التعليق الخلفي لل 301

[د.عماد صلاح]

هو ايه نوع التعليق...انا نزلت تحت العربيه و بصيت حسيت انها تورشن بيم ......؟؟!!

[amrelsaqqa]

هى بالفعل تورشن بيم مفيش داعى للاستغراب :)
بس انت شفت بنفسك ثباتها زي الاوبترا اللى هى مالتى لينك
التورشن بيم مش وحش الفكرة مين اللى عامل التورشن بيم ده ;)

اقولك حاجة تخليك تستغرب اكتر ؟
ستروين c4 و بيجو 307 و رينو ميجان ورينو فلوانس كلهم تورشن بيم :)
طبعا مش محتاج اقولك ان الكورولا بموديلاتها والالنترا والسيراتو بموديلاتهم كلهم تورشن بيم

[د.عماد صلاح]

ماهو الالنترا و السيراتو ثباتهم سئ .....لكن الفلوانس ثباتها ممتاز ...واضح ان تورشن بيم يفرق من شركه للتانيه

[amrelsaqqa]

ماهو الالنترا و السيراتو ثباتهم سئ .....لكن الفلوانس ثباتها ممتاز ...واضح ان تورشن بيم يفرق من شركه للتانيه

ورينو ميجان ، جبارة
كدة حضرتك فهمت الفكرة

وبالمثل المالتى لينك في الالمانى حاجة فوق الوصف طبعا انت هنا بتتكلم في بي ام ومرسيدس واودي والحاجات دى ودول ثباتهم من زمن تانى :d

[faroojj]

إيه هو بقة التورشن بيم ؟؟

[د.عماد صلاح]

يعني عمود حديد يصل بين العجلتين الخلفيتين

[amrelsaqqa]

يعنى العفشة الخلفية مبسطة بالشكل ده


وده يعتبر تعليق شبه مستقل يعنى تقريبا كل عجلة ليها حرية الحركة مستقلة عن التانية (بس مش 100% ) لان التورشن بيم ده بينتنى لما بتأثر عليه قوة من ناحية واحدة ، وبيرجع يتعدل تانى لوحده بعد زوال القوة (وده اللى بيدي استقلالية محدودة في حركة كل عجلة عن التانية ) اجمالا النظام ده بيدي موازنة معقولة بين الراحة والثبات

انما المالتى لينك معقد انه بيخلى كل عجله مستقلة تماما عن الاخرى في نفس الوقت اللى بيضمن فيه ثبات عالى جدا في المنحنيات لان العجلة الوحدة بتتحرك في اكتر من محور (عشان كدة اسمه مالتى لينك ) زي الشكل ده اللى هو التعليق الخاص بالبيجو 508


ودى صورة بتوضح الـمستويات اللى كل عجلة بتتحرك فيهم باستقلالية لضمان اعلى مستوى للراحة والثبات معا

[J A G U A R]

التورشن بيم فى الكورى اغلبيته ثباته وحش بخلاف الفرنسى

[faroojj]

شكراً على المعلومة الجميلة

[S O P H O S]

يعنى العفشة الخلفية مبسطة بالشكل ده


وده يعتبر تعليق شبه مستقل يعنى تقريبا كل عجلة ليها حرية الحركة مستقلة عن التانية (بس مش 100% ) لان التورشن بيم ده بينتنى لما بتأثر عليه قوة من ناحية واحدة ، وبيرجع يتعدل تانى لوحده بعد زوال القوة (وده اللى بيدي استقلالية محدودة في حركة كل عجلة عن التانية ) اجمالا النظام ده بيدي موازنة معقولة بين الراحة والثبات

انما المالتى لينك معقد انه بيخلى كل عجله مستقلة تماما عن الاخرى في نفس الوقت اللى بيضمن فيه ثبات عالى جدا في المنحنيات لان العجلة الوحدة بتتحرك في اكتر من محور (عشان كدة اسمه مالتى لينك ) زي الشكل ده اللى هو التعليق الخاص بالبيجو 508


ودى صورة بتوضح الـمستويات اللى كل عجلة بتتحرك فيهم باستقلالية لضمان اعلى مستوى للراحة والثبات معا

شرحك ديما بسيط لكن واضح ومفيد
تحياتي ليك

[Ahmed Amin]

هو ايه نوع التعليق...انا نزلت تحت العربيه و بصيت حسيت انها تورشن بيم ......؟؟!!

هوا فعلاً torsion-beam

ماهو الالنترا و السيراتو ثباتهم سئ .....لكن الفلوانس ثباتها ممتاز ...واضح ان تورشن بيم يفرق من شركه للتانيه

والكوري ميتقارنش بالأوروبي,, لأن فعلاً كل واحد فيهم تصنيعه وتصميمه مختلف عن التاني.
والأفضلية في الثبات والراحة للأوروبي,

إيه هو بقة التورشن بيم ؟؟

أبقي راجع الموضوع دا

http://www.nilemotors.net/Nile/388515-10000-301-softwear-3.html

ودا صفحة 2 + 3

http://www.nilemotors.net/Nile/369271-301-2.html