سؤال لمالكي ال406

[FAR!D]

هل فيه في موديلات 2004 عربيات نزلت بفتحه سقف؟

[م أحمد]

فى ناس معاها قبل 2004 كمان و بفتحة سقف

تقريبا كان موديل 2000 او 2002

هى نزلت متنفضة من شوية كماليات زى فتحة السقف و مثبت السرعة و ال gps و الكراسى الميمورى بسخانتها و كل دا فى كتالوج العربية و لقيت واحد مزود كل دا ماعدا ال gps

يعنى لو تقصد هو حافر السقف ......لأ

[FAR!D]

انا قصدي على موديلات 2004 و ما بعدها هل نزلت بفتحه سقف فابريكا ؟؟

[FAR!D]

لا جديد ؟؟

[م أحمد]

طيب انت بتدور على حاجة بفتحة سقف فى السنين دى

و لا ادامك حاجة فعلا و شاكك فيها

متهيالى والله اعلم شفت حاجة زى كدة موديل 2006

[FAR!D]

بسأل عشان العربيه ديه معجب بيها و ناوي عليها بأذن الله بس نفسي اركبها بفتحه سقف عشان كده بستفسر

[م أحمد]

لو نويت يبقى ان شاء الله لازم تكون حالة

[khaled_sabry]

بسأل عشان العربيه ديه معجب بيها و ناوي عليها بأذن الله بس نفسي اركبها بفتحه سقف عشان كده بستفسر

دورلى معاك - و مش مهم اوى بالنسبالى فتحه السقف

لو نويت يبقى ان شاء الله لازم تكون حالة

انا استقريت عليها خلاص و سبتنى من BMW
تنصح بمركز ايه للفحص قبل الشراء بعد طبعا مركز احمد عماره

[م أحمد]

دورلى معاك - و مش مهم اوى بالنسبالى فتحه السقف

انا استقريت عليها خلاص و سبتنى من BMW
تنصح بمركز ايه للفحص قبل الشراء بعد طبعا مركز احمد عماره

شوف العربية انت الاول و افحصها الفحص الظاهرى العادى
سمكرة و بوية جاهزين و لا فيها شغل
حالة الكاوتش
حالة الصالون ...قماش و لا جلد...الباكتات و الجرايد على العتب و الابواب
الكماليات شغالة و لا لأ (مرايات ضم-و تعتيمو الفوجات-المالتى فانكشن-السى دى و الكاسيت و حساس النور-التكييف-انوار الصالون و ووحدات الرفع)
العربية ماشية بسلاسة و لا فى نتشات فى جميع الغيارات و يا سلام لو snow mode و تطلع على التانى
لف الدركسيون يمين و شمال و انت ماشى و شوف الكبالن
العربية مكفية و لا السوست قوية والمساعدين تمام و لا العربية بتلعب
الكشافات شغالة و لا لأ
العدادات شغالة و لا لأ
اماكن ربط الكشافات سليمة و لا متكسرة (مش شرط لانه ممكن يكون مغير بكشاف جديد)
فى نسخة واحدة من المفتاح الريموت و لا اتنين (تمن النسخة الريموت 600 جنيه و فى التوكيل ب900 ) و بشتغلو مع كل الابوبا و الشنطة " آور نوت"
العربية متهانة و لا محترمة بشكل عام
الخ

عجبك الموضوع يبقى كدة 50 % من الشغل خلص

لازم كشف الكمبيوتر يبقى ببرنامج البيجو و الستروين (بيجوبلانت- ليكزيا-واحد تالت نش فاكره)مش اى ورشة بتاعة كله وبرنامج لكله ...ممكن تطلع عل التوكيل فى غمرة ب 270 جنيه و تطلب منه يعرف لك العربية ممكن يكون اتلعب فى العداد و لا لأ ...لان حتى المرسيدس بقو يلعبو فيه

و بالتوفيق ان شاء الله

[FAR!D]

شوف العربية انت الاول و افحصها الفحص الظاهرى العادى
سمكرة و بوية جاهزين و لا فيها شغل
حالة الكاوتش
حالة الصالون ...قماش و لا جلد...الباكتات و الجرايد على العتب و الابواب
الكماليات شغالة و لا لأ (مرايات ضم-و تعتيمو الفوجات-المالتى فانكشن-السى دى و الكاسيت و حساس النور-التكييف-انوار الصالون و ووحدات الرفع)
العربية ماشية بسلاسة و لا فى نتشات فى جميع الغيارات و يا سلام لو snow mode و تطلع على التانى
لف الدركسيون يمين و شمال و انت ماشى و شوف الكبالن
العربية مكفية و لا السوست قوية والمساعدين تمام و لا العربية بتلعب
الكشافات شغالة و لا لأ
العدادات شغالة و لا لأ
اماكن ربط الكشافات سليمة و لا متكسرة (مش شرط لانه ممكن يكون مغير بكشاف جديد)
فى نسخة واحدة من المفتاح الريموت و لا اتنين (تمن النسخة الريموت 600 جنيه و فى التوكيل ب900 ) و بشتغلو مع كل الابوبا و الشنطة " آور نوت"
العربية متهانة و لا محترمة بشكل عام
الخ

عجبك الموضوع يبقى كدة 50 % من الشغل خلص

لازم كشف الكمبيوتر يبقى ببرنامج البيجو و الستروين (بيجوبلانت- ليكزيا-واحد تالت نش فاكره)مش اى ورشة بتاعة كله وبرنامج لكله ...ممكن تطلع عل التوكيل فى غمرة ب 270 جنيه و تطلب منه يعرف لك العربية ممكن يكون اتلعب فى العداد و لا لأ ...لان حتى المرسيدس بقو يلعبو فيه

و بالتوفيق ان شاء الله

شكرا جدا يا بشمهندس

[khaled_sabry]

هو ايه الفرق فى الكماليات بين موديلات 2003 و 2004-2006 ؟؟

[م أحمد]

سيارات مستعملة | بيجو | 406 | 2000 سي سي | موديل سنة 2005 - ContactCars.com

[khaled_sabry]

سيارات مستعملة | بيجو | 406 | 2000 سي سي | موديل سنة 2005 - ContactCars.com

الف شكر يافندم
انا الناهرده شوفت واحده 2006 وعجبتنى بصراحه

الاعلان ده اللى حضرتك منزله اتصلت بيه الناهرده برضه و كلمته - حسيت انه تاجر
لأنه فى الاول لما قولتله اعدى اشوف العربيه امتى قالى فى اى وقت بس اتصل قبلها بساعه !!!
شكيت بصراحه لان لو واحد عادى حيقولى تعالى من الساعه كذا لكذا بعد معاد الشغل
هو شك بسيط بس حطيته جنب شك تانى ان مش معقول عربيه بقالها 10 سنين و عامله 47000 كم فقط الا لو كانت مرفوعه او ملعوب فى عدادها
فعلشان اتأكد قومت عملت بحث بالميل اللى مكتوب فى الاعلان و لاقيته منزل اكتر من عربيه مستعمله و برضه بعدد كيلوهات قليل لايتناسب مع موديل العربيه
و بالتالى اعتقد انه تاجر و حترف لعب فى العدادات لاكتر من ماركه

اتمنى انى ماكونشى ظالمه و يحسنله بيعها لو ماكنشى فيها غش

بالمناسبه - العربيه اللى شوفتها و عجبتنى كان غطاء سره الكاوتش الامامى (اللى عليه رسمه اسد بيجو) كانت واقعه - مش كده المفروض يدخل تراب على بلى العجل و لا مش فارقه ؟
سؤال كمان معلشى : بفرض ان صاحب العربيه كان عنده نسخه ثالثه من المفتاح و مخبى فى العربيه GPS Tracker ايه اللى يمنع انه يجي و ياخد العربيه تانى و انا مش حاسس ؟؟ هل فيه طريقه انى اعطل اى نسخه من المفتايح غير اللى معايا (طبعا انتو عارفين ان المفتاح مشفر)

[م أحمد]

فعلا الكيلو متر دا لو حقيقى مش اقل من 20 باكو زيادة
و استغربت برضه من موضوع 8 ايرباج !!! شكله مش عارف العربية

مش عارف موضوع اللوجو دا

بس موضوع ال gps دا لوحطيته فى دماغك مش هتشترى عربية و ما يعملش كدة الا حرامى مش واحد صاحب عربية

خلاص ---اعمله انت كمان tracker و لا يفل الحديد الا الحديد----هو ياخدها و انت تجيبها ههههههه

[khaled_sabry]

انا لسه جايب العربيه من الجيزه لغايه تحت البيت فى القاهره الجديده
و كنت مرعوب فى الاول لإن اول مره فى حياتى اسوق اوتوماتيك
الحاجه الوحيده اللى لاحظتها هى ان الدريكسون بيحدف شمال حاجه بسيطه - هل ده عيب فى الباور و لا عاوزه ظبط زوايا و خلاص ؟
و مش عارف ازاى افتح تانك البنزين - انا لاقيت الدراع بتاعه و بشده لفوق و مابيفتحشى معايا
و انا عاوز اركبلها انذار - هل اركبلها عند اى حد بتاع انذارات و لا لازم فى مركز معتمد ؟؟؟