السيارة المظلومة بيجو 301

[hero 99]

حضرتك كاتب "واحد يقول عربية كويسة ولكن فرامل صفر منين كويسة ومنين صفر والسحب زبالة ونتشه فى الفتيس وتكييف ضعيف وتوكيل وحش وقطع غيار غاليةوغير كدة كتير وكل دى مشاكل موجودة بس معظمها فردية كل واحد يظهر معاة مشكلة فى عربيتة الشخصية يخليها عيب عام فى العربيات كلها"
انا مش متفقه مع حضرتك. محدش ضخم وخلاها عيب عام، الفكره كلها ان اللي لسه مش معاه العربيه بيقلق لأنه بيفتكر ان هيكون عنده كل المشاكل دي، في حين انها فرديه
التيل وضعف السحب اللي فعلا كتير اشتكوا منه غير كده حاجات فرديه ومش سيئه بدرجه كبيره، وده الغالبيه متفق عليه
وكمان التوكيل ليه دور في التضخيم ده بسبب عدم قدرته علي حل المشاكل

ﻃﺐ ﻣﻌﻠﺶ ﻋﺎﻳﺰ ﺍﻋﺮﻑ ﺭﺍﻱ ﺣﻀﺮﺗﻚ ﻓﻴﻬﺎ ﻋﻠﺸﺎﻥ ﻋﺎﻳﺰ ﺍﺷﺘﺮﻳﻬﺎ هﻫﺎﻳﻠﺎﻳﻦ ﺑﺲ ﺍﻟﻨﺍﺱ ﻣﺨﻮﻓﺎﻧﻲ منها

[Amr Abdelrazik]

الحمد لله العربيه معايا جميله الفرامل فوق الممتازة مشيت بيها مشاوير فوق الالف كيلو المشوار الواحد ومقصرتش بتفرج على المواضيع واقول دى ناس داخله تسوأ سمعة العربية عن عمد ولكن ارجع اقول بلاش اظن بالناس ظن السوء واسكت وخلاص لدرجة انى بقيت نادرا ادخل المنتدى اشارك من الاحباط اكنها حرب ممنهجة بس اكيد فى عيوب زى ضعف السحب والعربية محسوده جدا يعنى فى الغالب كلنا عملنا حوادث بس ده قدر ايا كان الحمد لله وانا مبسوط بيها وربنا يباركلى فيها ان شاء الله وبالنسبه لقطع الغيار يا ريت الناس تعمل جدول وتحط سعر القطعه المقابلة فى هيونداى اكسنت او كيا ريو وبعدين نحكم على السعر عشان شايف تهييس كتير بصراحة من الزملاء اما التوكيل فزى اغلبية توكيلا مصر سئ هو تقريبا مفيش غير توكيلين بس اللى محترمين وبخ

[mohamed elhawy]

انا شايف ان من المشاكل الرئيسيه فالعربيه ان ملاكها اعطوها اكبر من. حجمها ونسيو فئتها الحقيقيه
فيه ناس لما فكرت انها تشتري العربيه دي انها هتبقا فنفس مستوي ال بي ام او ماشبه ذلك علشان كدا مش عاجبهم الاداء
كل واحد يا جماعه يعرف هو راكب بكام وراكب ايه علشان ميزعلش من العربيه
لكن والله العظيم العربيه دي جميله جدا ومفيش فالفئه دي احسن من العربيه دي

[ali tmam]

عربية مظلومة وللاسف ملاكها اللى ظلموها العربية معايا بقلها 5شهور تقريبا بسم الله ما شاء الله فيها مشاكل نعم زيها زى اى عربية فى سعرها فيها مميزات برضه نعم وكتيييييييييير كمان مقارنة بمشاكلها طيب السؤال هل مشاكلها مسببه ازعاج للملاك للدرجه اللى يخليهم يبيعوها انا متاكد ان غالبية الملاك هيردوا بلا يعنى المشاكل مش كارثية ولا حتى مزعجة بدرجة كبيرة يعنى الغالبية بدات تتاقلم مع تلك الملاحظات او ما يسمونها مشاكل وعايشين حياتهم وفى ناس كتير مستمتعة بالعربيه وانا واحد منهم وفى قلة بسيطة منزعجين من مشاكلها ولكن حتى دول على ما اذكر ما فكرش حد يعرضها للبيع بس للاسف الكلام كتير على العربيه ولو العربيه عطست بتلاقى صاحبها بسرعه دخل وقال الحقونى معى ان العربيات كلها او معظمها بيعطس زيها يبقى المشكلة فينا احنا مش فى حد تانى

[airac2002]

الاخوة الاعزاء انا موافق علي كل ماكتب وانا معايا الهاي لاين وعامل بيها 6000ك وحصل معايا موضوع التكييف والسحب واصلح في التوكيل والسيارة جميلة واسرية واعتقد احسن ما في مستواها

[م/حازم.حافظ]

شكرًا

اولا أحب اشكر كاتب الموضوع الاستاذ أيمن لآني كان نفسي أقول نفس الكلام من فتره واتفق معاه في كل ما كتبه لان العربية تتعرض لهجوم شرس وانا اتلخبطت برغم ان معايا الهايلاين من حوالي ٩ شهور وحاليا عامله ٨٠٠٠ كم وفعلا ما شفتش منها حاجه وحشه الفرامل ممتازه والتكييف في عز الضهر في الأيام الحر بيكون فعال جداً الحمد لله وطبعا له تأثير على السحب بس مش سيء وفعلا التوكيل برغم أني اتعاملت معاه مره واحده بس في صيانه ٢٥٠٠في غمره واضح انه سيء ومترهلين جداً من الناحية الإدارية وبيروقراطيين وده بالمقارنه بتوكيل رينو وتوكيل كيا اللي بتعامل معاهم حاليا برضه للعربيات التانيه اللي معانا في الاسره
خلاصه القول العربية ممتازه بالنسبة لسعرها وربنا يبارك لكل من يملكها

[fineart607]

بصراحة صاحبى لسه جايبها ومعلقشى بس انا بحبها جدا ولو كانت نزلت ايام ما كنت بجيب السيراتو 2012 كنت جبتها واعتقد انها عربيه كويسه

[amrelsaqqa]

اولا أحب اشكر كاتب الموضوع الاستاذ أيمن لآني كان نفسي أقول نفس الكلام من فتره واتفق معاه في كل ما كتبه لان العربية تتعرض لهجوم شرس وانا اتلخبطت برغم ان معايا الهايلاين من حوالي ٩ شهور وحاليا عامله ٨٠٠٠ كم وفعلا ما شفتش منها حاجه وحشه الفرامل ممتازه والتكييف في عز الضهر في الأيام الحر بيكون فعال جداً الحمد لله وطبعا له تأثير على السحب بس مش سيء وفعلا التوكيل برغم أني اتعاملت معاه مره واحده بس في صيانه ٢٥٠٠في غمره واضح انه سيء ومترهلين جداً من الناحية الإدارية وبيروقراطيين وده بالمقارنه بتوكيل رينو وتوكيل كيا اللي بتعامل معاهم حاليا برضه للعربيات التانيه اللي معانا في الاسره
خلاصه القول العربية ممتازه بالنسبة لسعرها وربنا يبارك لكل من يملكها

ربنا يباركلك فيها يارب وعلى فكرة حضرتك كنت على بالى من فترة قليلة وافتكرت كلامك ومقارنتك بينها وبين الالنترا وانها احسن ، بس عدم وجودك قلقنى قلت لا تكون العربية مبقتش عاجباك ولا حاجة ;)

[lola_pepito]

ﻃﺐ ﻣﻌﻠﺶ ﻋﺎﻳﺰ ﺍﻋﺮﻑ ﺭﺍﻱ ﺣﻀﺮﺗﻚ ﻓﻴﻬﺎ ﻋﻠﺸﺎﻥ ﻋﺎﻳﺰ ﺍﺷﺘﺮﻳﻬﺎ هﻫﺎﻳﻠﺎﻳﻦ ﺑﺲ ﺍﻟﻨﺍﺱ ﻣﺨﻮﻓﺎﻧﻲ منها

العربيه ما شاء الله جميله، مريحه في سواقتها، جرايه، فراملها ما شاء الله قويه، وفيها كماليات كتيره برغم سعرها الاقتصادي (بالنسبه لي مهم علشان مش بحب العربيات اللي فاضيه من جوه). ساعات بحس بضعف السحب مع التكييف بس ده في السرعات الضعيفه ومش معني كده انها سيئه.
المشكله الوحيده هو التوكيل اللي من وجهة نظري لسه مش عارف يتعامل ويحل مشاكل بسيطه في عربيه تكنولوجياً متطوره. وعامة مفيش توكيلات كويسه في مصر.

[faroojj]

الوكيل لو إتعامل مع الناس بإحترام و شال مسؤليته ,, العربية هتكون أفضل عربية فى الفئة السعرية لها

[lola_pepito]

المشاركات كلها بتجيب اللوم علي ملاكها ليه؟
اللي عنده مشكله من ملاكها بيقولها انما محدش ضخمها ولا قال ان العربيه وحشه. اللي بيقرأ الكلام هو اللي بيحط في دماغه ان كده ظهر عيوب كتير وده اللي غلط

[م/حازم.حافظ]

تحياتي أستاذ عمرو

ربنا يباركلك فيها يارب وعلى فكرة حضرتك كنت على بالى من فترة قليلة وافتكرت كلامك ومقارنتك بينها وبين الالنترا وانها احسن ، بس عدم وجودك قلقنى قلت لا تكون العربية مبقتش عاجباك ولا حاجة ;)

ربنا يبارك لنا جميعا وانا الحمد لله لسه على رأيي لان فعلا مكنش فيه توافق بيني وبين الالنترا برغم انها عربيه ممتازه لكن البيجو لاقي نفسي فيها اكتر وباعتذر عن قله المشاركات بس الحقيقة لقيت الموضوع ده مهم المشاركة لتحسين سمعه عربيه من وجهه نظري فعلا مظلومه والكمال لله وحده
تحياتي لك أستاذ عمرو وبالمناسبة فين الاستاذ احمد أمين ؟ أنا معجب بمشاركاته ومعلوماته الوفيرة بس له فتره مش متواجد؟

[RoadFinder]

بدون شك العربيه دى كويسة و مش ندمان انى اشتريتها ويارب مايجيش يوم اندم على كده بس المسأله ان فيه حملة تشويه مقصوده و غير مقصودة على العربية دى بالذات لانها عربيه لاسم له سمعته واللى من السبعينات او الثمانينات منزلش عربية اقتصادية بس كلمة اقتصادية بتتفهم غلط لأ العربية فعلا فيها اوبشنز لو موجوده فى غيرها كنت حتدفع فرق جامد و مش بالضرورة كمان الاوبشنز دى تكون بنفس الكفاءة والامثلة كتير بس مفيش داعى لذكر انواع معينه عشان اصحابها ميزعلوش احنا مش حنهاجم زيهم
التشويه الغير مقصود بييجى من ملاك العربيه اللى بيبالغوا فى تضخيم المشكلة والتشويه المقصود بييجى من الناس التانيه اللى عايز يقنع نفسه ان عربيته احسن عربية وان بتوع البيجو لا مؤاخذة خدوا مقلب
مطلوب من ملاك العربيه انهم يردوا من غير تضخيم للمشاكل و من غير تجميل للعربيه نرد بموضوعية ومطلوب من الناس اللى بتفكر تشترى العربية انهم ماياخدوش رأى واحد ويبنوا عليه لكن يسألوا واحنا نرد عليهم

[ayman khaled]

اشكرك عزيزى

[ayman khaled]

اشكر جميع الاخوة المشاركين بالتعليقات سواء المتفق او المعارض ولو انى مش شايف كتير معارض والحمد اللة
العربية ربنا يبارك للجميع فيها حلوة بس احنا نكون موضوعيين ونعترف بان السعر بالنسبة للمتاح صفقة ممتازة ورابحة والحمد الله وربنا يبارك لكم فيها ويكفيكم شرها