انثى تبحث عن عربية :')

[Reem_]

بصي يافندم مبدئيا نصيحة بلاش البيجو والصني -- فكري بقي في عربية اولا تكون عاجباكي شكلا الاول وبعدين تسالي عنها

لانك انت اللي هاتركبيها مش هاتشتريها عشان خاطر رأي الناس فيها لكن ممكن تفكري في اللانسر والالنترا

انا شايلة الصني من حسباتي من زمان
شكراً

[Reem_]

البيكانتو عربية كويسة للستات عموماً و أوبشنز الهاي لاين معقولة ... لو الميزانية أعلي من كدة شوفي سيات ابيزا مثلاً أو ريو هاتشباك أو ياريس ... الشارك تاني فئة برضه عربية لا غبار عليها و مفيهاش أي مشاكل غير العزل السئ !!!
ممكن برضه تشوفي بيجو 208 أو نيسان تيدا

ماروتي العربية الحريمي الاشهر

مبدئياً انا جيت سألتكو هنا عشان حكاية "العربية الحريمي" دي :)
انت عايزة عربية محترمة مش عربية حريمي والكلام اللي بتقولوه دة
البيكانتو استحالة افكر فيها شكلها لوحدة بيستفزني ، الميزانية ف حدود ١٥٠ وشكلي هبدأ افكر ف الشارك
شكراً ليكو

[Reem_]

لانسر شارك أو تويوتا يارس على حسب امكانياتك وأفضل من الريو والبيجو وكل الكلام دة كقطع غيار وإعادة بيع

الشارك مكتسحة

[Reem_]

في راي الشخصي
شوفي سوزوكي سياز الجديده
و بعديها اللانسر
و بعدين البيجو
و بعديهم الاكسنت او الريو

شكراً

[A.Saad]

فلوانس
سيراتو

[mmkamalh]

أستاذة ريم....
مع احترامى لأراء المشاركين و على حدود منا شايف ان بعضهم لا يمتلك الـ 301 و من الجائز انهم جربوها على نطاق ضيق او سمعوا عنها او ركبوها مع جد... الخ ، انا من ملاك العربية و عامل حوالى 18500 كم تقريباً، احب اطمن حضرتك ان العربية ممتازة و اعتمادية و قوية و فخمة و واسعة و عائلية... باعتبار استخدامى قاصى و معايا زوجتى و اولادى الاتنين...
انا ممكن اكلمك او اجاوب عن تفاصيل تقنية و فنية كتير لو حبيتى .. بس عشان اطمنك انا لسة التيل عندى كويس و التكيف هايل في عز الصيف...
تحت امرك و بالتوفيق

[J A G U A R]

شارك الفئه الثالثه ب 151 الف

[abdulkhaleq]

في راي الشخصي
شوفي سوزوكي سياز الجديده
و بعديها اللانسر
و بعدين البيجو
و بعديهم الاكسنت او الريو

السياز اختيار موفق كنت لسه داخل اقترحه
وبعدين هي ميزانيتها لحد 160
فممكن كمان نيسان سنرا فئه اولى
لسه شايفها امبارح في المعرض, ومافيش انتظار طويل للتسليم

[ENG.MaRk]

150000 يبقي كروز طبعاً و ديه موتور و شاسيه أسترا و عربية محترمة و شكلها حلو و كمالياتها كويسة !!!

[J A G U A R]

150000 يبقي كروز طبعاً و ديه موتور و شاسيه أسترا و عربية محترمة و شكلها حلو و كمالياتها كويسة !!!

الكروز اختيار ممتاز
بس رجالى اوى

عمرك شوفت بنت راكبه كروز !!
انا شوفت مره واحده

[Ahmed Tarek 00]

لانسر شارك جميلة الجميلاااااااات

[م أحمد]

لانسر شارك جميلة الجميلاااااااات

مش شارك برضه يعنى سمكة القرش !!!

الفك المفترس !!!

[Reem_]

الكروز اختيار ممتاز
بس رجالى اوى

عمرك شوفت بنت راكبه كروز !!
انا شوفت مره واحده

طب اية العنصرية دي بس :') ا

[Reem_]

أستاذة ريم....
مع احترامى لأراء المشاركين و على حدود منا شايف ان بعضهم لا يمتلك الـ 301 و من الجائز انهم جربوها على نطاق ضيق او سمعوا عنها او ركبوها مع جد... الخ ، انا من ملاك العربية و عامل حوالى 18500 كم تقريباً، احب اطمن حضرتك ان العربية ممتازة و اعتمادية و قوية و فخمة و واسعة و عائلية... باعتبار استخدامى قاصى و معايا زوجتى و اولادى الاتنين...
انا ممكن اكلمك او اجاوب عن تفاصيل تقنية و فنية كتير لو حبيتى .. بس عشان اطمنك انا لسة التيل عندى كويس و التكيف هايل في عز الصيف...
تحت امرك و بالتوفيق

كنت مستنية حد من ملاك العربية يرد والله ..
ممكن حضرتك توضح عربيتك ٢٠١٤ ولا ٢٠١٥؟ وانهي فئة وقابلتك مشكلة مع التوكيل ف الصيانة وكدة وياريت لو توضح بتروح انهي فرع لان في كذا حد قال ان في مشاكل ف فروع معينة :) وفي مشكلة ف ثبات العربية فعلاً؟
شكراً لاهتمام حضرتك

[J A G U A R]

طب اية العنصرية دي بس :') ا

ههههههه مفيش عنصريه ولا حاجه
بس دى حقيقه فعلا