تجرة قيادة الرائعة 406 ومقارنتها بتجاربي السابقة

[SYD]

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم بيجو
تحية طيبة،

النهاردة كانت اول مرة اسوق البيجو 406 رغم عشقي الشديد ليها منذ اوائل ظهورها في 95 وطبعا زاد عشقي لها بعد طرح النسخة المحسنة منها في سنة 2000

بداية الحكاية ان اخويا اشتري البيجو النهاردة موديل 2002 قراءة العداد 225,000 فتيس أوتوماتيك وهي تقريباً نفس اللون دة

من اول لما تركب العربية وتقعد علي كرسي السواق وتمسك عجلة القيادة تحس فيها بالفخامة
انا كنت ركبت واحدة مع حد زميلي موديل 96 (الشكل القديم) وحسيت بردو نفس الأحساس وانا قاعد جمبه

يالا نبدأ في تجربة القيادة
بعد استلام السيارة من صاحبها ، اخويا راح ركب الفوج لايت الشمال عشان كان مكسور وبعدها اتصل بيا وقابلته وهنا اداني المفتاح وقالي خد سوق انت (كنا رايحين مشوار) لأنه بيحب يخليني انا اسوقله عربيته وطبعا عشان اقوله تقييمي ليها واباركله عليها
المشوار كان فيصل ودخلنا حتة اسمها نزلة السمان في نهاية الهرم
أول ملاحظة علي العفشة
الله اكبر العفشة بتاعتها بجد مريحة جداً جداً جداً ولا احساس نهائياً بالمطبات او الحفر او الشقوق او او او وشاكك والله اعلم انها تكون مالتي لينك (برجاء الأفادة)
غير طبعاً ان ارتفاعها عن الأرض معقول جداً وماحكتش مني في ولا مطب ولله الحمد

ثاني ملاحظة صوت المحرك
مسموع إلي حد كبير خصوصاً في الطلعة

خلصنا مشوارنا وبعدها قولتله لازم تعزمني علي العشاء حلاوة العربية الجديدة واقترحت عليه مطعم سوري بحب اكل دايماً عنده في 6 أكتوبر
روحنا كان هو اللي سايق بمتوسط سرعة من 90 إلي 110

خلصنا العشاء وقولتله هات انا اللي هسوق

أنطلقت بيها وطلعت علي طريق الواحات ودة لأني حافظه عن ظهر قلب وعارف فين مطباته وفين اجري وامتي أهدي

ثالث ملاحظة علي التسارع
بطئ شوية لو طالع زي البني أدمين واتوقع منها المزيد لو تقلت رجلي شوية علي دواسة البنزين ولكنها بتستجيب لما بضغط شوية بعد الطلعة البطيئة بتاعتها
تسارعها بيتم بشكل smooth وتحسها راسية اوي في جريها وكان متوسط سرعتي 110 - 150
لاحظت اني لما بكبس لها انها بتبدأ في تغيير نمط القيادة ابتداء من اللحظة اللي بتكبس فيها وبدل ما كانت بتنقل علي مثلا 2 RPM انها بدأت تأخر شوية وتنقل علي 3 و مرات بتوصل لحد 4 RPM ومن غير ماتعمل كيك داون وشغل العباطة بتاع النوبيرا
كمان لاحظت ان ليها اكتر من نمط قيادة وليس نمطين فقط (قياسي و رياضي) بمعني
ان لكل مستوي ضغط علي دواسة البنزين نمط قيادة لأنها مع الضغط الخفيف بتنقل علي 2 RPM ومع الضغط الأزيد شوية تنقل علي 2.5 RPM تضغط اكتر تنقل علي 3 تضغط اكتر تنقل علي 4 RPM

رابع ملاحظة علي ناقل الحركة
اللهم صلي علي النبي - الله اكبر ماتحسش نهائي بنقلات الفتيس غير بس من عداد الRPM لما تلاقيه نزل ورجع يطلع تاني فتعرف انها نقلت علي الغيار الأعلي ولحد دلوقتي انا مش عارف هي كام غيار (اعتقد 4)

خامس ملاحظة علي العزل
الله اكبر لما بتقفل الزجاج بتاع الأبواب ماتسمعش خالص لا صوت طريق ولا صوت محرك

طبعاً معروف عن طريق الواحات انه فيه مطبات كتير ابتداء من وادي دجلة وحتي دريم
وهنا كانت تجربة الفرامل

سادس ملاحظة علي الفرامل
الله اكبر الفرامل بتاعتها حلوة واعتقد تسعفك كويس اوي في الفرامل الفجائية
لأني لاحظت كمان عليها ان الفتيس بيسقط غيارات ويساعد معاك بـ Engine Break
وهنا اخويا قالي مصطلح عجيب جداً كان سمعه من احد ملاكها وهو ان فتيسها بيسموه فتيس شفط

سابع ملاحظة علي الثبات
اقدر اقولك انها أشبه ما تكون بالأوبل فيكترا في ثباتها والمناورة بيها لأني أخدت بيها كام غرزة علي سرعات 110 و 130 والله اكبر ثابتة وبتوجها زي مانت عايز في الأتجاه اللي انت عاوزه وقت ما تحب


طب اسمحولي بعد سرد تجربة قيادتي للبيجو 406 اني اقارنها بشوية عربيات تانية كان ليا معاهم تجارب قيادة منهم تجارب سعيد بيهم ومنهم تجارب مستعر منها

اولا هقارنها بعربيتي العزيزة سيات ابيزا 99
طبعا كحجم : البيجو
كاستجابة وموتور حامي : الأبيزا (يمكن اكون غير منصف لأني مكنتش بفتري في الطلعة بالبيجو 406)
فرامل : بيجو
عزل : البيجو اعلي شوية
عفشة ونعومة في المطبات : بيجو
ثبات : البيجو اعلي شويتين

ثانيا هقارنها بالأوبل فيكترا 96 (الفراشة)
الحجم متقارب جداً
استجابة موتور وتسارع : الأوبل - بصراحة الأوبل بالمحرك ال2.0 الأيكوتيك علي الفتيس الأوتو بتاعها تطلع من البيجو بفارق كبير اوي
فرامل : متقاربة جداً
عزل : البيجو أعلي شوية
عفشة ونعومة : البيجو انعم كتير
ثبات : متقارب جداً رغم ارتفاع البيجو عن الأرض بمسافة اكبر من الأوبل اللي كانت لازقة في الأرض وبتحك في اهيف مطب

ثالثا هقارنها بالدايو نوبيرا (لمجرد ان في تقارب في السعر والموديل)
الحجم : متقارب كصالون وشنطة
استجابة الموتور والتسارع : الدايو تحسها عيلة هبلة فاتحة بوقها وبتجري
فرامل : مانصحكش تقارن بينهم لأن الدايو فراملها هي اسرع طريق للجحيم
عزل : الدايو فاتح الشباك زي قافله كصوت وهوا داخلك من كل اتجاه حتي وانت قافل الشباك ومتغطي
عفشة ونعومة : الدايو نوبيرا لو حابب تفك الجبس لواحد متجبس ركبه في الكنبة الخلفية
ثبات : اسهل طريقة للأنتحار

اتمني الموضوع يكون عجبكم واكون وفقت في تقييم البيجو 406 وحابب جداً اسمع تعليقاتكم ونصايحكم

تحياتي للجميع

اخوكم من قسم سيات
م/ محمد سيد

[S O P H O S]

تقيم جديد بمقارنته وفرصة تتطمنا علي احوالك يا باشا
كان معايا بيجو كانت تحفه وقوية جدا
كنت اتمني مكنتش بعتها

[hany63]

على فكره اكبر سببين خلوني ارجع للبيجو تاني بعد ٢١ سنه لما سقت ال ٤٠٦ ده اولا و جملة حضرتك في احد المداخلات عن مقارنة الانسجنيا بال ٥٠٨ و كانت بالنص البيجو ٥٠٨ جميله
و رغم اني كنت ميال للانسجنيا قلت استاذ سيد راجل بيفهم كويس و محايد بدليل انه عاشق للالماني و اكيد راءيه لا يعلا عليه فاتكلت على الله و جبت ال ٥٠٨ و لقيتها فوق توقعاتي بكتير و اسمح لي اشكرك بما انك كنت السبب الرئيسي في اختياري
نرجع للتقرير الجميل و المحايد الصراحه كل كلمه فيه مظبوطه انا بس عايز اسئل بحكم سواقتي برضه للعربيه هل هيا نازله بموتور تاني في بعض الموديلات غير ال ٢٠٠٠ سي سي ؟
اصل حتة البطء في الطلعه مش موجوده في عربيات الشغل بالعكس بحس ان طلعتها كويسه
تحياتي

[تامر.محمد]

كان حصل من فترة ان جت لي فرصة اسوقها حتة صغيرة و عالبطيء , فعلا عجبني فخامتها و عزلها مع ملحوظة انها فخامة ستايل تسعيناتي :)

[م أحمد]

الف مبروك يا باشا على العربية و اسمح لى أبدأ برابعا و هو موضوع النقلات وأهنيك عليه و ان شاء الله يكون دليل جودة للفتيس و بوابة الهوا و هى فعلا 4 غيار و فى علامة استفهام عن النتشات فى عربيات بعد ال406 زى ال307 و ال301 و عربيات اوروبى تانية بس معايا صوت دبة فى الR و مش عارف سببها

الملاحظة الثالثة 10 على 10 و فهمت العربية من مشوار واحد و هى بالظبط كدة زى ما برمجة الكمبيوتر بتقول

بالنسبة لموضوع الطلعة شوف الوضع ايه بعد تغيير الصيانة الدورية (زيت فتيس و بوجيهات و كاتينة و فلتر بنزين و هوا و مياه راديراتير ....) و احترس من سير الكاتينة و الصنايعية الجهلاء لانى جبت العربية و سير الكاتينة فيها اللى كان راكب كان مرحل سنتين--- طبعا كنت راكب عربية 1300سى سى ، بعد تركيب السير الجديد و بصورة صحيحة عربية تانية تماما و اكيد برضه هى عربية تقيلة فما تحكمش على الطلعة فقط لان فى زميل معاه العربية بتتأخر عن اللانسر و القاشاقاى و بعدين بيعمل معاهم الواجب "على حد تعبيره"

التسارع من 0-100 مقارب لعربيات كتير بس لو كملت من 100 ل 150 و اكتر هتلاقى موضوع تانى

العربية الديزل من ال406 داخلة موسوعة الارقام القياسية لاكبر مسافة تقطعها عربية بتفويلة تانك واحدة و قطعت حوالى 2300 كم (التنك 70 لتر) بين مدينتين استراليتين - بس للاسف مش كتير فى مصر و المعروض منها للبيع قليل و دا مؤشر للتصميم

استهلاك البنزين فى الطرق المفتوحة 6 لتر لكل 100 كم يعنى ماتقولش 2000 سى سى بس لو زحمة و طريق واقف اوهروب بجلدك ههههههه بس دا هينطبق على اى عربية ساعتها

بالنسبة للفرامل ال ABS اشتغل معايا مرة - كنت خارج من شارع والسرعة اقل من 30 و لقيت صاروح ميكروباصى معدى ، دست جامد فسمعت صوت التكتكةو ال ABS اشتغل ، على حين كنت ماشى فى جوزيف تيتو جنب المطار على 130 و دست تدريجى مسكت بصورة كوبسة جدا من غير ما ال ABS يشتغل ، على الرغم من ضعف التيل الخلفى اللى بيتعرف من حالة فرامل اليد

يا ريت تدخل رقم ال VIN بتاع العربية بتاعتك على الموقع دا و هتعرف الكتير عن عربيتك و قطع الغيار بالحتة و الكتالوج العادى

Peugeot Service Box

الكتالوج انا نزلته بس مش فاكر منين و طبعته كمان هو للديزل و البنزين و كبير اوى و فيه تفاصيل العربية بالمسمار لو لقيت الموقع تانى ان شاء الله ابقى ارفعه لك - هو حوالى 190 ميجا للنسخة النظيفة و فى نسخة معمول لها سكان مش حلوة 50 ميجا

ربنا يديكو خيرها و يكفيكو شرها و يحفظها

[SYD]

تقيم جديد بمقارنته وفرصة تتطمنا علي احوالك يا باشا
كان معايا بيجو كانت تحفه وقوية جدا
كنت اتمني مكنتش بعتها

ازيك يا احمد بيه
والله انا بخير الحمدلله والف شكر ليك علي سؤالك عني وعن احوالي
انا فعلا كان عندي ظرف خلاني انقطع عن المنتدي حوالي 3 شهور

كان حصل من فترة ان جت لي فرصة اسوقها حتة صغيرة و عالبطيء , فعلا عجبني فخامتها و عزلها مع ملحوظة انها فخامة ستايل تسعيناتي :)

العربية فعلا الله اكبر فخمة سواء كمظهر خارجي او كركوبة وقعدة في الصالون

تحياتي

[SYD]

على فكره اكبر سببين خلوني ارجع للبيجو تاني بعد ٢١ سنه لما سقت ال ٤٠٦ ده اولا و جملة حضرتك في احد المداخلات عن مقارنة الانسجنيا بال ٥٠٨ و كانت بالنص البيجو ٥٠٨ جميله
و رغم اني كنت ميال للانسجنيا قلت استاذ سيد راجل بيفهم كويس و محايد بدليل انه عاشق للالماني و اكيد راءيه لا يعلا عليه فاتكلت على الله و جبت ال ٥٠٨ و لقيتها فوق توقعاتي بكتير و اسمح لي اشكرك بما انك كنت السبب الرئيسي في اختياري
نرجع للتقرير الجميل و المحايد الصراحه كل كلمه فيه مظبوطه انا بس عايز اسئل بحكم سواقتي برضه للعربيه هل هيا نازله بموتور تاني في بعض الموديلات غير ال ٢٠٠٠ سي سي ؟
اصل حتة البطء في الطلعه مش موجوده في عربيات الشغل بالعكس بحس ان طلعتها كويسه
تحياتي

والله يا استاذ هاني دة شئ يشرفني جداً أنك تبني قرار علي رأي ليا لأن حضرتك بردو خبرة واانا شخصياً معجب بأراء حضرتك سواء في السيارات او التصوير

مش عارف والله بس لا اعتقد انها تكون نزلت بمحرك تاني غير ال2000
موضوع البطء في الطلعة دي انا ماخدتش فيها قرار نهائي

بطئ شوية لو طالع زي البني أدمين واتوقع منها المزيد لو تقلت رجلي شوية علي دواسة البنزين ولكنها بتستجيب لما بضغط شوية بعد الطلعة البطيئة بتاعتها

بصراحة انا مكنتش بكبس خالص في الطلعة ومكنتش بكبس عموماً لأني بصراحة بسمع عن فتيسها العجب من قديم الأذل
وعموماً ان شاء الله الأيام جاية كتير وهكمل التقرير ان شاء الله بكل شئ يستجد عليا فيها

تحياتي

[SYD]

الف مبروك يا باشا على العربية و اسمح لى أبدأ برابعا و هو موضوع النقلات وأهنيك عليه و ان شاء الله يكون دليل جودة للفتيس و بوابة الهوا و هى فعلا 4 غيار و فى علامة استفهام عن النتشات فى عربيات بعد ال406 زى ال307 و ال301 و عربيات اوروبى تانية بس معايا صوت دبة فى الR و مش عارف سببها

الله يبارك فيك
الفتيس بتاعها بصراحة متغير (مش بتاع الفبريكة) ومتغيرله زيت
والكلام علي لسان المالك السابق انه مغير زيت فتيس ب600 جنيه (4 ك × 150 ج)

الملاحظة الثالثة 10 على 10 و فهمت العربية من مشوار واحد و هى بالظبط كدة زى ما برمجة الكمبيوتر بتقول

بالنسبة لموضوع الطلعة شوف الوضع ايه بعد تغيير الصيانة الدورية (زيت فتيس و بوجيهات و كاتينة و فلتر بنزين و هوا و مياه راديراتير ....) و احترس من سير الكاتينة و الصنايعية الجهلاء لانى جبت العربية و سير الكاتينة فيها اللى كان راكب كان مرحل سنتين--- طبعا كنت راكب عربية 1300سى سى ، بعد تركيب السير الجديد و بصورة صحيحة عربية تانية تماما و اكيد برضه هى عربية تقيلة فما تحكمش على الطلعة فقط لان فى زميل معاه العربية بتتأخر عن اللانسر و القاشاقاى و بعدين بيعمل معاهم الواجب "على حد تعبيره"

بالنسبة للصيانة الدورية
اولا صاحب السيارة السابق هو ثاني يد ليها (اول يد ابن عمته)
ثانياً الراجل محترم اوي ومنظم اوي وكاتب كل فتفوتة في العربية عملها بكام وامتي وعلي قراءة عداد كام
هو لسة مغير زيت فتيس وتيل وزيت موتور وبطارية وفرد كاوتش

مش عارف الكاتينة بردو متغيرة ولا لاء
ومش عارف الصراحة كان بيتعامل مع مين

بالنسبة لقطع غيارها الأصلية (فلاتر وسيور) مش عارف اتعامل مع مين بالقرب من فيصل

اما عن مياة الريدياتير (سائل التبريد)
سمعت مرة ان البيجو بعد 2000 بيستخدم سائل تبريد بتركيز G33 - تنصحني بأيه ؟؟

التسارع من 0-100 مقارب لعربيات كتير بس لو كملت من 100 ل 150 و اكتر هتلاقى موضوع تانى

ان شاء الله

العربية الديزل من ال406 داخلة موسوعة الارقام القياسية لاكبر مسافة تقطعها عربية بتفويلة تانك واحدة و قطعت حوالى 2300 كم (التنك 70 لتر) بين مدينتين استراليتين - بس للاسف مش كتير فى مصر و المعروض منها للبيع قليل و دا مؤشر للتصميم

استهلاك البنزين فى الطرق المفتوحة 6 لتر لكل 100 كم يعنى ماتقولش 2000 سى سى بس لو زحمة و طريق واقف اوهروب بجلدك ههههههه بس دا هينطبق على اى عربية ساعتها

انا فعلا لاحظت ان رغم الجري والمسافة المقطوعة بيها (حوالي 60 كم) المؤشر تقريباً ثابت في مكانه وكمبيوتر الرحلات فضل علي نفس المعدل بتاع الأستهلاك (كان كاتب 610 كم قبل المشوار ال60 كم وفضل كاتب 610 بعد المشوار) لدرجة خلتني اقول الكمبيوتر بيهيس

بالنسبة للفرامل ال ABS اشتغل معايا مرة - كنت خارج من شارع والسرعة اقل من 30 و لقيت صاروح ميكروباصى معدى ، دست جامد فسمعت صوت التكتكةو ال ABS اشتغل ، على حين كنت ماشى فى جوزيف تيتو جنب المطار على 130 و دست تدريجى مسكت بصورة كوبسة جدا من غير ما ال ABS يشتغل ، على الرغم من ضعف التيل الخلفى اللى بيتعرف من حالة فرامل اليد

الفرامل كويسة ما شاء الله
وفرامل اليد من تاني سنة بتمسك كويس

يا ريت تدخل رقم ال VIN بتاع العربية بتاعتك على الموقع دا و هتعرف الكتير عن عربيتك و قطع الغيار بالحتة و الكتالوج العادى

Peugeot Service Box

الكتالوج انا نزلته بس مش فاكر منين و طبعته كمان هو للديزل و البنزين و كبير اوى و فيه تفاصيل العربية بالمسمار لو لقيت الموقع تانى ان شاء الله ابقى ارفعه لك - هو حوالى 190 ميجا للنسخة النظيفة و فى نسخة معمول لها سكان مش حلوة 50 ميجا

ربنا يديكو خيرها و يكفيكو شرها و يحفظها

بالنسبة لموضوع الكتالوج دة
انا نزلت الكتالوج بتاع الuser manual اللي فيه شرح لأجزاء الصالون والعدادات والذي منه
بس بصراحة مش هو دة اللي انا عايزه
انا عايز الكتالوج بتاع الصيانات haynes لأني بصراحة بعتمد عليه جداً جداً جداً في صيانات سيارتي الأبيزا من حيث طبعا الكميات واللزوجات للزيوت وسائل التبريد وزيت الفتيس و و و

انا مستعد اقابل حضرتك في اي مكان في القاهرة لو أمكن وتجيبلي الفايل بتاع الكتالوج انقله عندي
او لو في عند حضرتك امكانية تقسمه بالwin-rar وتبعتهولي علي الميل اجزاء

اكون شاكر جداً لحضرتك

تحياتي

[Abdo Taha]

اولا ربنا يبارك لك و لأخوك فيها

ثانيا والدي لسة جايب واحدة موديل 2005

العربية جميلة جدا كموتور شايف ان طلعته حلوة
الفتيس ناعم و احلى حاجة فيه ال engine break دي
فراملها مش عجباني اوي مقارنة بالاوبل الفيكترا سي بس اظن المشكلة من العربية

العيب الرخم في الموضوع
1 - استهلاك الوقود عالي جوه البلد
2- الدركسيون حاسه كبير شويه بطريقة مستفزة

[م أحمد]

بالنسبة لمياه الراديراتير أقرأ الموضوع دا

http://www.nilemotors.net/Nile/406368-406.html#post3875432989

الفايل جاهز يا باشا

[SYD]

اولا ربنا يبارك لك و لأخوك فيها

ثانيا والدي لسة جايب واحدة موديل 2005

العربية جميلة جدا كموتور شايف ان طلعته حلوة
الفتيس ناعم و احلى حاجة فيه ال engine break دي
فراملها مش عجباني اوي مقارنة بالاوبل الفيكترا سي بس اظن المشكلة من العربية

العيب الرخم في الموضوع
1 - استهلاك الوقود عالي جوه البلد
2- الدركسيون حاسه كبير شويه بطريقة مستفزة

الله يبارك فيك
والف مبروك ليك ولوالدك علي السيارة

شكراً علي مرورك الطيب

تحياتي

[SYD]

بالنسبة لمياه الراديراتير أقرأ الموضوع دا

http://www.nilemotors.net/nile/406368-406.html#post3875432989

الفايل جاهز يا باشا

شكراً يا باشا علي اللينك
والف شكر علي تعبك والله
ربنا يجازيك خير

تحياتي لشخصكم الكريم

[rasha1]

يا جماعة ممكن تساعدوننا

عندى مشكلة فى فتيس الأتوماتيك 406 لسنة 2004
و تم تغييره كله و بعد شوية من قليل الأستعمال سمعت صوت خفيف عند سرعة 60كم و بعدين يمشى مع مطالع الطريق
ذى ما تقول السيارة بتككر مع بداية الغيار
سألت عليه احد ميكانيكى فى توكيل و قال لى امشى عليه شوية و بعدين نبقى نصبح عليه
و أخيرا توكيل أخر فال لى انها ممكن تكون مشكلة جوانات لازم تتغير و نكشف على الفتيس

لذى ممكن تفدونى فى تكلفة الجوانات و ممكن اصلحلها فين

[casper_600]

روح للاسطى محمد زكى
متخصص صيانةالفتيس والبيجو راجل محترم وخبره في الزاويه الحمراء
كلمنى
01113070502