استفسار

[Abu Malek]

السلام عليكم

الحمد لله التوكيل كلمنى النهارده عشان اكمل الفلوس واستلم بكره هايلاين شامبين رغبة اولى
انا طبعا استغربت من التبدير فى التسليم لانى المفروض كنت استلم الدفعه الجاية لسه كمان اسبوعين
بس المندوب قالى انه صاحب العربية هياجل الاستلام وانا هستلم مكانه

المهم عايز اعرف هل فى اكراميات بدفعها هناك للمندوب وفى حدود قد ايه؟
ايه اللى اخد بالى منه كويس هناك واشيك عليه؟
بعد الاستلام ايه المطلوب اعمله غير ضبط الكاوتش والتفويل؟
مع العلم ان دى اول عربية ليا ومش ليا خبرة فى العربيات

[Ahmed_Ta21]

وعليكم السلام ورحمة الله وبركاته
الف مبروك لحضرتك وان شاء الله تستلم علي خير
انا زي حضرتك بالظبط خبرتي ضعفية (تكاد تكون منعدمة) - وحاجز 301 هاي لاين
احب اضيف ايضاً (بعد إذن صاحب الموضوع ) العربية مفيش فيها مؤشر حرارة ازاي اعرف ان العربية اتمت تسخينها وابدا اتحرك؟
سمعت ان مفيس اكصدام يتحمل الصدمات (عايز افهم الجزئية دي)
ياريت الإفادة وشكراً

[Ashraf Fawzy]

السلام عليكم

الحمد لله التوكيل كلمنى النهارده عشان اكمل الفلوس واستلم بكره هايلاين شامبين رغبة اولى
انا طبعا استغربت من التبدير فى التسليم لانى المفروض كنت استلم الدفعه الجاية لسه كمان اسبوعين
بس المندوب قالى انه صاحب العربية هياجل الاستلام وانا هستلم مكانه

المهم عايز اعرف هل فى اكراميات بدفعها هناك للمندوب وفى حدود قد ايه؟
ايه اللى اخد بالى منه كويس هناك واشيك عليه؟
بعد الاستلام ايه المطلوب اعمله غير ضبط الكاوتش والتفويل؟
مع العلم ان دى اول عربية ليا ومش ليا خبرة فى العربيات

أولاً الف مبروك عليك العربية, وربنا يرزقك خيرها و يكفيك شرها, عربية جميلة و إعتمادية, واللون الشامبين مميز جداً.

اللى تدفعه للمندوب دى حاجه ترجعلك, أنا أشتريت من معرض, ولما سألت واحد معرفة - أكبر سناً و خبرة فى الحياة - قالى تدفع للمندوب اللى واقف فى المعرض 50 جنيه و انت بتاخد منه مفتاح العربية, ولو دفعت 100 جنيه تبقى كرمته.

بما انى من مستخدمى البيجو 301 هاى لاين هاضيف ليك مجموعة نصائح من تجربتى:

1- عند ترخيص العربية فى المرور نبه على الفنى اللى بياخد بصمة الماتور إنه مايزحش خرطوم مية الردياتير عند مروحة الردياتير, لإن ده هايتسبب فى قطع الخرطوم.

2- خد معاك واحد يكون عنده عربية عشان يبقى عارف مكان خرطوم مية الردياتير ولو الفنى زاحه من مكانه يبقى واخد باله و يبعده تانى عن المروحه.

3- لما فنى البصمة يجى عشان ياخد البصمة, أتأكد إنه ياخد باله إنك طلعت عشرة جنيه و ماسكها فى إيدك عشان تديهاله لما يخلص.

4- اعمل حسابك على فكه على جنب عشرات و خمسات وانت رايح المرور, خمسة جنيه للى بيساعدك تركن العربية فى اخر اليوم لما تيجى تركب النمر, عشرة جنيه للى هايركبلك لوح النمرة (طلعها من جيبك قدامه و أمسكها فى إيديك عشان يركبهالك صح من اول مرة و بنضافه), عشرة جنيه للى هاتستلم منه لوح النمرة فى المكتب.

5- اعمل حسابك انك تاخد معاك فكه للتصوير(جنيهات و انصاص), وفلوس فكه (ميات - خمسينات - عشرينات - عشرات - خمسات) عشان الخزنة (مصاريف الترخيص), وعشان شباك شراء الطفاية و المثلث و الإسعافات الأولية و الكلام ده كله.

6- هايبقى معاك مفتاح الريموت و المفتاح العادى و معاهم ورقة فيها الباركود اللى بيستخدم عشان لو حبيت تعمل نسخ من المفتاح, حافظ جداً على الورقة دى.

7- خد وقتك فى مراجعة كل حاجة فى العربية (الكشافات - البلوتوث - السى دى - اليو إس بى - مفتاح الريموت إنه بيشتغل فى قفل و فتح العربية و الشنطة الخلفية - عمل مفاتيح الزجاج - الكراسى), خد معاك حد و إنت بتستلم عشان تبقى إنت و هو بتراجعوا و ماتحسك إنك لوحدك.

8- الكاوتش الإحتياطى و الكوريك و مفتاح ربط حلية المسامير و حلية المسامير و السرر و طفاية السجائر, كل ده غالباً هايكون فى شنطة العربية.

9- راجع على رقم الشاسيه واتأكد إنه هو المكتوب فى العقد (افتح الكبوت الناحية الشمال من فوق داخل غرفة المحرك).

10- العربية بيجى معاها 2 كتالوج واحد عربى و التانى إنجليزى, مهم جداً عشان تعرف كل حاجه عن العربية (إزاى تسخن الإزاز الخلفى, التنبيهات اللى بتظهر فى التابلوه معناها إيه).

11- الإريال بتاع الراديو (ومتنساش تشيله جوه العربية لما تركن عشان مافيش حد يلطشه).

12- العربية مالهاش إكصدام امامى (نفس الحكايه فى الشارك و ماركات تانيه, الموضة الجديدة) أركن عربيتك عمودى أو إتأكد انك تسيب مسافة امان كفاية عشان ماحدش يريح على الكبوت وهو راجع, حتى لو إنت واقف فى إشارة أو زحمة سيب مسافة امان كفاية.

و ده تقرير وافى للعضو الكريم abohend

301 من الحجز إلى الإستخدام..تقرير وافي

301 من الحجز إلى الإستخدام..تقرير وافي (الجزء الثانى)


ايه الحاجات اللى تراجع عليها عند إستلام العربية بصورة عامة:


http://www.nilemotors.net/Nile/212403-a.html (نصائـح .. الاسـتلام الجيد والتليين السـليم لسياراتك الجديدة)

http://www.nilemotors.net/Nile/308039-a.html (نقاط الاستلام الجيد لاى عربيه جديدة من المعرض ...)


دى كل الخطوات الأساسية اللى إنت محتاج تعرفها, وإن شاء الله ربنا يباركلك فى العربية و يحفظك و يحفظها, ومتنساش تطلع حاجه لله - على قد مقدرتك - عشان تحس بالراحة و إنك مطمئن.

لو فى حاجه محتاج تسأل عليها, المنتدى مليان بالأخوة و الأخوات الأفاضل على أتم إستعداد لتقديم النصيحة و المساعدة.

[Abu Malek]

وعليكم السلام ورحمة الله وبركاته
الف مبروك لحضرتك وان شاء الله تستلم علي خير
انا زي حضرتك بالظبط خبرتي ضعفية (تكاد تكون منعدمة) - وحاجز 301 هاي لاين
احب اضيف ايضاً (بعد إذن صاحب الموضوع ) العربية مفيش فيها مؤشر حرارة ازاي اعرف ان العربية اتمت تسخينها وابدا اتحرك؟
سمعت ان مفيس اكصدام يتحمل الصدمات (عايز افهم الجزئية دي)
ياريت الإفادة وشكراً

اتفضل ياريس ضيف براحتك الموضوع موضوعك :)

[Abu Malek]

أولاً الف مبروك عليك العربية, وربنا يرزقك خيرها و يكفيك شرها, عربية جميلة و إعتمادية, واللون الشامبين مميز جداً.

اللى تدفعه للمندوب دى حاجه ترجعلك, أنا أشتريت من معرض, ولما سألت واحد معرفة - أكبر سناً و خبرة فى الحياة - قالى تدفع للمندوب اللى واقف فى المعرض 50 جنيه و انت بتاخد منه مفتاح العربية, ولو دفعت 100 جنيه تبقى كرمته.

بما انى من مستخدمى البيجو 301 هاى لاين هاضيف ليك مجموعة نصائح من تجربتى:

1- عند ترخيص العربية فى المرور نبه على الفنى اللى بياخد بصمة الماتور إنه مايزحش خرطوم مية الردياتير عند مروحة الردياتير, لإن ده هايتسبب فى قطع الخرطوم.

2- خد معاك واحد يكون عنده عربية عشان يبقى عارف مكان خرطوم مية الردياتير ولو الفنى زاحه من مكانه يبقى واخد باله و يبعده تانى عن المروحه.

3- لما فنى البصمة يجى عشان ياخد البصمة, أتأكد إنه ياخد باله إنك طلعت عشرة جنيه و ماسكها فى إيدك عشان تديهاله لما يخلص.

4- اعمل حسابك على فكه على جنب عشرات و خمسات وانت رايح المرور, خمسة جنيه للى بيساعدك تركن العربية فى اخر اليوم لما تيجى تركب النمر, عشرة جنيه للى هايركبلك لوح النمرة (طلعها من جيبك قدامه و أمسكها فى إيديك عشان يركبهالك صح من اول مرة و بنضافه), عشرة جنيه للى هاتستلم منه لوح النمرة فى المكتب.

5- اعمل حسابك انك تاخد معاك فكه للتصوير(جنيهات و انصاص), وفلوس فكه (ميات - خمسينات - عشرينات - عشرات - خمسات) عشان الخزنة (مصاريف الترخيص), وعشان شباك شراء الطفاية و المثلث و الإسعافات الأولية و الكلام ده كله.

6- هايبقى معاك مفتاح الريموت و المفتاح العادى و معاهم ورقة فيها الباركود اللى بيستخدم عشان لو حبيت تعمل نسخ من المفتاح, حافظ جداً على الورقة دى.

7- خد وقتك فى مراجعة كل حاجة فى العربية (الكشافات - البلوتوث - السى دى - اليو إس بى - مفتاح الريموت إنه بيشتغل فى قفل و فتح العربية و الشنطة الخلفية - عمل مفاتيح الزجاج - الكراسى), خد معاك حد و إنت بتستلم عشان تبقى إنت و هو بتراجعوا و ماتحسك إنك لوحدك.

8- الكاوتش الإحتياطى و الكوريك و مفتاح ربط حلية المسامير و حلية المسامير و السرر و طفاية السجائر, كل ده غالباً هايكون فى شنطة العربية.

9- راجع على رقم الشاسيه واتأكد إنه هو المكتوب فى العقد (افتح الكبوت الناحية الشمال من فوق داخل غرفة المحرك).

10- العربية بيجى معاها 2 كتالوج واحد عربى و التانى إنجليزى, مهم جداً عشان تعرف كل حاجه عن العربية (إزاى تسخن الإزاز الخلفى, التنبيهات اللى بتظهر فى التابلوه معناها إيه).

11- الإريال بتاع الراديو (ومتنساش تشيله جوه العربية لما تركن عشان مافيش حد يلطشه).

12- العربية مالهاش إكصدام امامى (نفس الحكايه فى الشارك و ماركات تانيه, الموضة الجديدة) أركن عربيتك عمودى أو إتأكد انك تسيب مسافة امان كفاية عشان ماحدش يريح على الكبوت وهو راجع, حتى لو إنت واقف فى إشارة أو زحمة سيب مسافة امان كفاية.

و ده تقرير وافى للعضو الكريم abohend

301 من الحجز إلى الإستخدام..تقرير وافي

301 من الحجز إلى الإستخدام..تقرير وافي (الجزء الثانى)


ايه الحاجات اللى تراجع عليها عند إستلام العربية بصورة عامة:


http://www.nilemotors.net/nile/212403-a.html (نصائـح .. الاسـتلام الجيد والتليين السـليم لسياراتك الجديدة)

http://www.nilemotors.net/nile/308039-a.html (نقاط الاستلام الجيد لاى عربيه جديدة من المعرض ...)


دى كل الخطوات الأساسية اللى إنت محتاج تعرفها, وإن شاء الله ربنا يباركلك فى العربية و يحفظك و يحفظها, ومتنساش تطلع حاجه لله - على قد مقدرتك - عشان تحس بالراحة و إنك مطمئن.

لو فى حاجه محتاج تسأل عليها, المنتدى مليان بالأخوة و الأخوات الأفاضل على أتم إستعداد لتقديم النصيحة و المساعدة.

ردك بصراحة جميل جدا مش عارف اشكرك ازاى
بصراحة كفيت ووفيت وجزاك الله كل خير
وربنا يجعلها فى ميزان حسناتك ان شاء الله

[Ashraf Fawzy]

ردك بصراحة جميل جدا مش عارف اشكرك ازاى
بصراحة كفيت ووفيت وجزاك الله كل خير
وربنا يجعلها فى ميزان حسناتك ان شاء الله

ربنا يبارك فيك وفى دعوتك الجميلة, ولا شكر على واجب, انا كنت و مازلت باستفيد من تجارب الاخوة الأعضاء فى المنتىدى (انا لسه جايب العربية من حوالى شهر).

1- لما تفتح الكبوت راجع على مستوى مية الردياتير فى القربه (خزان بلاستيك ابيض على الشمال).

2- بقدر الإمكان اتبع قواعد التليين المذكورة فى اللينك اللى فوق عشان تحافظ على العربية.

3- اشترى كشاف ليد صغيرو حطه فى تابلوه العربية (بحوالى 25 جنيه), اشتريته فى اول يوم جبت العربية و سبحان الله إحتجته اكتر من مرة فى حاجات كتيرة.

* قرآن كريم, أدعيه عشان لو راكن بالعربية فى إنتظار حد.

4- اعتبر العربية زى بيتك, اى حاجه تحس إنك ممكن تحتجها جيبها و حطها فى شنطة العربية (ازازتين ميه معدنيه - مناديل معطره - شريط مورفين - أسبرين - وكل حاجه ممكن تيجى فى بالك ممكن تحتجها و إنت على الطريق و مافيش سوبر ماركت او صيدليه قريبه).

* إزازة ميه معدنيه و مناديل معطره و كام باكو بسكويت فى التابلوه او فى الباب عشان تبقى قريبه منك (عشان لو حد معاك عنده سكر منخفض).

5- جراب نظارة او علبه عشان تحط فيها فلوس فكه جنيهات و انصاص عشان لما تدخل البنزينه وتدى اللى بينظف الزجاج و اللى بيظبطلك ضغط الكاوتشات.

6- اشترى عواكس شمس عشان تركبها على الإزاز من جوه لو بتركن العربية فى الشمس فترات طويله.

7- عشان تحافظ على التكييف, لو الشمس ضربت فى العربية فترة طويله, شغل المرواح و افتح الإزاز لمده دقائق, بعد كده اقفل الإزاز و شغل التكييف.

8- عزل العربية للصوت الخارجى جميل, فلو قفلت الإزاز و شغلت التكييف و كمان معاها الكاسيت, غالباً مش هاتسمع لو حد بينبهك من خلال الكلاكس, فخد بالك وخصوصاً فى الملفات و المناطق الزحمة.

9- خد بالك من ضغطة رجلك على دواسة البنزين, لو العربية ماشية و مرة واحدة قرصت جامد على دواسة البنزين لمدة حوالى ثانيتين, كمبيوتر العربية هايرمى غيارات ورا بعض و هاتلاقى العربية إنطلقت بقوة.

* إتاكد من إنك تقراً كتيب التعليمات, انا مازلت بقرأ فيه و كل يوم بستفيد حاجه جديدة, وبرده موضوعات الأعضاء الملاك لنفس الموديل.

بالتوفيق, و إن شاء الله ربنا يباركلك فى العربية, ومتنساش تشاركنا فى تجربتك للعربية و رأيك فيها.

[Abu Malek]

ربنا يبارك فيك وفى دعوتك الجميلة, ولا شكر على واجب, انا كنت و مازلت باستفيد من تجارب الاخوة الأعضاء فى المنتىدى (انا لسه جايب العربية من حوالى شهر).

1- لما تفتح الكبوت راجع على مستوى مية الردياتير فى القربه (خزان بلاستيك ابيض على الشمال).

2- بقدر الإمكان اتبع قواعد التليين المذكورة فى اللينك اللى فوق عشان تحافظ على العربية.

3- اشترى كشاف ليد صغيرو حطه فى تابلوه العربية (بحوالى 25 جنيه), اشتريته فى اول يوم جبت العربية و سبحان الله إحتجته اكتر من مرة فى حاجات كتيرة.

* قرآن كريم, أدعيه عشان لو راكن بالعربية فى إنتظار حد.

4- اعتبر العربية زى بيتك, اى حاجه تحس إنك ممكن تحتجها جيبها و حطها فى شنطة العربية (ازازتين ميه معدنيه - مناديل معطره - شريط مورفين - أسبرين - وكل حاجه ممكن تيجى فى بالك ممكن تحتجها و إنت على الطريق و مافيش سوبر ماركت او صيدليه قريبه).

* إزازة ميه معدنيه و مناديل معطره و كام باكو بسكويت فى التابلوه او فى الباب عشان تبقى قريبه منك (عشان لو حد معاك عنده سكر منخفض).

5- جراب نظارة او علبه عشان تحط فيها فلوس فكه جنيهات و انصاص عشان لما تدخل البنزينه وتدى اللى بينظف الزجاج و اللى بيظبطلك ضغط الكاوتشات.

6- اشترى عواكس شمس عشان تركبها على الإزاز من جوه لو بتركن العربية فى الشمس فترات طويله.

7- عشان تحافظ على التكييف, لو الشمس ضربت فى العربية فترة طويله, شغل المرواح و افتح الإزاز لمده دقائق, بعد كده اقفل الإزاز و شغل التكييف.

8- عزل العربية للصوت الخارجى جميل, فلو قفلت الإزاز و شغلت التكييف و كمان معاها الكاسيت, غالباً مش هاتسمع لو حد بينبهك من خلال الكلاكس, فخد بالك وخصوصاً فى الملفات و المناطق الزحمة.

9- خد بالك من ضغطة رجلك على دواسة البنزين, لو العربية ماشية و مرة واحدة قرصت جامد على دواسة البنزين لمدة حوالى ثانيتين, كمبيوتر العربية هايرمى غيارات ورا بعض و هاتلاقى العربية إنطلقت بقوة.

* إتاكد من إنك تقراً كتيب التعليمات, انا مازلت بقرأ فيه و كل يوم بستفيد حاجه جديدة, وبرده موضوعات الأعضاء الملاك لنفس الموديل.

بالتوفيق, و إن شاء الله ربنا يباركلك فى العربية, ومتنساش تشاركنا فى تجربتك للعربية و رأيك فيها.

ربنا يكرمك دائما ويباركلك فى كل شئ

[Ahmed_Ta21]

اتفضل ياريس ضيف براحتك الموضوع موضوعك :)

شكراً جزيلاً لحضرتك
وياريت حد من الاخوة الافاضل يفيدنا في موضوع تسخين العربية قبل التحرك
نعرف ازاي ان العربية اتسخنت ونبدا نتحرك؟

[Ahmed Amin]

شكراً جزيلاً لحضرتك
وياريت حد من الاخوة الافاضل يفيدنا في موضوع تسخين العربية قبل التحرك
نعرف ازاي ان العربية اتسخنت ونبدا نتحرك؟

معظم إن مكنش كل العربيات الجديدة كفاية عليها أنك تدورها وتسيبها من ١٥ ثانية لنص دقيقة, أو دقيقة كاملة.
ال ١٥ ثانية وقت مناسب جداً لأن الزيت اللي في كل البيجو زيت تخليقي كامل واللزوجة بتاعته بتسهل وصولة لكامل أجزاء المحرك من أول ما تدور.

يعني متقلقش من موضوع التسخين,, أنا عن نفسي بسخن من ٣٠ ثانية لدقيقة. دا بيريحني نفسياً أكتر.
وبعد ما تبدأ تتحرك بيها يفضل تخلي رجلك هادية علي دواسة البنزين أول ٣ دقايق لو هتتحرك بيها علي طول.
يعني متعديش ٢٥٠٠ ل ٣٠٠٠ لفة موتور بالدقيقة.

بعد ما تعدي اول ٣ ل ٥ دقايق تقد تجري بيها براحتك وتحرق علي الغيارات لو عايز لأن الموتور بيكون وصل لدرجة حرارة التشغيل الطبيعية.

[Ahmed_Ta21]

معظم إن مكنش كل العربيات الجديدة كفاية عليها أنك تدورها وتسيبها من ١٥ ثانية لنص دقيقة, أو دقيقة كاملة.
ال ١٥ ثانية وقت مناسب جداً لأن الزيت اللي في كل البيجو زيت تخليقي كامل واللزوجة بتاعته بتسهل وصولة لكامل أجزاء المحرك من أول ما تدور.

يعني متقلقش من موضوع التسخين,, أنا عن نفسي بسخن من ٣٠ ثانية لدقيقة. دا بيريحني نفسياً أكتر.
وبعد ما تبدأ تتحرك بيها يفضل تخلي رجلك هادية علي دواسة البنزين أول ٣ دقايق لو هتتحرك بيها علي طول.
يعني متعديش ٢٥٠٠ ل ٣٠٠٠ لفة موتور بالدقيقة.

بعد ما تعدي اول ٣ ل ٥ دقايق تقد تجري بيها براحتك وتحرق علي الغيارات لو عايز لأن الموتور بيكون وصل لدرجة حرارة التشغيل الطبيعية.

جزاك الله كل خير يا استاذ احمد علي التوضيح
شاكر حضرتك جدا علي الشرح الوافي
تحياتي..

[Ahmed Amin]

جزاك الله كل خير يا استاذ احمد علي التوضيح
شاكر حضرتك جدا علي الشرح الوافي
تحياتي..

الشكر لله يا كبير.

وعليكم السلام ورحمة الله وبركاته
الف مبروك لحضرتك وان شاء الله تستلم علي خير
انا زي حضرتك بالظبط خبرتي ضعفية (تكاد تكون منعدمة) - وحاجز 301 هاي لاين
احب اضيف ايضاً (بعد إذن صاحب الموضوع ) العربية مفيش فيها مؤشر حرارة ازاي اعرف ان العربية اتمت تسخينها وابدا اتحرك؟
سمعت ان مفيس اكصدام يتحمل الصدمات (عايز افهم الجزئية دي)
ياريت الإفادة وشكراً

الاكصدام قوي,, وبيتحمل الصدمات زيه زي كل الاوروبي أستاندرد واحد.
بس فيه ناس كان ليها أراء مختلفة ومش شرط تكون صح,,
الاراء دي كانت إن الشبكة الأمامية بارزة وتخيلو إن دا ضعيف وميتحملش الصدمات,
زيه زي أكصدام الانسر شارك مع إن أكصدام الانسر بارز أكتر من البيجو ومفهوش مشكلة
فمكنش عاجبهم الأكصدام عشان كدا.

مع إن ال ٥٠٨ وال ٣٠٠٨ وال ٣٠٨ كله شبكته بارزة, وحتي عربيات كوري نفس الكلام من الصالون لل suv
فا تقدر تقول ان اللي قال كدا علي الأكصدام كان عنده قلق بزيادة, أو عايز أكصدام لادا.

[Ahmed Amin]

شبكة وأكصدام ال ٣٠١


ال ٥٠٨


الميتسوبيشي لانسر







الفورد فوكس



أتمني تكون الفكرة وصلت لك واللستة طويلة, وكلها عربيات جميلة ومفهاش عيب.
بس أحنا هنا تفكيرنا مختلف بالنسبة للأكصدامات.!


دا بقي الأكصدام المفضل واللي بيكون في دماغ أي حد بيقولك علي العربيات في الصور اللي عدت فوق أنها وحشة وضعيفة,
وبيكون بيتمني حاجة زي دي.

[Ahmed Amin]

نسيت أحط حبيبتي التحفة الستروين DS5

[Ashraf Fawzy]

و متنساش تضيف عليها المازاراتى:



بس انا عندى ملاحظه واحدة, إن فى كل الموديلات اللى إحنا ذكرناها - بإستثناء البيجو - مقدمة الكبوت بتنتمى لقطعة الشبكه و الإكصدام. بس ارجع و اقول إن شكل البيجو 301 اكثر من رائع, وربنا يحفظنا من الناس الغشيمة اللى بترجع تريح على عربيتنا.

[Ahmed_Ta21]

شكراً للاستاذ احمد والاستاذ اشرف للتوضيح الوافي
الواحد اتفتحت نفسه للعربية ومبقاش قلقان الحمد الله:)