إعـــــــلان

Collapse

.

,
See more
See less

بيجو 2008 اول دفعه تقييم شخصي

Collapse
X
 
  • Filter
  • الوقت
  • Show
Clear All
new posts

  • بيجو 2008 اول دفعه تقييم شخصي

    السلام عليكم ايها الكرام


    اول مره اعمل موضوع في نايل موتورز بس من متابعينه جدا ..طبعا دورت قبل ما اشتري العربيه اني الاقي موضوع عنها مالقيتش كله مهتم جدا ب 301
    من فضل الله و ربنا يستر انا من اوائل الناس اللي استلمو البيجو 2008 في مصر حجزتها ايام معرض اتوماك و تخيلت انه هاستنى وقت طويل تاني يوم كلوني على انه في دفعه دخلت و فيها اللون المطلوب
    الا وهو الابيض اللؤلؤي ...
    و حصل حوار انه كنت هاستلم الرغبه التانيه وهو الشامبين بس كشرت عن انيابي انه اتسربعت و دفعت تمن العربيه عشان لون معين مش هاينفع اغيره دلوقتي


    طيب صور


    و هي لسه في المعرض قبل ما استلمها




    من تصوير اخويا هي لمض مش زينون بس هالوجين ..و الليدز دي شغاله طول الوقت زي العربيات الجديده الهوندا و كيا و البي ام




    العدادات مش عليها الاطار الازرق ده و مش عارفه ليه الرخامه دي مع انها هاي لاين ..بس اهو بقى بخل التوكيل ..طبعا استلمت العربيه من غير دوسات و لا حتى ميداليه هديه ..بخلا جلده مش معقول


    اول ركنه ليها في الجراج



    و ده اول مشوار ..احمد اخويا كان قاعد ورا عشان يشوف فتحة البانورما احسن ..




    و دي صوره من البانوراما ..





    طيب اعذروني في الفنيات انا مش قوي بس ممكن افيد على قد ما اقدر
    العربيه خزان البنزين 45 لتر و فيه في الشاشه مونيتور يقول قد ايه فاضل في استهلاك البنزين و متوسط الاستهلاك كام تقريبا معايا المتوسط 11 لتر في الكيلو ..
    كمان في حاجه اسمها TRip 1 و Trip 2 عشان تحسب الرحلات بمتوسط الاستهلاك قد ايه

    العربيه فيها فرامل ABS و EBD و ESP و Park Sensor
    و طبعا فيها كروز كنترول ..هو ستخدامه غريب شويه بالنسبه اللي انا متعوده عليه في المرسيدس
    بس لطيف بالتعود خلاص بقيت بعرف ازبطه ..مفيد خاصه لما بكون عارفه اني هاعدي في منطقه في ردار


    ايه كمان ؟ ..
    الفرش الدخلي قماش كده مقاوم للماء بيقولو ..مافيش جلد و اكتر حاجه محبطه جدا مافيش Cup Holder ! و برضه ماعرفش ليه مع انه مكانها موجود
    و مافيش Arm Rest بس وحده التخزين اللي في النص دي لطيفه بتتقفل و بسند عليها
    كمان طرف الباب عريض و ممكن برضه اسند عليه خاصه في الرحلات الطويله
    التابلوه من جوه كويس و الجوده بتاعته احسن بكتير من الجوك نظرا لاني كنت بقارن ما بينهم

    التنبيه بتاع الحزام ظريف للسواق بس و اعتقد بيفصل بعد فتر بس عن نفسي بلبس حزام الامان من ايام ال 504

    Touch Screen
    مقارنه بالسيات ليون برضه اللي كانت في الاعتبار و انا بفكر في 2008 الشاشه الوانها ممتازه و responsive جدا هي بس محتاجه تعود على طريقه استخدامها ,في زراير في الدريسكسون عشان الميديا و عشان تختار ال source اللي هتشغل منه الاغاني
    في USB ممكن يشغل فلاشه او تشغل الايفون بتاعك عشان يشتغل IPOD
    مافيش Grip Control و مافيش SAT NAV

    بس لو وصلت الايفون و شغلت جوجل مابس بيشتغل على طول و بيطلع الصوت التعليمات من السماعات حتى لو مشغل اغاني بيقطعها
    بشهاده الناس اللي كلموني في التليفون من البلوتوث بيقولو الصوت واضح و كويس بس كاني فاتحه سبيكر و ده مش بطال

    العربيه ثابته على الملفات و على المطالع بتاعه الكباري و دي ميزه رهيبه في نظري ..
    السحب كويس من 0 الى 100 في 9 ثواني او اكتر شويه حسب الزحمه ..
    في نظري ممتازه بالنسبه لطرق مصر خاصه المطبات ..ساعات بحس انها ناشفه شويه في الحتت المكسره ده لاني بقارنها بالمرسيدس بتاعه بابا و احمد اخويا اللي اكيد هاتكون انعم ..

    الفتيس 4 سرعات و في مود القياده على الثلج و ده ماجربتوش لسه و المود الرياضي و ده جربته العربيه فعلا بتبقى جاهزه تجري بس بيستهلك بنزين اكتر طبعا ..


    ده كل اللي انا فاكراه ..لو حد عنده اسلئه او اضافات ياريت يشاركني ..

    تحياتي

  • #2
    تقرير ممتاز جدا :]
    انا جربت الفئه الاولى وكنت بحضر تقرير عنها
    بس خلينى اوضحلك كام حاجه كده انا لاحظتهم فالعربيه
    مبدأيا الطاره صغيره جدا على حجم العربيه ومسكتها مش مريحه خالص تحسي انها لعبه فأيدك ( مش قصدى على النعوميه بتاعه البور طبعا )
    السحب من غير التكييف كان كويس جدا
    وانا مشغل التكييف كانت بطه بلدى ومخنوقه رغم ان الطريق كان مفتوح وواسع
    [CENTER][COLOR=Blue][SIZE=4]مفيش توقيع
    عشان تتبسط :D
    [/SIZE][/COLOR][/CENTER]

    Comment


    • #3
      المشاركة الأصلية كتبت بواسطة الغزالى مشاهدة المشاركة
      تقرير ممتاز جدا :]
      انا جربت الفئه الاولى وكنت بحضر تقرير عنها
      بس خلينى اوضحلك كام حاجه كده انا لاحظتهم فالعربيه
      مبدأيا الطاره صغيره جدا على حجم العربيه ومسكتها مش مريحه خالص تحسي انها لعبه فأيدك ( مش قصدى على النعوميه بتاعه البور طبعا )
      السحب من غير التكييف كان كويس جدا
      وانا مشغل التكييف كانت بطه بلدى ومخنوقه رغم ان الطريق كان مفتوح وواسع
      شكرا لردك الجميل ..لا هي بطه بلدي في كل الاحوال اعتقد انه احد اسباب انبهار والدي بيها انها مش عربيه جري زي السيات ليون ..بس انا جريت بها على المحور و الدائري مع عربيات تانيه
      لا هي كويسه ..على المود الرياضي ده شغاله بتجري كويس غير كده بحس انه انها بتمسك سرعه بالتدريج بس ارجع و اعيد لك كلاوم والدي و هو بيقنعني يا بنتي مافيش طرق في مصر للجري ..
      اخرك هتجيبي 140 دي قد ايه 10 دقايق ؟ ده يبقى كتير جدا الا لو سفر بقى اخويا هو اللي بيسوف غي السفر
      بس انا فعلا نادر جدا لما بمشي من غير تكييف كده يبقى اجرب

      الطاره صغيره و تحس انها دريكسيون لعبه ..بس خفيف جدا السي 200 دريكسيونها تقيل شويه و سي 180 اخف دي بقى هوا بالنسبه للاتنين بس بالتعود هاتحس انه انت سايق لعبه فعلا

      Comment


      • #4
        الف مبروك لكن ايه اخبار المساحة الداخلية ؟ الكنبة اللي ورا بالذات.
        https://t.me/pump_upp

        Comment


        • #5
          تقرير هايل وربنا يباركلك في العربيه دي ويديكي خيرها ويكفيكي شرها
          بصراحه العربيه دي هايله وعجبتني جداً جداً جداً اول ما شفتها في معرض فورمولا
          وقلت لمراتي وأحنا بنشوفها ان العربيه دي هتبيع كويس جداً وأنها هتاكل السوق في الفئه السعريه دي بلا منافس يعني لا هينفع جنبها جوك ولا كارنز ولا سول
          بس أهم حاجه الوكيل بس يركز مع العربيه دي زي ما هو مركز مع الـ 301 كده وساعتها اتوقع انه هياكل السوق بيها
          ومبروكه عليكي العربيه مره تانيه ومستنين تقرير أول صيانه بقى
          [SIZE=3][COLOR=Sienna]أنا سعيد انك سألتني السؤال د[/COLOR][/SIZE][SIZE=3][COLOR=Sienna]ه[/COLOR][/SIZE][SIZE=3][COLOR=Sienna]:star1:[/COLOR][/SIZE][SIZE=3][COLOR=Teal]
          [SIZE=5][COLOR=Teal]محمد كُريم[/COLOR][/SIZE][/COLOR][/SIZE]

          Comment


          • #6
            تقرير ممتاز لعربيه ممتازه وواضح ان بيجو راجعه بقوه انا شايف انه اختيار مناسب ليكى عموما الف مبروووووك وربنا يباركلك فيها
            [CENTER][I][B]رضيت بالله ربا وبالاسلام دينا وبمحمدا صلى الله عليه وسلم نبيا ورسولا[/B][/I][SIZE=3]
            [FONT=Book Antiqua] [B]Ahmed hussein[/B][/FONT]
            [/SIZE] [/CENTER]
            ______________
            mido353235 سابقا

            Comment


            • #7
              المشاركة الأصلية كتبت بواسطة mhkorayem مشاهدة المشاركة
              تبس أهم حاجه الوكيل بس يركز مع العربيه دي زي ما هو مركز مع الـ 301 كده وساعتها اتوقع انه هياكل السوق بيها
              هو كده مركز مع ال301!!!
              طب يا ريت يا شيخ ميركزش معاها و يريحنا شوية
              أسوا حاجة فال301 حتى الآن هي توكيل بيجو
              فاكر إنه بيبيع بي إم و أسعار المصنعيات نار و الكماليات نارين
              ده غير التيل اللي بيتغير على 10000 و البوجيهات اللي بتتغير قبل معادها

              تركيز تركيز يعني
              [SIGPIC][/SIGPIC]

              Comment


              • #8
                الف الف مبروك
                و ربنا يبارك لك فيها و يديكي خيرها و يكفيكي شرها
                تقرير مميز
                Sharief Mansy شريف منسي
                شكرا نايل موتورز
                [SIGPIC][/SIGPIC]
                Farewell my Cayenne, you were the best car i ever had and driven

                Comment


                • #9
                  الف مبروك علينا السيارة كدا تقريبا بقينا ي.العربية مع التكيف ولا بحس باي حاجة في السحب ولسة لما تعدوا الالف الاولي زي هتحسوا بفرق.انا معاي الهاي لاين الرصاصي وكنت برضة بقرنها بال جوك.البيجو يكسب.ان شاء اللة هتحقق مبيعات كويسة بس التوكيل يشد حيلة شوية وبالذات في الصيانة.

                  Comment


                  • #10
                    معلش بقي دا احلي حاجة الدريكسيون صغير وتحس انك متمكن منة.انا وصلت بيها ل 170 والثبات ممتاز والدريكسيون صخرة في اديا السيارة عاملة دلواقتي 1400 كم.انا لسة ماشفتهاش عندنا في الاسكندرية.الحمد للة علي الاختيار وكنت بقارنها بالجوك.البيجو يكسب.

                    Comment


                    • #11
                      معلش يا رجالة طب هى بطة بلدى يعنى مش بتجمع بسرعة ولا مش بتاعة سرعات عالية؟

                      و ازاى بتجيب 100كم فى 9 ثوانى و فى الاخر يتقال عليها بطة بلدى؟

                      و الكنبة اللى ورا ضيقة و لا كويسة؟

                      و ايه اخبار الصاج محمل و جامد ولا ورق؟ وهل الرفارف فبر بردوا ولا ايه؟

                      انا بفكر فى البيزلاين او الرابيد تقريبا نفس السعر


                      ياريت الافادة و شكرا مقدما

                      Comment


                      • #12
                        بتجمع كويس اوي والباب تقيل .واللة العربية بقلها معايا تلات اسيبع انا اول واحد رخصت في الاسكندرية وسفرت بيها مرتين القاهرة ولابحس اني سايق.الحمد للة....

                        Comment


                        • #13
                          مبروك العربية ربنا يباركلك فيها ويكفيكي شرها
                          وفي انتظار الانطباعات بالتوالي بعد كذا الف كم

                          جروب ورشة نايل موتورز علي الفيس بوك


                          صفحة ورشة نايل موتورز على الفيس بوك

                          Comment


                          • #14
                            معلش انا مش واخد بالي اني برد ....بس واللة علشان انا مبسوط بالعربيةة اوي....

                            Comment


                            • #15
                              ماشاء الله ربنا يبارك
                              هى نازله كام فئه وايه الفروق بينهم
                              والفئه الهاى لاين عامله كام
                              انا اتفرجت بس عليها فى كونتاكت والمعلومات كانوا بخلا جدا فيها وصرفت نظر افتكرتها مانيوال بس
                              ومن التقرير عرفت انها اوتو 4 غيار
                              ياريت اسعار الفئات وهل هى فى حجم الجوك او اكبر لانى مشفتهاش ماشيه على الطبيعه انا حتى لفيت كل معارض المحله عندنا مفيش معرض حاطط عربيه بيجو نهائى كنت عايز اشوف 2008 و 301 اللى الناس بتشكر فيهم
                              [SIGPIC][/SIGPIC]

                              Comment

                              Working...
                              X