سعيد جدا انى اشتريت بيجو 301 مشاركة نحسبها عند الله محايده

[Hema_Basha]

ربنا يباركلك فيها يا عمرو

العيوب اللى حضرتك قولتها هى اللى اجمع عليها معظم ملاك العربية فعلا.

ممكن نبقى نطلب من بيجو يعملوا العلامة زى الاريال كدة، تركن تفك العلامات و الاريال و تطلع و تبقى تركبهم تانى اليوم اللى بعدة

طب انا عندي فكرة احسن نطلب منهن يعملو العلامة زي رولز رويس شوفتها دي

[J A G U A R]

قارنها مع الاكسنت 2014
- الاستهلاك للبنزين ونوعه
-التكييف مع السرعات البطيئه
-السحب فى الاتوماتيك

واتحداك لو البيجو تفوقت فى اى واحده من دول

انا ملاحظ ان رد حضرتك دايما مستفز جدا ومنحاز للاكسنت بطريقه غير عاديه ..
ده بدل ما تقولو الف مبروك وربنا يباركلك بتقولو اتحداك .. !!
طب حتا لو هيا فعلا وحشه مينفعش تقول كده .

تقبل مروروى ..

[samyyousef]

تحياتي لصاحب الموضوع الذي تحلى بالحيادية في مداخلته و لم يجنح للمبالغات المقيتة
تقبل تهنئتي
و كنت احب ان استجلي منك القول الفصل في عفشة السيارة، فهناك من قال انها في غاية النعومة و هناك من قال غير ذلك

[eslam.maghawry]

ربنا يباركلك فيها ويعطيك خيرها ويكفيك شرها

[Hema_Basha]

ربنا يباركلك فيها يا عمرو

العيوب اللى حضرتك قولتها هى اللى اجمع عليها معظم ملاك العربية فعلا.

ممكن نبقى نطلب من بيجو يعملوا العلامة زى الاريال كدة، تركن تفك العلامات و الاريال و تطلع و تبقى تركبهم تانى اليوم اللى بعدة

اتفرج يا باشا وصدقني الحل ده مثالي :-D:-D

http://m.youtube.com/watch?v=gUEbzexS1K0

[Abu Malek]

قارنها مع الاكسنت 2014
- الاستهلاك للبنزين ونوعه
-التكييف مع السرعات البطيئه
-السحب فى الاتوماتيك

واتحداك لو البيجو تفوقت فى اى واحده من دول

بصراحة انت ردودك كلها قمة الاستفزاز هنا فى القسم
الاعضاء دائما مرحبين بالمناقشات الهادفة مش دائما تشكيك وخلاص
انا عن نفسى زهقتلك ومستغرب انت مش زهقت لغاية دلوقتى ازاى
ده انت لو بتاخد مرتب على انك تعمل كده هتزهق فما بالك بتعمل كده وخلاص!!!!!!

[Hema_Basha]

بصراحة انت ردودك كلها قمة الاستفزاز هنا فى القسم
الاعضاء دائما مرحبين بالمناقشات الهادفة مش دائما تشكيك وخلاص
انا عن نفسى زهقتلك ومستغرب انت مش زهقت لغاية دلوقتى ازاى
ده انت لو بتاخد مرتب على انك تعمل كده هتزهق فما بالك بتعمل كده وخلاص!!!!!!

وانا كمان زهقتله ومعدش برد عليه وهو اصلا يجي يرمي الكلمة ويهرب ومبيردش علي حد

[ahmedz310]

الف مبروك يابرنس علي العربيه وربنا يحفظهالك من العين وعقبال كل اللي حاجزين

[Mohamed 555]

مبروك و ربنا يباركلك فيها و عقبالنا بقى... ادينا حاجزين و مستنيين :)

[Mohamed 555]

بالنسبة لموضوع الاكسنت, طيب مين يتفوق في الثبات و قوة الصاج بتاعها و جوده الخامات... انا اعتقد ان البيجو تتفوق في النقط دي..

[Ahmed Amin]

قارنها مع الاكسنت 2014
- الاستهلاك للبنزين ونوعه
-التكييف مع السرعات البطيئه
-السحب فى الاتوماتيك

واتحداك لو البيجو تفوقت فى اى واحده من دول

أرحم نفسك شوية, وياريت قبل ما تتكلم وتقول حاجة تبقي تقول كلام واقعي وحقيقي.

تعالي شوف الألنترا بتستهلك جوا البلد نفس معدل الأستهلاك العاااااالي,,
واللي هوا طبيعي في أي عربية سواء أوروبي أو حتي كوري.

المشاركة دي من زميل محترم ومحايد وموثوق في منتدي الهيونداي,

اما في القاهرة (مدينة الزحام و الاختناقات) أقصي معدل وصلت له و بالتحديد في مشوار (مدينة نصر - شبرا و العودة كان 11 لتر / 100 كم و طبعا لأن المسافة التي تبلغ 16 كم قطعتها في ساعة و 40 دقيقة لأن معظم المسافة الطريق كان واقف و بيتحرك متر متر

http://www.nilemotors.net/Nile/39065...post3875295685

أيه رأيك في الكلام دا يا حاج ؟؟

وياريت لو مش عاجباك البيجو 301 ممكن متتعبش نفسك ومتعلقش عليها,
ولا تقارنها بالكوري, لأن الموضوع دا مش للمقارانات,.
واللي بيتكلمو هنا بيتكلمو عن البيجو وبس.

[Ahmed Amin]

بصراحة انت ردودك كلها قمة الاستفزاز هنا فى القسم
الاعضاء دائما مرحبين بالمناقشات الهادفة مش دائما تشكيك وخلاص
انا عن نفسى زهقتلك ومستغرب انت مش زهقت لغاية دلوقتى ازاى
ده انت لو بتاخد مرتب على انك تعمل كده هتزهق فما بالك بتعمل كده وخلاص!!!!!!

وانا كمان زهقتله ومعدش برد عليه وهو اصلا يجي يرمي الكلمة ويهرب ومبيردش علي حد

ندعيله ربنا يهدي,,
ويبارك له ويدي له علي قد نيته.!

[Ahmed Amin]

السلام عليكم
اولا احب اعرفكم بنفسى انا من ملاك بيجو 301 هاى لاين لاكتر من 4 شهور حاليا ومتربى فى عيله كلها بيجو من يوم ما اتولدت وقبل ما اجيب ال بيجو 301 كان معايا 405 عامله اكتر من مليون كيلو و200 الف واخويا اشتراها منى مراحتش لغريب

أولاًُ الف مبروك يا عمرو باشا, وربنا يباركلك في العربية.
وفعلاً مواتير البيجو معروف عنها من زمان أنها مواتير ال مليون كيلو,,
عندك أكبر دليل ومثال حي علي الكلام دا البيجو 504 وال 505 لسه شغالة زي الفل وبتدور من أول تكة لحد أنهارده وزي الفراشة وسحبها ناعم علي الطريق..
في حاجة كوري لامؤاخذة بتمشي كل دا يا جدعان ؟؟
ولا حتي أوروبي تانية ؟!! قليل أووي ل مفيش.

المهم نخش فى الموضوع العربيه سحبها جميل ثبات محترم مبقولش انه الافضل بس على الاقل فى فئتها محترمه والحمد لله الفرامل محترمه ولحقتنى من كام كارثه كانت حتحصل مانع الانغلاق عامل شغل التكييف محترم برده اختصارا الاوبشن بتاع العربيه محترم مش اوبشن محطوط وملزقينوا بتفافه سورى فى اللفظ انا عامل بيها حتى الان 6300 طلعت بيها مرتين من اسكندرية لمرسى علم حوالى 1000 كيلو مبسوط بيها جدا والحمد لله فى ناس من زمايلى كتير نصحونى بانى ابعد بقه عن البيجو بدال حشترى جديد بس تراث العيله وكمان احترامى للعربيه واعتمادية بيجو خللونى ادوس والحمدلله وربنا اكرمنى و مندمتش على قرارى مش معناه ان العربيه خاليه من العيوب بس ملاحظاتى عليها كالتالى
1- استهلاك البنزين بيبقى عالى لازم اللى سايق يبقى عينه على الاستهلاك فى الكمبيوتر والدنيا حتبقى احسن عامة انا دفعت فى الالف كيلو بعد الحسبه حوالى 160 جنيه بنزين 92 على متوسط سرعه من 130 لحد 150 طبعا ده بعد ال البيجو 405 ال 2000 سى سى يبقى فضل ونعمه
2- العربيه عايزه سواق بيفهم من الاخر الغشم فى السواقه حيحسسك ان فى تاخير فى الاستجابه
بس ده مش عيب صناعه ده الجير بوكس متبرمج كده انك لو بتسوق سواقه رياضيه صعب تلجم العربيه بتبقى عايزه تطير والعربيه فى الزحمه والبطئ بتبقى عايزه تنام ومش بتستجيب للجرى بسرعه ( والحمد لله احنا الاتنين واخدين على بعض دلوقت)
3- العيب التالت والاهم متركبلها علامات بيجو اللى بتتسرق بلمحه ربنا يخلليلنا سواقين التاكسيات والتوك توك فى اسكندرية مشكلة سرقة العلامى دى بعانى منها من اكتر من 14 سنه

انا احب اطمن الناس اللى حاجزين والله صفقة رابحة انا و2 زمايلى معانا العربيه ومبسوطين وبقت كتير عندنا فى اسكندرية - انا بشكر كل زمايلنا فى المنتدى بسببهم الواحد اتعلم كتير عن العربيه ولسه بنتعلم
ربنا يحفظها لمن اشتراها والسلام عليكم ورحمة الله وبركاته

ربنا يباركلك فيها ياباشا ويحفظهالك من العين,
وحاول دايماً تغطيها كل ما تركن بليل, أو تدخلها جراج,
لأني مسروق مني العلامات قبل كدا في أسكندرية برضه.

ومنتظرين منك مشاركات تانية وأنطباعك بعد ما تعمل أول صيانة بتاعت ال 10 الأف.

[Hema_Basha]

أولاًُ الف مبروك يا عمرو باشا, وربنا يباركلك في العربية.
وفعلاً مواتير البيجو معروف عنها من زمان أنها مواتير ال مليون كيلو,,
عندك أكبر دليل ومثال حي علي الكلام دا البيجو 504 وال 505 لسه شغالة زي الفل وبتدور من أول تكة لحد أنهارده وزي الفراشة وسحبها ناعم علي الطريق..
في حاجة كوري لامؤاخذة بتمشي كل دا يا جدعان ؟؟
ولا حتي أوروبي تانية ؟!! قليل أووي ل مفيش.



ربنا يباركلك فيها ياباشا ويحفظهالك من العين,
وحاول دايماً تغطيها كل ما تركن بليل, أو تدخلها جراج,
لأني مسروق مني العلامات قبل كدا في أسكندرية برضه.

ومنتظرين منك مشاركات تانية وأنطباعك بعد ما تعمل أول صيانة بتاعت ال 10 الأف.

ياعم احمد ما احنا قولنا الحل العلامة تدخل في الفتحة بتاعتها في الكيوت زي الرولز رويس:-d

[Ahmed Amin]

بالنسبة لموضوع الاكسنت, طيب مين يتفوق في الثبات و قوة الصاج بتاعها و جوده الخامات... انا اعتقد ان البيجو تتفوق في النقط دي..

وزود علي الثبات وقوة الصاج,, أنها تتفوق عليها في الفرامل كمان..
أركب كدا عربية أكسنت ولا حتي النترا, ودوس فرامل علي سرعة وأنت تعرف معني أحساس فرامل البسكلته الطبيعي,,
والفرق في قوة الفرامل.

ياعم احمد ما احنا قولنا الحل العلامة تدخل في الفتحة بتاعتها في الكيوت زي الرولز رويس:-d

نطلب دا من بيجو في النسخة الجاية إن شاء الله.