Tweet
المشاركة الأصلية كتبت بواسطة mamando
وبعد كل التربيط ده زي الاول بدون اي تغيير ؟؟
طب ظهر عندك حاجه جديده ولا لا؟؟
-
انت اول مره تحكى ان الموضوع معاك فيه تطورات
وبعد كل التربيط ده زي الاول بدون اي تغيير ؟؟
طب ظهر عندك حاجه جديده ولا لا؟؟Facebook.com/groups/peugeot.301.fans -
لا مفيش حاجة جديدة ظهرت
وانا بفكر اصعد الموضوع معاهم
بس مش عارف اعمل ايه !!Comment
-
العربيه لسه جديده اتقلوا شويا تكمل 5000 كم و تلين و هتبقى زى الفل ان شاء الله
Sent from my GT-S5282 using Forum RunnerComment
-
الاستاذ احمد منسق قسم بيجو انا كمان كتبت قبل كده ان انا كمان عندى نفس صوت الطقة دى بسمعها وانا ماشى هادى بالعربية او داخل على مطب وعربيتى عاملة 1800 كيلو وقلقان بصراحة من الموضوع هل دى مشكلة عامة فى ال 301 . ارجو الافادةComment
-
بسم الله الرحمن الرحيم . الحمد لله استلمت من حوالى 10 ايام وعامل بالعربية حوالى 1400 كيلو متر انا هلخص ملاحظات على العربية بشكل عام .
1- العربية كان بها صوت هبدة فى المطبات ولكن بعد ضبط الكاوتش على 32 اصبح الهبدة قليلة
2- موضوع النتشة الى فى الفتيس دى صحيحه ولكن محتاجة تكون رجلك على الفرامل ودواسة البنزين مضبوطة مش تخنق العربية وفى الحالة دى مش هتحس بالنتشة
3- سحب العربية كويس واستهلاكها للبنزين طبيعى ولكن فى حالة التعامل مع الغيارات والسرعات بشكل طبيعى وبدون الحرق على الغيارات والسرعات العالية.
4- ثبات العربية جيد ولكن مش ممتاز فى كل الأحوال وعلى فكرة انا كنت راكب شيفرولية لانوس قبل كده.
5- انا جربتها على السرعات كلها لحد 180 كم وهى مشاء الله سحب العربية كويس.
6- بالنسبة لموضوع رشح الزيت كان عندى رشحة خفيفة حوالين غطاء الزيت العلوى وده بعد 500 كم ولكن نشفت التبخير ده وضغط على الغطاء شوية وقفلته وبتابعها لحد دلوقتى ولكن الحمد لله مارشحتش زيت تانى.
7- صوت الموتور عالى فعلا" ولكن عند بداية التشغيل وغالبا" علشان يساعد على سرعة تسخين دورة الموتور.
8- بعد السير بمسافة طويلة صوت الموتور بيبتدى يهدى شوية.
9- كان فى اعضاء سابقين اتكلمو على موضوع دخول هواء سخن من فتحات التكييف وده خوفنى شوية ولكن المشكلة كانت انهم مش بيشغلو الزرار الخاص بأعادة تدوير الهواء داخل العربية.
الملحوظة:
عند تجربة الزرار الخاص بالقيادة الرياضية على الطريق (s) لايوجد اى زيادة فى معدل السرعة او احساس بالتغيير علما" بأن أعضاء اخرين قد تكلمو فى موضوع أن هناك صوت يجعلك تشعر بأن الأسد الفرنسى يزأر . وهذه الملحوظة سوف أذكرها عند الذهاب لصيانة 2500كم قريبا" انشاء الله.
اسف لأطالة وارجو التوفيق لجميع الأعضاء وارجو منكم الدعاء . والسلام عليكم ورحمة الله وبركاتهComment
-
النهاردة حصلت معايا مشكلة تانية غير مشكلة الطقة اللى انا كنت اتكلمت عليها قبل كده وهى ان السيستم بتاع البارك وقف لوحده وانا بجيب ال r علشان ارجع لوارا لقيت الصفارة بتاعة السينسور بارك اشتغلت مع ان ماكانش فى اى حاجة ورايا وفضلت معلقة وبعدين جابلى على الشاشة اللى فى النص (park sensor assistant faluir) وبعدين ظهر على الشاشة بتاعة الكيلو متر كلمة (service) كلت التوكيل وحجزت فى فرع غمرة يوم الاحد القادم وده كان اقرب ميعاد . سؤالى للسادة الاعضاء هل فى حد حصل معاه المشكلة دى قبل كده وممكن تكون المشكلة ايه وانا كنت سالت استاذ احمد على المشكلة الاولى ولم يتم الرد هل المشاكل اللى بتحصل فى العربية دى مشاكل عامة ولا لأه وشكرا على الاهتمامComment
-
طيب هانت, وأبقي عرفنا عملت أيه بعد صيانة ال 2500المشاركة الأصلية كتبت بواسطة m.basha مشاهدة المشاركة
ويفضل تعملها في غمرة, وأحجز قبلها بالهوت لاين عشان متروحش علي الفاضي في يوم يكون زحمة.LeitoSR سابقاComment
-
حضرتك عملت صيانة ال 2500 فين اللي ربطت فيها علي العفشة ؟المشاركة الأصلية كتبت بواسطة mamando مشاهدة المشاركةLeitoSR سابقاComment
-
أهلا بيك,المشاركة الأصلية كتبت بواسطة sisco مشاهدة المشاركة
مفيش حاجة أسمها مشكلة عامة,, دي عربية أوروبي مش صيني,,
معظم العربيات الجديدة وأغلب الأوروبي بيكون معمول له معاد صيانة أولية مجانية بعد أول 1000 ل 2500 كيلو لتربيط العفشة,,
لأن اللي أعرفه أنها مش بيكون متقرط (مربوط) عليها جامد من في خط الأنتاج من أول ما بتطلع من المصنع,, وأول تربيط ليها بيكون بعد التليين ولما العربية تتحرك شوية,,
يعني معمول حساب أن ممكن يطلع معاك أصوات في أول 1000 ل 2500 كيلو وعشان كدا الصيانة دي موجودة عشان تروح تربط علي العفشة في الصيانة المجانية دي مع الكشف علي السوائل زي الزيوت للماتور والفتيس والمياة الخاصة بالتبريد وشحن الفريون كمان.
ولو حد فضل عنده مشاكل أو صوت من بعد ما يعمل الصيانة المجانية دي يفضل يعمل صيانته بعدها في المركز الرئيسي غمرة لأنهم الأفضل في أعمل الصيانة دي,
ويتابع معاهم لو لسه فيه مشكلة لحد ما تتحل له.LeitoSR سابقاComment
-
أولاً: ألف مبروك علي العربية وربنا يبارك لك فيها,المشاركة الأصلية كتبت بواسطة eng_alaaali440 مشاهدة المشاركة
ثانياً: بخصوص الملحوظة دي ضحكتني جداً,,
هتذكر لهم أيه في الصيانة بخصوص زرار ال S,,
أن العربية مش بتزأر يعني لما بتختار ال S زي ما الزملاء قالو؟؟
بص ياباشا ال S بيخلي العربية تنقل علي RPM أعلي حتي لو دايس خفيف,
بس مش معني كدا أنها هتخلي كل نقلاتك علي 6000 لفة في الدقيقة مثلاً,
الفرق كله هيكون 1000 لفة في الدقيقة فقط, لو كنت دايس الدوسة العادية بتاعتك,
ومعني أنك بتقول أنك مش حاسس بأستهلاك بنزين عالي في السواقة العادية بتاعتك, دا معناه إن سواقتك هادية جداً
وضع ال S في الفتيس مش هتحس بالأداء بتاعه غير لما تكون بتجري وبتدوس نص الدواسة أو أكتر,, هتلاقي السحب بيفرق كتير, وأستجابة العربية أسرع من المود العادي D
لأن في وضع ال S العربية بتنقل علي أعلي RPM بتقدر عليه عشان تديك أقصي أداء,,
لكن مش هيوصل الأمر لدرجة إن العربية تزأر بيك,,
هوا أسد أه بس مش أوي كدا,,
وألف مبروك تاني علي العربية يا بشمهندس,
وربنا يبارك لك فيها.
LeitoSR سابقاComment
-
عندك مشكلة في حساسات الركن, سواء من السينسورز أو من القراية بتاعتهم,, وهيتم عمل اللازم في صيانة ال 2500المشاركة الأصلية كتبت بواسطة sisco مشاهدة المشاركة
تقدر تروح قبلها لو حساس الركن مش بيشتغل دلوقتي معاك لما تيجي ترجع لورا,, وطالما حجزت بالتليفون فا دا كويس عشان متروحش في يوم زحمة شغل.
أبقي عرفنا عملت أيه,
وأنا رديت عليك في المشكلة الأولي, وأبقي أعذرني لو أتأخرت بالرد لأني كنت مشغول شوية اليومين اللي فاتو وبرد علي الحاجة أول لما بقدر.
تحياتي,.LeitoSR سابقاComment
-
شكرا على الاهتمام والرد ان شاء الله لما ارجع من التوكيل هاطمنكوا وهابلغكم باللى حصل معايا معلش بس سؤال اخير انا كنت عاوز رقم مهندس كويس فى فرع غمرة اكلمه وارحله علاطول حد ممكن يساعدنىالمشاركة الأصلية كتبت بواسطة ahmed amin مشاهدة المشاركةComment
-
شكرا" على الرد ولكنى من كلام الأعضاء قبل كده بالنسبة لموضوع الزئير المقصود بيه ان سرعة الموتور وعدد لفاته بتزيد عند الضغط على زرار s وده انا ملاحظتهوش عند التجربة على الطريق ولكنى امبارح جربت الزرار مع تركيز اكتر فى استجابة العربية لقيت أن السرعة بتزيد مع اقل دوسة بنزين . وبالنسبة لموضوع رفع عدد اللفات للموتور جربت وعملت kick down لدواسة البنزين اكتشفت السرعة العالية الى حدثت ولصوت الزئير الى فعلا" يحسسك ان العربية تحولت إلى أسد على الطريق لإن الصوت بيبقى عالى فعلا" ويشد انتباه اى حد .المشاركة الأصلية كتبت بواسطة ahmed amin مشاهدة المشاركةأولاً: ألف مبروك علي العربية وربنا يبارك لك فيها,
ثانياً: بخصوص الملحوظة دي ضحكتني جداً,,
هتذكر لهم أيه في الصيانة بخصوص زرار ال s,,
أن العربية مش بتزأر يعني لما بتختار ال s زي ما الزملاء قالو؟؟ :copy of new:
بص ياباشا ال s بيخلي العربية تنقل علي rpm أعلي حتي لو دايس خفيف,
بس مش معني كدا أنها هتخلي كل نقلاتك علي 6000 لفة في الدقيقة مثلاً,
الفرق كله هيكون 1000 لفة في الدقيقة فقط, لو كنت دايس الدوسة العادية بتاعتك,
ومعني أنك بتقول أنك مش حاسس بأستهلاك بنزين عالي في السواقة العادية بتاعتك, دا معناه إن سواقتك هادية جداً
وضع ال s في الفتيس مش هتحس بالأداء بتاعه غير لما تكون بتجري وبتدوس نص الدواسة أو أكتر,, هتلاقي السحب بيفرق كتير, وأستجابة العربية أسرع من المود العادي d
لأن في وضع ال s العربية بتنقل علي أعلي rpm بتقدر عليه عشان تديك أقصي أداء,,
لكن مش هيوصل الأمر لدرجة إن العربية تزأر بيك,,
هوا أسد أه بس مش أوي كدا,, :copy of m-s5:
وألف مبروك تاني علي العربية يا بشمهندس,
وربنا يبارك لك فيها.Comment
-
فيه مهندس أسمه محمد الشرقاوي دا اللي ماسك أكتر الشغل في الورشة في بيجو غمرة,المشاركة الأصلية كتبت بواسطة sisco مشاهدة المشاركة
هوا قديم وفاهم وصغير في السن مش كبير,
الرقم بتاعه,,
01224275749
01143434240LeitoSR سابقاComment
-
فعلاً وضع الأسبورت بيخلي أستجابة دواسة البنزين أعلي,,المشاركة الأصلية كتبت بواسطة eng_alaaali440 مشاهدة المشاركة
وبتبقي العربية أسرع في تجميع السرعة عن الوضع العادي,
لأنو بيأخر النقلات بيخلي روح العربية أعلي في الغيارات وهتنقل معاك دايماً علي عدد لفات موتور أعلي من الوضع العادي.
ومواتير البيجو من أيام ال ٥٠٤ وال ٥٠٥ لما بيتقرص عليها هتحس بزئير الأسد الفرنسي.
ربنا يبارك لك فيها, وربنا يستر طريقك.
LeitoSR سابقاComment
Comment