الحمد لله استلمت اخيرااااااا .ولكن .... ؟

[amrelsaqqa]

الف مبروك ياباشا ، تقرير جميل وشيق
بالنسبة لغطا الكنترول حركة قرعة بصراحة

انا 2014 وعندى الـ cover وهو مهم على فكرة وما تتهاونوش في الاصرار على تركيبه

[heshammosaad]

الحمد لله وبفضله استلمت اخيرا 301 ابيض هاىلاين من فرع صلاح سالم من كام يوم
فعلا فرحه الاستلام بتنسيك فترة الانتظارة المميته
استلمت العربية فى لحظات كل الورق كان جاهز اخد حوالى 10 ايام من بعد ما حولت المبلغ كلة
طلعت على الاوتستراد كانت عاملة 2 كيلو
فولت فى بنزينه الامارات وكمان ظبطت الكاوتش كان 43 وكنت بحس بدبة الكاوتش خليتو 32 بصراحه حسيت فعلا بفرق بعدها قولت بقى اشد الرحال على البلد
توكلت على الله واستلمت طريق السخنه وطبعا كنت ماسك نفسى علشان ماجريش . معديتش rpm 3
لحد اما وصلت ملفات السخنه ودى اهم اختبار لأى عربية لأنو طريق مش عادى وكانت النتيجه .......
امتيااااااااااااااااااز ... بجد فعلا سحب وثبات وفرامل ماشاء الله ممتاز
كنت ماشى 140 وملفات وكيكات وفرامل والعربيه ثابته
بعد ماعديت 400 كيلو وبيت ليله فى غارب قررت انى اجرب التكييف بالنهار
اداء مرضى لحد كبير و وتأثيرة خفيف على السحب ومش بتحس بيه انو مكتف العربيه
وصلت لحد 160 وقلت كفايه كده الم نفسى شويه لحد ما وصلت
مجملا العربيه ماشاء الله جميله وتستحق تعب الانتظار
طبعا انتو مستنيين ( ولكن )
ولكن الحلو مبيكملش
وانا بفرج العربيه لأخويا قالى ليه الاسلاك دى باينه كده بصيت عليها لقيت ان فيه cover للوحه الكنترول مش موجود والاسلاك باينه . انا قولت اكيد هيا كده ولما راجعت صور للعربيه للى فى مصر وبره مصر لقيت انو فيها فعلا cover للكنترول
المهم كلمت التوكيل وللأسف قالى هى جاى كده من برة وكل موديلات 2015 كده
انا قولتلو ازاى انتو العربيه تجيلكم كده وتسلموها كده
المهم كلمت 19207 وبلغت شكوى
والنهاردة اكتر من واحد يكلمنى ويحاول يقنعنى انو هى العربيه كده ومفيش تقصير من ناحيتهم
ووصلت معاهم انهم هيبعتوا يجيبو الحجات دى ويحاولو يوفروها للملاك
انا قولتلهم ماشى انا هستنى لحد اما توفرو الحجات دى بس ماتجيش تدفعنى تمنها
سؤالى بقى لحضراتكم هل فعلا الجزء ده مش موجود فى موديلات 2015 كلها





الصورة دة من عربيتى

على البركة وربنا يديك خيرها ويكفيك شرها
انا 2015 وماخدتش بالى الا لما انت عملت الموضوع دانا هظبطهم شكوى الصبح ده شكلها هتبقى مرار مع التوكيل ده

[abohend]

*&^%$#$%%

على البركة وربنا يديك خيرها ويكفيك شرها
انا 2015 وماخدتش بالى الا لما انت عملت الموضوع دانا هظبطهم شكوى الصبح ده شكلها هتبقى مرار مع التوكيل ده

مخبيالنا ايه يا 301

[m mosalam]

العربية كويسة ومشاكلها بسيطة وليست مشاكل فى اساسيات السيارة بالمقارنة بسيارات اخرى فى نفس الفئة السعرية

[S O P H O S]

الف مبرووووك

[m mosalam]

حجزت من امتى واستلمت بعد اد ايه

[m mosalam]

يارب عدى فترة الانتظار دول اكنهم بيعاقبونى انى انا مدفعتش اوفر برايس وحجزتها تعبت من الانتظار محدش عنده حل انى اعرف استلم قريب يعنى اعمل اية ممكن افضل اتصل بالتوكيل واسالهم على الاستلام حتى يعملو حسابى فى الاستلام لانى عرفت من عضو معانا انه لومكنش اتصل بيهم كان مستلمش يارب تعبت

[nonalaziza]

فعلاً شوفتها النهاردة مافيش غطى للأسف