رابطة إتحاد ملاك الروا 405

[yassinahmed]

السلام عليكم

اولا شكرا على اهتمامكم بالرد و على المعلومات القيمه و جزاك الله خير
بالنسبه لموضوع الصيانه بصراحه انا لسه هسال فيه و اكيد هحتاج نمرة التوكيل او مكانو و طبعا يشرفنى لو نقدر نروح مع بعض
بس كنت احب اسال اسعارهم ايه و هل هما امناء فى التعامل ولا لأ يعنى مثلا لو احب اعمل تشيك كامل على العربيه , و ضبط العشرين الف ممكن يكلفنى كام ؟؟ لانى حاسس ان العربيه عاليه شويه على السلانسيه معديه الالف على ال RPM
و كمان انا عندى العربيه من قلة الاستخدام المفتاح مش بيفتح و تقيل . مش بتفتح غير بالسنتر لوك فهل هما يقدرو يصلحوها
بردو كنت احب اسال حضرتك اخبارها ايه فى استهلاك البنزين ؟؟ يعنى مثلا ممكن تعمل كام كيلو فى اللتر الواحد ؟؟ و نوع البنزين اللى يمشى معاها ايه ؟؟

بالنسبه للكتالوج لو ممكن حضرتك تبعتوهولى على الايميل بتاعى اكون متشكر جدا

ahmed_galal2002@hotmail.com

, وشكرا مقدما

[makarther]

السلام عليكم

اولا شكرا على اهتمامكم بالرد و على المعلومات القيمه و جزاك الله خير
بالنسبه لموضوع الصيانه بصراحه انا لسه هسال فيه و اكيد هحتاج نمرة التوكيل او مكانو و طبعا يشرفنى لو نقدر نروح مع بعض
بس كنت احب اسال اسعارهم ايه و هل هما امناء فى التعامل ولا لأ يعنى مثلا لو احب اعمل تشيك كامل على العربيه , و ضبط العشرين الف ممكن يكلفنى كام ؟؟ لانى حاسس ان العربيه عاليه شويه على السلانسيه معديه الالف على ال RPM
و كمان انا عندى العربيه من قلة الاستخدام المفتاح مش بيفتح و تقيل . مش بتفتح غير بالسنتر لوك فهل هما يقدرو يصلحوها
بردو كنت احب اسال حضرتك اخبارها ايه فى استهلاك البنزين ؟؟ يعنى مثلا ممكن تعمل كام كيلو فى اللتر الواحد ؟؟ و نوع البنزين اللى يمشى معاها ايه ؟؟

بالنسبه للكتالوج لو ممكن حضرتك تبعتوهولى على الايميل بتاعى اكون متشكر جدا

ahmed_galal2002@hotmail.com

, وشكرا مقدما

أستاذ يس أو أستاذ أحمد جلال "حسب الميل"
نمرة التوكيل 29299084 29299086 29299087 29299089 29299091
العنوان القطامية – المنطقة الإستثمارية – خلف مدارس نور – قطعة رقم 16
الشرف ليا أستاذ يس أنا بعد صلاة الفجر لحد 12 الضهر متواجد
التكاليف بسيطة لو حضرتك تشوف الفواتير بتاعتى تعرف
فرق كبير بينها و بين سيارتى البيجو الأخرى 307
أنا كنت مش حابب أروح التوكيل لإنى ليا تجربة سابقة مع بيجو غمرة _مش محطة البنزين- عيال ما بتفهمش فى أى شئ لكن بعد ما رحت "بيجو أحمد عمارة القطامية" بقيت سعيد و أنا رايح التوكيل ناس محترمة فاهمة معاملة شيك مهذبة من الكل و فى منتهى الأمانة بشكل غير بسيط بصراحة من أول مدير التوكيل و هو نفسه مدير الصيانة المهندس وائل إلى عامل البوفيه مرورا بالأستاذة نفيين سكرتيرة التوكيل ناس محترمة فى زمن قل به المحترمين .
بالنسبة لصيانة العشرين مش حتتكلف كتير و ده موبايل مهندس وائل مدير التوكيل و مدير الصيانة 01226365063
ضبطها على الكومبيوتر بيخليها تستريح بالنسبة لعلو و إنخفاض الأر بى ام
بالنسبة لإصلاح الكالون أعتقد إنها بسيطة و طبعا الأفضل تتستخدم الريموت
أنا عاملها ريموت بوحدات رفع بجانب الريموت الأصلى
إستهلك البنزين فى الصفحية داخل القاهرة 200كم يعنى 10كم لكل لتر
خارج القاهرة بتعمل أكتر
البنزين النوع اللى يمشى معاها أنا من اول ما إستلمتها من التوكيل بأستخدم 92 لأنه النوعية الطبيعية "نضيف و معقول سعراً" .
بالنسبة للكتالوج أنا سيبنه ف الرماية أول ما أروح أجيبه بس للأسف ما عنديش سكنر لكن بمجرد إحضاره إتفضله "‘إحنا إخوات"

[makarther]

نايل موتورز - NileMotors.net

هذا لينك به كل تجاربى مع الروا و بعض رؤى خاصة هلى مشاكل مرتادى المنتدى :)

[yassinahmed]

مش هقدر اقول غير شكرا على كل المعلوماتو التجارب المفيده اللى انت بتكتبها

بس كنت احب اسال على التكيف هلى هو بياثر فى حالة التشغيل على سحب العربيه و لو بياثر تاثيرو كبير و لا مش محسوس و اخبار التكييف بتاعها ايه كويس و لا ضعيف

[makarther]

أستاذ يس


التكييف لا يؤثر على أداء السيارة
لكننى أنصح بتغيير فلتر التكييف

[makarther]

العفو أستاذ يس
أتمنى الرابطة تكبر لتكون مليئة بكل ملاك الروا
ما أنشره يعبر عن سعادتى بالسيارة البسيطة التكاليف

[makarther]

النهاردة غيرت المارش
بمارش يابانى ينفع معاها
كان من عيوب الروا بتاعتى المارش
أحاول أدور كذا مرة لحد ما يلقط
المارش الجديد ماشاء الله أول ما أدور المفتاح المارش يدور
بصراحة حاجة تفرح
زى ما أكون غيرت حاجة غير بسيطة مش مجرد مارش

[yassinahmed]

مبروك على المارش الجديد انا استلمت العربيه بتاعتى بس شكاها احتمال جوان وش السلندر شكلو فيه تسريب خفيف بيقال انو من الركنه بينشف بس مش متاكد من المعلومه بس اعتقد انو لازم يتغير او يتكشف عليه التكييف بردو شكلو مش قوى زى ما كنت بتحكو عنو اكيد بردو عاوز صيانه او يتكشف عليه ربنا يسهل فى اقرب فرصه لازم اعملهم هل واجهتك المشاكل ده قبل كده ؟؟
فيه كمان سوال فيه رجه خفيفه جدااا فى الدريكسيون على ال 80 او ال 90 و بعدين بتختفى هل ده ترصيص ؟؟

[makarther]

1 جوان وش السلندر
غيرته بس إتأكد إنه مجتاج تغيير

2 التكييف
روحت شحنت الفيريون و لما غيرت فلتر التكييف بقى ممتاز فعلا فيه واحد عندنا فى "أرض الجولف" ورا "دار الدفاع الجوى" إسمه محمود و ده موبايله 01002304355 شاب ربنا يكرمه

3 الغربلة
عند التسعين العربية كانت بتغربل جامد عملت ضبط زوايا عند محمد إسماعيل "المنيل" و غيرلى جلب النقصات اللى كانت متأكلة و أنا ماشى على حديد الجلب إلا من حتة بسيطة من الكاوتش و عملى الترصيص لكن الترصيص الأحسن عند "عم عبد المحسن" شل نزيه خليفة مصر الجديدة و الغربلة ديه كانت قصة كبيرة ده لينك اللى كتبته عنها

نايل موتورز - NileMotors.net

http://www.nilemotors.net/Nile/432215-4.html

[makarther]

ديه بداية قصة الغربلة عذرا للإطالة لكن النقط البسيطة تكون مفيدة لمن يمر بهذا

http://www.nilemotors.net/Nile/430234-a.html

[yassinahmed]

جزاك الله خير انا عامة اكيد هكشف على الجوان فى التوكيل القطاميه و اعمل كمان كشف عام عشان اطمن

[makarther]

http://nileup.com/up/uploads/nilemotors_14091188981.jpg

http://nileup.com/up/uploads/nilemotors_14091188982.jpg

http://nileup.com/up/uploads/nilemotors_14091188983.jpg

http://nileup.com/up/uploads/nilemotors_14091188984.jpg

http://nileup.com/up/uploads/nilemotors_14091188985.jpg

http://nileup.com/up/uploads/nilemotors_14091188986.jpg

http://nileup.com/up/uploads/nilemotors_14091188987.jpg

هذه صور جلب مقصات الروا التى لم يقترب منها منذ إستلامها 2007 طبعا الجلب بقت على الحديد و تم تغييرهم

[makarther]

فكيت الجنط الشمال الخلفى ركبت فيه الكاوتش الاستبن
حطيت الكاوتش الجديد فى الجنط الإستبن روحت ترصيص للعجل كله
لازم تغيير بلى عجل السيارة
كلمت قطع غيار بيجو اللى عندهم حاجتها الأصلية "شريف حسن" شارع مجلس الشعب
موجود البلى الأمامى فقط الخلفى غير موجود
كلمت مهندس وائل مدير صيانة بيجو "بيجو أحمد عمارة القطامية" حأجيبهم و أروحله أسيب العربية
لإنها حتأخد شغل يومين

[yassinahmed]

تحياتى

ربنا يعينك بس انا كنت عاوز اعرف هل التغيير ده صيانه عاديه ولا مشاكل فى السياره نفسها و يا ترى اخبار اسعار قطع الغيار ايه ؟؟؟

انا احتمال كبير اروح ان شاء الله التوكيل يوم الاربعاء القادم كشف عام واكشف على جوان وش السلندر عشان اطمن و صيانه 20 الف و عشان اطمن على العربيه هل عند حضرتك فكره عن المواعيد بيفتحو و يقفلو ال كام ساعه و هل لازم اكلمهم ولا لا عشان احجز ؟؟

[makarther]

بالنسبة للتغيير بخصوص بلى العجل لو إنضميت لصفحة رابطة إتحاد ملاك روا على الفيس بووك
حتلاقى أستاذ محمد جمال عمل تقرير عن اللى عمله بلى العجل معاه

مواعيد الصيانة من 0900 إلى 1800
لو خليتها الجمعة أجى معاك "أمشى قدامك بعربيتى" حضرتك ساكن فين ؟