صوت عالي في فتيس ال 301

[د/سامح]

بسم الله الرحمن الرحيم

فعلاً انا استفدت كتير جداً من المنتدى و أرجو تقبل مروري
استلمت العربية ال 301 من شهرين و ما شاء الله تبارك الله لا قوة الا بالله العربية ممتازة بس من يوم ما استلمتها و انا في الجراج اول ما بادي ال r باسمع صوت زنة و في الجراج بيبقى الحقيقة مزعج و مع الوقت بدأ يظهر كمان مع ال d و روحت أبو روش مهندس الاستقبال قالي الصوت عادي و بعد كدة كبير المهندسين قالي ان الصوت دة من علبة البلوف الخاصة بالفتيس و انه مش عامل مشكلة و بيظهر في عربيات و عربيات لاء و اخر كلام قالي لو فضل موجود لغاية صيانة ال 2500 ممكن نغيرها و شوية يقولي الاحسن تروح فرع غمرة .... الحقيقة محتار مش عارف اروح غمرة و لا الصوت ممكن يختفي مع الوقت لان ناس فنيين قالولي مع الوقت ممكن يختفي و اللعب في العربية حتى لو في التوكيل مش كويس ...
اسف جداً على الاطالة و ارجو الإفادة و تقبلو مروري

[Mahmoud Mok]

مبدئياً الف مبروك على العربية الجديدة يا دكتور ويكفيك شرها ان شاء الله
والله انا من رأى المتواضع ان الافضل ان حضرتك عشان تطمن اكتر تشرفهم بالزياره فى مركز غمرة
لانهم المختصين بشكل كبير لو فى اى مشكله فى الفتيس
حضرتك تقدر تتصل على 19207 خدمه العملاء , وطبعا يادكتور يكون مع حضرتك الرخصه جاهزه لان هيطلب من حضرتك بيانات السيارة سواء رقم الشاسية او اللوحه المعدنيه الحروف والارقام
وهيتم الحجز طبعا قبل الميعاد ب 48 وطبعا على حسب اليوم اللى هيتححدد طبعا الوقت هيكون الساعه 9 او 10 لان اى اصلاح بيتم الحجز ليه ف الوقتين دول

وان شاء الله مايكونش فى اى مشاكل ومبروك مره ثانيه يا دكتور

[Ahmed Amin]

د/ سامح,,
حضرتك سئلت نفس السؤال دا مرة قبل كدا ورديت عليك,
فا لو مشوفتش ردي أو مش عارف ترجع للموضوع القديم,, فالرد أهو ممكن تراجع عليه من اللنك دا,

http://www.nilemotors.net/Nile/388756-301-4.html#post3875282184

وأبقي أقرأ المشاركات اللي في الصفحة دي كمان,,

http://www.nilemotors.net/Nile/369210-301-41.html

وأنت معندكش أي مشكلة في فتيس عربيتك,
والصوت دا عادي وطبيعي ومش بيبان إلا لو في جراج مقفول أو شارع هادي بليل, يعني مش هتسمعه وأنت جوا العربية أو وأنت سايق.
والصوت مش عالي ومش هيزيد ولا هيقل ولا هيختفي مع الوقت لأنه من طبيعة عمل الفتيس الفرنساوي.

[Ahmed_Mega]

انا عندي نفس الصوت ده مع ال r ف الشارك صوت شششت ويختفي ومش بيظهر اﻻ لو جناب العربية مقفول ف الجراج يعني ورحت المتخصصون بتوع التوكيل واكدلي ان دة صوت بلف الزيت بيفتح وقالي دة عادي متقلقش اعتقد انت عندك نفس الكلام والله اعلم

[د/سامح]

مبدئياً الف مبروك على العربية الجديدة يا دكتور ويكفيك شرها ان شاء الله
والله انا من رأى المتواضع ان الافضل ان حضرتك عشان تطمن اكتر تشرفهم بالزياره فى مركز غمرة
لانهم المختصين بشكل كبير لو فى اى مشكله فى الفتيس
حضرتك تقدر تتصل على 19207 خدمه العملاء , وطبعا يادكتور يكون مع حضرتك الرخصه جاهزه لان هيطلب من حضرتك بيانات السيارة سواء رقم الشاسية او اللوحه المعدنيه الحروف والارقام
وهيتم الحجز طبعا قبل الميعاد ب 48 وطبعا على حسب اليوم اللى هيتححدد طبعا الوقت هيكون الساعه 9 او 10 لان اى اصلاح بيتم الحجز ليه ف الوقتين دول

وان شاء الله مايكونش فى اى مشاكل ومبروك مره ثانيه يا دكتور

الله يبارك فيك يا أستاذ محمود و ألف شكر عى اهتمامك

[د/سامح]

د/ سامح,,
حضرتك سئلت نفس السؤال دا مرة قبل كدا ورديت عليك,
فا لو مشوفتش ردي أو مش عارف ترجع للموضوع القديم,, فالرد أهو ممكن تراجع عليه من اللنك دا,

http://www.nilemotors.net/nile/388756-301-4.html#post3875282184

وأبقي أقرأ المشاركات اللي في الصفحة دي كمان,,

http://www.nilemotors.net/nile/369210-301-41.html

وأنت معندكش أي مشكلة في فتيس عربيتك,
والصوت دا عادي وطبيعي ومش بيبان إلا لو في جراج مقفول أو شارع هادي بليل, يعني مش هتسمعه وأنت جوا العربية أو وأنت سايق.
والصوت مش عالي ومش هيزيد ولا هيقل ولا هيختفي مع الوقت لأنه من طبيعة عمل الفتيس الفرنساوي.

الف شكر يا أستاذ أحمد .... انا فعلاً كنت كتبت الموضوع دة قبل كدة بس للاسف ما شفتش الرد لأني توقعت إن الرد يوصلني في رسالة على الايميل .... كلام حضرتك تمام بس الي قلقني اني لما روحت أبو رواش شغلولي عربية نفس الموديل و ما كانش في أي صوت و المهندس قالي لو الصوت فضل لغاية صيانة ال 2500 هايغيرلي علبة البلوف

[amrelsaqqa]

يا باشا ده السولونويد وده طبيعى خالص مفيش منه قلق

[د/سامح]

يا باشا ده السولونويد وده طبيعى خالص مفيش منه قلق

الف شكر يا استاذ عمرو و لو اني مش عارف اية السولونيد دة بس شكراً على اهتمام سعادتك

[Ahmed Amin]

الف شكر يا أستاذ أحمد .... انا فعلاً كنت كتبت الموضوع دة قبل كدة بس للاسف ما شفتش الرد لأني توقعت إن الرد يوصلني في رسالة على الايميل .... كلام حضرتك تمام بس الي قلقني اني لما روحت أبو رواش شغلولي عربية نفس الموديل و ما كانش في أي صوت و المهندس قالي لو الصوت فضل لغاية صيانة ال 2500 هايغيرلي علبة البلوف

أولاً الشكر لله,
ثانياً لا حول ولا قوة إلا بالله.!! أسمه المهندس العبقري اللي بيألف دا ؟؟
شوفت يا عمرو amrelsaqqa أنا بقول للناس متروحش أبو رواش ليه,,
دا مفيش حتي إلمام بأساسيات العربية وفتي للركب.!

[Ahmed Amin]

الف شكر يا استاذ عمرو و لو اني مش عارف اية السولونيد دة بس شكراً على اهتمام سعادتك

السولونيد هوا صمام الكهربائي بيتحكم في ضغط الزيت جوا الفتيس عشان ينقل لك الغيارات,,
وطبعاً بيشتغل وبتسمع الزنة بتاعتهم في حالتين بس وهما لما تحط الفتيس علي D أو R
غير كدا علي N أو P مش هتسمع أي صوت من الفتيس.

ودا شكل السولونيد,


ودا شكال الفالف بادي (مخ الفتيس) اللي راكب عليه السولونيدز اللي بتتحكم في النقل ما بين الغيارات.

[amrelsaqqa]

أولاً الشكر لله,
ثانياً لا حول ولا قوة إلا بالله.!! أسمه المهندس العبقري اللي بيألف دا ؟؟
شوفت يا عمرو amrelsaqqa أنا بقول للناس متروحش أبو رواش ليه,,
دا مفيش حتي إلمام بأساسيات العربية وفتي للركب.!

:D :D

[د/سامح]

أستاذ أحمد و أستاذ عمرو الف شكر و جزاكم الله كل خير ..... بس في سؤال من باب الفضول مش أكتر .... هي شركة بحجم بيجو ما يقدروش يتغلبوا على صوت زي دة ؟ لانه فعلا صوت مزعج لما بتكون في الجراج ؟ و السؤال التاني ازاي عربيات تانية نفس الموديل الصوت دة مش موجود خالص ؟؟؟؟

[د/سامح]

الحقيقة برضو عشان ما نظلمش المهندس هو راجل محترم جدا و قالي ان الموضوع مافيش منه اي مشكلة و لما انا الحيت علية قالي لما نشوف في صيانة ال 2500 لو فضل موجود نغير علبة البلوف .... للتوضيح م أكتر

[Ahmed Amin]

الحقيقة برضو عشان ما نظلمش المهندس هو راجل محترم جدا و قالي ان الموضوع مافيش منه اي مشكلة و لما انا الحيت علية قالي لما نشوف في صيانة ال 2500 لو فضل موجود نغير علبة البلوف .... للتوضيح م أكتر

ماهو أنت معندكش مشكلة عشان يقولك نغير علبة البلوف, وتغيرها مش سهل كدا,
كمان الصوت هيفضل معاك لحد ال 2500 وال 5000 وال 100,000
يعني لما تروح هيكون الصوت موجود, ساعتها هيقولك نغيرها ؟؟ طبعا لأ لأنها مفهاش مشكلة.

[Ahmed Amin]

أستاذ أحمد و أستاذ عمرو الف شكر و جزاكم الله كل خير ..... بس في سؤال من باب الفضول مش أكتر .... هي شركة بحجم بيجو ما يقدروش يتغلبوا على صوت زي دة ؟ لانه فعلا صوت مزعج لما بتكون في الجراج ؟ و السؤال التاني ازاي عربيات تانية نفس الموديل الصوت دة مش موجود خالص ؟؟؟؟

عربيات تانية نفس الموديل زي أيه ؟ العربية اللي ورهالك في التوكيل دي لو حطها علي D هتطلع نفس الصوت وأبقي أفتح الكبوت عشان تتأكد بنفسك وتسمع الصوت, لكن لو جرب معاك وأنت جوا العربية أو واقف جمبها ممكن متسمعوش لأن الصوت مش بيبان الصبح زي ما أتفقنا وبيبان بليل بس لو في شارع هادي أو في جراج,,

وأبقي شوف أي عربية تانية أخت بتاعتك أو حتي 406 أو 307
وهتلاقي نفس الصوت,, لأن الفتيس والفالف بلوك هيدروليك وشغال بضغط الزيت فا الصوت دا طبيعي لما تكون العربية واخدة غيار.

ولو تاخد بالك أستاذ Ahmed_Mega قالك إن نفس الكلام موجود عنده في لانسر شارك ودي ياباني,

أما بالنسبة للفتيس الفرنساوي فهوا صوته أعلي شوية من الياباني دا لأن تصميم الفتيس كدا,
ولأنه حجمه ووزنه أكبر من الفتيس الياباني والكوري, وعزمة أعلي منهم الأتنين,,

عزم الفتيس الفرنساوي بتاع البيجو عالي من أغلب أنواع الفتيس الكوري وحتي الياباني في المواتير ال 1600
الفتيس بتاع البيجو ممكن تقطر بيه وزن وراك أكتر من 300 ل 500 كيلو عن أي فتيس ياباني وكوري,,
أعرف ناس قطرت بالفتيس دا عربية وكانت محملة وزن,,
لكن العربيات الكوري والياباني أستحالة تقطر بيها عربية ممكن تنهي عمر الفتيس في الحركة دي.

وأخيراً صيانته أسهل لأن القطع فيه كبيرة وسهلة في الفك والتركيب, ومش صغيرة ومعقدة زي الياباني والكوري.
فامتقلقش نفسك وهو تصميمه كدا.