بيجو 301 ولا شيفروليه كروز 2014 ؟؟؟؟؟؟

[Moustafa Nabih]

ياريت يا جماعة حد ينصحنى

انا دلوقتى حاجو بيجو 301 هاي لاين بقالى شهرين وبصراحة عجبانى بس بعد مشكلة التيل والتوكيل والكبوت اللى نازل على الاكصدام ده مخلينى مش مستريح فلقيت وانا بدور من يومين كده شيفروليه كروز 2014 هاى لاين هى شكلها متغير حاجه بسيطه بس فيها esp و 2 ايراباج وايموبليزر وعربية ضخمه حاسس انها افخم بكتير من البيجو وسعرها عامل 150 الف بس مفيهاش بلوتوث ولا سينسور خلفى
بس اللى عرفته ان الكروز 2014 هى نفس شاسيه الاسترا 2014

انا بفكر دلوقتى ان انا اسحب مقدم الحجز 10 الاف اللى دفعتهم لتوكيل بيجو واروح اخلص فى الكروز؟
علشان انا بقول ان سعر البيجو هيزيد والعربيات كلها عما قبل مستلم والله اعلم علشان الدولار
فبقول انا انا الحق دلوقتى واكون كسبت لو الكروز احلى فعلا
دلوقتى لو سحبت مقدم الحجز بتاع البيجو هيكون فيه مشاكل مع التوكيل ولا ايه ؟؟


ده لينك الكروز كروز 2014 - السيارة السيدان المدمجة - شيفروليه مصر

[D.Ahmed Ismail]

كروووووووووووز طبعااااااا

فيها ريحة الاوروبي من ثبات و جودة تقفيل و موتور و فتيس و اكثر ضمانا من البيجو

[hamaka]

الكروز عربية محترمة جداً و البيجو برضه كويسة ، بس أعتقد ان الكروز ممكن يكون ليها أفضلية خفيفة كعربية ، أكبر عيب فيها توكيلها سئ جداً....

[ahmedteam]

اعتقد الاتنين غير بعض المقارنه كده مش عادله

البيجو جميله بس الكروز افخم

[Moustafa Nabih]

متشكر اوى يا جماعة على الردود
بس الكروز 115 حصان زى البيجو 301 مش كده قليل على الكروز برضه علشان هى ضخمه جدا
وبصراحة لو قارنت الكروز بالسيراتو او الالنترا هاى لاين هيكون فرق حوالى 30 الف علشان عوامل الامان فى الكروز جميله

[ashouhdy]

الحق قبل غلو الاسعار ... اول الشهر حتزيد 10 الاف جنية. .. فكر وانجز

وهي مش ضخمة ولا حاجة وقد البيجو من جوة تقريبا مش اكبر

[MohammedAladel]

كروز طبعاً ....إلحق اشتريها قبل ما تغلى
Press ENTER to look up in Wiktionary or CTRL+ENTER to look up in Wikipedia

[Ahmed_Ta21]

طيب الكروز اللي بـ 150 الف فيها abs و ebd ؟
وسحبها كويس علي الشكل الضخم ده
يعني الموتور متناسب مع حجمها ولا لا؟

[amrelsaqqa]

هى دى محتاجة كلام يعنى ياباشا . الكروووووز بكل تأكيد

[amrelsaqqa]

العربية الكروز فيها esp مش بس abs

والموتور نفس القدرة الحصانية بتاعت 301 115 حصان والعزم اعلى شوية 155 بزيادة 5 نيوتن متر عن بيجو
النتيجة ان السحب تحت ال100 اقل في الكروز نتيجة فارق الوزن بس فوق ال100 الفرق مش هيبقى محسوس اوى

[abohend]

كروز يا عزوز

كروز طبعا يا باشا
ألحق بسرعة و الكماليات مقدور عليها تركبها بعدين إن أمكن

ده غير إنك عقبال متستلم بيجو هتلاقيها ب140 على الأقل

مفيش أي مشاكل بالنسبة للحجز و التوكيل هيرجعلك الفلوس على طول لأنه أساسا عنده طابور طويل

أستخير ربنا و أنجز

[Moustafa Nabih]

طيب الكروز اللي بـ 150 الف فيها abs و ebd ؟
وسحبها كويس علي الشكل الضخم ده
يعني الموتور متناسب مع حجمها ولا لا؟

الكروز نازل منها بس الفئة اللى ب 150 الف واتوماتيك هاي لاين وفيها Abs و Ebd و ESP و TC
معرفش بقى السحب والموتور نظامه ايه على وزن العربية

[Moustafa Nabih]

كروز طبعا يا باشا
ألحق بسرعة و الكماليات مقدور عليها تركبها بعدين إن أمكن

ده غير إنك عقبال متستلم بيجو هتلاقيها ب140 على الأقل

مفيش أي مشاكل بالنسبة للحجز و التوكيل هيرجعلك الفلوس على طول لأنه أساسا عنده طابور طويل

أستخير ربنا و أنجز

ابو هند باشا
على فكرة انت من الناس اللى حببتنى فى البيجو 301
بس انا خايف اجيب الكروز ينزل الشكل الجديد 2015 يضيع ال 2014 والله اعلم
مع انى سمعت ان 2015 صينى زى النيو اوبترا
وهصلى استحارة ان شاء الله وربنا يسهل الحال يارب
بس البيجو عامله معاك ايه يا كبير ؟؟

[J A G U A R]

مقارنه غريبه جدا الصراحه

[Mohamed_301]

استخير ربنا وشوف انت مرتاح لايه والكروز القديمه كانت جميله لما كانت بماتور الاوبترا الجديده الله اعلم ومركبتهاش
بس حكايه السحب دى ما اتوقعش انها تكون عاليه ف الكروز عشان بيتهيقلى كبيره ع الماتور والله اعلم
وانت بالنسبالك الفرصه كانت احسن منى عشان انت ركبت البيجو قبل ما تجيبها فـ شوف اللى ترتاحله بس منصور شيفورلية زباله :)) عشان تبقى عارف بس ... توكيل مرغم كله بيتشكر فيه والله اعلم برضوا وللمره التانيه صلى استخاره قبل ما تاخد اى قراار :))
وابقى كلمنى وقولى عملت اية ;))