هشتتري ان شاء الله 301 بعد بكرا نصايحكم

[cauty]

بسم الله الرحمن الرحيم
أنا ان شاء الله ناوي أشتري ال 301 بعد بكرا فا عايز نصايحكم يا شباب أنا كنت بدور على النت في المواضيع العربيات و بصراحة ملقتش أحسن من منتداكم كمواضيع متميزه و روح حلوه جدا بين الأعضاء ....
عندي ليكوا عدة أسئلة علشان دي أول عربية ليا فا ياريت متبخلوش بالرد ....

أول حاجه أنا عايز أتاكد أن ال 301 زي مانا بحثت هي أحسن خيار ليا في حدود ال 120 و ال 130 و أنأ أن شاء الله ناوي أجيب الأتوماتك بس مش الفل أوبشن ... فاعايز من فضلكم مقارنة سريعة بيها و العربيات اللي بنفس السعر .
تاني حاجه عايز أسئلكم عن أفضل معرض أشتري منو عشان معنديش خبره خالص .
تالت حاجه عايز أسألكم على الحجات اللي أبص عليها عند الأستلام .

رابع حاجه أنا سمعت عن حاجه أسمها التليين فاعايز أعرف تفاصيل أكتر عنها .
خامس حاجه أنا ساكن في عمارات السعودية اللي عند قصر القبة عايز أعرف هرخص العربية في أني مرور ؟
سادس حاجه وقت الترخيص ايه اللي مطلوب مني و ايه الحجات الللي أخد بالي منها ...

أنا عارف أن أسئلتي كتير و طولت عليكوا بس أنا معنديش خبره خالص أنا أسف .

[cauty]

فين الأجابات يا جماعه أنا قاعد مستني رأيكم على نااار

[m mosalam]

انت هتشتريها بااوفر برايس

[cauty]

انت هتشتريها بااوفر برايس

مش فاهم ياعني هي دلوقتي أغلى ؟

[m mosalam]

اقصد انك هتشتريها من التوكيل وتستنى فترة الحجز ولا هتشترى من المعرض وساعتها هيبقى فى زيادة فى السعر حوالى 6 او 7 الاف جنيها

[cauty]

أنا كاتب فوق أنها هتبقى من معرض و بسئل عن أفضل المعارض

[cauty]

يا رجاله همتكوا معايه أنا حيران جدا

[شريف عدلي]

توكل علي الله عربية جميلة في فئتها السعرية وان شاء الله هتكون مبسوط منها ، بس نصيحة اشتريها من التوكيل هاي لاين بدل ماتشتريها من معرض بنفس سعر هاي لاين او اقرب منه وقصة ٣ شهور مش قضية

[cauty]

طب بعد أذنك أنا سائلأسئلة كتير فوق لو تعرف أجابة أي حاجه فيهم متبخلش على أخوك .

[cauty]

فين ملاك البيجو 301 يا جماعه متبخلوش بالمعلومة

[Amgad A.alim]

من المواضيع المثبتة على صفحة المنتدى والذى سيفيدك تقييم كامل لبيجو 301

http://www.nilemotors.net/Nile/360846-301.html

تقبل تحياتى

[cauty]

يا باشا أنا قريت كل المواضيع لاكن أنا سائل كذا سؤال عايز أجابته ياريت لو أي حد يعرف يجاوب ياريت

[شريف عدلي]

أولاً : السلام عليكم ورحمة الله وبركاته

أول حاجه أنا عايز أتاكد أن ال 301 زي مانا بحثت هي أحسن خيار ليا في حدود ال 120 و ال 130 و أنأ أن شاء الله ناوي أجيب الأتوماتك بس مش الفل أوبشن ... فاعايز من فضلكم مقارنة سريعة بيها و العربيات اللي بنفس السعر

اولاً : نبداً ب البيجو 301 و كيا ريو ... أضغط هنا

ثانياً : المقارنة بين نيسان صني الشكل الجديد و بيجو 301 ... أضغط هنا

تاني حاجه عايز أسئلكم عن أفضل معرض أشتري منو عشان معنديش خبره خالص .

أنا بصراحة معرفش ... بس في معارض كتييييير شوف أنت ايه الانسب ومين هيديك سعر أفضل من الثاني ... بس نصيحة أشتري من التوكيل هاين لاين بنفس السعر تقريباً اللي هتشتري بي بيزلاين

تالت حاجه عايز أسألكم على الحجات اللي أبص عليها عند الأستلام .

الموضوع الاول بخصوص الاستلام

الموضوع الثاني بخصوص الاستلام

رابع حاجه أنا سمعت عن حاجه أسمها التليين فاعايز أعرف تفاصيل أكتر عنها .

هنا موضوع التليين

خامس حاجه أنا ساكن في عمارات السعودية اللي عند قصر القبة عايز أعرف هرخص العربية في أني مرور ؟

مش عارف والله بس ممكن اي عضو بالمنتدي يرد عليك بخصوص الموضوع ده

سادس حاجه وقت الترخيص ايه اللي مطلوب مني و ايه الحجات الللي أخد بالي منها ...

الموضوع الاول بخصوص التراخيص

خلي بالك قبل ما ترخص ... شوف الموضوع ده

أنا عارف أن أسئلتي كتير و طولت عليكما بس أنا معنديش خبره خالص أنا أسف .

لأ أبداً ربنا يوفقك في اللي فيه الخير

[cauty]

ربنا يخليك يا كبييررررر

[Ahmed Amin]

أفضل المعارض اللي تشتري منها وأضمنهم هوا سمير ريان,,

كلمة أوفر برايس يعني أنك تشتري العربية بسعر أغلي من سعرها الرسمي في التوكيل,
لأن الحجز مع التوكيل ممكن تستني شهر أو 2 علي ما تستلم,
لكن المعرض بيسلمك تسليم فوري وتدفع 4 أو 5 الأف زيادة,,
خد بالك أن فيه معارض بتقول تسليم فوري وتروح تلاقي العربية مش عنده. يعني بياخد فلوس زيادة وبيعطلك ومش بيسلم فوري.
فخليك مع المضمون وأنزل شوف العربية بنفسك الأول.

بالتوفيق في الشراء وشريف عدلي ربنا يبارك فيه رد علي كل أسئلتك,
وأبقي طمنا عملت أيه.