عملت ارضية جلد للـ 301

[mohamed elhawy]

السلام عليكم
الف مليون مبروك علي العربيه اﻻول وعلي الفرش ثانيا
مع انها جت متأخره شويه بس يلا ملحوقه
استاذ عمرو
انا فعلا كنت عاوز اعمل الفرش الجلد دا و شوفت جينز كار و كان واحد عامله وكان وحش التقفيل النهائي من عند الكاوتش الجلد بتاع الببان فخفت منه و كبرت دماغي
فإذا كان دا شغل عم مجدي فمعلش اذا كان ممكن الواحد يعرف العنوان والرقم. ويعمله هناك فياريت الله يخليك
والمسافه مشش بعيده من القاهره للمنوفيه
وياريت تحضر الغدا زي مابتقول كدا علشان حتي يبقي عيش وملح
جزاك الله خير

[Ahmed Amin]

ألف مبروك علي الأرضية الجديدة يا عمرو,
فكيت كل كراسي وعملت شغل عالي أهوو,
مكنش هيجيلك قلب تعمل كدا لو مكنتش صلحت عربيتك قبل كدا صح,؟

[faroojj]

طيب ياؤيت يا جماعة نجمع بعض و نروح لعمرو فى يوم واحد لأن أنا كمان عجبنى الفرش فعلشان منتقلش عليه فى الغداء نروح كلنا فى يوم واحد ..
على فكرة المهندس و أنا بستلم العربية عرفته إنى هركب فرش فقلى خلى بالك علشان السروجى بيكسر الكلبس بس هو قال لى إن الكلبس موجود ب 18 جنيه

[S.Hasan]

مبروك عالشغل يابااشا

انا بقي عملت الارضية والفرش والشنطة عند جينز كار اللي في الحي السابع ونضيف جدا وكان التكلفة حوالي 1700 جنيه بس بصراحة الفرش بيشيل بلاوي

[amrelsaqqa]

معلش يارجالة انا لسة واخد بالى من الردود الاخيرة دلوقتى بالنسبة للاخوة اللى سألوا ع العنوان هبعتلهم ع الخاص ، وانا تحت امركم جميعا :)

[amrelsaqqa]

مبروك عالشغل يابااشا

انا بقي عملت الارضية والفرش والشنطة عند جينز كار اللي في الحي السابع ونضيف جدا وكان التكلفة حوالي 1700 جنيه بس بصراحة الفرش بيشيل بلاوي

منتظرين ياباشا تقرير وصور ونوع الخامة اللى عملتها للكراسى عشان انا بفكر اعمل الكراسى عند جينز كار

[S.Hasan]

بص يابااشا هو هناك عنده مجموعة خامات وبيوريك عينات في الغالي وفي الرخيص
فانا خليتني في المتوسط بعد كده بتختار الشكل في شكل كله جلد وفي شكل تاني بيدخل فيها قماش والفرق بسيط ( بالقماش ارخص بحاجة بسيطة) وهتلاقي هو هناك عامل شكل ل 301 ومصوره عنده وفي حد كان منزله هنا تقريبا كان رمادي غامق في فاتح .
انا عملت كله جلد اسود محبيتش ادخل فيه لون تاني . تيجي بقي بعد كده في الخياطة لو عاوزها خياطة دبل وبصراحة دي بتدي شياكة دي بتزيد ب 200 جنيه عالتكلفه وانا عملتها بصراحة لانها بتدي منظر كويس .
هحاول اصورها وارفعها ان شاء الله بس نصيجة الفرش بيشيل بلاوي محدش يفكر يكبر دماغه .

[SAWA1SAWA]

أنا حابب أشكر العضو المحترم والإنسان الخلوق المهندس عمر السقا الراجل قابلنى النهاردة وعمل الواجب وزيادة فكتر ألف خيرك يا باشمهندس وتشرفت بمعرفتك

[faroojj]

يا عمر باشا أنا كنت عاوز أعمل فرش الأرضية ضرورى الأسبوع ده عند الراجل الجامد بتاعك ياريت تبعتلى رقم تليفونه لأن المشوار مش سهل بالنسبة لى و ده رقم تليفونى 01141151126

[faroojj]

ألف شكر يا عمرو على العنوان أنا جاى يوم الثلاثاء 22\4 علشان أعمل الفرش ياريت تبعتلى رقم السروجى علشان أءكد عليه و كمان رقمك علشان أحاول أقبلك و أشكرك ,,

[Ahmed_Ta21]

طيب سؤال لو سمحتم الفرش ده فضلاً علي انه بيحافظ علي الموكيت الاصلي هل له دور مساعد في العزل؟

[amrelsaqqa]

مش اوى لانه مش سميك للدرجة بس اصلا الموكيت الاصلي تحته عازل كويس

[amrelsaqqa]

ألف شكر يا عمرو على العنوان أنا جاى يوم الثلاثاء 22\4 علشان أعمل الفرش ياريت تبعتلى رقم السروجى علشان أءكد عليه و كمان رقمك علشان أحاول أقبلك و أشكرك ,,

العفو ياباشا ، ويارب الشغل يعجبك ويبقى على مستوى الثقة دى :)

[faroojj]

العفو ياباشا ، ويارب الشغل يعجبك ويبقى على مستوى الثقة دى :)

إن شاء الله هخلص و هكلمك
و كنت عاوز أعرف هو عنده كذا خامة و لا حامة واحدة

[Maged1984]

يا ريت رقم الراجل دا يا باشا وعنوانه بالظبط,, ماعلش أنا عارف انك اسألت السؤال دا كتير