سعيد جدا انى اشتريت بيجو 301 مشاركة نحسبها عند الله محايده

[Amr Abdelrazik]

اسف جدا ان انا نسيت العفشه واللى هى بجد اختراع هى بالنسبه للبيجو اللى كنت انا راكبه قبل كده تبقى عربيه ناشفه بس مقارنة بعربيات الكورى زى كيا سيراتو مثلا لا البيجو أنعم وأطرى بص كده هى لا عفشه طريه والحمد لله اجتازت العربيه اختبار مطبات العوائد والراس السوداء عندنا فى اسكندرية بنجاح :) اللى كانو معقدنى فى عيشتى
العفشه مصنعه تستحمل البيئة الصعبة للطرق وكمان حفاظا على اتزان العربيه فى السرعات على المنحنيات لازم العفشه تبقى ستيف حبتين المهم انا بسافر بيها 1000 رايح والف جاى متحمله 4 انفار وشنط بالهبل ولحد دلوقتى والحمد لله الكفاءة تمام وان شاء الله ابقى ارجعلكم لو فى ملاحظات تانيه- السلام عليكم

[cahmeda911]

اتفرج يا باشا وصدقني الحل ده مثالي :-D:-D
http://m.youtube.com/watch?v=gUEbzexS1K0

يا hema بيه بالطريقة دى العربية كلها ممكن تتسرق مش الاسد بس و ممكن يسيبلك الاسد كتذكار وياخد العربية ههههههههه

[mema75]

ربنا يكرمكم وشكرا يا جماعة
وردا على موضوع الاكسنت 2014 rb فأنا للاسف مبحبهاش دخلت فى واحده السنه اللى فاتت من ورا وانا كان معايا 405 والاكصدام بتاعى حتى متخربش والعربيه ادمرت من ورا وهى مع واحد من الزملاء كان معاه اوبترا اداها لمراته وجاب الاكسنت وندم جدا كان بيقوللى مشاكل فى الجير بوكس والاتزان وانه ميقدرش يمش جنب عربية نقل العربيه بتعوم ورجع اخد الاوبترا من مراته اللى بيقول انها برقبت الاكسنت
إنى هاو انا مبحبش الكورى نهائى ولا عربية ركبتها فى السفر ال 1000 كيلو غير عربيتين التويوتا كورولا 2007 والبيجو 301 سافرت فى سيراتو كانت ليلة طين والانترا كانت لسه بشوكها 2014 وكان كل شويه السواق يقف يفتح الكبوت يهويها كانت بتسخن و اللوجان ام سى فى كانت معقولة الانسر ضيقه اكمن صاحبكم طويل حبتين 190 سم مكونتش بستريح فيها وايه تانى يا عم عمرو اه الفيرنا ودى كانت اسواء ركوبة على الاطلاق والنيسان صنى كانت طلقة بس تحس ان الثبات تعبان كمان ضيقة جدا عايز اقولك عايز تعرف ثبات العربيه كويس ولا لا لازم تسوق عربيتك فى راس غارب وتشوف دوامات الهوا حتعمل فيها ايه وبعد ده كله اهم حاجه انك تحس انك وعيلتك فى امان مش راكب برطمان طماطم فى اى حادثه تعرض حياتك للخطر - المهم الناس تبقى مبسوطة بأختيارها ونقول للى كان حظه سئ واستلم عربيه فيها عيب ربنا يعوضك عنها خير وتتصلح ان شاء الله
السلام عليكم

معاك حق فى موضوع دوامة الهوا اللى فى طريق الغردقة وخصوصا وصلة الغردقة راس غارب عند جبل الزيت

[mahmed0100]

اكسنت rb مين بس هههه
ده انا اللي قليل الخبره في العربيات رفضتها اول لما شفت ال 301 في المعرض و هي واقفه لسه و مجربتهاش :) مع اني كنت معجب بيها في الاول بسبب الشهره و الانتشار
لا مجال للمقارنه بينهم كعربيات لكن كمنتج منتشر و بيبيع بسبب التراث و الفكر العام في الشرا فممكن يكون في نقاش :)

اما ال 301 فعلا تستحق علامه الاسد و تاريخ العلامه دي عليها

[nonalaziza]

انا مش بعرف اوي في العربيات بس البيجو ماشاءالله صاجها محمل ماشاءالله علي عكس عربيات كتير. والعافشه ولا هي ناشفه ولا هي ناعمه علشان تدي ثبات عالي و مرونه ع الطريق. دا غير اني عرفت قبل ما احجز ان العربيه نازله مصر بلفه سوسته زيادة علشان المطبات والعهده ع الراوي أستاذ هيثم مدير فرع المعادي.
بس ليا سؤال واحد انا نادراً لما بركب ع الكنبه بس مره ركبت اكسنت و كنا تلاته ورا و الشنطة فيها حاجات بس مش شنط و احنا احجامنا مش كبيرة بس حكت في كذا مطب بس مطبات الاهالي.
بيجو بقي لو حملت ورا هتحك ولا ﻻ؟؟؟

[Amr Abdelrazik]

الارتفاع

للأمانه انا حكت منى مره بس مكنش مطب كان جبل وكنت محمل شنط واربعه من الحجم الحلوف بس كان حكه خفيفه متتلاحظش لكن مطبات الاهالى عمرى ما حكيت وانا الممطقة عندى مليانة مطبات زى الزفت المطب اللى انا حكيت فيه ده التويوتا الميكروباص الجديد حك فيه برضه وللامانه ما شاء الله ارتفاعها جميل

[ahmedz310]

علي حد علمي ان البيجو 301 ارتفاعها عن الارض 166مم ،، انما الاكسنت 147 مم فيبقي فيه افضلية للبيجو 301 فأعتقد ان احتكاكها بالمطبات هيبقي أقل من الأكسنت
والله أعلم

[Hema_Basha]

انا مش بعرف اوي في العربيات بس البيجو ماشاءالله صاجها محمل ماشاءالله علي عكس عربيات كتير. والعافشه ولا هي ناشفه ولا هي ناعمه علشان تدي ثبات عالي و مرونه ع الطريق. دا غير اني عرفت قبل ما احجز ان العربيه نازله مصر بلفه سوسته زيادة علشان المطبات والعهده ع الراوي أستاذ هيثم مدير فرع المعادي.
بس ليا سؤال واحد انا نادراً لما بركب ع الكنبه بس مره ركبت اكسنت و كنا تلاته ورا و الشنطة فيها حاجات بس مش شنط و احنا احجامنا مش كبيرة بس حكت في كذا مطب بس مطبات الاهالي.
بيجو بقي لو حملت ورا هتحك ولا ﻻ؟؟؟

انا كنت مسافر امبارح انا وبابا عمي وابن عمتي ومراته وماشاء الله احجامهم كبيرة شوية والعربي محكتش مني خالص
الحكمة برضه في اللي سايق وكذلك ارتفاع العربية

[smsm2004w]

ربنا يباركلك فيها فعلآ عربية تستحق الأحترام

[Amr Abdelrazik]

زينون

حد جرب يركب زينون ؟

[M.Abdallah]

الف مبروك ياعمرو وربنا يكفيك شرها .. العربيه ممتازه المشكله فى السواق
خفف رجلك على البنزين علشان العربيه تاخد راحتها فى الغيار وبلاش تكبس فرامل اوى لو ادامك الدنيا براح ..

[Mohamed 555]

حد جرب يركب زينون ؟

انا شوفت واحد مركبلها زينون عندنا في اسكندرية و مفيم الازاز و طلعت اجري عليه عشان الحقة اشوف الزينون ايه نظامة و منين و بكام و ده يأثر على الضمان ولا لا و التفييم ده بيتطلب مع العربية ولا هو اللي مركبة بس للاسف ملحقتوش :(

[drcobra]

بص هقول لحضرتك على حاجه .. الأكسنت تتفوق في كل حاجه .. بس في حاجه اسمها الركوبة و جودة المنتج .. و ده مبيحسش بيه الا اللي كان معاه حاجه brand name و غير لحاجه تانية .. نفس الشعور مثلا لو حد كان معاه موبايل أي فون و جاب موبايل صيني أحدث .. أوبشنز كلها أفضل .. بس ممكن ميعرفش يمسكه يومين و بعدين يرميه .. و الموضوع ده بيختلف من شخص لاخر.

و أنا شخصيا معايا هيونداي .. ولا تقارن اطلاقا بالأوبل فيكترا أو الكورسا سيدان اللي كانوا معايا قبل كده .. مع انها أحدث عشر سنين .. بس أهي حاجه تؤدي الغرض .. و برضه دي حاجه مش أي حد يحسها.

انا مع حضرتك فى وجهة النظر دى العربية ركوبة
ممكن تركب صينى وتعمل بيها مليون كيلو بس مش ركوبة
وممكن تركب المانى تعمل مليون كيلو بس تكلفك كتير فى الصيانات وقطع الغيار بس للامانة ركوبة

[assaf]

الف مبروك
ال301 احسن عربيه في الفئه دي

[حسن جاد حسن]

ربنا يعطيك خيرها و يكفيك شرها .الحمدلله معظم اللي اشتروا السيارة بيشكروا فيها ولكن انا قرات لاحد الزملاء موضوع وهو بيعلن ندمه علي شراء السيارة ..نرجو من الاخوة الذين استلموا السيارة وعاشوا التجربة عمليا ان يفيدونا وجزاكم الله خير الجزاء لان ان حاجز واحتمال نستلم قريبا ان شاء الله