اسباب اصرار PSA على استخدام زيوت 5w-30 - اجتهاد للفهم

[mmkamalh]

احسن او اوحش ده بيتحدد علي اساس مواصفات كل عربيه
يعني ماقدرش اقول ان 5/40 افضل من 5/30 او العكس , الا لو مواصفات موتوري مهيأه لواحد منهم

بصفة عامه 40 بيتحمل درجات حراره اعلي وايضا له لزوجه اعلي

ويفضل 30 فى المواتير التيربو ورينو فلوانس ونيسان كاشكاي

منا قصدى بالنسبة للـ 301 من وجهة نظرى.... كما وضحت ان PSA بتتكلم على Low SAPS و ده مفيش منه غير 5/30 و بترفض اى 5/30 ميكونش low SAPS ... غير كده مفيش فيما اعلم سبب تانى
و الله اعلم

[mmkamalh]

تسلم أيديك mmkamalh علي بحثك وعلي المعلومات الجميلة اللي أفدتنا بيها دي.

يا باشا الله يخليك.. :)

[mmkamalh]

وانا عندي البي ام لازم 5/30 وبحط 5/40 عشان بتقع مني علي ال 5/30
علي فكرة
زيوت وولفر نزلت ال 5/30 اخيرا معبأ ومصنع في المانيا بالكامل وهايكون عندي في المركز السبوع الجاي بالكتير باذن الله

مبروك يا أ./ كريم و بالتوفيق دائماً

[on1touch]

ياجماعة انا عندي مشكلة منيله بسبب الزيت موبيل زفت
دلوقتي انا معايا 301 مانوال من قبل مااعمل صيانه 10000كم مكنتش بسمع صوت العربيه خالص ولما عملت صيانه مكنتش عارف انهم غيروا توتال اللي جي فيها لموبيل ومن يومها وصوت الموتور عالي جدا جدا والاسوء ان استهلاك البنزين بقي سيء جدا ورجعت تاني التوكيل قالولي العربيه تمام ومفيهاش حاجه خالص انت اللي سواقتك سبب الاستهلاك وبالنسبه للصوت ال 301 كدا(مع انها مكنتش كدا قبل الصيانه) مشيت وقلت لازم افهم من نفسي لفيت اللفه واكتشفت انه هو الزيت اللي بهدل الموتور وبالتالي اثر ع كل اداء العربيه اجمالي.
انا دلوقتي رايح اعمل صيانه ال 20000 ومصمم اغير الزيت نهائي بس عاوز افهم انضف الزيت القديم ازاي هل اسيبهم هما يعملوا كدا وهل هما بينضفوا مسارات العجل ولا ايه؟ ولا بيعتمد انه هيغير نفس نوع الزيت فبيضيف ع القديم ؟
الاهم من دا بقي زيت وولف وزادو اللي هبلوا الناس اتكل ع الله واختار واحد منهم ولا ايه بالظبط عشان انا سامع انهم مسمعين وسمعتهم ممتازه جدا ولو اختارت مثلا وولف اختار اية لزوجة لعربيتي واجيبه منين واعمل ايه بالظبط؟