بيجو 301 والثبات

[a_nesta13]

بص يا باشا
انا معرفش انت عامل كام كم بس معلومه العربيه عفشتها هتفضل ناشفه فتره علي ماتلين تقريبا من 5000 ل 10000 كم علي ماتبدأ تحس ان العفشه بقت ناعمه و بتاخد و تدي ع الطريق
النقطه التانيه ظبط ضغط الكاوتش ع 30 او 32
النقطه ال3 اتأكد ان العفشه متربطه ف التوكيل لان وصف حضرتك ده بيدل ع عدم تربيط
وشكرا

بص ياباشا انا العربيه عامله 1500 كيلو
بس عاوز اوضحلك حاجه انا مش بشتكي ان العربيه العفشه بتاعتها ناشفه
انا بشتكي من ثبات العربيه
ثانيا انا ظابط الهوا امامي 31 وخلفي 30

ممكن يكون كلامك مظبوط من موضوع تربيط العفشه

[amrelsaqqa]

علي فكره ياجماعه انا شاري العربيه في السعوديه في الرياض يعني هناك الطرق كويسه جدا
وانا مش مقتنع ان انا لما ادوس علي عين القطه لازم العربيه تلعب لاني كان معايا قبلها ياريس 2010 ومكنتش بحس بأي حاجه من اللي قولتها ديه خالص

لو بالنسبة لك الياريس اثبت منها يبقى لا في حاجة غلط عندك فعلا

[medori]

انا بقالى سنة بقول الكلام دة بالظبط و محدش مصدقنى و كل التقارير بتنزل تقول ثبات خزعبلى !!! لدرجة ان انا نفسى صدقت ان عندى عيب فى عربيتى انا بس و روحت ربط عفشة فى التوكيل و برة و جربت كل الcombinations بتاعت ضغط الكاوتش و عملت rotation و كل حاجة و ملقتش الثبات اللى انا عايزة.

انا كل يوم سكتى دائرى رايح جاى و انا بحب الجرى و متعود علية فى الميجان و لما ركبت البيجو بقيت متضايق فعلا من موضوع الثبات دة وبعد تجربة كل حاجة اقنعت ان مفيش فايدة و ان هى العربية كدة. املى الاخير فى تعريض الكاوتش بس مش جايلة قلب اغير كاوتش و العربية لسة ممشيتش فمستنى لما اللكاوتش ييجى معاد تغييرة الطبيعى على 40 الف ولا حاجة و اغيرة ساعتها و خلاص.

[medori]

هى مش خفيفة بس مش طوبة ع الطريق يعنى ماتفكرش نفسك هتركب باسات يعنى
في نفس الوقت الثبات ممتاز لحد 120 ومعقول جدا ل140 وتبدأ تحس ان العربية خفيفة ( 1100 كيلو !!! ) عند 160 خصوصا لو في هوا

ولكن بردو مازالت احسن من عربيات اغلى منها بكتير زي الالنترا مثلا

موضوع النقلة اللى بتحس بيها ورا اعتقد كل التورشن بيم كدة بس ميزة العربية دى ان مفيش تنطيط على الفواصل والكلام ده وعلى فكرة مش بتعوم هى بتزحزح سنة بس وتقف و. انا كنت سالت عن الموضوع ده اول ما جبت العربية وحد هنا في المنتدى اكدلى ان اي عربية في اادنيا بتعمل كدة مع عين القط لو في ملف

المهم طبيعى تحس بفرق في الملفات عشان الجين مالتى لينك

يا عمرو بية، العربية بتغربل مع الهوا من 110 تقريبا و خاصة لو الهوا فى وشك بتبقى حاجة تفرح و لا تعدى من جمب نقل مثلا بحس ان العربية هتنط للحارة التانية. و مش كل التورشن كدة، ما الميجان تورشن و ال307 تورشن و مفيش مرة الشنطة حسيتها بتلعب فى الميجان بينما هنا اى فاصل كوبرى مع لفة فى الطريق الشنطة بتلعب جامد، بتحس فعلا ان العربية بتمشى بالجمب من ورا

[amrelsaqqa]

حسب بصتك للعربية وللفئة بتاعتها
ما بقاش مثلا كنت راكب m5 وانزل اجيب عربية بـ 120 الف واقول ثباتها سيء وعربية مراجيح اصل البي ام ما كانتش كدة ... !

وما بقاش راكب برضه عربية قبلها حتى لو فئة متوسطة بس بيضرب بيها المثل في الثبات بسبب طابعها الرياضى مش العائلى زي الميجان والجين تو وابقى مستنى العربية تتفوق عليها برضه

العربية وزنها خفيف 1060 كيلو للمانيوال وازيد حاجة بسيطة للاوتوماتيك يعنى اصلا في الوزن قريبة للفيرنا واللانوس واللوجان والكورولا القديمة والاكسنت ار بي والريو والكلام ده ..

مش معنى انها تفوقت على كل دول ولسة سعرها في المعقول وبتنافس عربيات اغلى كمان زي الالنترا والسيراتو نقوم نبدأ نقارنها ببقية العربيات ولو طلع ان في عربية اثبت منها تبقى عربية اي كلام !

طبيعى لو على سرعة وفي هوا هتلاقيها عايزة تحدف بسبب خفة وزنها وطبيعى في الملفات تحس انها من ورا مش مرتاحة في الملف 100% طبيعى برضه بسبب التورشن بيم بس مش بتعوم حتى لو موقف طوارئ غصب عنك ولقيت نفسك داخل ملف من بتوع الصحراوى على 170 العربية هتدخل معاك مش هتقوللك لا .. ده اللى عاوز اقوله
مش هتوصل للمالتى لينك اولا واخيرا تورشن بيم ولكن وانت سايقها هتبقى مستريح وواثق فيها اكتر من الاكسنت والريو والالنترا والنيسان صنى فما اقل

[amrelsaqqa]

يا عمرو بية، العربية بتغربل مع الهوا من 110 تقريبا و خاصة لو الهوا فى وشك بتبقى حاجة تفرح و لا تعدى من جمب نقل مثلا بحس ان العربية هتنط للحارة التانية. و مش كل التورشن كدة، ما الميجان تورشن و ال307 تورشن و مفيش مرة الشنطة حسيتها بتلعب فى الميجان بينما هنا اى فاصل كوبرى مع لفة فى الطريق الشنطة بتلعب جامد، بتحس فعلا ان العربية بتمشى بالجمب من ورا

لا بصراحة مش للدرجة دى عندى
انا المرة الوحيدة اللى عملت معايا كدة كان من بعد 140 على الطريق االصحراوى وكان هوا جامد جدا
وبصراحة اضايقت يوميها
بس في العادى بتبقى كويسة والله يعنى 110 120 دى ما تشيلش هم اي حاجة خالص !؟
وفي الظروف العادية على طريق مفتوح 160 عادى جدا

[a_nesta13]

يا عمرو بية، العربية بتغربل مع الهوا من 110 تقريبا و خاصة لو الهوا فى وشك بتبقى حاجة تفرح و لا تعدى من جمب نقل مثلا بحس ان العربية هتنط للحارة التانية. و مش كل التورشن كدة، ما الميجان تورشن و ال307 تورشن و مفيش مرة الشنطة حسيتها بتلعب فى الميجان بينما هنا اى فاصل كوبرى مع لفة فى الطريق الشنطة بتلعب جامد، بتحس فعلا ان العربية بتمشى بالجمب من ورا

هوا ده اللي انا بحكي فيه والله في اي ملف مع فاصل

بالظبط هوا اللي بيحصل ان الشنطه من ورا بتعوم مع الدوران

[a_nesta13]

حسب بصتك للعربية وللفئة بتاعتها
ما بقاش مثلا كنت راكب m5 وانزل اجيب عربية بـ 120 الف واقول ثباتها سيء وعربية مراجيح اصل البي ام ما كانتش كدة ... !

وما بقاش راكب برضه عربية قبلها حتى لو فئة متوسطة بس بيضرب بيها المثل في الثبات بسبب طابعها الرياضى مش العائلى زي الميجان والجين تو وابقى مستنى العربية تتفوق عليها برضه

العربية وزنها خفيف 1060 كيلو للمانيوال وازيد حاجة بسيطة للاوتوماتيك يعنى اصلا في الوزن قريبة للفيرنا واللانوس واللوجان والكورولا القديمة والاكسنت ار بي والريو والكلام ده ..

مش معنى انها تفوقت على كل دول ولسة سعرها في المعقول وبتنافس عربيات اغلى كمان زي الالنترا والسيراتو نقوم نبدأ نقارنها ببقية العربيات ولو طلع ان في عربية اثبت منها تبقى عربية اي كلام !

طبيعى لو على سرعة وفي هوا هتلاقيها عايزة تحدف بسبب خفة وزنها وطبيعى في الملفات تحس انها من ورا مش مرتاحة في الملف 100% طبيعى برضه بسبب التورشن بيم بس مش بتعوم حتى لو موقف طوارئ غصب عنك ولقيت نفسك داخل ملف من بتوع الصحراوى على 170 العربية هتدخل معاك مش هتقوللك لا .. ده اللى عاوز اقوله
مش هتوصل للمالتى لينك اولا واخيرا تورشن بيم ولكن وانت سايقها هتبقى مستريح وواثق فيها اكتر من الاكسنت والريو والالنترا والنيسان صنى فما اقل

يااستاذ عمرو هيا ملفات الصحراوي اللي علي الواسع اوي ديه ملفات انتا ناسي ان ده طريق سريع ولازم ملفاته متبقاش عاصيه عشان السرعه

[amrelsaqqa]

يااستاذ عمرو هيا ملفات الصحراوي اللي علي الواسع اوي ديه ملفات انتا ناسي ان ده طريق سريع ولازم ملفاته متبقاش عاصيه عشان السرعه

معاك حق مانا عشان كدة وضحت نوع الملفات
بس انا عمري ما جربت ادخل ملف ضيق على طريق عادى على سرعة فوق 100-120 مهما كانت العربية

[a_nesta13]

معاك حق مانا عشان كدة وضحت نوع الملفات
بس انا عمري ما جربت ادخل ملف ضيق على طريق عادى على سرعة فوق 100-120 مهما كانت العربية

والله وانا كمان انا الحاله اللي بتكلم عنها بكون علي سرعه 60 بالكتير

[د.عماد صلاح]

شوف ..اعتقد الي 120 العربيه كويسه والمناوره امنه ...بس بعد كده يبدا القلق
العربيه ثباتها اقل من الاوبترا خاصه في الملفات واعتقد ان سبب كده فرق التعليق الخلفي من مالتي لنك في الاوبترا لتورشن بيم في البيجو .....بس مش ضايعه اوي كده للامانه زي وصف حضرتك ..ممكن في مشكله في تظبيط الهوا

[m mosalam]

العربية ثباتها ممتاز لان فى ناس هنا جابت بيها 180 وكانت ممكن تزود لولا الخوف بس وكانت على كلامهم ثباتها ممتاز ممكن تكون هى مش طوبة على الطريق يعنى بس مش ضايعة فى الثبات وانا بقترح عليك تظبط هواء الاطارات والعفشة لو فيها تربيط ممكن يكون ليه اثر وعايز اسالك هل من اول ماستلمت العربية وهى كدة ولا كان ثباتها ممتاز وبعد كدة بدات تعوم ؟

[eng-ahmed alaa]

150 على طريق ميت غمر المنصورة ده مستحيل ده كله مطبات وحفر غير في منطقة واحدة فقططط والطريق فيها مستقيم ومتسفلت ودي الحتة الوحيدة في الطريق اللي متسفلتة حلو كده وطبيعي لما تمشي في خط مستقيم بالعربية متحسش بحاجة ... ده لو عربية عامت وانت ماشي في خط مستقيم تبقى مش عربية تبقى عجلة على كده

يا باشا الحته من بعد كوبرى ابو نبهان دى منحنى مفتوح 150 دى والطريق زحمة لو الطريق فاضى كانت جابت اكتر

[carizma1]

السلام عليكم
تجربتي وبطرحها عليكم لمعرفة أراكم
معايا هايلاين اتوماتك
ثبات العربيه تمام والحمد لله ولكن عند 140 بيبقي فيه زي نطه وصوت عالي من الماتور لما بيتعدي 4000 ار بي ام
انا روحت بيها مكه وهيه 2500 كيلو وماشي علي 170 معظم الوقت ومن الرياض لمكه يجي 900 كيلو
العربيه تجيب اكتر من 170 ولكن مارضتشي اخلي الار بي ام يتعدي 5000 ويدخل فالمنطقه الحمرا قدر الامكان وعلي خفيف السرعه جت 180 والار بي ام 5500
الحاجه اللي حابب اعرف رأيكم فيها ان العربيه علي 100 الي 110 صوتها رايق وهادي انما علي 140 وانت طالع فيه صوت قوي من الماتور مع نطه خفيفه وبصراحه بيخنق الاحساس دا وتحس ان اتزانها فخطر ولكن الحقيقه ان العربيه عفشه اروبيه وشكلها الانسيابي بيخلي التحكم فيها سريع وبالاخص ضمتها الخلفيه بتجيب معاك وتكمل من غير ماتعوم.
وربنا يبارك لينا جميعا فيما رزق

[tamer shsh]

طبعا ياجماعة ماشاء الله العربية في منتهى الإتزان.انا عن نفسي جبت ١٨٠ على طريق مفتوح وستريت وكانت ماشاء الله متزنة وكنت على١٤٠وعدت من جنبي مقطورة في طريق رايح جاي ولا الهوا ماشاء الله.واعتقد صون المواور بعد١٤٠ده طبيعي في كل العربيات.انا كان معايا فورد كراون وكان صوت الموتور عالي برده وهي كانت٤٥٠٠cc