معلومات عن بيجو 308 موديل 2015

[densfog]

اهلا و سهلا يا باشا و الله كده طمنتنى بالتيست درايف ده بس هو التوكيل بيستهبل ؟ منزل العربية مانيوال و موتور مختلف تيست درايف ؟ طيب ده اسمه كلام ؟ هو اهم حاجة تتجرب فى التيست درايف الموتور و الفتيس و العفشة لما يغيرلى الاتنين يبقى انا بجرب ايه !! معرفش الناس ديه بتفكر ازاى بصراحة .. بس طالما الاداء كويس بالموتور الاصغر يبقى متوقع تبقى طلقة بالموتور التربو و ده شىء كويس .. تكييف الاوروبى بدء يتحسن مع الوقت و ديه نقطة كويسة برضه

للاسف المعرض اللى حاجزين معاه اخلف وعده و مجابش اللون الابيض و فى الاغلب هنسحب الفلوس و نحجز مع التوكيل على طول فى الدفعة الجاية يلا معلش كل تأخيرة و فيها خيرة زى ما بيقولوا بس انا كده مطمن على الاداء خصوصا انى عارف ان الجين 2 سحبها كويس جدا ..

اخر اخبارك ايه يا باشا ؟ رسيت على حاجة ولا لسه بتفكر ؟

ربنا يخليك ياباشا ... محتار بين البيجو و السيتروين ... وخاصه خدت سعر كويس فى ds5 وهو 290 من أباظه .. طبعا بعد ماشالوا منها المساج و سخانات الكراسي و الهيد اب ديسبلاى و نواكل الدواسات ...
و سألت على صياناتها طلع اسعارها معقوله جدا خاصه ان سير الموتور كاتينه مبيتغيرش ... مشكلتى الوحيده معاها .. لو لاقدر الله حادثه هقعد اعيط جنبها لحد اما يجيبولها قطع غيار .. وانا العربيه عامه اعتمادى عليها كبير جدا فى الشغل ... اما البيجو فعجبانى .... و متوقع ان توافر قطع الغيار الخارجيه يبقى افضل شويه من سيتروين .. و تقريبا الصيانات اسعارها متقارب .. بس مشكلتى الوحيده معاها شنطتها حاسسها صغيره شويه لعيله خاصه فى سغر ... حاولت ادور فى حاجه تانيه .. روحت اتفرجت على التيجوان .. بصراحه مستواها من الداخل معجبنيش مقارنه ببيجو و سيتروين و اسعار صياناتها أعلى بس قطع الغيار الخارجيه فى المجمل اقل شويه من سيتروين ... هيه بصراحه العربيه المثاليه بالنسبالى هيا الاودى ال q3 بس سعرها عالى عليا ... هسأل بكره على اقل فئه .. ولو مأمكنش تبقى سيتروين اولا و بيجو ثانيا ... خاصه ان الفلوس جهزت و محتاج اخد رأى فى خلال الايام دى
معلش دوشتك معايا ... ايه اخبارك رجعت مصر ولا لسه ؟

[yassermahmmoud]

يا جماعة خلاصة الكلام من الآخر وعن تجربة مريرة في شوارع بلدنا العظيمة أي عربية يقل ارتفاعها عن الأرض 15سم يبقى مصيرها إلى الهلاك العاجل، يجب على كل واحد أن يسأل أول شيء عند شراءه سيارة جديدة كم ارتفاع السيارة عن الأرض، صدقوني مصر لا ينفع فيها عربيات واطية.

[densfog]

يا جماعة خلاصة الكلام من الآخر وعن تجربة مريرة في شوارع بلدنا العظيمة أي عربية يقل ارتفاعها عن الأرض 15سم يبقى مصيرها إلى الهلاك العاجل، يجب على كل واحد أن يسأل أول شيء عند شراءه سيارة جديدة كم ارتفاع السيارة عن الأرض، صدقوني مصر لا ينفع فيها عربيات واطية.

موافق مليووون فى الميه ... وده اللى انا بعمله بالظبط ... و فعلا 15 سم ده افضل علو لعربيه بالنسبه للطرق بتاعتنا ...

[Mohab.Nabil]

ربنا يخليك ياباشا ... محتار بين البيجو و السيتروين ... وخاصه خدت سعر كويس فى ds5 وهو 290 من أباظه .. طبعا بعد ماشالوا منها المساج و سخانات الكراسي و الهيد اب ديسبلاى و نواكل الدواسات ...
و سألت على صياناتها طلع اسعارها معقوله جدا خاصه ان سير الموتور كاتينه مبيتغيرش ... مشكلتى الوحيده معاها .. لو لاقدر الله حادثه هقعد اعيط جنبها لحد اما يجيبولها قطع غيار .. وانا العربيه عامه اعتمادى عليها كبير جدا فى الشغل ... اما البيجو فعجبانى .... و متوقع ان توافر قطع الغيار الخارجيه يبقى افضل شويه من سيتروين .. و تقريبا الصيانات اسعارها متقارب .. بس مشكلتى الوحيده معاها شنطتها حاسسها صغيره شويه لعيله خاصه فى سغر ... حاولت ادور فى حاجه تانيه .. روحت اتفرجت على التيجوان .. بصراحه مستواها من الداخل معجبنيش مقارنه ببيجو و سيتروين و اسعار صياناتها أعلى بس قطع الغيار الخارجيه فى المجمل اقل شويه من سيتروين ... هيه بصراحه العربيه المثاليه بالنسبالى هيا الاودى ال q3 بس سعرها عالى عليا ... هسأل بكره على اقل فئه .. ولو مأمكنش تبقى سيتروين اولا و بيجو ثانيا ... خاصه ان الفلوس جهزت و محتاج اخد رأى فى خلال الايام دى
معلش دوشتك معايا ... ايه اخبارك رجعت مصر ولا لسه ؟

بصراحة 290 سعر كويس جدا و شايف ان الحاجات اللى اتشالت مش مؤثرة اوى

ديه مشكلة فعلا عز العرب للاسف دايما مضيع العربيات الكويسة معاه .. مفروض العربية بدأت تنتشر شوية يعنى مفروض على الاقل يبقى عنده ستوك قطع غيار ليها .. امال مثلا الـ ds3 cabrio هيعمل مع اصحابها ايه .. الـ q3 تحفة طبعا بس فرق السعر كبير اظن اول فئة بـ 340 يعنى فرق 50 الف عن الـ ds5 و اكيد هيبقى فرق اوبشن كبير و اظن و الله اعلم ان قطع غيار اودى هتبقى اغلى من الستروين

ان شاء الله نباركلك على واحدة منهم قريب .. لا دوشة ايه يا باشا و الله انا مستمتع بالنقاش معاك .. الواحد قليل ما بيصادف حد تفكيره قريب ليه خاصة فى موضوع العربيات ده

لا لسه كام شهر كده ادعيلى ارجع على خير ان شاء الله .. الواحد بدء يحن لمصر و الله

[AliSabry]

من ناحيه التسارع ... بيتهيألى الرقم اللى حضرتك كاتبه ده بتاع النسخه ال gt ال 205 حصان ... اللى عندنا ال 164 حصان بتعمل 8.4 حصان ...
وموضوع الارتفاع عن الارض اللى سمعته من مندوبى المبيعات انها 14.5 سم .. ولما دورت على النت لقيت انها بتختلف من موقع لموقع .. والموضوع ده اتضحلى انه مش غريب لما لقيت الاودى ال a3 بتنزل فى العالم كله بما فيهم مصر ب 13 سم ماعدا الهند بتنزل فيها ب 16 سم ... حاجه كمان لاحظتها لما بصيتةعلى نسخه 308 فى مصر و تبص على صورها بره .. تلاحظ ان الفراغ اللى فوق العجله الخلفيه اكبر فى نسخه مصر .. يمكن هو ده اللى بيعليها عندنا فى مصر عن بره ..

بالمناسبه انا عملتلها تيست درايف فى فرع صلاح سالم .. وكانت معايا والدتى و مندوب التوكيل .. وحاولت ادور على مطبات مكانش فيه غير حته مكسره شويه فى الكوبرى اللى فى صلاح سالم ( معلش انا من اسكندريه و معرغش حاجه فى القاهره ) وكنت حاسس انها عاليه .... واللى عجبنى فيها كنا مشغلين التكييف و فاتحين البانوراما و كان الجو يومها حر جدا و كان اداء التكييف كويس جدا و اللى كان قاعد ورا كان حاسس بالتكييف كويس بالرغم من ان مفيش فتحات تكييف ورا ..

بالمناسبه . العربيه دى كانت مانيوال .. وفيها زرار ستارت ستوب .. و فيها كاميرا خلفيه .. و موتورها 120 حصان بس .. وكان ادائها مع التكييف و شخصين بالغين غير السائق كان كويس جدا ... وكمان قعده الكراسي كنت حاسسها عاليه مقارنه بعربيتى الجين 2

المهم طمنا و صلت ﻷيه ؟؟

المعلومات دي من مهندس في الادارة في صلاح سالم كلموني بعد ماطلبت من Peugeot France المعلومات دي، انا حجزت العربية من شهر تقريبا و التجربة يوم الثلاثاء ان شاء الله في صلاح سالم، شكرا

[densfog]

المعلومات دي من مهندس في الادارة في صلاح سالم كلموني بعد ماطلبت من peugeot france المعلومات دي، انا حجزت العربية من شهر تقريبا و التجربة يوم الثلاثاء ان شاء الله في صلاح سالم، شكرا

ربنا يوفقك للى فيه الخير ليك . بعربيه تستمتع بيها ان شاء الله

[densfog]

بصراحة 290 سعر كويس جدا و شايف ان الحاجات اللى اتشالت مش مؤثرة اوى

ديه مشكلة فعلا عز العرب للاسف دايما مضيع العربيات الكويسة معاه .. مفروض العربية بدأت تنتشر شوية يعنى مفروض على الاقل يبقى عنده ستوك قطع غيار ليها .. امال مثلا الـ ds3 cabrio هيعمل مع اصحابها ايه .. الـ q3 تحفة طبعا بس فرق السعر كبير اظن اول فئة بـ 340 يعنى فرق 50 الف عن الـ ds5 و اكيد هيبقى فرق اوبشن كبير و اظن و الله اعلم ان قطع غيار اودى هتبقى اغلى من الستروين

ان شاء الله نباركلك على واحدة منهم قريب .. لا دوشة ايه يا باشا و الله انا مستمتع بالنقاش معاك .. الواحد قليل ما بيصادف حد تفكيره قريب ليه خاصة فى موضوع العربيات ده :018a1d~146:

لا لسه كام شهر كده ادعيلى ارجع على خير ان شاء الله .. الواحد بدء يحن لمصر و الله

ربنا يخليك ياباشا .. وترجع مصر عن قريب ان شاء الله

[AliSabry]

العربية بعد التجربة ، العربية مش واطية اللي اقدر ااكده انها اعلي من جولف ٥ عشان دي الهاتش اللي سقتها قبل كده

الكرسي مريح جدا

العربيه بتاعت التيست ١٢٠ حصان كما ذكر سالفا وسحبها مش بطال خالص معني كده انها مع ١٦٣ حتبقي وحش مخيف

العزل جيد

جربت ملف في مطلع كوبري اكتوبر من مدينه نصر علي سرعه مخفتش خالص

تكييف حكاية

الفتيس المنيوال ناعم وممتع فشخ

العفشه مع المطبات سلسه وناعمه نسبيا

العيوب طارة صغيرة والتتش سكرين محتاجه وقت للتاقلم و عربيه الدرايف فيها كاميرا خلفيه و ستارت ستوب عشان يحرقوا دمنا

توكلنا علي الله

[densfog]

العربية بعد التجربة ، العربية مش واطية اللي اقدر ااكده انها اعلي من جولف ٥ عشان دي الهاتش اللي سقتها قبل كده

الكرسي مريح جدا

العربيه بتاعت التيست ١٢٠ حصان كما ذكر سالفا وسحبها مش بطال خالص معني كده انها مع ١٦٣ حتبقي وحش مخيف

العزل جيد

جربت ملف في مطلع كوبري اكتوبر من مدينه نصر علي سرعه مخفتش خالص

تكييف حكاية

الفتيس المنيوال ناعم وممتع فشخ

العفشه مع المطبات سلسه وناعمه نسبيا

العيوب طارة صغيرة والتتش سكرين محتاجه وقت للتاقلم و عربيه الدرايف فيها كاميرا خلفيه و ستارت ستوب عشان يحرقوا دمنا

توكلنا علي الله

مبروك مقدما .. انا روحت اتفرجت على ال gt موجوده فى توكيل ابو رواش مركونه جوه الورشه .. تحفه بمعنى الكلمه .. الفرش حاجه تانيه خااااااالص والتابلوه جلد .. ستارت ستوب و كاميرا و غيره .. قالولى ب 265 .. والدتى بالرغم من سنها لما شافتها اتوهمت بخاماتها و تقفيلها وكانت عاوزانى اشتريها... لو تقدر على فرقها انصحك بيها ... انا لولا مستصغر الشنطه على عيلتى مكنتش هتردد ابدا .. و كنت هشتريها لحد اخر وقت ... مشكلتى الوحيده الشنطه ... فعلشان كده ان شاء الله هعمل تست درايف للأودى a3سيدان ... اشوف علوها عن الارض اخباره ايه ... ولو معجبتنيش .. شكلها هستغنى عن مبدأى فى العربيات الصغيره و اشترى 508 .. وربما ييسر وبالتوفيق

[AliSabry]

مبروك مقدما .. انا روحت اتفرجت على ال gt موجوده فى توكيل ابو رواش مركونه جوه الورشه .. تحفه بمعنى الكلمه .. الفرش حاجه تانيه خااااااالص والتابلوه جلد .. ستارت ستوب و كاميرا و غيره .. قالولى ب 265 .. والدتى بالرغم من سنها لما شافتها اتوهمت بخاماتها و تقفيلها وكانت عاوزانى اشتريها... لو تقدر على فرقها انصحك بيها ... انا لولا مستصغر الشنطه على عيلتى مكنتش هتردد ابدا .. و كنت هشتريها لحد اخر وقت ... مشكلتى الوحيده الشنطه ... فعلشان كده ان شاء الله هعمل تست درايف للأودى a3سيدان ... اشوف علوها عن الارض اخباره ايه ... ولو معجبتنيش .. شكلها هستغنى عن مبدأى فى العربيات الصغيره و اشترى 508 .. وربما ييسر وبالتوفيق

بالتوفيق يا باشا، بصراحه كده انا متردد ، في تضارب في بيانات العربيه مثلا حضرتك بتقولي gt ب ٢٦٥ و الفرع قالي قبل كده ب ٢٨٥، الناس دي بتستعبط ولا ايه، رجعت فكرت تاني في موضوع التيست درايف والفتيس المانيوال و ١٢٠ حصان مش لاقيله تفسير، كمان بيانات العربيه والتسارع غلط اللي خدتها من التوكيل، ليه ادفع ٢٣٥ الف ج في عربيه لسه محدش جربها ماجيب ٥٠٨ اللي كل الناس بتشكر فيها، نقطه اخيره انا بصيت علي راي الناس في التوكيل لقيتهم بيقولوا لسه مش قد كده خصوصا انهم بيشتكوا من ابو رواش اللي المفروض اعيش حياتي معاه عاش ساكن في اكتوبر، وبيشكروا في بتاع غمره و اسكندريه بس، يا حلاوة اروح اخر الدنيا عشان اعمل صيانه، المهم انا غالبا حسحب الحجز واستني لما نشوف حيحصل ايه اليومين الجايين و هل فعلا الاوروبي حينزل ٣٠٪ السنة الجايه ولا مفيش امل في البلد دي!

فكره العربيه السيدان دي انا معاك فيها البيجو ٥٠٨ اسطورة، ٣٠٨ تتجاب لو فيها كل حاجه عشان ٢٣٥ ده رقم مش قليل صراحه، لو مش مستعجل علي الشراء ممكن تستني و نجرب فورد الفيوشن لما ينزلوا عربيات التجربه في التوكيل

الموضوع مش سهل يا باشا فعلا، والله الموفق

[densfog]

بالتوفيق يا باشا، بصراحه كده انا متردد ، في تضارب في بيانات العربيه مثلا حضرتك بتقولي gt ب ٢٦٥ و الفرع قالي قبل كده ب ٢٨٥، الناس دي بتستعبط ولا ايه، رجعت فكرت تاني في موضوع التيست درايف والفتيس المانيوال و ١٢٠ حصان مش لاقيله تفسير، كمان بيانات العربيه والتسارع غلط اللي خدتها من التوكيل، ليه ادفع ٢٣٥ الف ج في عربيه لسه محدش جربها ماجيب ٥٠٨ اللي كل الناس بتشكر فيها، نقطه اخيره انا بصيت علي راي الناس في التوكيل لقيتهم بيقولوا لسه مش قد كده خصوصا انهم بيشتكوا من ابو رواش اللي المفروض اعيش حياتي معاه عاش ساكن في اكتوبر، وبيشكروا في بتاع غمره و اسكندريه بس، يا حلاوة اروح اخر الدنيا عشان اعمل صيانه، المهم انا غالبا حسحب الحجز واستني لما نشوف حيحصل ايه اليومين الجايين و هل فعلا الاوروبي حينزل ٣٠٪ السنة الجايه ولا مفيش امل في البلد دي!

فكره العربيه السيدان دي انا معاك فيها البيجو ٥٠٨ اسطورة، ٣٠٨ تتجاب لو فيها كل حاجه عشان ٢٣٥ ده رقم مش قليل صراحه، لو مش مستعجل علي الشراء ممكن تستني و نجرب فورد الفيوشن لما ينزلوا عربيات التجربه في التوكيل

الموضوع مش سهل يا باشا فعلا، والله الموفق

ربنا يوفقك ياباشا للى فيه الخير ليك ...
رأيى بالنسبه لكلامك ... التضارب فى سعر ال gt وارد ﻷنها عربيه واحده وبيختبروا السوق بيها للفئه دى .. فلو انت جاد فى شرائها ممكن تفاصل معاهم فيها .. ده رأيي ... بالنسبه للتيست درايف .. دى عربيه ديمو نازله من الخارج وكويس انهم عاملين تيست درايف لعربيه توقعات الانتشار ليها مش عاليه قوى ... و ميزعلكش فى حاجه مادام اللى نازله هنا اقوى منها كموتور وده شئ مفروغ منه ﻷن الموتور ادائه مع عربيات تانيه وزنها اتقل زى 508 رائع ... التخبط فى المواصفات دى خيبه بصراحه بس دى نقطه مشتركه بين كتيير من المبيعات فى الماركات المختلفه ... ومازالت مواصفات العربيه اللى احنا عارفينها رائعه برضه .. فمن وجهه نظرى متخليش الحاجات الصغيره دى تقفلك من العربيه لو انت مقتنع بيها و بحجمها و ادائها ... اما بقى موضوع مستوى التوكيل .. فممكن تخلى اللى قريب منك للصيانات الخفيفه زيت و فلاتر .. ولو لاقدر الله فيه مشاكل تروح للتوكيلات ذات السمعه المحترمه .. بس لﻷمانه بقى النقطه كمان اللى قفلتنى شويه تجربه زميل فى المنتدى هنا بالنسبه ﻷعاده بيع الفرنساوى فى رينو سينيك و بيجو 308 او 307 مش فاكر بالظبط .. السينيك اشتراها ب 170 الف فيها اوبشنز رائعه اباعت عامله 70 الف كيلو ب 60الف جنيه بعد اربع سنين !!! .. و البيجو كان شاريها ب 140 الف اتباعت بعد 4 سنين ب 70 الف و بﻻضه عدادها مكانش كبير ... فبصراحه قفلنى من ناحيه الهاتش باك الفرنساوى سواء بيجو او سيتروين .. فدى الحاجه برضه اللى عدلت تفكيرى شويه .. وعامه الهاتش باك فى مصر بيقع جامد فى البيع ... اما لو بتفكر فى حجم الفورد فيوجن .. انا معنديش عنها معلومات كافيه وصحيح سمعت ان فتيسها غير الفتيس اللى فيه المشاكل بس تجارب زمايلى مع الفورد القديم مع اعاده البيع سيئه للغايه بالرغم من جوده العربيه ... فبيتهيألى فى الفئه دى حتى الان افضلهم ال 508 .. سمعتها كويسه جدا موتور واوبشنز كويسين و محدش على علمى اشتكى منها ... و فيه الاوبل انسيجنيا فخمه جدا و اوبشنز كويسه جدا .. بس فيه بعض الشكاوى منها حصلت مع زمايلى .. زى رجه فى الموتور بعد 2000 كم .. استهلاك بنزين عالى و دى عامه .. تغيير تيل على 15 الف ودى برضه عامه ..
اما بالنسبالى البيجو 508 اختيار كويس .. ﻷنتشارها واسعار قطع غيارها .. وليها فى اسكندريه وكيل و مركز معتمد سمعته كويسه ( نور الدين الشريف ) وكمان بيقسط الصيانه مع فيزا الاهلى بدون فوايد على 6 شهور .. عيبها الوحيد بالنسبالى حجمها الضخم .. وبييتهيألى سعر اعاده بيعها هيبقى معقول بالنسبه للفرنساوى عامه ... السيتروين و الاودى مشكلتهم الصيانه فى القاهره عشان سوء مستوى اللى فى اسكندريه .. والسيتروين فيه شكاوى من سوء مستوى التوكيل فى توافر قطع الغيار للسيارات النادره نوعا ما زى ds5 وكمان سوء مستوى الاصلاح فى حاله الحوادث و تأخر وصول قطع الغيار لحوالى شهر و نص .. وده حصل مع حادث بسيط لزميل لنا فى المنتدى مع سيتروين ds5 .. فلغيت فكره السيتروين ... بالنسبه لﻷودى عربيه رائعه شكلا داخليا و خارجيا .. الكل اجمع على انها تقريبا مفيهاش مشاكل ومشهوره .. و احتماليتها عاليه .. اوبشنها كويس .. حققتلى المعادله اللى بدور عليها .. حجم خارجى مدمج 4.45 متر للسبدان اللى شكلها احلى بصراحه .. قدام وسع داخلى كويس و شنطه معقوله جدا .. بنزين 92 ... اللى بس عاوز اتأكد منه فى التيست درايف ان شاء الله فى خلال الاسبوع الجاى .. علوها عن الارض ﻷن ده كان فيه تضارب مع اتنين من المبيعات .. واحد قالى 13 سم و التانى 15 سم .. و كمان كنت عاوز اشوف اسعار قطع غيارها و الاهم صياناتها .. علشان استخدامى للعربيه كتير حوالى 25 الف كيلو سنويا .. فمصاريف التشغيل تفرق معايا ... و تزال مشكله اعاده البيع اللى ممكن اتغلب عليهى شويه بالصيانات الدوريه و ان العربيه تقعد معايا مده طويله شويه 10 سنين على الاقل .. وبيتهيألى اعتماديتها تأهلها لكده ... ولو حصلت فيها مشكله يبقى 508 ان شاء الله .. وربنا يقدرنى على سواقه الاوتوبيس ده فى الشوارع الضيقه اللى فى اسكندريه .. وللأسف لازم اخد قرار واحجز فى خلال الاسبوع ده على الاكثر علشان شركتى ...
تحياتى

[AliSabry]

ربنا يوفقك ياباشا للى فيه الخير ليك ...
رأيى بالنسبه لكلامك ... التضارب فى سعر ال gt وارد ﻷنها عربيه واحده وبيختبروا السوق بيها للفئه دى .. فلو انت جاد فى شرائها ممكن تفاصل معاهم فيها .. ده رأيي ... بالنسبه للتيست درايف .. دى عربيه ديمو نازله من الخارج وكويس انهم عاملين تيست درايف لعربيه توقعات الانتشار ليها مش عاليه قوى ... و ميزعلكش فى حاجه مادام اللى نازله هنا اقوى منها كموتور وده شئ مفروغ منه ﻷن الموتور ادائه مع عربيات تانيه وزنها اتقل زى 508 رائع ... التخبط فى المواصفات دى خيبه بصراحه بس دى نقطه مشتركه بين كتيير من المبيعات فى الماركات المختلفه ... ومازالت مواصفات العربيه اللى احنا عارفينها رائعه برضه .. فمن وجهه نظرى متخليش الحاجات الصغيره دى تقفلك من العربيه لو انت مقتنع بيها و بحجمها و ادائها ... اما بقى موضوع مستوى التوكيل .. فممكن تخلى اللى قريب منك للصيانات الخفيفه زيت و فلاتر .. ولو لاقدر الله فيه مشاكل تروح للتوكيلات ذات السمعه المحترمه .. بس لﻷمانه بقى النقطه كمان اللى قفلتنى شويه تجربه زميل فى المنتدى هنا بالنسبه ﻷعاده بيع الفرنساوى فى رينو سينيك و بيجو 308 او 307 مش فاكر بالظبط .. السينيك اشتراها ب 170 الف فيها اوبشنز رائعه اباعت عامله 70 الف كيلو ب 60الف جنيه بعد اربع سنين !!! .. و البيجو كان شاريها ب 140 الف اتباعت بعد 4 سنين ب 70 الف و بﻻضه عدادها مكانش كبير ... فبصراحه قفلنى من ناحيه الهاتش باك الفرنساوى سواء بيجو او سيتروين .. فدى الحاجه برضه اللى عدلت تفكيرى شويه .. وعامه الهاتش باك فى مصر بيقع جامد فى البيع ... اما لو بتفكر فى حجم الفورد فيوجن .. انا معنديش عنها معلومات كافيه وصحيح سمعت ان فتيسها غير الفتيس اللى فيه المشاكل بس تجارب زمايلى مع الفورد القديم مع اعاده البيع سيئه للغايه بالرغم من جوده العربيه ... فبيتهيألى فى الفئه دى حتى الان افضلهم ال 508 .. سمعتها كويسه جدا موتور واوبشنز كويسين و محدش على علمى اشتكى منها ... و فيه الاوبل انسيجنيا فخمه جدا و اوبشنز كويسه جدا .. بس فيه بعض الشكاوى منها حصلت مع زمايلى .. زى رجه فى الموتور بعد 2000 كم .. استهلاك بنزين عالى و دى عامه .. تغيير تيل على 15 الف ودى برضه عامه ..
اما بالنسبالى البيجو 508 اختيار كويس .. ﻷنتشارها واسعار قطع غيارها .. وليها فى اسكندريه وكيل و مركز معتمد سمعته كويسه ( نور الدين الشريف ) وكمان بيقسط الصيانه مع فيزا الاهلى بدون فوايد على 6 شهور .. عيبها الوحيد بالنسبالى حجمها الضخم .. وبييتهيألى سعر اعاده بيعها هيبقى معقول بالنسبه للفرنساوى عامه ... السيتروين و الاودى مشكلتهم الصيانه فى القاهره عشان سوء مستوى اللى فى اسكندريه .. والسيتروين فيه شكاوى من سوء مستوى التوكيل فى توافر قطع الغيار للسيارات النادره نوعا ما زى ds5 وكمان سوء مستوى الاصلاح فى حاله الحوادث و تأخر وصول قطع الغيار لحوالى شهر و نص .. وده حصل مع حادث بسيط لزميل لنا فى المنتدى مع سيتروين ds5 .. فلغيت فكره السيتروين ... بالنسبه لﻷودى عربيه رائعه شكلا داخليا و خارجيا .. الكل اجمع على انها تقريبا مفيهاش مشاكل ومشهوره .. و احتماليتها عاليه .. اوبشنها كويس .. حققتلى المعادله اللى بدور عليها .. حجم خارجى مدمج 4.45 متر للسبدان اللى شكلها احلى بصراحه .. قدام وسع داخلى كويس و شنطه معقوله جدا .. بنزين 92 ... اللى بس عاوز اتأكد منه فى التيست درايف ان شاء الله فى خلال الاسبوع الجاى .. علوها عن الارض ﻷن ده كان فيه تضارب مع اتنين من المبيعات .. واحد قالى 13 سم و التانى 15 سم .. و كمان كنت عاوز اشوف اسعار قطع غيارها و الاهم صياناتها .. علشان استخدامى للعربيه كتير حوالى 25 الف كيلو سنويا .. فمصاريف التشغيل تفرق معايا ... و تزال مشكله اعاده البيع اللى ممكن اتغلب عليهى شويه بالصيانات الدوريه و ان العربيه تقعد معايا مده طويله شويه 10 سنين على الاقل .. وبيتهيألى اعتماديتها تأهلها لكده ... ولو حصلت فيها مشكله يبقى 508 ان شاء الله .. وربنا يقدرنى على سواقه الاوتوبيس ده فى الشوارع الضيقه اللى فى اسكندريه .. وللأسف لازم اخد قرار واحجز فى خلال الاسبوع ده على الاكثر علشان شركتى ...
تحياتى

باشا كلامك كله صح ، بس مش عايز اقفلك برضه بس بصراحه سمعة الاودي في سعر مابعد البيع مش ولا بد واكيد قطع غيارها مش حتبقي رخيصه اذا ماكنتش اصلا اغلا حاجه في فولكس جروب ، مدام سعادتك بتسوق كتير يبقي لازم تركز علي الاعتمادية وتكلفه الصيانة، ، انا ٥٠٨ شكلا و مضمونا ممتازة بس مبدا السفينة ده مش عايزه حجمها كبير اوي، خلينا علي اتصال وربنا يسهل

[densfog]

باشا كلامك كله صح ، بس مش عايز اقفلك برضه بس بصراحه سمعة الاودي في سعر مابعد البيع مش ولا بد واكيد قطع غيارها مش حتبقي رخيصه اذا ماكنتش اصلا اغلا حاجه في فولكس جروب ، مدام سعادتك بتسوق كتير يبقي لازم تركز علي الاعتمادية وتكلفه الصيانة، ، انا ٥٠٨ شكلا و مضمونا ممتازة بس مبدا السفينة ده مش عايزه حجمها كبير اوي، خلينا علي اتصال وربنا يسهل

تماام .. عامه ربنا ييسر بعد ما اسأل على قطع غيارها و صياناتها .. وهبقى أبلغك ان شاء الله