Tweet
عملت ارضية جلد للـ 301
السلام عليكم رجالة نايل موتورز جميعا ورجالة البيجو و الـ 301 اللى حاجزها واللى اشتراها واللى بيفكر فيها خصوصا :D
بقالى فترة كنت عايز اعمل فرش للعربية وخصوصا الارضية ع الاقل ومكسل وطبعا اتشغلت في كذا حوار ، لحد ما العربية داخلة على 6000 كيلو ، فقلت لو سبتها اكتر من كدة هتتبهدل ، فكرت اعمل عند جينز كار بس بصراحة شفت شغلهم في الارضية الجلد وبصراحة ما عجبنيش اوى
يوم الخميس بالليل بالصدفة عديت على واحد عندنا في المنوفية ورانى الخامات اللى عنده وعجبتنى ، واتفقنا اجيله يوم السبت من اول النهار و ان الموضوع كله هيتكلف 400 ، طبعا اكدت عليه موضوع العتب ان العربية مفيهاش عتب واحتمال ما تظبطش ، بص عليها وقاللى ما تقلقش هنظبطها
طبعا النهاردة 25 يناير بس بما انى في اهدى مكان في العالم :D توكلت على الله ورحت غسلت العربية الصبح الاول وبعدين كنت عنده ع الساعة 1
بداية بعتذر على جودة الصور لأن لا المكان ولا الوقت ولا الموبايل سمحوا بأفضل من كدة
نبتدي بسم الله ما شاء الله
اول صورة طبعا بعد فك الكراسى و الكنبة
وبعدين فك الكونسولة وطبعا تحت الموكيت الاصلى والكونسول طبقة محترمة من العازل مش عارف باينة في الصورة ولا لا
الفك واخد المقاسات وشراء الخامات اخد حوالى ساعة
بعد كدة بدأ يفصل فيه وياخد المقاسات تانى ع الطبيعة ، وبعدين بدأ شغل الخياطة وفي الاخر طبعا التركيب والتقفيل
صورة بعد ما تقريبا ركب الارضية كلها
اهم حاجة عندى كان موضوع العتب والحمد لله اتعمل بيرفكت زي ما باين في الصورة بسم الله ما شاء الله
واضح كمان في الصور انه تم فك الكليبسات من الموكيت الاصلى وتركيبها تانى بعد الجلد ، وده في كل الارضية ، وفك كاوتش الباب ودخل المشمع تحته و اداله كذا غرزة مع الموكيت عشان يثبت ، طبعا مع تركيب الكليبسات وقفل الكاوتش تانى ، بقى 100 100 زي الفابريقة ما شاء الله
صورة اجمالية من بعيد توضح الجنبين اليمين والشمال وشكل العتب وشكل الارضيات بعد ما تم تركيب الكونسول تانى
في تعريج بسيط في الدواسة ورا بس ده راح بعد ما الفرش اتطبع والكراسى ركبت
صور بعد تركيب كل حاجة ، طبعا انا خليته عمللى الخرمين بتوع تركيب الدواسة عشان لو جبت دواسة اصلية في يوم من الايام اعرف اركبها
ما شاء الله بعد ما كل حاجة ركبت تشوفه تقول فابريقة
ودى كانت تجربتى والحمد لله راضى تماما عنها ، بالمرة طلبت من الحاج مجدي تعلية الكرسى اليمين شوية ، وفعلا قعدته اتظبطت وبقت احسن من الاول بكتير
التكلفة الاجمالية كانت 450 وما رضيتش افاصل فيها لان فعلا الشغل عجبنى وخد حوالى 4 ساعات ونص من الساعة 1 لحد المغرب
في النهاية اتمنى يكون الموضوع مفيد ، وياريت تدعولى دعوة حلوة بالله عليكم ، في امان الله :)
بقالى فترة كنت عايز اعمل فرش للعربية وخصوصا الارضية ع الاقل ومكسل وطبعا اتشغلت في كذا حوار ، لحد ما العربية داخلة على 6000 كيلو ، فقلت لو سبتها اكتر من كدة هتتبهدل ، فكرت اعمل عند جينز كار بس بصراحة شفت شغلهم في الارضية الجلد وبصراحة ما عجبنيش اوى
يوم الخميس بالليل بالصدفة عديت على واحد عندنا في المنوفية ورانى الخامات اللى عنده وعجبتنى ، واتفقنا اجيله يوم السبت من اول النهار و ان الموضوع كله هيتكلف 400 ، طبعا اكدت عليه موضوع العتب ان العربية مفيهاش عتب واحتمال ما تظبطش ، بص عليها وقاللى ما تقلقش هنظبطها
طبعا النهاردة 25 يناير بس بما انى في اهدى مكان في العالم :D توكلت على الله ورحت غسلت العربية الصبح الاول وبعدين كنت عنده ع الساعة 1
بداية بعتذر على جودة الصور لأن لا المكان ولا الوقت ولا الموبايل سمحوا بأفضل من كدة
نبتدي بسم الله ما شاء الله
اول صورة طبعا بعد فك الكراسى و الكنبة
وبعدين فك الكونسولة وطبعا تحت الموكيت الاصلى والكونسول طبقة محترمة من العازل مش عارف باينة في الصورة ولا لا
الفك واخد المقاسات وشراء الخامات اخد حوالى ساعة
بعد كدة بدأ يفصل فيه وياخد المقاسات تانى ع الطبيعة ، وبعدين بدأ شغل الخياطة وفي الاخر طبعا التركيب والتقفيل
صورة بعد ما تقريبا ركب الارضية كلها
اهم حاجة عندى كان موضوع العتب والحمد لله اتعمل بيرفكت زي ما باين في الصورة بسم الله ما شاء الله
واضح كمان في الصور انه تم فك الكليبسات من الموكيت الاصلى وتركيبها تانى بعد الجلد ، وده في كل الارضية ، وفك كاوتش الباب ودخل المشمع تحته و اداله كذا غرزة مع الموكيت عشان يثبت ، طبعا مع تركيب الكليبسات وقفل الكاوتش تانى ، بقى 100 100 زي الفابريقة ما شاء الله
صورة اجمالية من بعيد توضح الجنبين اليمين والشمال وشكل العتب وشكل الارضيات بعد ما تم تركيب الكونسول تانى
في تعريج بسيط في الدواسة ورا بس ده راح بعد ما الفرش اتطبع والكراسى ركبت
صور بعد تركيب كل حاجة ، طبعا انا خليته عمللى الخرمين بتوع تركيب الدواسة عشان لو جبت دواسة اصلية في يوم من الايام اعرف اركبها
ما شاء الله بعد ما كل حاجة ركبت تشوفه تقول فابريقة
ودى كانت تجربتى والحمد لله راضى تماما عنها ، بالمرة طلبت من الحاج مجدي تعلية الكرسى اليمين شوية ، وفعلا قعدته اتظبطت وبقت احسن من الاول بكتير
التكلفة الاجمالية كانت 450 وما رضيتش افاصل فيها لان فعلا الشغل عجبنى وخد حوالى 4 ساعات ونص من الساعة 1 لحد المغرب
في النهاية اتمنى يكون الموضوع مفيد ، وياريت تدعولى دعوة حلوة بالله عليكم ، في امان الله :)
Comment