صوت عالي في فتيس ال 301

[د/سامح]

الف شكر يا جماعة و جزاكم الله كل خير .... و اعذروني لاني الحقيقة ما ركبتش عربيات فرنساوي قبل كدة ... متعود على الامريكي و الياباني

[د/سامح]

طب في سؤال تاني مادام حضراتكم ما شاء الله فاهمين كويس كدة .... ليه لما العربية بتاخد غيار الماكينة بتتحرك من مكانها ؟ .... شفتها لما تدي غيار و الكبوت مفتوح .... تحس ان الماكينة بتميل اول ما تاخد الغيار ... دي تكنولوجيا جديدة و لا موجودة في عربيات تانية

[Ahmed Amin]

الشكر لله,
وبرضه كل العربيات الأوتوماتيك كدا لما تديها غيار وهيا واقفة وأنت فاتح الكبوت, مش تكنولوجيا جديدة,,
لازم الموتور يتحرك مع ال d لما بياخد الغيار, ولما تديله r بيتحرك في عكس الأتجاة بتاع ال d
الحركة دي طبيعية جداً في أي موتور بفتيس أوتوماتيك بياخد غيار.

[Akram.Gamal]

طب في سؤال تاني مادام حضراتكم ما شاء الله فاهمين كويس كدة .... ليه لما العربية بتاخد غيار الماكينة بتتحرك من مكانها ؟ .... شفتها لما تدي غيار و الكبوت مفتوح .... تحس ان الماكينة بتميل اول ما تاخد الغيار ... دي تكنولوجيا جديدة و لا موجودة في عربيات تانية

الشكر لله,
وبرضه كل العربيات الأوتوماتيك كدا لما تديها غيار وهيا واقفة وأنت فاتح الكبوت, مش تكنولوجيا جديدة,,
لازم الموتور يتحرك مع ال d لما بياخد الغيار, ولما تديله r بيتحرك في عكس الأتجاة بتاع ال d
الحركة دي طبيعية جداً في أي موتور بفتيس أوتوماتيك بياخد غيار.

ايه رايك بقا مش الاوتوماتيك بس ولا الجديد بس
ال504 فيها نفس الموضوع وبتنط من مكانها لما انقل ع الاول يعنى
و الحركه دى طبيعيه جدا جدا
ولو بصيط ع كراسى الموتور هتلاقيهم عاملين زي عكس بعض كده حشان يسمح لجنب من اجناب الموتور ينزل فيهم و الا هتلاقى المكنه يترزع فى الشاسيه و القنطره

بمعنى تانى المكنه بتريح على الكاوتش بتاع الكراسى حشان يمتص القوه المحمله ع الشاسيه

احنا بنتكلم عن 115 حصان قاعدين جوه 1600 سم³ بس

[د/سامح]

الله اكبر عليكم ما شاء الله بجد حاجة تفرح ناس فاهمة و ما بتبخلوش بالمعلومة .... ربنا يجزاكم الخير و تشرفت بمعرفتكم. هو حضراتكم شغاليين في بيجو و لا هواية بس ؟ واضح انكم ناس بروفيشينال

[Akram.Gamal]

الله اكبر عليكم ما شاء الله بجد حاجة تفرح ناس فاهمة و ما بتبخلوش بالمعلومة .... ربنا يجزاكم الخير و تشرفت بمعرفتكم. هو حضراتكم شغاليين في بيجو و لا هواية بس ؟ واضح انكم ناس بروفيشينال

انا عن نفسى لسا سنه تمهيدى و يعنى بعد عذاب و كحرته و بحث و فلوس بتتصرف بسبب جهل الصنايعيه
و طبعا منكرش انى ياما اتعلمت من المنتدى كتــــــــــــــــــــــــير

[Ahmed Amin]

الله اكبر عليكم ما شاء الله بجد حاجة تفرح ناس فاهمة و ما بتبخلوش بالمعلومة .... ربنا يجزاكم الخير و تشرفت بمعرفتكم. هو حضراتكم شغاليين في بيجو و لا هواية بس ؟ واضح انكم ناس بروفيشينال

لا والله مش شغالين في بيجو ولا حاجة,,
القصة كلها أنك لما تسوق العربية لفترة كبيرة,
وتواجهك مشاكل وتحلها سواء مع التوكيل أو برة
وتسأل كان فيها أيه وتبقي عارف سبب المشكلة بتتعلم ساعتها ودا بيفيد كمان عشان لو حصت تاني تعرف تحلها بشكل أسرع, دا اللي بيعلم كويس التجربة.

وبعد كدا المنتدي بنسأل عليه أو نقرأ مواضيع قديمة فيها نفس الأسئلة وبنتعلم أكتر,

فا كلنا بدأنا أبيض يعني,

[د/سامح]

طب إية رأي حضراتكم في الحاجات الي بتنظف دورة البنزين او الي بتعلي الاوكتان ؟..... انا عارف انها مش مفضلة في الزيرو بس للاسف البنزين الي عندنا مهما تكون البنزينة نظيفة برضو يوم عن يوم بتحس ان العربية اتكتمت .... بس هل الحاجات دي بتأثر على الماكينة او تنشف الخراطيم زي ما سمعت و لا نتوكل على الله و كل فترة نحط شوية ؟

[Ahmed Amin]

طب إية رأي حضراتكم في الحاجات الي بتنظف دورة البنزين او الي بتعلي الاوكتان ؟..... انا عارف انها مش مفضلة في الزيرو بس للاسف البنزين الي عندنا مهما تكون البنزينة نظيفة برضو يوم عن يوم بتحس ان العربية اتكتمت .... بس هل الحاجات دي بتأثر على الماكينة او تنشف الخراطيم زي ما سمعت و لا نتوكل على الله و كل فترة نحط شوية ؟

لا مش بتنشف الخراطيم, ومالوش لازمة كل شوية تحط وهيا أفضل للمواتير التربو عن المواتير العادية بتاعتها,,
وهيا بتنضف الدورة والمواسير اللي رايحة للموتور والرشاشات,, وبتعلي أو بتحسن الأوكتان للمواتير التربو,

وكترتها مش مفضلة بالنسبة للمنظف لأن لو البنزين وحش, والفلتر مسك الشوائب دي فأنت بتحط منظف الدورة في التانك, وبعدين المنظف بياخد الوساخة اللي في الفلتر وبيروح بيها علي الموتور والرشاشات,,


عشان كدا دايماً يفضل لو عايز تستعمل أزازة تنضيف دورة البنزين, أنك تغير فلتر البنزين قبلها عشان تبقي في الأمان وتاخد أحسن فايدة منه.

وعلي فكرة هوا مش عملي ولا بيعمل حاجة, وأتعمل عليه أبحاث كتير وطلعت الفايدة منه نسبة بسيطة لا تذكر ومش رخيص,
يعني لو بتحط بنزين من بنزينات مش كويسة أو مش واثق من البنزين يفضل فلتر كل 10 الأف أو 20 الف أفضل من أستخدام المنظف.

ودا رأيي الشخصي اللي بنصحك بيه لأن الفلتر هوا اللي بيمسك وبيشيل كل الشوائب من البنزين, ولما تيجي تغيرة إن شاء الله هتلاقيه منزل هباب أسود بمعني الكلمة.!!!