معلومات عن بيجو 308 موديل 2015

[densfog]

السلام عليكم

انا شوفت ال 308 الجديده فى اوتوماك وبصراحه عربيه رائعه و امكاناتها بالنسبه لسعرها رائعه ..

1- موتور 1600 تربو 163 حصان و عزم 240 و السرعه القصوى 250كم !!!!! .. تعمل بامان تام مع بنزين 92 كما مكتوب على البروشور ...

2- تسارع رااائع دورت على الرقم فى النت ولقيته حوالى 7.7 ثانيه

3- التحكم فى كل وظائف السياره عن طريق شاشه تاتش كبيره حوالى 8 بوصه

4- سقف بانوراما بالكامل .. بس الازاز مبيتفتحش

5- وسع داخلى كويس ... يعيبها فقط صغر الشنطه ... بالرغم من انهم بيقولوا انها 470 لتر بس مش حاسس بكده .. يمكن علشان الاستبن بتاعها جنط بالحجم الكامل زى اللى متركب .. فده رافع ارضيه الشنطه

6- تشكيله انظمه امان و فرامل بكل الحروف الهجائيه الانجليزيه ... ABS EBD ESP ASR AFU CDS ... ست وسائد هوائيه ... كنت شوفت فى فيديوهات اجنبيه امكانيه انها تقلل من سرعتها لو قربت من اى عائق ... مش عرف موجود عندنا ولا ﻷ

7- تكييف ثنائي .. مثبت و محدد سرعه .. حساسات ركن اماميه و خلفيه ... مالتى فانكشن ... زجاج معتم فرامل يد اليكترونيه ... فوانيس اشاره بالمرايات ... مرايات كهربا و ضم كهربا ... حساسات مطر و اضائه .. ثلاجه ...

8- فرش قماش

9- فيه فئه تانيه كانت موجوده فى المعرض وهى ال GT .. والفروق بينهم شكليه فقط .. على ما اتذكر فرش جلد .. اكصدام خلفى بفتحتي عادم .. عتب جانبى سبور ..

10- يعر العاديه 235 الف .. اما ال GT .. فلم يستقر على سعرها بعد .. اتوقع انها تبقى اغلى بحوالى 15 او 20 الف

يتبقى بعض المعلومات اللى اتمنى الاقى عنها اجابات عند حضراتكم :

هو الموتور ده هو موتور ال 508 ؟؟ .. القديم ولا الجديد ؟؟

حد يعرف علو العربيه عن الارض اد ايه ؟؟؟ ... ياريت تبقى زى ال 508 .. ﻷن من اراء حضراتكم ان غلوها كويس جدا

محدش يعرف فيها سيستم عرض ضغط الاطارات ولا ﻷ ؟


عربيه ممتازه من وجهه نظرى .. استغربت لما ملقيتش مواضيع عنها فى القسم هنا .. و كمان مشوفتهاش فى الشارع

View image: 20150317 115350

View image: 20150317 115355


View image: a XNB9 VBN317 T9 JXar Jdb VCCU


View image: b J3y8 R5 X0 Sfd10 DLe2 Xff Fha


View image: 2 BRHe0h CL3 R6 Hg YYy JAe SNf8


View image: 2f LRYMBVBYNC638 P1e E6 KTD7

View image: AFd LSb MH4 Y0ee FACD7 CKJb3d


View image: WRRAXd NSCy YU63 JCLVa9 N0d B

وده فيديو عن السياره ... بالتركى

https://m.youtube.com/watch?v=AMvdMpdWqlc

[Falcon.Crest]

PEUGEOT 308 - 5 doors - 2013, 2014, 2015 - autoevolution

Ground Clearance 4.3 Inches = 10.9 CM

[densfog]

شكرا على اللينك ياباشا ... بس لو الكلام عن ground clearence صح .. تبقى متنفعش خالص ... دول بيقولوا انها 10سم و كسر .. يعنى واطيه جدا ... و مسئول المبيعات قالى انها حوالى 145 مم.. اللى هتبقى يدوبك

[Falcon.Crest]

شكرا على اللينك ياباشا ... بس لو الكلام عن ground clearence صح .. تبقى متنفعش خالص ... دول بيقولوا انها 10سم و كسر .. يعنى واطيه جدا ... و مسئول المبيعات قالى انها حوالى 145 مم.. اللى هتبقى يدوبك

اسلام باشا يمكن الي بتنزل مصر حاجه تانيه
اتاكد برده

[densfog]

اسلام باشا يمكن الي بتنزل مصر حاجه تانيه
اتاكد برده

تمام يا باشا ... دايما نستفيد من خبراتك الرائعه بجد فى العربيات .. شخصيه محترمه و خدومه ... جزاك الله كل خير

[densfog]

بصراحه فى المعرض برضه .. كانت الرائعه الالفا روميو الجوليتا .. وهم بصراحه ... بس مازال موضوع الوكيل مش عارف مستواه ايه خاصه مع عربيه اكيد هتبقى نادره

[bigwarrior]

مش عارف المعلومات عن ال 308 الجديده قليله ليه
كنت عاوز اعرف ارتفعها عن الارض علشان المطبات
هل فيها وحدة رفع للازاز
هل فيها مشكله مع بنزين 92

[densfog]

مش عارف المعلومات عن ال 308 الجديده قليله ليه
كنت عاوز اعرف ارتفعها عن الارض علشان المطبات
هل فيها وحدة رفع للازاز
هل فيها مشكله مع بنزين 92

انا برضه اهم حاجه عندى ارتفاع العربيه ... بالنسبه للنت شوفت 11 سم و كسر ... وفى موقع تانى شوفت 13 سم ... بس لما سألت اتنين من المبيعات فى مرتين مختلفتين .. قالولى 145 مم .. لو كده يبقى من رأيي كويس

وحده الرفع معرفش

مكتوب على اول صفحه فى البروشور بتاعها اللى موجود فى الموضوع .. تعمل بأمان تام مع بنزين 92 ... والعهده على الراوى

[Mohab.Nabil]

فعلا حاجه عجيبه ان محدش بيتكلم عم العربة ديه خالص

انا خارج مصر حاليا و العربية ارتفاعها عن الارض مش عالي بس يمكن في مصر يكونوا معدلين فبها الله اعلم .. محتاجه حد يشوفها علي الطبيعه في مصر و يقولنا

بالنسبة لوحدة الرفع اظن بنسبة كبيرة هتبقي موجودة .. كان معايا سى فور 2006 و كانت فيها فطبيعى انها هتبقي موجودة في ديه برضه

انا سمعت ان العربية بتنزل مصر بفاميه علي الزجاج الخلفي بس من غير الشباكين اللي ورا .. هل الكلام ده صحيح ؟ .. و لو صح مش غريبة شوية ؟

و هل كده العربية ديه احسن عربية هاتشباك في الفئة السعرية دبه و لا فيه اختيارات ممكن تبقي احسن منها ؟

[densfog]

فعلا حاجه عجيبه ان محدش بيتكلم عم العربة ديه خالص

انا خارج مصر حاليا و العربية ارتفاعها عن الارض مش عالي بس يمكن في مصر يكونوا معدلين فبها الله اعلم .. محتاجه حد يشوفها علي الطبيعه في مصر و يقولنا

بالنسبة لوحدة الرفع اظن بنسبة كبيرة هتبقي موجودة .. كان معايا سى فور 2006 و كانت فيها فطبيعى انها هتبقي موجودة في ديه برضه

انا سمعت ان العربية بتنزل مصر بفاميه علي الزجاج الخلفي بس من غير الشباكين اللي ورا .. هل الكلام ده صحيح ؟ .. و لو صح مش غريبة شوية ؟

و هل كده العربية ديه احسن عربية هاتشباك في الفئة السعرية دبه و لا فيه اختيارات ممكن تبقي احسن منها ؟

اهلا بيك فى الموضوع ياباشا ... انا ياما استفدت من ردودك فى قسم ستروين ...

بالنسبه لوحدات الرفع معنديش معلومه عنها ... بالنسبه لنقطه الفيميه الخلفى بس .. انا مصور فيديو من معرض اوتوماك راجعته لقيت فعلا الزجاج الخلفى فقط ..... لكن فى نسخه ال gt .. موجوده كمان على ازاز الابواب الخلفيه ... وبالمره الفروقات ما بين العاديه و ال gt ...
فيميه .... 8 وسائد بدل 6 .. كاميرا ... جى بى اس متفعل فى مصر .. ستارت ستوب ... فرش جلد .. اكصدامات معدله ( الخلفى بفتحتى عادم ) و كمان عتب للجوانب
بس لسه لحد دلوقتى محددوش هتنزل ولا ﻷ ... ولو نزلت هتبقى بكام ... وهل هتنزل بالموتور العادى ال 156 حصان .. ولا ال 205 حصان

بصراحه انا من وجهه نظرى هيا رائعه بالنسبه لسعرها لو اعتبرنا اعتماديتها زى ال 508 اللى أصحابها بيشكروا فيها ... واللى ممكن تنافسها السيتروين ال ds4 .. بس ال 308 تتفوق فى الشاشه ويمكن الوسع الداخلى ... اما بالنسبه للموتور مش عارف بصراحه

انا كنت ومازلت بفكر فى ال ds5 الهاى لاين ... بس لما شوفت العربيه دى و موتورها و تجهيزاتها و فرق السعر الرهيب بدأت تزغلل عينى ... وخاصه لو نزلت ال gt بسعر معقول .. 260 الف مثلا ... وده ميمنعش ان ال ds5 ليها مميزات زى الوسع الداخلى الرائع و والشكل الداخلى و الخارجى الثوريين ... بس توافر قطع الغيار ممكن يلعب لعبته

كمان فى فئه ال 290 ... الالفا روميو الجوليتا اللى بسقف بانوراما و فرش جلد ... امكاناتها جميله جدا .. والنتريور بتاعها رائع .. والغريب اسعار قطع غيارها لما اتصلت بوكيلها كان كويس ... بس المشكله وكيل جديد مع عربيه نادره وملهاش مسمار بره التوكيل

الأودى a3 رائعه ... بس مشكلتى معاها لما عرفت انها واطيه على الارض .. حوالى 11 سم

عامه من هنا لشهر 7 او 8 ان شاء الله اكون اخترت من بينهم

[Mohab.Nabil]

اهلا بيك فى الموضوع ياباشا ... انا ياما استفدت من ردودك فى قسم ستروين ...

بالنسبه لوحدات الرفع معنديش معلومه عنها ... بالنسبه لنقطه الفيميه الخلفى بس .. انا مصور فيديو من معرض اوتوماك راجعته لقيت فعلا الزجاج الخلفى فقط ..... لكن فى نسخه ال gt .. موجوده كمان على ازاز الابواب الخلفيه ... وبالمره الفروقات ما بين العاديه و ال gt ...
فيميه .... 8 وسائد بدل 6 .. كاميرا ... جى بى اس متفعل فى مصر .. ستارت ستوب ... فرش جلد .. اكصدامات معدله ( الخلفى بفتحتى عادم ) و كمان عتب للجوانب
بس لسه لحد دلوقتى محددوش هتنزل ولا ﻷ ... ولو نزلت هتبقى بكام ... وهل هتنزل بالموتور العادى ال 156 حصان .. ولا ال 205 حصان

بصراحه انا من وجهه نظرى هيا رائعه بالنسبه لسعرها لو اعتبرنا اعتماديتها زى ال 508 اللى أصحابها بيشكروا فيها ... واللى ممكن تنافسها السيتروين ال ds4 .. بس ال 308 تتفوق فى الشاشه ويمكن الوسع الداخلى ... اما بالنسبه للموتور مش عارف بصراحه

انا كنت ومازلت بفكر فى ال ds5 الهاى لاين ... بس لما شوفت العربيه دى و موتورها و تجهيزاتها و فرق السعر الرهيب بدأت تزغلل عينى ... وخاصه لو نزلت ال gt بسعر معقول .. 260 الف مثلا ... وده ميمنعش ان ال ds5 ليها مميزات زى الوسع الداخلى الرائع و والشكل الداخلى و الخارجى الثوريين ... بس توافر قطع الغيار ممكن يلعب لعبته

كمان فى فئه ال 290 ... الالفا روميو الجوليتا اللى بسقف بانوراما و فرش جلد ... امكاناتها جميله جدا .. والنتريور بتاعها رائع .. والغريب اسعار قطع غيارها لما اتصلت بوكيلها كان كويس ... بس المشكله وكيل جديد مع عربيه نادره وملهاش مسمار بره التوكيل

الأودى a3 رائعه ... بس مشكلتى معاها لما عرفت انها واطيه على الارض .. حوالى 11 سم

عامه من هنا لشهر 7 او 8 ان شاء الله اكون اخترت من بينهم

الله يخليك ، و الله الواحد وحشته الستروين و الحمد لله انك استفدت من الردود .. و دا شرف ليا يا باشا

وحدات الرفع ان شاء الله تبقى موجودة لأن طبيعى انهم بيتقدموا مش بيتأخروا و الكلام ده كان موجود فى 2006 فأظن ان هيبقى فيها خصوصا ان التوكيل جايب الـ allure اللى هى تعتبر اعلى فئة تحت الـ GT

انا اللى وصلى ان الـ GT مش هتنزل و الله اعلم و انها كانت عربية واحدة للعرض بس و مش هيجيبوها تانى ، موضوع الازاز ده غريب اوى انا ديه اول عربية اشوفها تنزل بالازاز اللى ورا بس و لو الـ GT نزلت اظن هينزل الـ kit بس مش الموتور لأنها كده هتعدى الـ 300 مستريح و اظن التوكيل مش هيخاطر بكده و الموتور الـ 156 انا شايفه حلو اوى و كفاية عليها مفروض العربية تبقى طيارة لو 7.7 فعلا فالعربية هتبقى من اقوى العربيات فى مصر فى الفئة ديه

بصراحة توكيل بيجو لعبها صح و انا مع ان قلبى مع ستروين بس بصراحة الـ 308 تكسب فى كل حاجة الا الشكل الخارجى و ديه فى الاول و الاخر اذواق يعنى مش نقطة تحسب لستروين كمان لأنها متغيرة من شخص للتانى

الـ ds5 مكوك فضائى بصراحة بس انا شفت موضوع فى قسم ستروين عن العضو اللى معانا و معاه العربية و اسعار قطع الغيار واضح انها غالية و التوكيل مطلع عينه كمان للأسف عز العرب مش راضى يتحسن ..

الجوليتا ديه موضوع لوحدها بس مشكلتها فعلا فى قطع الغيار و كمان اعادة البيع .. اظن ان بيعها هيبقى صعب جدا بعد كده ده طبعا غير الخسارة الكبيرة الاكيدة فى سعر اعادة البيع انما هى كعربية لا خلاف عليها و انها افضل من الـ 308

الاودى برضه جميلة جدا بس الفتيس الـ S-TRONIC ابن عم الـ DSG و انا مبقتش ارتاح لأى حاجة منهم بصراحة و الواحد مش هيشترى عربية بحوالى ربع مليون عشان يبقى قلقان على الفتيس بتاعها

بالتوفيق يا باشا و ان شاء الله ربنا يخترلك الاحسن فيهم و ربنا يباركلك فى العروسة الجديدة ان شاء الله

[densfog]

الله يخليك ، و الله الواحد وحشته الستروين و الحمد لله انك استفدت من الردود .. و دا شرف ليا يا باشا

وحدات الرفع ان شاء الله تبقى موجودة لأن طبيعى انهم بيتقدموا مش بيتأخروا و الكلام ده كان موجود فى 2006 فأظن ان هيبقى فيها خصوصا ان التوكيل جايب الـ allure اللى هى تعتبر اعلى فئة تحت الـ GT

انا اللى وصلى ان الـ GT مش هتنزل و الله اعلم و انها كانت عربية واحدة للعرض بس و مش هيجيبوها تانى ، موضوع الازاز ده غريب اوى انا ديه اول عربية اشوفها تنزل بالازاز اللى ورا بس و لو الـ GT نزلت اظن هينزل الـ kit بس مش الموتور لأنها كده هتعدى الـ 300 مستريح و اظن التوكيل مش هيخاطر بكده و الموتور الـ 156 انا شايفه حلو اوى و كفاية عليها مفروض العربية تبقى طيارة لو 7.7 فعلا فالعربية هتبقى من اقوى العربيات فى مصر فى الفئة ديه

بصراحة توكيل بيجو لعبها صح و انا مع ان قلبى مع ستروين بس بصراحة الـ 308 تكسب فى كل حاجة الا الشكل الخارجى و ديه فى الاول و الاخر اذواق يعنى مش نقطة تحسب لستروين كمان لأنها متغيرة من شخص للتانى

الـ ds5 مكوك فضائى بصراحة بس انا شفت موضوع فى قسم ستروين عن العضو اللى معانا و معاه العربية و اسعار قطع الغيار واضح انها غالية و التوكيل مطلع عينه كمان للأسف عز العرب مش راضى يتحسن ..

الجوليتا ديه موضوع لوحدها بس مشكلتها فعلا فى قطع الغيار و كمان اعادة البيع .. اظن ان بيعها هيبقى صعب جدا بعد كده ده طبعا غير الخسارة الكبيرة الاكيدة فى سعر اعادة البيع انما هى كعربية لا خلاف عليها و انها افضل من الـ 308

الاودى برضه جميلة جدا بس الفتيس الـ S-TRONIC ابن عم الـ DSG و انا مبقتش ارتاح لأى حاجة منهم بصراحة و الواحد مش هيشترى عربية بحوالى ربع مليون عشان يبقى قلقان على الفتيس بتاعها

بالتوفيق يا باشا و ان شاء الله ربنا يخترلك الاحسن فيهم و ربنا يباركلك فى العروسة الجديدة ان شاء الله

متشكر جدا على الرد و الدعوات ... وانا معاك فى كل اللى قولته خاصه حته الشكل الخارجى للبيجو .. بس فى النهايه .. تجهيزات قدام سعر ... مرضيه جدا .... بالنسبه ﻷعاده البيع ... اللى بيفكر فى الفئه دى بيتهيألى كلها سعر اعاده بيعها هيبقى سئ .. فمش فارقه .. وبصراحه اجى افكر اركب اوكتافيا A7 مع احترامى ليها بس مش حابب اى حاجه غير الفاميلى الهاتش باك ... عامه بأذن الله شكلها فعلا ما بين السيتروين و البيجو على حسب المبلغ اللى هقدر اوفره لبند العربيه ..... ترجعلنا بالسلامه ان شاء الله

[densfog]

تصحيح صغنطط ... التسارع بتاعها 8.4 ثانيه للموتور ال 156 حصان .. مش 7.7 ثانيه اللى تقريبا بتاع 205 حصان

[tasaka]

انا برضه اهم حاجه عندى ارتفاع العربيه ... بالنسبه للنت شوفت 11 سم و كسر ... وفى موقع تانى شوفت 13 سم ... بس لما سألت اتنين من المبيعات فى مرتين مختلفتين .. قالولى 145 مم .. لو كده يبقى من رأيي كويس

وحده الرفع معرفش

مكتوب على اول صفحه فى البروشور بتاعها اللى موجود فى الموضوع .. تعمل بأمان تام مع بنزين 92 ... والعهده على الراوى

السلام عليكم ورحمة الله وبركاته

رقم 10 سم و 11 سم يعبر عن اوطى نقطه و هى عاده تحت كارتيره الزيت .. و لا يعبر عن الخلوص العام للسياره من تحت يكون عاده اكبر من ذلك

و الله اعلم

تحياتى

[Mohab.Nabil]

تصحيح صغنطط ... التسارع بتاعها 8.4 ثانيه للموتور ال 156 حصان .. مش 7.7 ثانيه اللى تقريبا بتاع 205 حصان

Still a monster