العربيه بتنط بيجو 301

[a_nesta13]

سلام عليكم يا شباب ...... الصراحه انا ابتديت اقلق من العربيه دى ............ العيب ده جديد بالاضافه لموضوع التيل بتاع الفرامل ده .................. استاذ a_nesta13 ..... انا كنت مفكرها فى السعوديه انضف والتوكيل معاملته احسن فى النقط دى ..... هو ده وكيل فرع ايه فى السعوديه ؟؟؟ ............ لانى هاشترى ومش عارف اخد 308 اس دبليو ...... ولا اخد 301 هاى لاين

انا جايبها من المتوكل

[uoko000]

انا لما كنت جايب لسه العربية كنت مضايق من النتشة دية وبعد كدة اتعود عليها ورجلى خادت عليها وممكن اتفاداها مع التعود على العربية وبتقل شوية كتيررررررررر لما كل ما تمشى بالعربية انا عامل 10000 ك

[S.A.M.E.H]

انا جايبها من المتوكل

امممممممم انا كنت بقول حسين على رضا احسن لان المتوكل بيركب حساسات للعربيه لان اللى بتنزل الخليج بدون حساسات ومثبت سرعه ............. المهم بس وجب التنبيه ان اللى فى مصر يروح فرع غمره مفيش كلام ............ اما اللى فى السعوديه فلازم حضرتك تصعد الموضوع لفرع جده او الرياض ايا منهما متسكتش انت دافع فلوس حضرتك

[rompo10]

ياباشا مع احترامي ليك انسي الموضوع دا لانه مش مشكله الحركه دي موجوده في كل البيجو انا بعت ال 406 بسبب الحركه دي وقلت ابقوا اضربوني بالجزمه لو حد شافني راكب فرنساوي تاني ماتتعبش نفسك الموضوع منتهي ولا فرنسا ولا غير هي كده واعتقد الميجان كمان كده

[a_nesta13]

ياباشا مع احترامي ليك انسي الموضوع دا لانه مش مشكله الحركه دي موجوده في كل البيجو انا بعت ال 406 بسبب الحركه دي وقلت ابقوا اضربوني بالجزمه لو حد شافني راكب فرنساوي تاني ماتتعبش نفسك الموضوع منتهي ولا فرنسا ولا غير هي كده واعتقد الميجان كمان كده

كلامك لو مظبوط كانو بقو عارفين حاجه عن المشكله لكن دول اول مره يسمعو عنها في السعوديه او مصر

[rompo10]

ياباشا كل اللي معاه 406 الحركة دي موجوده دي من حركات بيجو المميزه

[Dr_Smart]

ربنا معاكم .. الفتيس بهذا الشكل معتقدش انه هيكمل ١٠٠ الف كيلو وهيضرب خاصة الاخوه في السعوديه مع ارتفاع درجات الحراره وهنا برضو حر وزحمه هيبهدلو الفتيس ويقصروا عمره

ان شاء الله تجدوا حل .. بالتوفيق

[a_nesta13]

ياباشا كل اللي معاه 406 الحركة دي موجوده دي من حركات بيجو المميزه

بس الحركه ديه خطر جدا لو انتا بتهدي العربيه تنط لقدام ممكن تخبط في اللي قدامك

[rompo10]

ودا اللي قرفني من البيجو بس مش لدرجه انها تنط تخبط

[a_nesta13]

ودا اللي قرفني من البيجو بس مش لدرجه انها تنط تخبط

والله لو انا مش مأمن نفسي وبدوس فرامل جامد وانا بهدي ممكن البس



ثم انا المشكله متطوره عندي انا كمان ممكن اكون واقف في اشاره والعربيه علي N. والاقي ال rpm. بيعلي كأني دايس بنزين
وساعات بتحصل وانا ماشا كمان من غير اما ادوس بنزين

[Sameh samy]

في عربيات يا جماعة مع الفرامل بتسقط غيار علشان تساعد الفرملة وعربيتي كورولا 2015 بتعمل كدة علي الاسبورت مود بس موش بتنط بصراحة

[Sameh samy]

الغريب ان العيب كدة موجود في اكتر من عربية

[carizma1]

في عربيات يا جماعة مع الفرامل بتسقط غيار علشان تساعد الفرملة وعربيتي كورولا 2015 بتعمل كدة علي الاسبورت مود بس موش بتنط بصراحة

دا حقيقي اصل الموضوع انها بتسقط غيارات مع الفرمله
ولكن فكرة الدواسه الكهربا هيه اللي عامله المشكله يعني تدوس بنزين زياده وتعلي الار بي ام وتيجي تدوس فرامل بعدها يحصل تسقيط غيار بعنف
الموضوع دا اصبح بفضل الله لا يذكر معايا من ساعة لما نفذت كلام اخوانا الفاضل بالمنتدي
وهوه ما تدوسش علي دواسة البنزين زياده عشان تنقل وانت طالع وريح رجلك بشويش لما تلاقي الار بي ام علي الالفين وهيه مظبوطه انها تنقل فالمعدل دا اغلب الاوقات حتي مع المكيف وفعز الحر لغاية ما تنقل علي التالت وزي ما قال اصدقائنا بالمنتدي بعد الستين بتجمع سرعه وبيبقي الموضوع تمام كتسارع
انما لو وانت طالع رجلك شاده علي دواسة البنزين وخليت معدل النقل بتاعها 2500 الي 2700 هتفضل محتاجه نفس المعدل دا وممكن اكتر عشان تنقل واللي بيحصل والمكينه واخده بنزين زياده بالشكل دا وتيجي انت تفرمل تكون مسقطه غيار وحارقه بنزينها الزياده فتحس انك بتتشهد قبل ما هتخبط فاللي قدامك وانت متبت علي الفرامل وربنا اللي بيستر.

ليا قول فالموضوع دا قبل كدا انهم ظلموا الموديل دا بنوعبة الجير اللي محتاج طاقه 2000 ار بي ام عشان ينقل كأقل معدل وهيه اصلا 1600 cc
فبتحس انك بتسحف وانت طالع لو مازودتش عن 2000 ار بي ام للنقل ولو زودت وطلعت عن 2500 نرجع لمشكلة التسقيط مع الفرمله والحرق :-/

وشكرا

[a_nesta13]

دا حقيقي اصل الموضوع انها بتسقط غيارات مع الفرمله
ولكن فكرة الدواسه الكهربا هيه اللي عامله المشكله يعني تدوس بنزين زياده وتعلي الار بي ام وتيجي تدوس فرامل بعدها يحصل تسقيط غيار بعنف
الموضوع دا اصبح بفضل الله لا يذكر معايا من ساعة لما نفذت كلام اخوانا الفاضل بالمنتدي
وهوه ما تدوسش علي دواسة البنزين زياده عشان تنقل وانت طالع وريح رجلك بشويش لما تلاقي الار بي ام علي الالفين وهيه مظبوطه انها تنقل فالمعدل دا اغلب الاوقات حتي مع المكيف وفعز الحر لغاية ما تنقل علي التالت وزي ما قال اصدقائنا بالمنتدي بعد الستين بتجمع سرعه وبيبقي الموضوع تمام كتسارع
انما لو وانت طالع رجلك شاده علي دواسة البنزين وخليت معدل النقل بتاعها 2500 الي 2700 هتفضل محتاجه نفس المعدل دا وممكن اكتر عشان تنقل واللي بيحصل والمكينه واخده بنزين زياده بالشكل دا وتيجي انت تفرمل تكون مسقطه غيار وحارقه بنزينها الزياده فتحس انك بتتشهد قبل ما هتخبط فاللي قدامك وانت متبت علي الفرامل وربنا اللي بيستر.

ليا قول فالموضوع دا قبل كدا انهم ظلموا الموديل دا بنوعبة الجير اللي محتاج طاقه 2000 ار بي ام عشان ينقل كأقل معدل وهيه اصلا 1600 cc
فبتحس انك بتسحف وانت طالع لو مازودتش عن 2000 ار بي ام للنقل ولو زودت وطلعت عن 2500 نرجع لمشكلة التسقيط مع الفرمله والحرق :-/

وشكرا

طيب لو تعرف تشرحلي انتا فكره الدواسه الكهرباء
وحاجه تانيه انتا مين شرحلك الفكره ديه وانا كده معناه اني لازم انقل علي 2000

[mahmed0100]

على قد معرفتى بالفتيس فى 301 الهاى لاين و استخدام 7 شهور

دى مش مشكله دى حاجه اسمها engine break
يعنى تسقيط غيارات زى ما بنقول
وظيفه ال engine break انه يساعد الفرامل انها توقف العربيه فى اقصر مسافه ممكنه و يقلل الحمل عن الفرامل.

طريقته هى :
كل لما السرعه تقل بينزل غيار من الرابع الى التالت و لو فضلت دايس فرامل حينزل للتانى و للاول .

( النطه ) زى ما بنسميها بتحصل لما نمشي فى طريق زحمه و بتظهر اكتر لو مشغل التكييف

مثلا :
انت ماشي على 70 و ال RPM على 3000 على الغيار 3 .. الطريق هدى .. دست فرامل .. مؤشر السرعه حيقل الى 40 مثلا .. ال RPM حيقل الى 1500 مثلا

حيحصل تسقيط الغيار دلوقتى الى الغيار 2 و انت لسه دايس فرامل
العربيه حتحسب الاتى ( السرعه 40 الغيار 2 ) ( RPM على 1500 ) ده كده مش متناسب لان العربيه المفروض ماشيه 40 و ال RPM على 2000 مثلا ... فالعربيه حتحاول تزود ال RPM الى 2000 علشان يتناسب مع سرعه العربيه .. و حتاخد ثانيه علشان تستوعب انك دايس فرامل فالعربيه تبدأ تهدى ال RPM الى 1500 تانى و تكمل تقليل السرعه

فى الثانيه دى العربيه بنحس النطه دى او الدفعه لقدام دى او بنحس ان صوت الموتور كانه عايز يعلى و العربيه تجرى بس بيهدى فى نفس الوقت تانى بسرعه

و ده بيظهر لو رجلينا خفيفه على دواسه الفرامل
لو رجع الطريق مشى تانى حنسيب الفرامل و نروح ندوس على البنزين .. العربيه بتتاخر ثانيه فى الاستجابه لانها حتبدأ توجه الفتيس و الموتور الى التسارع مش الوقوف

هو ده مخ العربيه الصغير اللى لازم نتعامل معاه و نفهمه
و ده مش عيب فى العربيه على قد ما هو عيب فى الطرق بتاعتنا اللى كل شويه تقف و تمشي و تهدى و كل ده حرق فى الغيارات على الفاضي

الحل انك لما تحس بتسقيطه الغيار متخففش رجلك عن الفرامل خليك دايس زى ما انت طالما الطريق يسمح بكده
بالذات من الغيار 2 الى 1

اما ( النتشه ) اللى بيحسها ( فى الزحمه مع التكييف ) بعضنا اثناء النقل من الغيار 1 الى 2 فى الجير بوكس الاوتوماتيك فده حله اننا نطلع بدوسه زياده شويه لحد ما العربيه تنقل على 2 ( مش نلمس البنزين يعنى ) او ننقل على المانيوال و ندى العربيه الغيار التانى .. او نضغط على زار S حيحولنا الى SPORT MODE و ده وضع بيأخر الغيار على الRPM الى 3500 و 4000 خد وقتك فى الزحمه بقا بس احرق بنزين

اتمنى اكون عرفت افيدكم .