العربيه بتسخن بشكل غريب

[mostafa afifi]

معايا 406 2002 و المشكله انها بتسخن بالرغم اني مغير ردياتير و كوعه ميا و باقي الخراطيم كانت مسدوده و نضفتها كويس جدا و مفيش اي تسريب ميا و فيه حاجه في الترموستات اليي بتتحكم في دخول الميا ده لغيتها ..بعد كل ده العربيه سليمه و مش بتسخن
دلوقتي العربيه مع التكيف السرعه العاليه بتشتغل طبيعي علي 92 بس بعد نص ساعه تبدأ تأخر التشغيل لحد ما السرعه العاليه تشتغل علي 110 و ترجع ل 95 و تبقا ثابته 95 و ترجع تشتغل 110 تاني

[م أحمد]

لسة برضه لغاية دلوقتى ما شفتش علبة الشكمان الخلفية ؟!!!

ما تقوليش بتاع الشكمان بيقول سليمة

العلبة تفور برة و يتشاف فيها حديد دائب او طوب او زلط جواها

[shoshasam]

سؤال بسيط
انت لغيت ترموستات الكوعه ليه ؟

[haisam ali]

سؤال بسيط
انت لغيت ترموستات الكوعه ليه ؟

منضم لهذا السؤال وبشده ..؟؟؟؟؟ ليه ليه ليه لغيت كوعه الثرموثتات ؟؟؟

[ALshahba]

فى السخونه العاليه الغير معروف لها سبب................ يفضل لغي ثرموستات الكوعه
بس لازم الكشف علي الشكمان

فى امان الله

[haisam ali]

وبالنسبه برضه لصاحب الموضوع عندى شويه حجات عايزك تتأكد منها اوى وتراجع عليها جدا وتعرفنا :-

طرمبه الميه أخبارها ايه ؟؟؟

انت حاطط ميه ايه فى العربيه ؟؟؟

ثرموثتات المراوح أخبارها ايه ورقمها كام ؟؟؟

عايزك تدور العربيه الصبح وهيا بارده من غير ماتشغل التكييف ... وتشوف هتشتغل عند كام وتقف عند كام ؟؟؟ وهل هتوصل للسرعه الثانيه من غير التكييف ؟؟؟

وبعد كده تشغل التكييف وتشوف المراوح هتشتغل نظامها ايه سرعه أولى لحد كام وسرعه ثانيه لحد كام وكده ؟؟

اخر حاجه هل حضرتك أخدت هواء لدوره الميه كويس اوى ؟؟؟ وهل عندك اى تسريب فى الدوره بعد الشغل ده ؟؟؟

انا أسف للاطاله بس دى اسءله مهمه جدا هتفيد جدا فى حل الموضوع ...

[mostafa afifi]

لسة برضه لغاية دلوقتى ما شفتش علبة الشكمان الخلفية ؟!!!

ما تقوليش بتاع الشكمان بيقول سليمة

العلبة تفور برة و يتشاف فيها حديد دائب او طوب او زلط جواها

غيرت العلبتين اصلا عشان كانو متبهدلين جامد

[م أحمد]

انت حاطط مياه عادية ولا كوولر ؟
لو حاطط مياه عادية حط كوولر توتال او موبيل

[mostafa afifi]

انت حاطط مياه عادية ولا كوولر ؟
لو حاطط مياه عادية حط كوولر توتال او موبيل

انا حاطط ميا حمرا جايبها من تويوتا

[Abo_Mazen]

سؤال بسيط
انت لغيت ترموستات الكوعه ليه ؟

عشان دي أحد الوسائل اللي الخواجه حاططها في العربيه عشان العربيه تسخن وتجيب جوان وش سلندر ..آه من ثرموستات الكوعه ومقالب ثرموستات الكوع ..لسه عامله نمره قذره مع واحد صاحبي ..قفشت منه في حته مقطوعه وسخنت العربيه وإضطر إنه يمشي عليها لغاية ما جابت جوان وش سلندر ..قوم إيه بقى ..الخواجه عمل الثرموستات عشان يحمي العربيه ..تقوم الثرموستات تتلف العربيه ..وعجبي

[NightmarE84]

غيرت العلبتين اصلا عشان كانو متبهدلين جامد

بكام ومنين ؟؟؟؟
استيراد ولا جديد ؟؟؟
وموتورك ايه ؟

[sayd ali]

يا باشا إيه اخبار غطاء اليارتير مهم جداً انه يكون أصلى
٢-- تأكد ان جميع اجزاء اليارتير ساخنه
٣-- اذا كان هناك اجزاء باردة وآخرا ساخنة اذا دورة المياه بها هواء
٤--ملاحظة المراوح عندما تكون الحرارة مرتفعة
انشاء اللة موفق

[mostafa afifi]

يا باشا إيه اخبار غطاء اليارتير مهم جداً انه يكون أصلى
٢-- تأكد ان جميع اجزاء اليارتير ساخنه
٣-- اذا كان هناك اجزاء باردة وآخرا ساخنة اذا دورة المياه بها هواء
٤--ملاحظة المراوح عندما تكون الحرارة مرتفعة
إن شاء الله موفق

المشكله كلها ان السرعه العاليه مش بتشتغل غير بعد ال 110

[م أحمد]

طيب حساس الحرارة سليم ؟ ممكن لو عليه املاح درجة حساسيته للتوصيل الحرارى تتغير الى الاسوا

[mostafa afifi]

طيب حساس الحرارة سليم ؟ ممكن لو عليه املاح درجة حساسيته للتوصيل الحرارى تتغير الى الاسوا

حساس الحراره سليم مفهوش مشاكل