استفسار مهم جدا حول طقة فى المطبات بيجو 301

[m.basha]

السلام عليكم كنت عرضت الموضوع قبل كده انى عندى مع المطبات صوت زى دبة فى الجانب الايسر و اعتقد انى مش بسمعه غير فى الجنب ده يعنى اليمين مافيش الصوت ده كان الاعضاء قالولى ده تربيط عفشة بس انا حاسس ان الصوت زاد شويه يعنى قبل كده مش كل المطبات كان بيبان فيه دلوقتى ساعات بسمع الصوت لو داخل على مطب صناعى بسرعة شويه و يدوب اهدى اول ما اوصل للمطب بسمع الصوت بتاع الدبة دى اول ما الكاوتش يلمس المطب ده غير انى قولت ان الصوت بيبان فى المطبات الغويطة شويه برجاء الافادة استنى لحد ميعاد الصيانة ال 2500 و لا اروح التوكيل دلوقتى مع العلم ان عربيتى عامل بيها لحد دلوقتى حوالى 1600 كيلو ياريت التوضيح من الاعضاء المحترمين و خصوصا منسق القسم الاستاذ احمد امين و طبعا انا عارف ان كلكم ما تتخيروش عنه فى الخبرة و الذوق و شكرا

[walidzakzok]

مش لازم تستنى الصيانة ممكن تروحلهم فى اي وقت لاحتمال ان يكون فيه حاجة عندك مش مربوطة كويس

[amrelsaqqa]

روح من دلوقتى وان شاء الله بسيطة

[smsm2004w]

روح دلوقتى ومتستناش علشان ممكن تكون حاجة محتاجة تربيط وبتفك اكتر كل ما تمشى بالعربية وانشاء الله بسيطة

[Akram.Gamal]

على فكره انا عندى نفس الموضوع ده بالظبط لكن فى الجانب الايمن

[m.basha]

على فكره انا عندى نفس الموضوع ده بالظبط لكن فى الجانب الايمن

هو الجانب الايسر و انت واقف فى وش العربية لكن لو سايق يبقى الجانب الايمن معرفشى نفس الجنب اللى عندك و لا ايه و يا ترى ايه ممكن يكون سببه ممكن حد يفيدنا احنا الاثنين ان شاء الله

[Akram.Gamal]

هو الجانب الايسر و انت واقف فى وش العربية لكن لو سايق يبقى الجانب الايمن معرفشى نفس الجنب اللى عندك و لا ايه و يا ترى ايه ممكن يكون سببه ممكن حد يفيدنا احنا الاثنين ان شاء الله

اها يبقا احنا الاتنين بنتكلم عن نفس الجانب الايمن و انت سايق
انا بحس احيانا بطقه و احيانا تطبيله لكن مش عارف هي ايه
ده غير ان الاستهلاك عندى عالى جدا
و الموتور احيانا بيصقف

[mahmed0100]

ساكتين ليه يا جماعه .. انت عامل كام كيلو يا اكرم لحد دلوقتي ؟
احجزوا صيانه و شوفوا ايه مشكلتها و إن شاء الله تكون حاجه بسيطه
روحوا التوكيل سوا ;)

[بيشوى_رمزى]

ساكتين ليه يا جماعه .. انت عامل كام كيلو يا اكرم لحد دلوقتي ؟
احجزوا صيانه و شوفوا ايه مشكلتها و إن شاء الله تكون حاجه بسيطه
روحوا التوكيل سوا ;)

كلام مظبوط و ممكن تعمل موضوع لو فى حد تانى عنده نفس الموضوع تروحوا فى يوم واحد و بأذن الله تطلع حاجة بسيطة

[Akram.Gamal]

انا عامل ٤٠٠٠ كم دلوقتى
و للاسف مش فاضى اروح التوكيل حشان كده مقولتش ع الموضوع ده

[m.basha]

انا عامل ٤٠٠٠ كم دلوقتى
و للاسف مش فاضى اروح التوكيل حشان كده مقولتش ع الموضوع ده

هو ممكن الصوت ده كان عندك قبل صيانة ال 2500 و ماسمعتهوش وعلى فكرة انا كتبت برده قيل كده ان فى صوت تسقيف فى الموتور مع الحرق شويه على الغيار و قالولى هنا فى المنتدى ده عيب بنزين و بصراحة بقالى فترة ما سمعتهوش و استهلاك البنزين بالنسبة ليا معقول لا هو وحش و لا حلو بس انا بصراحة مضايقنى صوت الدبة اللى انا قولتللك عليها ده مش عارف ممكن تبقى بطاحة مساعد و لا تربيط عفشة و لا ايه

[Akram.Gamal]

هو ممكن الصوت ده كان عندك قبل صيانة ال 2500 و ماسمعتهوش وعلى فكرة انا كتبت برده قيل كده ان فى صوت تسقيف فى الموتور مع الحرق شويه على الغيار و قالولى هنا فى المنتدى ده عيب بنزين و بصراحة بقالى فترة ما سمعتهوش و استهلاك البنزين بالنسبة ليا معقول لا هو وحش و لا حلو بس انا بصراحة مضايقنى صوت الدبة اللى انا قولتللك عليها ده مش عارف ممكن تبقى بطاحة مساعد و لا تربيط عفشة و لا ايه

مش عارف والله بس انا عندى كام مشكله كده بشكل عام
البنزين .. التصقيف
الدبه بتاعة العفشه .. مع سماع بعض الاصوات الغريبه احيانا
عداد البنزين نفسه بيشتغلنى (اختراع العداد الديجيتال ده فاشل اصلا)
مع سماع صوت طقه من الفتيس اعتقد فيه حاجه محتاجه يتربط عليها

[abohend]

طمنوننا

يا ريت تطمنونا يا جماعة ايه حكاية الدبة دي
و لو المشكلة اتكررت مع اي حد تاني من الملاك يا ريت يفيدنا لا تكون مشكلة جماعية

m.basha
أنت راجل إسكندراني
و أكيد مستبعد مشوار التوكيل في مرغم
في مركز خدمة نور الدين (مركز خدمة معتمد بيجو و إسكودا) في شارع فؤاد
ممكن تكلمهم و تشوف لو في إمكانية إنك تكشف على الموضوع ده عندهم


Akram
إزاي مقولتش على حاجة زي دي قبل كده
دي خيانة عظيمة لقسم بيجو و جريمة في حق جميع ملاك و حاجزين بيجو 301
ده أنت على الأقل تعزم كل الملاك و الحاجزين على أكلة سمك دمياطي تكفيرا عن الذنب ده
و مش هنسامحك لو مفيش جمبري و سبيط

يا رب تكون بسيطة و تتضبط مع تربيط العفشة

تحياتي للجميع

[Akram.Gamal]

يا ريت تطمنونا يا جماعة ايه حكاية الدبة دي
و لو المشكلة اتكررت مع اي حد تاني من الملاك يا ريت يفيدنا لا تكون مشكلة جماعية

m.basha

Akram
إزاي مقولتش على حاجة زي دي قبل كده
دي خيانة عظيمة لقسم بيجو و جريمة في حق جميع ملاك و حاجزين بيجو 301
ده أنت على الأقل تعزم كل الملاك و الحاجزين على أكلة سمك دمياطي تكفيرا عن الذنب ده
و مش هنسامحك لو مفيش جمبري و سبيط

يا رب تكون بسيطة و تتضبط مع تربيط العفشة

تحياتي للجميع

يابو هند انت بس تشرفنا و احنا نعملك اللالى

و السى فود جاهو و بيستناك انت و اي حد من الزمايل و مش عزومه مركبيه

سمك مبطرخ كمان و جمبرى جامبو و سبيط و كاليمارى



بالنسبه للمشكله دى انا قولت عليها لابراهيم و عمرو

بس قالولوى تهيئات و كده و انا فنفس الوقت كنت منتظر انى اتاكد او اعرف العيب منين بس اعتقد انه هيبقا عيب تربيطات و مش هتكون فى العفشه بس لان فيه حجات كتير بحسها عايزه تربيط زي الابواب و قواعد الموتور و الفتيس

[m.basha]

يا ريت تطمنونا يا جماعة ايه حكاية الدبة دي
و لو المشكلة اتكررت مع اي حد تاني من الملاك يا ريت يفيدنا لا تكون مشكلة جماعية

m.basha
أنت راجل إسكندراني
و أكيد مستبعد مشوار التوكيل في مرغم
في مركز خدمة نور الدين (مركز خدمة معتمد بيجو و إسكودا) في شارع فؤاد
ممكن تكلمهم و تشوف لو في إمكانية إنك تكشف على الموضوع ده عندهم


akram
إزاي مقولتش على حاجة زي دي قبل كده
دي خيانة عظيمة لقسم بيجو و جريمة في حق جميع ملاك و حاجزين بيجو 301
ده أنت على الأقل تعزم كل الملاك و الحاجزين على أكلة سمك دمياطي تكفيرا عن الذنب ده
و مش هنسامحك لو مفيش جمبري و سبيط

يا رب تكون بسيطة و تتضبط مع تربيط العفشة

تحياتي للجميع

وااله يا ابو هند انا فعلا مش فاضى خالص اروح التوكيل عشان ظروف شغلى و مش مقتنع اروح لنور الدين عشان مش طالبه غير التوكيل خصوصا فى الاول و بعدين انت انش اء الله حاتستلم امتى يارب على خير و انا عند وعدى لو عايز حاجة ياريت تكلمنى او تبعتلى نمرتك على الخاص و انت تحت امر رجالة اسكندرية