Peugeot 301 stability

[eng.m7md.ali]

انا عند رأيي وبكرره تاني لانك صديق عزيز في المنتدى :)

الفئة السعرية دي مفيهاش عربية ثابتة !!!! ومتحاولش تقنع نفسك :)

فئة السعرية دي بتاعة البيجو 301 و الصني وكل ده ثباتها على قدها وعايزاك صاحي وعارف قدرات عربيتك وتكون سواق بجد !!!!!!

هتطلع لفوق شويه بالفلوس هتلاقي ثبات اعلى شويه طبعاً وتلاقيه نص نص يعني مش ثبات برضه

طيب من كام ابدأ في عربيات ثابته ؟؟؟؟؟ بجد علشان تكون معاك عربية ثابته هنطلع فوق الـ250 الف جنية

طبعاً هتدخل في فئة الـ350 ونبدأ في BMW يبقى انت كده خلصت الكلام في الثبات والسرعة والجودة ... الخ

وكل حاجة وعلى قد تمنها وسوق العربيات في الطالع كل يوم يعني انا اشتريت الـX1 Sport زيرو من 8 شهور تقريباً بـ340 الف دلوقتي سعرها 368 الف وكل ثانية سعرها بيزيد الف جنية هههههههههههه

فعلشان كده اللي تلحقه النهاردة بكره مش هتلاقيه

نصيحتي - متغيرش عربيتك مش هتحس بفرق - معاك عربية شكلها حلو واعتمادية اكتر من البيجو 301 ومفيش ادني شك في موضوع الاعتمادية دي

استنى لما يكون معاك مبلغ اكتر من كده شويه علشان تحس انك غيرت

لا بقى .... !!!!

اسمحلي

حضرتك نسيت السوبارو امبريزا

دي من العربيات اللي لا غبار عليها في الثبات هيا والفوكاس

[toty_305]

انا كنت رايح مطروح اخويا سايق لانسر بومه وانا سائق 301 .
اللانسر بالعفشة المالتي لنك كانت عملة ذي المرجيحة مع مطبات الهواء ، وانا كنت بتعمد امشي نفس طريقة علشان اخد نفس مطبات الهوا والله العظيم مكنتش بحس بيها تماماً وكان كل الي معايا في العربية عملين يدحكوا على مرجحة الانسر ،
على فكرة السرعة كانت بيت 140 - 160

-البومة شئ و الشارك شئ تاني.

[toty_305]

انا عند رأيي وبكرره تاني لانك صديق عزيز في المنتدى :)

الفئة السعرية دي مفيهاش عربية ثابتة !!!! ومتحاولش تقنع نفسك :)

فئة السعرية دي بتاعة البيجو 301 و الصني وكل ده ثباتها على قدها وعايزاك صاحي وعارف قدرات عربيتك وتكون سواق بجد !!!!!!

هتطلع لفوق شويه بالفلوس هتلاقي ثبات اعلى شويه طبعاً وتلاقيه نص نص يعني مش ثبات برضه

طيب من كام ابدأ في عربيات ثابته ؟؟؟؟؟ بجد علشان تكون معاك عربية ثابته هنطلع فوق الـ250 الف جنية

طبعاً هتدخل في فئة الـ350 ونبدأ في bmw يبقى انت كده خلصت الكلام في الثبات والسرعة والجودة ... الخ

وكل حاجة وعلى قد تمنها وسوق العربيات في الطالع كل يوم يعني انا اشتريت الـx1 sport زيرو من 8 شهور تقريباً بـ340 الف دلوقتي سعرها 368 الف وكل ثانية سعرها بيزيد الف جنية هههههههههههه

فعلشان كده اللي تلحقه النهاردة بكره مش هتلاقيه

نصيحتي - متغيرش عربيتك مش هتحس بفرق - معاك عربية شكلها حلو واعتمادية اكتر من البيجو 301 ومفيش ادني شك في موضوع الاعتمادية دي

استنى لما يكون معاك مبلغ اكتر من كده شويه علشان تحس انك غيرت

-شكرا على النصيحة يا صديق المنتدي :d

-أنا واخد بالي من النقطة دي أنا مش عايز ثبات bmw أنا عايز ثبات كويس مقبول من العربيات في الفئة دي ...يعني انا لما بقول ثبات الشارك ممتاز..أكيد بالنسبة للعربيات النص نص لكن ثبات شارك جنب bmw أكيد هتكون مراجيح

[Ahmed Saad]

فعلا لازم قبل ماتشتري العربيه تجربها بنفسك وتشوف ثباتها مرضى ولا لا علشان انا مثلا ركبت 301 بتاعت صاحبي وشديت بيها على الدائري ماستحملتش أعلى عن 140 كم/س وحسيت انها خفيفه مقارنه بعربيتي الباسات اللي عفشتها عفشه أودي a4 يعني مقياس الثبات هيختلف بس برضه ماتتوقعش انك هتاخد منها ثبات خرافي هتبقى أعلى من الاكسنت بس بفرق صغير عموما البيجو مدرسه في الثبات في 4 عربيات 406-307-407-508 دول مالهومش حل في الثبات بالذات 407 اجمد من البى ام في الثبات بس وربنا يوفقك للاصلح

[toty_305]

مش كل المميزات هتبقي في عربية واحدة .. كل التوكيلات طلعت زفت حتى نيسان اللي كانت الناس طالعة بيه السما

-عندك حق بس توكيل مش ميزة ده شئ أساسي.

[TOOLA]

نصيحه لو عندك اى خد بيفهم فى العربيات، دور على عربيه استعمال هادى كحاله و عداد، ده ميمنعش ان هيبقى فيه بردو شويه مصاريف بس لو كشفت و دققت كويس، ان شاء اللهً المصاريف مبتزيدش عن ٥٠٠٠ الى ٦٠٠٠ الاف جنيه زياده عن ثمن العربيه، غالبا بتكون مصاريف الصيانه و السيور و تضبيط العفشه او فرامل او طنابير، اهم حاجه تركز فيها متتسهلش فى حاله الموتور و الكهرباء و التكييف و الفتيس، العفشه الحاجه الوحيده التسمح فيها بشويه تساهلات

[TOOLA]

بردو لو هتتنازل عن شويه رفاهيه، ممكن تدور على اوكتافيا a4 اعلى موديل (اعتقد ٢٠٠٨) اوتو و تتمسك انك تجيب حاجه حاله زيرو بعداد هادى، و اعتقد فى جميع الاحوال مش هتزيد عن ١٠٠ ل ١١٠ للحالات الممتازه الزيرو، لان ده سعر يجيب a5 اساسا، و الكشف عند هانى سمير مشابه للتوكيل.

بردو السعر ده يجيب فوكاس، عربيه ممتازه الحمد لله معادا شويه خشونه فى العفشه، يعنو لادم تجرب عشان تشوف هتناسبك ولا لا و تحت امرك لو عاوز تجرب.

[toty_305]

فعلا لازم قبل ماتشتري العربيه تجربها بنفسك وتشوف ثباتها مرضى ولا لا علشان انا مثلا ركبت 301 بتاعت صاحبي وشديت بيها على الدائري ماستحملتش أعلى عن 140 كم/س وحسيت انها خفيفه مقارنه بعربيتي الباسات اللي عفشتها عفشه أودي a4 يعني مقياس الثبات هيختلف بس برضه ماتتوقعش انك هتاخد منها ثبات خرافي هتبقى أعلى من الاكسنت بس بفرق صغير عموما البيجو مدرسه في الثبات في 4 عربيات 406-307-407-508 دول مالهومش حل في الثبات بالذات 407 اجمد من البى ام في الثبات بس وربنا يوفقك للاصلح

-شكرا على نقل التجربة..فعلا الثبات بيختلف ﻷن فيه ناس بتشعر في ثبات الكوري النترا و سيراتو و كده مع انهم بالنسبة ليا محدودين قوي في النقطة دي.

[toty_305]

بردو لو هتتنازل عن شويه رفاهيه، ممكن تدور على اوكتافيا a4 اعلى موديل (اعتقد ٢٠٠٨) اوتو و تتمسك انك تجيب حاجه حاله زيرو بعداد هادى، و اعتقد فى جميع الاحوال مش هتزيد عن ١٠٠ ل ١١٠ للحالات الممتازه الزيرو، لان ده سعر يجيب a5 اساسا، و الكشف عند هانى سمير مشابه للتوكيل.

بردو السعر ده يجيب فوكاس، عربيه ممتازه الحمد لله معادا شويه خشونه فى العفشه، يعنو لادم تجرب عشان تشوف هتناسبك ولا لا و تحت امرك لو عاوز تجرب.

-أنا فعلا دماغي أبتدت تروح للمستعمل ...أو جيتا مثلا 2007-2008 125ألف كده.

[Ahmed Saad]

-أنا فعلا دماغي أبتدت تروح للمستعمل ...أو جيتا مثلا 2007-2008 125ألف كده.

لو انت فكرت في المستعمل شوف أودي A4 2007 عربيه من الاخر في الثبات والاوكتافيا ماتجيش جنبها حاجه بس ده على السرعات العاليه اوى يعني بعد ال 200 والعربيه دي تحط علىالبي اأم في الجري بس ال 1800 وحتى لو 1600 برضه عربيه محترمة وقطع غيارها هتلاقيها مشتركه مابين الباسات الشكل قبل 2005 ده في العفشه وحاجات مشتركه مع الباسات الشكل اللي 2006 وانت طالع المشكله اللي ممكن تقابلك الاكسسوارات ودي لاقدر الله لو العربيه اتخبطت أو فانوس أو مرايه لو نزلت الحرفيين لاقيت اكسسواراتها يبقى توكل على الله لأنك عربيه والله احسن من البى ام واعطالها أقل بكتير وعربية مميزه جدا وهتحس انك مميز لأنك مش هتلاقيها ماشيه في الشارع كتير ده غير أنها مدرسه في الثبات ونصيحتي شوف واحده 1600 لانها نفس موتور الباسات ال 2005 اللي هي b5.5 فمش هتدوخ لها على قطع غيار أن شاء الله وربنا يكرمك بالاصلح

[toty_305]

لو انت فكرت في المستعمل شوف أودي a4 2007 عربيه من الاخر في الثبات والاوكتافيا ماتجيش جنبها حاجه بس ده على السرعات العاليه اوى يعني بعد ال 200 والعربيه دي تحط علىالبي اأم في الجري بس ال 1800 وحتى لو 1600 برضه عربيه محترمة وقطع غيارها هتلاقيها مشتركه مابين الباسات الشكل قبل 2005 ده في العفشه وحاجات مشتركه مع الباسات الشكل اللي 2006 وانت طالع المشكله اللي ممكن تقابلك الاكسسوارات ودي لاقدر الله لو العربيه اتخبطت أو فانوس أو مرايه لو نزلت الحرفيين لاقيت اكسسواراتها يبقى توكل على الله لأنك عربيه والله احسن من البى ام واعطالها أقل بكتير وعربية مميزه جدا وهتحس انك مميز لأنك مش هتلاقيها ماشيه في الشارع كتير ده غير أنها مدرسه في الثبات ونصيحتي شوف واحده 1600 لانها نفس موتور الباسات ال 2005 اللي هي b5.5 فمش هتدوخ لها على قطع غيار أن شاء الله وربنا يكرمك بالاصلح

-الباسات 2006 الفتيس اﻷوتوماتيك فيه مشاكل تقريبا خصوصا المستعمل الواحد مش ضامن إستخدام اللي قبليه.

[Ahmed Saad]

-الباسات 2006 الفتيس اﻷوتوماتيك فيه مشاكل تقريبا خصوصا المستعمل الواحد مش ضامن إستخدام اللي قبليه.

لا ياباشا فتايس الاودي مش زي الباسات ال 2006 خالص فتيسها شبه بتاع الباسات الشكل بتاع 2005 وانت نازل ونفس الموتور والعفشه والكهرباء والاودي عموما مختلفه عن الباسات ال 2006 كليا هما مشتركين في الشاسيه بس الاتنين b6

[adel_edrees]

معلش هي البيحو 301 فيها عمود أتزان أمامى

[2CODE]

لا بقى .... !!!!

اسمحلي

حضرتك نسيت السوبارو امبريزا

دي من العربيات اللي لا غبار عليها في الثبات هيا والفوكاس

اه صحيح السوبارو ممتازة
انما الفوكاس القديم مش قد كده مع نهاية العربيات النقل الكبيرة والسرعة أكيد فاهم قصدي لما تطلع على عربية وتوصل عند نهايتها وتكون بسرعة عالية العربية كانت بتروح شمالها شويه ودي عن تجربة مع صاحبي
انما الفوكاس الجديدة مش عارف عالجوها ولا لأ ؟؟؟؟؟؟

-شكرا على النصيحة يا صديق المنتدي :d

-أنا واخد بالي من النقطة دي أنا مش عايز ثبات bmw أنا عايز ثبات كويس مقبول من العربيات في الفئة دي ...يعني انا لما بقول ثبات الشارك ممتاز..أكيد بالنسبة للعربيات النص نص لكن ثبات شارك جنب bmw أكيد هتكون مراجيح

والله خايف اقولك شارك ابقى بظلمك لانها فاضية تقريباً اول فئة فقط تكيف وازاز كهربا ما ممكن تعملهم في الشاهين هههههههههههه

برضه انا عند رأيي وخليك في الاكسنت شكل جميل وكماليات وامشي بالراحة لو مش عاجبك الثبات لان ثبات الفئة السعرية دي كلها واحد سواء ان كان 301 او صني او اكسنت .... الخ

[TOOLA]

اه صحيح السوبارو ممتازة
انما الفوكاس القديم مش قد كده مع نهاية العربيات النقل الكبيرة والسرعة أكيد فاهم قصدي لما تطلع على عربية وتوصل عند نهايتها وتكون بسرعة عالية العربية كانت بتروح شمالها شويه ودي عن تجربة مع صاحبي
انما الفوكاس الجديدة مش عارف عالجوها ولا لأ ؟؟؟؟؟؟



والله خايف اقولك شارك ابقى بظلمك لانها فاضية تقريباً اول فئة فقط تكيف وازاز كهربا ما ممكن تعملهم في الشاهين هههههههههههه

برضه انا عند رأيي وخليك في الاكسنت شكل جميل وكماليات وامشي بالراحة لو مش عاجبك الثبات لان ثبات الفئة السعرية دي كلها واحد سواء ان كان 301 او صني او اكسنت .... الخ

بص هوا انا مش فاهم كلامك اوى عن الفوكاس، بس انا معايا ٢٠٠٩، و العربيه زى الدبه، و مفيش شكوى من الثبات او الاحساس بالسرعه، العربيه تاخد بيها الملفات الانتا عايزها و اغلب الغرز على سرعات لغايه ١٥٠ او ١٦٠ و بعد كده تبتدى تركز شويه، بش عموما ممكن تاهد طريق سفر كامل على ١٨٠ من غير قلق، انا مجريتش ب جيتا او فانتازيا على سرعات، بس انطباعى انها قريبه منهم جدا و قد تكون اقل بسيط فى الثبات.

العزل تمام و اداء التكييف قريب من الكورى وتفضل من عربيات كتير اوروبى، مسمعتش عن عيوب صناعه فى فتيس او خلافه، بالنسبه ليا بحس بس ان العفشه خشنه مع الجنط ال ١٦، و بردو ديه نقطه فيها خلاف