنا هنا لينا وجهة نظر مختلفة,

مينفعش تاني تقارن النيسان صني بالبيجو 301.!
دي عربية تقفيل مصري هندي, وأهم جزء فيها وهوا المحرك متقفل في الهند,
وباقي العربية متقفلة في مصر وداخل فيها خامات مصرية,, والتقفيل المصري معروف بجودته طبعاً وأنو لا يقارن بصناعة اليابان ولا الصين,, ومبيتكسرش.!
‫ولا صنع اليابان ولا الصين صنع بلدي ومبيتكسرش‬‎ - YouTube


أما البيجو فهيا عربية تقفيل أوروبي, تقفيل أفضل, صاج أقوي, راحة وأمان أعلي من الصني,
والتقفيل الأوروبي معروف بجودته, ولو كانت البيجو متقفلة في مصر أو المغرب كان تمنها هيكون أقل من الصني,
خد مثال علي دا الرينو اللوجان وسعرها,, طبعاً عربية أفرس وأجدع من الصني 100 مرة.


وأخر حاجة معظم اللي بيشتري الصني الجددة بيجهل عدة نقط عنها,,
أولاً أكتر الناس بتشتريها علي أنها ياباني,, وهيا طبعاً بعيدة كل البعد عن كلمة ياباني دي,,
يعني مهياش عربية ياباني 100%, ولا حتي كل مكوناتها ياباني وأهمهم من الموتور والخامات الداخلية مش ياباني
فا فيه ناس كتير بتفكر أنها عربية ياباني وسعرها حنين ومعقول وبتشتريها علي هذا الأساس,
ودي طبعاً سياسة تسويق غلط, وفيها غش للمستهلك اللي مش عارف دا ولا فاهم.

تاني حاجة النيسان الصني الجديدة بتتباع علي سمعة وتاريخ النيسان الصني القديمة,,
يعني دا مش نجاح بعينه للصني الجديدة,,

مش زنب المشتري اللي أشتراها علي أنها عربية محترمة وساعد علي أنتشارها
وبعدين ولاقاها حاجة تانية عكس ما كان متوقع سواء من سوء ثباتها علي الطريق, أو أنها مش ياباني علي الأقل وداخل فيها شغل كتير هندي علي مصري.
يعني مش معني أنها منتشرة تبقي ناجحة,

ثالثاً الصني بقالها أكتر من 10 سنين في السوق,
وحضرتك جاي بتقارنها بالبيجو 301 اللي هيا لسه جديدة في السوق ومكلمتش سنة وبتقول علي البيجو أنها منتشرة,!!


راعي لما تيجي تتكلم يكون الكلام موضوعي,,
البيجو لحد يومنا هذا فيه ناس بتشوفها في الشارع بتستغربها ومتعرفش أيه موديل العربية دي لأنها لسه أول سنة ليها في السوق.
وناس كتير بتفكر أنها غالية, لأن معروف إن البيجو عموماً غالي,, وعليه أشاعات إن قطع غياره نار فالناس بتخاف منه, لكن أنت شوفت إن فيه قطع غيار للبيجو أرخص من الصني.!
دا غير إن الكمية اللي معروضة من اليبجو أقل من الطلب اللي عليها,

يعني لما الناس اللي حاجزة تستلم, ولما المصنع يزود طاقته الأنتاجية والعربية تبقي متوفرة في المعارض,,
ولما يعدي علي العربية سنتين أو 3 سنين علي الأقل في السوق, أبقي قارنها ساعتها وشوف مين اللي هيكسب المقارنة,

فا لو حضرتك عايز تتكلم منطقي وموضوعي,
ممكن تقرأ الموضوعين دول وأنت تعرف بنفسك إذا كانت البيجو أنتشرت ولا لأ قبل ما تقول منتشرتش لمجرد أنك مشوفتهاش في الشارع, وهيا لسه في أول سنة ليها,,

http://www.nilemotors.net/Nile/376062-301-7-a.html

http://www.nilemotors.net/Nile/392923-301.html

وأبقي ضيف علي الكلام دا صفوف الأنتظار الطويلة اللي مستنية تستلم العربية,

وبالتوفيق يا أستاذ إيهاب في شراء العربية اللي أنت مقتنع بيها.

[raad13]

أهلا بيك سيدي و أشكرك علي ردك مع بعض التحفظات علي بعض النقط
وجه نظري أن السيارتين ممتازين هنا يوجد بعض المشاكل و الناحية الاخري مشاكل من نوع آخر ولولا اختلاف الأذواق لبارت السلع لكن أنا فقط أتكلم أن النيسان سعرها كام مقارنة بالبيجوا بيكام ؟ 109ألف أتومتيك أما البيجو 126 ألف أتوامتيك و هنا يوجد مشاكل و هناك أكيد مشاكل لكن أنا مقتنع أن كل السيارات ممتازة و كله يمشي علي الأرض و الدليل أن النيسان بالمشاكل التي تتكلم عنها أصبحت أكتر من الميكروباص في مصر . و البيجوا بدأت تنتشر .
وجه نظري الموضوع مادي إلي حد ما . موضوع الكفاءة فهو للمتخصصين أكثر من العامة
و لكم مني جزيل الشكر و الإحترام

حضرتك بتقول كلام زي الفل,انا شايف ان حضرتك لازم تلغي حجزك و تروح تجيب الصني فورا لأنها لقطة و متتعوضش و كمان عشان عايز استلم ال301 و عايز زحمة الحجز تخف

[mahmed0100]

براحه علي الراجل مش كده
انا نفسي لما شفت ال 301 اول مره كان في شهر 7 اللي فات .. كنت متخيل ان تمنها في حدود ال 200 الف من علامه بيجو عليها بس :) و ان اللي سايقها جوه ده معاه 200 الف غيرهم يصرفهم علي صيانتها

اما لو في حد رايه النيسان صني افضل من البيجو 301 في 2013 و 2014

اتمني ليه التوفيق و اتمني انه يكون بيشتري للسوق و طبعا دي خساره فلوس من غير متعه ( يعني للي حيشتريها منه ) و مش بيشتري لنفسه

لان العربيه دي مينفعش حد يروح يشتريها زيروا لنفسه و يقول انا حركب صني في شهر 12 .. بعد ما اتفرمت انتقاد من ملاكها و وضوح مشاكل الفرامل زي الشمس و البلاستيك اللي جواها و الصاج الورق علي عكس الصني بتاع زمان

و برغم انها ازواق بس الشكل الجديد سئ جدا .. مش مفهوم .. ملخبط
علي عكس البساطه في بيجو 301 و الشكل الانيق و االلي كان موجود في الصني القديم

و اخيرا انا اتكلمت مع واحده اشترت صني و باعتها قبل ما توصل 1000 كيلو
و كان تعليقها انها بتخاف تسند علي العربيه لحسن الصاج يتطبق و حجزت بيجو اكتيف

نصيحه شوف انت عايز ايه من العربيه و معاك كام و اشتري .. و سيبك من الناس بتاعت السوق دي الله يخليك
واحد منهم قالي بلاش بيجو دي صاجها ورق .. قلت له انت شفت ال 301 اصلا ؟ .. قالي الهاتش باك و لا السيدان :) و نصحني باوبترا :))

و في الاخر انا حاجز 301 و ربنا يقرب معاد الاستلام :)

بالتوفيق :)

[Hema_Basha]

براحه علي الراجل مش كده
انا نفسي لما شفت ال 301 اول مره كان في شهر 7 اللي فات .. كنت متخيل ان تمنها في حدود ال 200 الف من علامه بيجو عليها بس :) و ان اللي سايقها جوه ده معاه 200 الف غيرهم يصرفهم علي صيانتها

اما لو في حد رايه النيسان صني افضل من البيجو 301 في 2013 و 2014

اتمني ليه التوفيق و اتمني انه يكون بيشتري للسوق و طبعا دي خساره فلوس من غير متعه ( يعني للي حيشتريها منه ) و مش بيشتري لنفسه

لان العربيه دي مينفعش حد يروح يشتريها زيروا لنفسه و يقول انا حركب صني في شهر 12 .. بعد ما اتفرمت انتقاد من ملاكها و وضوح مشاكل الفرامل زي الشمس و البلاستيك اللي جواها و الصاج الورق علي عكس الصني بتاع زمان

و برغم انها ازواق بس الشكل الجديد سئ جدا .. مش مفهوم .. ملخبط
علي عكس البساطه في بيجو 301 و الشكل الانيق و االلي كان موجود في الصني القديم

و اخيرا انا اتكلمت مع واحده اشترت صني و باعتها قبل ما توصل 1000 كيلو
و كان تعليقها انها بتخاف تسند علي العربيه لحسن الصاج يتطبق و حجزت بيجو اكتيف

نصيحه شوف انت عايز ايه من العربيه و معاك كام و اشتري .. و سيبك من الناس بتاعت السوق دي الله يخليك
واحد منهم قالي بلاش بيجو دي صاجها ورق .. قلت له انت شفت ال 301 اصلا ؟ .. قالي الهاتش باك و لا السيدان :) و نصحني باوبترا :))

و في الاخر انا حاجز 301 و ربنا يقرب معاد الاستلام :)

بالتوفيق :)

علي فكرة انا شوفت الكلام ده وصورته ووريتهوله هنا حتي كلن علي صفحة بيجو علي الفيس

[Akram.Gamal]

واحد منهم قالي بلاش بيجو دي صاجها ورق .. قلت له انت شفت ال 301 اصلا ؟ .. قالي الهاتش باك و لا السيدان :) و نصحني باوبترا :))



بالتوفيق :)

ههههههههههه

[د عمرو العمرجى]

يكفى النيسان شهادة من يشتريها
اول مرة اشوف فى حياتى ينزل موديل من عربية ....فالناس تروح تشترى الموديل السابق منها

[dr/hamza]

عربية جميلة

[ihabsamir]

أشكركم علي ردودكم
سواء انا مع أو ضد أدينا بنتعلم
بالتوفيق لمن معه بيجو
بالتوفيق لمن معه نيسان
و أنا مازالت مصمم ان السيارتين ممتازين . و بالتوفيق للجميع

[Ahmed Amin]

ربنا يكرمك يا أستاذ إيهاب,
ويصلح حالك وحالنا.
وتجيب الحاجة اللي تناسبك وترتاح فيها.

[mahmed0100]

علي فكرة انا شوفت الكلام ده وصورته ووريتهوله هنا حتي كلن علي صفحة بيجو علي الفيس

اكيد انت هيما باشا
الدنيا ضيقه يا جدعان :))

[Hema_Basha]

اكيد انت هيما باشا
الدنيا ضيقه يا جدعان :))

اكيد ياعم محمد والله انا كانت حاسس من الكومنتات ان انت حد معانا هنا علي المنتدي

[Akram.Gamal]

اكيد انت هيما باشا
الدنيا ضيقه يا جدعان :))

سبحان الله يا أخى هو انت !!