بفكر اشتري بيجو 301

[Mohamed 555]

السلام عليكم, باختصار يا جماعة انا في الاول كنت بفكر في النيسان صني 2014 الشكل الجديد. و من هنا ابتدت المعاناه...
ناس تقولي دي نيسان و اشتري و حلوه و ياباني و قطع غيار في كل مكان و رخيصة و عربية بياعة و ليها سوق و لما تيجي تبيعها سعرها مش بينزل كتير و الكلام ده و كنت خلاص مقتنع بيها و كنت ناوي اجيب السوبر صالون.. و دخلت ابص على رأي الناس على النت فيها لقيت اللي بيشتم فيها و اللي بيدافع عنها و اللي بيتكلم عن مشكلة في الفرامل و الصاج ضعيف و الثبات مش قوي و انهم بيروحو التوكيل و الكلام ده بس هما بيشكرو في التوكيل و انه بيحل المشاكل بس انا مش جايب عربية اتعذب بيها و اروح التوكيل..

قولت خلاص اشوف بديل لقيت البيجو 301 او سيتروين سي اليزيه, لقيت اللي يقولي لا البيجو قطع غيارها غالية و مش موجوده و سعر اعادة البيع وحش و ابعد عن البيجو و اللي يقولي لا الستروين بلاش قطع غيارها مش في السوق و سعرها بيقع جامد لما تبيع و التوكيل وحش و انا محتار جدا دلوقتي اعمل ايه!!

يا رب الاقي عندكو الاجابة لاني كنت نازل امبارح اجيب حاجة و خليتها لحد يوم الحد الجاي ان شاء الله اشوف اي حاجة اشتري او احجز و ربنا يسهل و الموضوع ده وجعلي دماغي اوي بجد...

[maio_do]

النيسان الصنى ابعد عنها بسبب اراء ملاكها

الستروين ماعنديش خلفية كبيرة عنها بس انا فضلت البيجو

البيجو اسعار قطع الغيار نزلت وتقدر تعرفها من الينك ده

http://www.nilemotors.net/Nile/381727-301.html

توكيل محترم جدااااا

المشكلة اللى هتقابلنا اعادة البيع وده هيتلخص فى الاتى

البيجو زمان سمعه توكيلها وحش ومفيش ناس كتير تعرف انه اتحدث وبقى افضل بمراحل

تانى حاجة العربية بالفلوس اللى بتدفعها بتاخد حقها مقارنة بالعربيات الكورى واليابانى اللى راحت عليه زى الانسر

الاهم علشان العربية تمسك سوق بتحتاج حاجتين اسعار قطع الغيار وتوكيل محترم وده بقى فى بيجو واللى باذن الله الفترة اللى جاية هتلاقى العربية مسكت السوق واكتسحت كمان فى فئتها السعرية

هى مخاطرة بس عايز اقولك انا داخلها وممكن ابيع بعد سنة او سنة ونص كحد اقصى وواثق تماما ان سوق البيجو هيقف وهتمسك سعر

[islam.3bada]

عشان متحتارش انزل اتفرج على العربيات بنفسك و ده هيفرق كتير فى قرارك ده طبعا بعد ما تحدد انت اولوياتك ايه فى العربية ثبات و لا موتور قوى وعفشة ولا استهلاك بنزين قليل و لا اوبشنز كتير و هكذا

و خد الكلام من ملاك العربية نفسهم لان السوق مليان اشاعات و كلام كتير مش صح و كله سماعى و عندط هنا فى المنتدى ملاك النيسان صنى و ملاك الـ 301 و ملاك الاليزيه , اسال و هما هيفيدوك بتجارب عملية

و بالنسبة لموضوع قطع الغيار بالذات خد الكلام بالارقام الفعلية مش بالسمعة ان الماركة x قطع غيارها غالية و الماركة y قطع غيارها رخيصة .. كمان عشان اللى ممكن يكون بالنسبة ليا غالى ممكن يكون بالنسبة ليك معقول او رخيص و العكس

و ربنا يوفقك لاختيار الانسب والافضل .

اخوك اسلام من ملاك الاليزيه و اى سؤال تحت امرك
تحياتى

[ادهم صبرى 2014]

يا عزيزى استعرض جميع مميزات وعيوب كل سيارة وبعدين حكم عقلك واستخر الله ولا تتبع كلام الناس فالشعب المصرى للاسف غالبيته يبحث عن سيارة قطع غيارها رخيصة ويكون سعر اعادة البيع بتاعها عالى ولا يهتم بالمضمون والدليل على ذلك ان الغالبية بتشكر فى السيارة فيرنا !!!! ... وانا رأيى ان الواحد لازم يكون متميز وياخد كل مواصفات الامان والقوة والفخامة بسعر رخيص ولا ينظر لسعر اعادة البيع لان الواحد ببساطه بيشترى عربية زيرو علشان يركبها مش علشان يبعها وانا شايف ان كل المواصفات دى بتنطبق على الجميلة ستروين سى اليزية .

[maio_do]

عشان متحتارش انزل اتفرج على العربيات بنفسك و ده هيفرق كتير فى قرارك ده طبعا بعد ما تحدد انت اولوياتك ايه فى العربية ثبات و لا موتور قوى وعفشة ولا استهلاك بنزين قليل و لا اوبشنز كتير و هكذا

و خد الكلام من ملاك العربية نفسهم لان السوق مليان اشاعات و كلام كتير مش صح و كله سماعى و عندط هنا فى المنتدى ملاك النيسان صنى و ملاك الـ 301 و ملاك الاليزيه , اسال و هما هيفيدوك بتجارب عملية

و بالنسبة لموضوع قطع الغيار بالذات خد الكلام بالارقام الفعلية مش بالسمعة ان الماركة x قطع غيارها غالية و الماركة y قطع غيارها رخيصة .. كمان عشان اللى ممكن يكون بالنسبة ليا غالى ممكن يكون بالنسبة ليك معقول او رخيص و العكس

و ربنا يوفقك لاختيار الانسب والافضل .

اخوك اسلام من ملاك الاليزيه و اى سؤال تحت امرك
تحياتى

اخبار قطع الغيار اية مقارنة للبيجو واية رايك فى التوكيل عز العرب

[Mohamed 555]

النيسان الصنى ابعد عنها بسبب اراء ملاكها

الستروين ماعنديش خلفية كبيرة عنها بس انا فضلت البيجو

البيجو اسعار قطع الغيار نزلت وتقدر تعرفها من الينك ده

http://www.nilemotors.net/nile/381727-301.html

توكيل محترم جدااااا

المشكلة اللى هتقابلنا اعادة البيع وده هيتلخص فى الاتى

البيجو زمان سمعه توكيلها وحش ومفيش ناس كتير تعرف انه اتحدث وبقى افضل بمراحل

تانى حاجة العربية بالفلوس اللى بتدفعها بتاخد حقها مقارنة بالعربيات الكورى واليابانى اللى راحت عليه زى الانسر

الاهم علشان العربية تمسك سوق بتحتاج حاجتين اسعار قطع الغيار وتوكيل محترم وده بقى فى بيجو واللى باذن الله الفترة اللى جاية هتلاقى العربية مسكت السوق واكتسحت كمان فى فئتها السعرية

هى مخاطرة بس عايز اقولك انا داخلها وممكن ابيع بعد سنة او سنة ونص كحد اقصى وواثق تماما ان سوق البيجو هيقف وهتمسك سعر

انا برضو بصيت على قطع الغيار كويسة و فعلا نزلت و الناس اللي قالت على قطع الغيار مكانتش تعرف عن الموديل ده حاجة و اخده بالكلام القديم و خلاص

[Mohamed 555]

عشان متحتارش انزل اتفرج على العربيات بنفسك و ده هيفرق كتير فى قرارك ده طبعا بعد ما تحدد انت اولوياتك ايه فى العربية ثبات و لا موتور قوى وعفشة ولا استهلاك بنزين قليل و لا اوبشنز كتير و هكذا

و خد الكلام من ملاك العربية نفسهم لان السوق مليان اشاعات و كلام كتير مش صح و كله سماعى و عندط هنا فى المنتدى ملاك النيسان صنى و ملاك الـ 301 و ملاك الاليزيه , اسال و هما هيفيدوك بتجارب عملية

و بالنسبة لموضوع قطع الغيار بالذات خد الكلام بالارقام الفعلية مش بالسمعة ان الماركة x قطع غيارها غالية و الماركة y قطع غيارها رخيصة .. كمان عشان اللى ممكن يكون بالنسبة ليا غالى ممكن يكون بالنسبة ليك معقول او رخيص و العكس

و ربنا يوفقك لاختيار الانسب والافضل .

اخوك اسلام من ملاك الاليزيه و اى سؤال تحت امرك
تحياتى

انا نزلت بصيت على الاتنين و بصراحة الايليزيه عجبني شكلها اكتر من بره و جوه كمان و كمان سعرها اقل بس مش عارف ايه نظام التوكيل عشان فيه ناس بتقول مش حلو بس انا مش عارف ازاي ده واخد عربيات تانية تقيلة زي الدودج و الجيب و الفولفو و غيرهم بس بيقولو مش حلو و بتوع بروتون اشتكو!! و مش عارف مدى مصداقية الكلام ده...

[smsm2004w]

نصيحة ابعد عن الصنى انا كنت حاجز سوبر صالون العربية سيئة بشهادة ملاكها من الاصدقاء اللى ندموا بعد ماجابوها وفى منهم اللى باعها قبل ماتكمل 5000 كم اما بالنسبة للبيجو 301 فهى الحصان الأسود فى مصر الأن سيارة رائعة بكل المقاييس من ناحية المتانة والأمان والفخامة الداخلية والخارجية والحمدلله انا حجزتها ومقارنة بالأليزية العربيتين واحد فى كل حاجة ماعدا الشكل الخارجى ودى ازواق اما بالنسبة لأعادة البيع والتوكيل البيجو افضل وربنا يوفقق للأصلح لك

[Mohamed 555]

يا عزيزى استعرض جميع مميزات وعيوب كل سيارة وبعدين حكم عقلك واستخر الله ولا تتبع كلام الناس فالشعب المصرى للاسف غالبيته يبحث عن سيارة قطع غيارها رخيصة ويكون سعر اعادة البيع بتاعها عالى ولا يهتم بالمضمون والدليل على ذلك ان الغالبية بتشكر فى السيارة فيرنا !!!! ... وانا رأيى ان الواحد لازم يكون متميز وياخد كل مواصفات الامان والقوة والفخامة بسعر رخيص ولا ينظر لسعر اعادة البيع لان الواحد ببساطه بيشترى عربية زيرو علشان يركبها مش علشان يبعها وانا شايف ان كل المواصفات دى بتنطبق على الجميلة ستروين سى اليزية .

بصراحة يا باشا انت بعد كلامك دخلت الايليزيه في دماغي و هي حلوه اوي و شيك جدا و سعرها حلو

[islam.3bada]

ده تقرير انا كنت عامله عن الاليزيه , اتمنى انه يفيدك , اقرأه و اى استفسار انا تحت امرك

http://www.nilemotors.net/Nile/396082-c-elysee.html

[Mohamed 555]

نصيحة ابعد عن الصنى انا كنت حاجز سوبر صالون العربية سيئة بشهادة ملاكها من الاصدقاء اللى ندموا بعد ماجابوها وفى منهم اللى باعها قبل ماتكمل 5000 كم اما بالنسبة للبيجو 301 فهى الحصان الأسود فى مصر الأن سيارة رائعة بكل المقاييس من ناحية المتانة والأمان والفخامة الداخلية والخارجية والحمدلله انا حجزتها ومقارنة بالأليزية العربيتين واحد فى كل حاجة ماعدا الشكل الخارجى ودى ازواق اما بالنسبة لأعادة البيع والتوكيل البيجو افضل وربنا يوفقق للأصلح لك

انا طلعتها من حساباتي بس الموضوع كل شويه يكبر مني انا في الاول كنت بفكر في حاجة في حدود 100 بالكتير و بعد كده اترفع ل 110 في الاوبترا و بعدين 120 في الصني السوبر صالون و دلوقتي 135 في البيجو! بس اهو الواحد بيقول حاجة للعمر و الواحد مش عاوز يلبس في حاجة او تبوظ منه على طول لان الواحد خلاص جاب اخره كده

[maio_do]

بصراحة يا باشا انت بعد كلامك دخلت الايليزيه في دماغي و هي حلوه اوي و شيك جدا و سعرها حلو

انت مش واخد بالك انه قايلك سيبك من سعر اعاده البيع وانت سالت عليه

[Mohamed 555]

ده تقرير انا كنت عامله عن الاليزيه , اتمنى انه يفيدك , اقرأه و اى استفسار انا تحت امرك

http://www.nilemotors.net/nile/396082-c-elysee.html

طيب هو الاستلام بيبقى بعد قد ايه, و اعلى فئة بكام؟ و الحجز قد ايه؟

[Mohamed 555]

انت مش واخد بالك انه قايلك سيبك من سعر اعاده البيع وانت سالت عليه

ههههههههههههه لا انا بتكلم على الشكل هو اول واحد كان كلمني عليه من فتره و سعر الشرا و كده بس انا روحت مقارنها بالبيجو عشان كده بشوف كل حاجة و بعدين ربنا يسهل ان شاء الله هو حتى الان انا ميال للبيجو عشان موضوع التوكيل رغم شكل الستروين الاحلى من وجهة نظري لان في اسكندرية مفيش عز العرب و فيه حد تاني فالموضوع صعب اني اروح القاهرة عشان الصيانة الدورية خصوصا ان الناس بتقول ان بتوع الصيانة في اسكندرية مش تمام

[islam.3bada]

انا نزلت بصيت على الاتنين و بصراحة الايليزيه عجبني شكلها اكتر من بره و جوه كمان و كمان سعرها اقل بس مش عارف ايه نظام التوكيل عشان فيه ناس بتقول مش حلو بس انا مش عارف ازاي ده واخد عربيات تانية تقيلة زي الدودج و الجيب و الفولفو و غيرهم بس بيقولو مش حلو و بتوع بروتون اشتكو!! و مش عارف مدى مصداقية الكلام ده...

بص يا باشا مش معانا ان كل الماركات دى توكيل واحد انهم كلهم يبقو زى بعض و ده لان كل ماركة مستقلة بذاتها من حيث الادارة , كل ماركة و ليها ادارة مختلفة بمهندسيها بالاداريين بالفنيين ... و حضرتك قولت بتوع بروتون اشتكو

عز العلاب زى معظم توكيلات مصر له ما له و عليه ما عليه لا هو بالسئ ولا هو بالجيد , المعاملة حاليا بقت افضل عن الاول و هما بيحاولو يغيرو الصورة اللى اللى متاخدة عنهم فى السوق