تقرير 2500 و إعادة تقييم ل301

[abohend]

رحت النهاردة لصيانة ال2500 ل301 مانيوال موديل 2015
الصيانة كانت في مرغم-الأسكندرية
الطريق زي الزفت (لا يسأل عنها التوكيل طبعاً)
الصيانة بيتعمل فيها تربيط عفشة و مراجعة سوائل
لا جديد
محستش بفرق بعد التربيط (العفشة زي ما هي لا ناعمة أوي و لا ناشفة أوي)
كان في بعض الملاحظات قلتلهم عليها و رد فعلهم كان كويس لحد كبير
فرق بين باب السواق و الباب اللي ورا (كان بيسبب دخول تراب كتير للكابينة)...أتعمل
غطاء وحدة الكنترول..أتعمل
وحدة رفع للزجاج...مش متوفرة دلوقت و لو جابها هتبقى غالية (فوق 1000 جنيه)
المراية الشمال محتاجة تتفتح لبرة شوية...(هب بتنزل كده و لا يوجد إمكانية لضبطها)
مفيش إنذار للسرعة بعد ال120 كم...تم تفعيل الإنذار و طلب مني إبلاغه بالنتيجة لأني أول واحد يطلب حاجة زي كده
الكشف على التيل...كويس و مش محتاج تبص عليه لحد ال10000
مهندس الأستقبال محترم و مهذب و هادئ...

النقطة السلبية: بعد تضبيط الباب لقيت الشبكة الأمامية واقعة و محكوكة (زي ميكون بمفك)
الفني ركبها بس أنكر أنه السبب في حكها

تم التقييم في موضوع سابق

http://www.nilemotors.net/Nile/411572-301-2-a.html

إعادة التقييم: هذكر النقط اللي تقييمي أختلف فيها

عزل التراب
كان غير جيد و في تراب في المقصورة
دلوقت: على أمل أنه يتحسن بعد تضبيط الباب

التكييف
مكنتش أختبرته
دلوقت: ممتاز
و تلاجة بمعنى الكلمة
و أكتشفت أن في هوايات للمقصورة الخلفية تحت كرسي السائق و الراكب الأمامي


الثبات

كنت مختبرتوش لسه
دلوقت:ممتاز حتى 140
بعد كده حسيت العربية خفيفة و مش راسية مع حركة الدركسيون المفاجئة




إستهلاك البنزين
كان 12 لتر لكل 100 كيلو
دلوقت 10 لتر لكل 100 كيلو
و في إنتظار تحسن أكتر مع الوقت

[Mohamed_301]

الف مبروووك ياباشا وعقبال 100 الف ان شاء الله
وليك واحشه والله ماشوفتلكش موضوع من زمان :d
وفعلا انا معاك فى ان المرايا الشمال عايزه تتفتح شوية
ومضايقانى اوى حكايه التراب دى العربيه بتتبهدل خالص فى الباب من جوه والتبلوه وياريت تبلغنا لو الموضوع دة اتحل بعد تظبيط الباب
وفى سؤال بس للتأكيد متأكد ان فى هوايات تحت الكراسى دى تبقى حاجة حلوه اووى :d
وشكرا جدا ومواضيعك ممتازه ماشاء الله :))

[Adnfalcon]

تقييم موضوعي وممتاز

[Hema_Basha]

الف مبروك يا ابوهند وعقبال صيانة المليون
بس معلش مكانها فين الهوايات اللي تحت الكرسي

[khaled_yehya]

ألف مبروك وتقيم ممتاز

[abohend]

متأكد

[quote=mohamed_301;3875628824]الف مبروووك ياباشا وعقبال 100 الف ان شاء الله
وليك واحشه والله ماشوفتلكش موضوع من زمان :d

الله يبارك فيك
معلش الواحد مشغول حبتين..لكن أي جديد مقدرش اتاخر عن أعضاء بيجو
وفعلا انا معاك فى ان المرايا الشمال عايزه تتفتح شوية
عمرو السقا برضه قال نفس الكلام بس للأسف التوكيل معندوش حل للموضوع ده
ومضايقانى اوى حكايه التراب دى العربيه بتتبهدل خالص فى الباب من جوه والتبلوه وياريت تبلغنا لو الموضوع دة اتحل بعد تظبيط الباب
إن شاء الله هتابع و أبلغ الأعضاء لو لاحظت فرق

وفى سؤال بس للتأكيد متأكد ان فى هوايات تحت الكراسى دى تبقى حاجة حلوه اووى :d
أه متأكد
أنا بعد الأستلام ورقة الأفراج الجمركي كانت وقعت مني و قعدت أدور عليها
أثناء البحث دورت تحت كرسي السائق و الراكب الأمامي و لقيت فتحات مفهمتش دول بتوع ايه
لما قريت المانيوال لقيت انهم فتحات تهوية للتكييف

[quote]

[RoadFinder]

الف مبروك وربنا يباركلك و فى الحقيقه انطباعى متفائل و حاسس ان الخدمه فى تحسن والعربيه دى ان شاء الله حتكون من انجح العربيات ف مصر

[fady saher]

الف مبروك يا باشا عقبال صيانة المليون بس هل تركيب ارضية جلد للسيارة يؤثر على هذه الفتحات لانى بفكر اعمل الارضية قريب

[عمرو بندق]

ألف مبروك يا باشا و عقبال صيانة ال100.000 و شكرا على المعلومات الجديدة
بخصوص مركز الصيانة واضح أنهم بيغيرو من معاملاتهم و بيهتمو أكتر من الأول

[abohend]

مفيش مشكلة

الف مبروك يا باشا عقبال صيانة المليون بس هل تركيب ارضية جلد للسيارة يؤثر على هذه الفتحات لانى بفكر اعمل الارضية قريب

إن شاء الله مفيش تأثير
بس لازم تلفت نظر اللي هيركب و تقف على ايده عشان تتأكد إن عمل فتحات في الفرش لعدم سد الهوايات
و بعد رفع الكراسي هتلاقي الهوايات واضحة أوي قدامك

[abohend]

العلامة اﻷمامية

نسيت أضيف إن سعر العلامة اﻷمامية (اﻷسد)
200 جنيه بالضريبة

هي مسروقة مني من فترة و قلت أسأل عليها فالتوكيل


طبعا لما سمعت السعر ده صرفت نظر تماما بس إن شاء الله أدور عليها برة تكون أرخص

[khaled_yehya]

الف مبروك
1-ياريت تبلغنا لو الموضوع دة اتحل بعد تظبيط الباب التراب اللى بيدخل جوه العربية
2-{مفيش إنذار للسرعة بعد ال120 كم...تم تفعيل الإنذار و طلب مني إبلاغه بالنتيجة لأني أول واحد يطلب حاجة زي كده} هل اشتغل معاك ولا لا؟؟
وشكرا

[maxx]

ربنا يباركلك فيها ويحفظك

[Ahmed_Omara_84]

إن شاء الله مفيش تأثير
بس لازم تلفت نظر اللي هيركب و تقف على ايده عشان تتأكد إن عمل فتحات في الفرش لعدم سد الهوايات
و بعد رفع الكراسي هتلاقي الهوايات واضحة أوي قدامك

السلام عليكم اخي الفاضل
انا كنت لاحظت وجود الهوايات تحت الكراسي الامامية لكن لما جربت اشغل المراوح و خليت التوجيه علي الارجل مفيش اي اندفاع حوا خالص من الفتحات ده خالص و لما سالت التوكيل قالي كل العربيات كده!!!! بس انا مش مقتنع
لو ممكن حد يجرب و يفيدنا و ياريت اللي يجرب يقول النتيجة و نوع العربية (مانوال - بيزلاين - هايلاين)
و لو مش بيطلعو هوا يبقي ايه لازمتهم؟؟
مع جزيل الشكر

[abohend]

إن شاء الله

السلام عليكم اخي الفاضل
انا كنت لاحظت وجود الهوايات تحت الكراسي الامامية لكن لما جربت اشغل المراوح و خليت التوجيه علي الارجل مفيش اي اندفاع حوا خالص من الفتحات ده خالص و لما سالت التوكيل قالي كل العربيات كده!!!! بس انا مش مقتنع
لو ممكن حد يجرب و يفيدنا و ياريت اللي يجرب يقول النتيجة و نوع العربية (مانوال - بيزلاين - هايلاين)
و لو مش بيطلعو هوا يبقي ايه لازمتهم؟؟ :copy of m-s5::copy of m-s5::copy of m-s5:
مع جزيل الشكر

هجرب إن شاء الله و أقولك