الحمد لله بعت ال 301

[eslam.maghawry]

ال معاه قرش محيرة يشترى اروبى ويجربه ..... بس اوعى تطلع من البيجو وتقولى ستروين ولا رينو ؟؟؟ الاروبى فى مصر فاشل .. غالى قطع الغيار - خدمه محتاج لازم توكيل - تكييف زفت ويسخن العربيات مع الزحمه والسرعات البطيئه - تجميع اتوماتيك ضعيف
هو الان مافيش احسن ولا افضل من الهيونداى // عملى // رخيص // مواتير وتكييف ثلاجه عربيات ممتازة وعن تجربه

الأوربي جربان ومعفن وزي الزفت وبيبوظ على طول وعاجبنا ياخي شوف ازاي

انت بس ريحنا من مشاركات الجميلة الله يهديك ويهديني

[J A G U A R]

الأوربي جربان ومعفن وزي الزفت وبيبوظ على طول وعاجبنا ياخي شوف ازاي

انت بس ريحنا من مشاركات الجميلة الله يهديك ويهديني

سيبك منه ده عايش فى عالم سمسم والراعى الرسمى لهيونداى

[mahmed0100]

تحياتي ليكم جميعا

انا بس عندي توضيح كمالك للعربيه
انا مش قاصد اهاجم سمسم خالص و هو من رده عليا فهم ده طبعا .. انا بس بناقش الحدث و سمسم ده راجل حبيبي علي المنتدي من زمان :)

ال 301 ليها قطع غيار في التوكيل بس حاليا لكن مع الانتشار اللي حققته برغم خوف السوق من الفرنساوي و البيجو و اسعار قطع الغيار الاوربي الا اننا ملاحظين انتشار مناسب بالنسبه للفكر العام في مصر عنها
و ده حيكون نتيجته وجود قطع غيار استيراد علي اخر السنه .. بلاش ننسي ان العربيه في اول سنه لسه

محدش بيركب اوتوماتيك علشان يجمع سرعه و يجري :) بيركبه علشان يرتاح من زحمه الاشارات
فبلاش ظلم لادااء اي عربيه اوتو في موضوع التسارع


المهم ربنا يرزقك يا سمسم بعربيه تناسبك ان شااء الله و تكون مرتاح فيها ده اهم حاجه :)

[raad13]

انا مش شايف اي سبب في الموضوع ده يخليك تبيع العربية بصراحة غير لو كنت محتاج الفلوس!! قطع الغيار على فكرة هي بالظبط الي مكتوبة في الورق بس بيزيد عليها الضريبة و المصنعية و ده بيحصل في كل التوكيلات!! و على فكرة سعر قطع الغيار ارخص من كل الأوروبي و الياباني

[medori]

اخيرآ بعد محاولات لمدة اسبوع بعت العربية وهى 90 كم بصراحة انا مكنتش متوقع انى ممكن ابيعها وخصوصآ بعد الأنتظار لمدة 3 شهور لكن بصراحة بمجرد ما ركبت العربية والتجربة الفعلية ليها غيرت رائى 180 درجة فى العربية انا بعت العربية وخسرت ثمن الرخصة ومبلغ بسيط كدة بس حسيت براحة كبيرة جدآ بعد ما بعتها وزى ما بنقول خسارة قريبة ولا مكسب بعيد وهقول ليكوا اسباب بيعها

مبروك يا سمسم انك بيعت العربية من غير خسارة

1- التوكيل فى اول مشكلة (لمبة الأيرباج بتاع السائق ) فى العربية قعد 3 ايام عاملين كنسولتو ومش عارفين يوصلوا لحاجة لغاية ما بالصدفة البحتة لقوا الحل فيشة واقعة وكانوا هيقعدونى شهر لو ما لقوش العيب على الرغم من ان العربية مكنتش كملت 40 كم وكان من حقى يغيروها

دى مشكلة صعبة يا سمسم بصراحة و مش سهل انهم يوصلولها لأنهم لازم يفكوا التابلوة و لما بتيجى تحل مشكلة بتأخد الاحتمالات واحدة واحدة من الأسهل للأصعب و هو دة اللى عملوة بدأوا بالسهل و اتدرجوا لحد لما وصلوا للمشكلة، لو مكانوش عرفوا يحلوها ساعتها كنت تقدر تعيب عليهم و تقولهم يغيروا العربية كمان

2- قطع الغيار وما ادراك ما هى اسعار قطع الغيار نار يا حبيبى نار سيبكم من الورقة اللى مطبوعة وبتتوزع لما بنيجى نتفرج على العربية الأسعار حاجة تانية ومعرضين ليها فى اى وقت ملهاش دعوة معمرة مش معمرة لأن من الأخر مقدمة العربية مش محمية نهائى وهكلم على الموضوع دة بعدين نيجى بقى للكاوتش والمقاس الغريب الموجود كلنا فرحنا بجنط 16 لكن مقاسة مش موجود وبيتقطع من اقل طوبة او زجاجة فى الأرض او حتى سن رصيف وانت بتركن انا ال 128 اللى كانت معايا ايام الجامعة كنت بنط بيها حواجز وبعتها بعد 20 سنة بنفس الكاوتش نسر عمرة ما اتقطع اتمسح بس .

يا راجل يا طيب، قطع الغيار العادية كلها سعرها منافس جدا، القطع الغير عادية هى اللى غالية و مع ذلك ارخص من حتى الكورى و اليابانى الجديد، متفق معاك طبعا فى موضوع مقاس الكاوتش دة لأنى اول واحد مقروص منة و دى بصراحة افتكاسة ملهاش اى 30 لازمة، بس برضة الكاوتش الميشلان مش وحش و مستحمل معايا كتير

3-العربية فيها عيب خطير جدآ تقريبآ مفهاش اكصدام امامى وانا قلت دة قبل كدة مع طول العربية عامل مشكلة فى الركنة بتلاقيها العربية الوحيدة اللى بوزها طالع برة ومش محمى والخبطة او اى ترييح من عربية فى اشارة مرور بتيجى فى الكبوت عدل

للأسف دة بقى اتجاة فى اغلب التصميمات اللى موجودة دلوقتى و مش عيب خاص بال301 بس

4- العربية تجميعها بطئ مش سريعة مقارنة باللى ركبتة قبلها ومحدش يقول علشان لسة جديدة انا كل اللى ركبتة قبلها كان زيرو ومكنش متلين بس كان فى تفاعل بين دوسة الدواسة بتاعة البنزين وسرعة العربية لكن ال 301 بدوس ولازم ال ار بى ام يعلى والصوت يعلى علشان تجرى

بصراحة انت بتعيب فى احسن ميزة فى العربية من وجهة نظرى، العربية سحبها تحفة فعلا لو حملت رجلك عليها بتطير، لو بتتكلم على الدوسة العادية و الcold start فدة المتوقع من اى عربية اوتوماتيك اوروبى، دايما طلعتهم بطيئة شوية

5- العربية تقيلة جدآ فى البيع او اعادة البيع زى الزفت مفيش حد عايزها على الضغط فى التوكيل وبعض المعارض لكن على مستوى الشارع مش مرغوب فيها وده شوفتة وانا ببيعها حتى اللى خدها رغم انه تاجر مرضيش يخدها وكان مستتألها لغاية ما اقنع واحد بيها

يا فندم دى الاعيب تجار، و مع ذلك انت بعتها فى اسبوع!! و من غير خسارة زى ما بتقول، متنساش برضة ان العربية جديدة و الضغط عليها دة كلة من طبقة معينة بثقافة معينة، يعنى اغلب الناس اللى فى الشارع لسة ماشيين بفكر الكورى و اليابانى و ابعد عن البيجو و الرينو يا عم، دول قطع غيار نار و لازم تأخدلهم شقة جنب التوكيل فوق بنك عشان تعرف تصرف عليهم، فالناس بتقلق من عربية لسة جديدة و بتتباع كسر زيرو يبقى اكيد فيها مشكلة وش

ملحوظة
انا مش بكرة الناس فى العربية لكن انا بتكلم علشان دى امانة زى ما خلينا ناس تحب و تجيب العربية وبنقول مميزاتها لازم نقول عيوبها علشان اللى بيفكر فيها يحسبها كويس اوى ويشوف هو قد مصاريفها ولا لأ لأن مصاريفها كتيرة اوى لو مشيت بيها فى شوارع مصر

ربنا يوفقك لعربية احسن منها إن شاء الله و تعملها test drive الاول عشان ميحصلش معاك زى ال301 كمان مرة

[medori]

حاجة كمان فى موضوع قطع الغيار، قطع الغيار موجودة فى التوكيل بس لحد دلوقتى لأن العربية بقالها 9 شهور بس فى السوق، و دة طبيعى و متوقع، اديها كمان 9 شهور زيهم و هتلاقى قطع الغيار الاستيراد بدأت تبقى موجودة و سنة كمان و هتلاقيها مرطرطة عند الناس كلها، الميجان اول سنتين كانت كدة و طلعت عليها اشاعات الدنيا و الاخرة و كمنش حد بيقدر يحط ايدة فيها، دلوقتى بقى فى صنايعية عندهم 15 سنة حافظين العربية مسمار مسمار و قطع غيارها كلها موجود منها استيراد عند ناس كتير اوى

[raedegypt]

الأوربي جربان ومعفن وزي الزفت وبيبوظ على طول وعاجبنا ياخي شوف ازاي

انت بس ريحنا من مشاركات الجميلة الله يهديك ويهديني

يا اخى انت ايه ال تعبك؟؟؟؟؟ والاروبى لو ناجح كان زمانها مغرقه الخليج ... وللاسف الهيونداى والكيا هو ال منتشر فى الخليج وثبت نجاحه واخر حاجه لو عاوز انت وغيرك تفهم اروبى ... الاروبى يعنى مرسيدس / بى ام / اودى هو دة الاروبى بس علشان نعطى كل زى حق حقه
لكن تجيب عربيات من كوريا زى الفلوانس ولا رومانى تجمعها فى المغرب ( اللوجان ) دة سعاتك عربيات جودة منخفضه رخيصه للبيع بالاسم العريق زى بيجو ورينو للبيع فى الشرق الاوسط ( الاسم فقط للترويج )
البيجو لو عايز تركبه بجد هناك موديلات بس دة ما تنفع فى مصر لارتفاع سعرها والمنافسه زيها زى الرينو
وربنا يهدى الجميع
وانا لست فى مصر وشغال فى المقاولات
وركبت كل السيارات وعارف ال يستاهل

[amrelsaqqa]

يا اخى انت ايه ال تعبك؟؟؟؟؟ والاروبى لو ناجح كان زمانها مغرقه الخليج ... وللاسف الهيونداى والكيا هو ال منتشر فى الخليج وثبت نجاحه واخر حاجه لو عاوز انت وغيرك تفهم اروبى ... الاروبى يعنى مرسيدس / بى ام / اودى هو دة الاروبى بس علشان نعطى كل زى حق حقه
لكن تجيب عربيات من كوريا زى الفلوانس ولا رومانى تجمعها فى المغرب ( اللوجان ) دة سعاتك عربيات جودة منخفضه رخيصه للبيع بالاسم العريق زى بيجو ورينو للبيع فى الشرق الاوسط ( الاسم فقط للترويج )
البيجو لو عايز تركبه بجد هناك موديلات بس دة ما تنفع فى مصر لارتفاع سعرها والمنافسه زيها زى الرينو
وربنا يهدى الجميع
وانا لست فى مصر وشغال فى المقاولات
وركبت كل السيارات وعارف ال يستاهل

ههههههههه يعنى بتشكر في الكوري ، وبتعيب على فلوانس عشان كوري برضه ، الاتنين :d :d

[mahmed0100]

كوري ايه بس .. طيب المرسيدس و البي ام و حتي الاودي بيبيعوا في مصر
كلمني عن السوناتا الكوري بتعمل ايه في مصر ؟ فاشله مع انها فخر صناعه هيونداي هههه
يا عم كوري ايه بس
ياباشا لولا سعر الكوري و ازتباط السوق هنا بالسعر قبل كل حاجه كانت الناس نسيت الكوري من زمان :)

و عموما خلينا في ال 301 و موضوع سمسم :)

[ahmedz310]

انا بصراحة كنت متابع ردودك ومواضيعك عن العربية وماكنتش اتوقع انك تبيعها بالسرعة دي !!
عموماً انا متفهم وجهة نظرك وربنا يوفقك لشراء الأفضل ونباركلك عليها

[ihabsamir]

الحمد لله أنا جبت النيسان صني و بعدت عن رعب البيجو . الحمد لله ربنا ستر و مستملتهاش

[atshe]

الحمد لله أنا جبت النيسان صني و بعدت عن رعب البيجو . الحمد لله ربنا ستر و مستملتهاش

بص انت فيه حاجه غلط فيك البيجو احسن من الصنى بالاف المرات مش هنفتى

[atshe]

ربنا يعوض عليك بالاحسن

تقريرك ده ظالم العربية ظلم كبير

[assaf]

ربنا يرزقك بالعربيه المناسبه

[yahia_zakareya]

الدروس المستفادة من تجربة أ. سمسم

الأخوة الزملاء في المنتدى و السادة الزوار

بعد تجربة أ. سمسم (وافتكروا كويس حاله قبل شراء السيارة و بعد شرائها) لازم كل واحد فينا يتذكر جيدا الآتي:

1- بلاش الشوق و اللهفة الكبار قوي لإنسان متعرفهوش و لحاجة مجربتهاش ، استنى لما تحتك بيه و تعيش معاه (بالنسبة للإنسان) و لما تستخدمه و تجربه (بالنسبة للجماد) ، و بعدين لما يثبت ليك إنه (إنسان أو جماد) ممتاز و يستاهل إبقى اشتاق له و اتلهف عليه زي ما إنت عايز ؛ علشان متتصدمش في الإنسان أو الشيئ و تقفل منه و ينقلب حالك معاه 180 درجة .

2- لا تطلب شيئ بشدة و أنت لا تعلم عنه الكثير ، بل إبدأ أولا بدراسته جيدا من كافة التفاصيل و لا تكتفي بما يقوله الناس عنه بل قم ببحثك بنفسك ؛ فإذا وجدت ما يريحك و يسرك فحينها أطلبه بشدة فهو يستحق إصرارك عليه ، و إن لم تجد ما يرضيك و يسرك فأتركه و ارحل عنه فهو ليس لك و إنما هو لغيرك .

3- إذا حصلت على ما أردت بشدة بدون عناء البحث و السؤال الدقيقين و وجدت أمرا لم يسرك فلا تلم إلا نفسك .

4- إذا حصلت على ما أردت بعد عناء البحث و السؤال الدقيقين و وجدت أمرا لم يسرك فاعلم أنك بشر و لا يحيط بالعلم المطلق إلا خالق هذا الكون الفسيح ، فاسترح فقد أخذت بالأسباب فقط طاعة لله و ليس لكي لا يحصل لك إلا ما تريد .

أرجو للجميع التوفيق و السداد في جميع اختياراتهم المرضية لله .

و تحياتي لصاحب الموضوع و للجميع .