سؤال لمالكي ال406

[khaled_sabry]

و دراع المطر برضه فى وضع اوتوماتيك يشغل المساحات اول ما المياه تقع عليها !

عندك برضه اللكنبة الورانية ليها مقبضين حمر ممكن تقلبها و تفتح الريسبشن على المطبخ....قصدى يعنى الصالون على الشنطة

و فيه مكان دخول على الشنطة من داخل الصالون

وضع 1 يبقى أعلى غيار توصل له العربية الاول و دا اعلى عزم علشان فى مطلع تمنعها تجيب التانى و تقدر تكمل

وضع 2 يبقى أعلى غيار التانى ووضع 3 يبقى اعلى غيار الثالث و دا مفيد فى حالة العواصف علشان لو مشيت على الرابع فى عاصفة العربية هتحلق بعيدا و برضه لو العربية جابت فتيس

ال * دا للقيادة على الارض الزلقة

الS للقيادة الرياضية

بس ايه Economic mode activated دى ؟

اكتشفت اخيرا ايه Economic mode activated
كنت امبارح قاعد فى العربيه مستنى المدام اللى طلعت عند اختها - الست هانم سابتنى ملطوع فى العربيه ساعه و تلت تقريبا
كنت فى خلال الفتره دى عامل المفتاح على اول تكه و مشغل الراديو
بعد مده على الوضع ده لاقيت الرساله دى Economy mode activated طلعلتى تانى
و بعد كده الراديو فصل
و المره دى متأكد ان زياد مادسشى على حاجه لانى كان نايم
فإستنتاجى ان ده نظام للحفاظ على البطاريه و بيفصل اى حاجه متوصله عليها بعد مده زمنيه طويله لحسن تكون ناسيها و لا حاجه

[FAR!D]

معاك الكتالوج بتعاها ياخالد ؟؟

[khaled_sabry]

معاك الكتالوج بتعاها ياخالد ؟؟

الكتالوج الاصلى بتاعها مش معايا
لكن دورت على النت و جبت كتالوج بتاع موديل 2002 و ماشى الحال
رفعتهولك تانى اهه
406 handbook - Download - 4shared

[FAR!D]

الكتالوج الاصلى بتاعها مش معايا
لكن دورت على النت و جبت كتالوج بتاع موديل 2002 و ماشى الحال
رفعتهولك تانى اهه
406 handbook - download - 4shared

عندي 2003

[FAR!D]

كتالوج 2003

https://drive.google.com/file/d/0BxIx2I1Pj4QQRmZXYjAyaFh4cjA/view?usp=sharing

[ali_elwakeel]

الجيربوكس اخبارة ايه اخبار الرزعه اللى فى الجيربوكس مع الطلعة و بين الغيارات

على فكرة دة عيب شائع فى ال 406 و دة عيب من المصنع و احتار فى الاطبا

انما كعربية فى المجمل ممتازه

[khaled_sabry]

الجيربوكس اخبارة ايه اخبار الرزعه اللى فى الجيربوكس مع الطلعة و بين الغيارات

على فكرة دة عيب شائع فى ال 406 و دة عيب من المصنع و احتار فى الاطبا

انما كعربية فى المجمل ممتازه

هى ماكنتشى رزعه هى كانت نشه خفيفه
و طلع سببها ان البوجيهات كانت مرطبه لانى لما روحت التوكيل غيرت البوجيهات و الفلاتر و بعد كده لاقيت النتشه دى راحت
بس للاسف اكتشفت ان الموتور خفيف شويه و بعد شويه ححتاج طقم شنبر

[م أحمد]

الجيربوكس اخبارة ايه اخبار الرزعه اللى فى الجيربوكس مع الطلعة و بين الغيارات

على فكرة دة عيب شائع فى ال 406 و دة عيب من المصنع و احتار فى الاطبا

انما كعربية فى المجمل ممتازه

الموضوع دا فعلا كان فى الموديلات القديمة ما قبل 2003 و له حل

إما بتسقيط فتيس الموديلات الجديدة

أو بتركيب 2 فالف ب 900 جنيه و عمل software update

و إن شاء الله هكتب عن الموضوع دا بتفصيل شوية

[ali_elwakeel]

شنبر بسيطوة ان شاء الله الموضوع مش صعب و ياخدلة يومين شغل لو حاجتك جاهزة عن ميكانيكى بيفهم

انما الاسعار مش هقدر افيدك لكن حاجاتها غالية شويتين و دة عادى فى الفرنساوى

[khaled_sabry]

انا و انا بقرى فى الكتالوج لاقيت فيها نافيجاتور بس بيشتغل بالريموت
و طبعا انا مش معايا الريموت بتاعها
هل اساسا العربيات اللى نزلت مصر كان فيها النافيجاتور ده ؟؟ وهل ممكن اشترى الريموت ده لوحده و منين و بكام ؟

[تامر.محمد]

انا و انا بقرى فى الكتالوج لاقيت فيها نافيجاتور بس بيشتغل بالريموت
و طبعا انا مش معايا الريموت بتاعها
هل اساسا العربيات اللى نزلت مصر كان فيها النافيجاتور ده ؟؟ وهل ممكن اشترى الريموت ده لوحده و منين و بكام ؟

انا ما شفتش اي صورة لتابلوه ال406 فيها كاسيت بشاشة خالص !!

[khaled_sabry]

انا ما شفتش اي صورة لتابلوه ال406 فيها كاسيت بشاشة خالص !!

بيانات الكاسيت بتطلع على شاشه الكمبيوتر اللى فى النص من فوق
الريموت اللى بقول عليه مش للكاسيت بس
هو فائدته المفروض تشغيل النافيجاتور Navigator (زى ال GPS بتاعنا بس من غير خريطه يقولك فقط امشى يمين و شمال و حتلاقى ملف بعد 100 متر و كده ) و مش مكتوب اى طريقه تقدر تشغل بيها النافيجاتور ده غير من خلال الريموت ده

[م أحمد]

in egypt

انا و انا بقرى فى الكتالوج لاقيت فيها نافيجاتور بس بيشتغل بالريموت
و طبعا انا مش معايا الريموت بتاعها
هل اساسا العربيات اللى نزلت مصر كان فيها النافيجاتور ده ؟؟ وهل ممكن اشترى الريموت ده لوحده و منين و بكام ؟

يا باشا اللى كان معاه عدة تليفون ب gps كان لازم ياخد ترخيص لغاية كام سنة فاتو
وعربيات موديل السنة مستنية تصريحه حتى هذه الايام
اشك ان اتوافق على الموضوع دا خصوصا ان مكتوب فى الكتالوج لازم يكون معاك سى دى للبلد من مرتضى...قصدى من وجيه
على العموم دوس فى الموضوع و احنا معاك

[khaled_sabry]

يا باشا اللى كان معاه عدة تليفون ب gps كان لازم ياخد ترخيص لغاية كام سنة فاتو
وعربيات موديل السنة مستنية تصريحه حتى هذه الايام
اشك ان اتوافق على الموضوع دا خصوصا ان مكتوب فى الكتالوج لازم يكون معاك سى دى للبلد من مرتضى...قصدى من وجيه
على العموم دوس فى الموضوع و احنا معاك

ياعم ادوس ايه الواحد مش ناقص شبهه

[khaled_sabry]

سؤال كده بسيط محرج اسأله
عندى بسمع صوت زنه كهربيه كده فى الصالون (كأنك مشغل الراديو و مش ظابطه على محطه)
الزنه دى بتبقى خفيفه اوى لدرجه انى مش بسمعها غير و انا واقف بالعربيه و قافل الزجاج و بتبقى واضحه الى حد ما اول لما بشغل العربيه الصبح بعد كده بتقل الى حد كبير بس بتبقى موجوده
اكتشفت بعد كده ان الزنه دى طالعه من فتحه شببه فتحت السماعه جنب لمبه الصالون اللى فوق المرايه
انا دورت فى الكتالوج بتاعها لكن مش كاتب اى حاجه عن فائده السماعه دى