انثى تبحث عن عربية :')

[Mecha]

طب اية العنصرية دي بس :') ا

مهو عنوان الموضوع السبب (انثي تبحث عن عربيه) ,يعني مطلوب عربيه اناتي ,سهلة القيادة صغيرة الحجم رخيصه ,والا كنا هنوصي بجيب رنجلر مانيوال او شيفروليه دبابة او كايوجا مش توتي ماروتي هههههه

[mmkamalh]

كنت مستنية حد من ملاك العربية يرد والله ..
ممكن حضرتك توضح عربيتك ٢٠١٤ ولا ٢٠١٥؟ وانهي فئة وقابلتك مشكلة مع التوكيل ف الصيانة وكدة وياريت لو توضح بتروح انهي فرع لان في كذا حد قال ان في مشاكل ف فروع معينة :) وفي مشكلة ف ثبات العربية فعلاً؟
شكراً لاهتمام حضرتك

انا عربيتي ٢٠١٥ هاي لاين
التوكيل لحد الآن كويس نسبيا ً مش سيئ ولا ممتاز.. انا بروح غمرة و رحت مرة ابو رواش و صلاح سالم، انا اتعملت معاهم فى حادث و صيانة استثنائية بالاضافة للصيانة الدورية... فى الحادث كان بسيط كان تغير مراية شمال و رش باب امامي شمال و كان شغلهم كويس... الصيانة الاستثنائية كانت برجلة فى العربية و اداء سيئ جدا فجاءه و كان السبب بنزين مغشوش مخلوط بسولار.. و كان تشخصهم فى المشكلة سريع و جيد و منطقى عشان مرت عليهم المشكلة كذا مرة قبل كده فكونوا خبرة... و العربية اتظبطت بعد تغير البنزين و فلتر و طقم بوجيهات و دلؤت بمون فقط من وطنية او امارات بس... الصيانة الدورية عادية جدا مفهاش حلو و وحش بالنسبالي غير تحديثات السوفت وير.. التحديث الاخير هايل بصراحة حسن اداء العربية كتير عن الاول... الميزة فى رأيي ان بيجو فرنسا متابعة كويس عشان التحديث الاخير كان نتيجة تفاعل و شكوي من الاداء العربية فى مواقف مُعينة.. و ده حاجة تطمن ان في حد بيسمع و يحل لما التوكيل يحتاس.. الاداء العام للعربية بعد تحديث السوفت وير الاخير اكتر من ممتاز بأمانة.. اما عن الثبات فى تقييمي هو جيد جيدا بالنسبة لنوع تعليق العربية "تورشن بيم" و ده النوع الاقتصادي فى العربيات الحديثة، و الاحسن قطعا هو "الملتي لينك" لكن بيفرق في سعر العربية كتير و هو مش متوفر لل ٣٠١ لكن على اي حال انا جبت بالعربية ١٨٠ كم/س كتير و العربية كانت ماسكة نفسها كويس و اخدت غرز على ١٤٠ تقريبا و العربية ممسوكة كويس... بس متقرنيهاش بعربية مالتي لينك عشان اكيد المالتي لينك افضل بكتير...

[horas3000]

السياز اختيار موفق كنت لسه داخل اقترحه
وبعدين هي ميزانيتها لحد 160
فممكن كمان نيسان سنرا فئه اولى
لسه شايفها امبارح في المعرض, ومافيش انتظار طويل للتسليم

السياز في راي تتفوق علي كل ما تم اقتراحه في انها
- حجمها كويس ل "انثي" و خصوصا في مصر
- بالتناقض مع حجمها الخارجي حجمها الداخلي حلو جدا جدا و اكاد اجزم انها اوسع من كل اللي تم طرح اسمه
- عوامل الامان الاساسيه متوفره و ده ميزه كبيره جدا جدا
-مواصفاتها كويسه جدا علي سعرها

يعيبها بقي انها جديده و لسه مش متجربه كويس و ده هيخلي توفر قطع غيارها ياخد وقت و توكيلها عليه علامات استفهام و ادائه مش ثابت

[mbx4e]

ايه رايك في نيسان جوك كسر الزيرو وتستلميها في التوكيل بعد الكشف بس عربيه حكايه وفي الرينج 150