ناوى اشترى بيجو 301 مانيوال و محتار

[bluemagic11]

السلام عليكم

انا ناوى ان شاء الله بفكر اشترى بيجو 301 مانيوال .. وانا افضل سواقه المانيوال عن الاوتماتيك اللى مجربتوش بصراحه زائد انى مش هقدر على سعر الاوتو .

المهم .. انا فى حيره من اللى انا بقراه عن العربيه وخاصه مشكله الاخ الفاضل اللى الفرامل مشتغلتش عنده وربنا سترها عليه ..

مش عارف اشتريها ولا اشترى البيرسونا بما انهم فى نفس رنج السعر .. و هل المانيوال مفهاش نفس المشاكل اللى فى الاوتو زى التيل و الطنابير .

انا محتاج مساعده لان بقالى كتير اوى بفكر و مش عارف اخد قرار .

شكرا

[mif]

الاثنين مش حلوين من وجهة نظري

[blazer]

بص على سوزوى سياز
او تحاول تزود و جيب متسوبيشى شارك مانوال اعتقد سعرها قريب

[hosahamza]

بيجو 301 وتوكل على الله

[Mohamed K.Anis]

السلام عليكم

انا ناوى ان شاء الله بفكر اشترى بيجو 301 مانيوال .. وانا افضل سواقه المانيوال عن الاوتماتيك اللى مجربتوش بصراحه زائد انى مش هقدر على سعر الاوتو .

المهم .. انا فى حيره من اللى انا بقراه عن العربيه وخاصه مشكله الاخ الفاضل اللى الفرامل مشتغلتش عنده وربنا سترها عليه ..

مش عارف اشتريها ولا اشترى البيرسونا بما انهم فى نفس رنج السعر .. و هل المانيوال مفهاش نفس المشاكل اللى فى الاوتو زى التيل و الطنابير .

انا محتاج مساعده لان بقالى كتير اوى بفكر و مش عارف اخد قرار .

شكرا

عربيه ممتاذه .. شكلها جميل جدا و سرعه و ثبات و قوه و نعومه و راحه .. كفايه انها بيجو فرنساوى

اتوكل على الله و مش هتندم

[bluemagic11]

الاثنين مش حلوين من وجهة نظري

ممكن اعرف ليه؟

[bluemagic11]

بص على سوزوى سياز
او تحاول تزود و جيب متسوبيشى شارك مانوال اعتقد سعرها قريب

للاسف مش هاعرف ازود فلوس :).

انا كل الفكره عايز اعرف ازا كان المانيوال فيه نفس عيوب الاوتو ولا لا.. و ياريت الي معاه العربيه مانيواب يبدي رئيه

[Abo_Mazen]

بص على سوزوى سياز
او تحاول تزود و جيب متسوبيشى شارك مانوال اعتقد سعرها قريب

كنت هقوله على السياز لقيتك سبقتني

[blazer]

الفكره كلها بلاش بيجو 301 او نيسان صنى
عربيات فيها مشاكل فى نظام الفرامل فبلاش منها خلص خصوصا ان الوكيل بتاع بيجو بيتهرب من المشكله وكفايه مشاكل الاعضاء هنا
شوف عربيه تانيه حتى لو اقل بس فيها فرامل

[hugan]

السياز حاليا
اﻻفضل في فئتها

[bluemagic11]

الفكره كلها بلاش بيجو 301 او نيسان صنى
عربيات فيها مشاكل فى نظام الفرامل فبلاش منها خلص خصوصا ان الوكيل بتاع بيجو بيتهرب من المشكله وكفايه مشاكل الاعضاء هنا
شوف عربيه تانيه حتى لو اقل بس فيها فرامل

حتى المانيوال ؟

[م أحمد]

مشكلة الفرامل اللى الاعضاء بيتكلمو عنها لم تحسم بعد خصوصا ان العرض من جانب
أحادى فى المنتدى

و برضه المشكلة بتاعة نيسان كانت فى عربية واحدة و بعد الحكم الوكيل التزم

شوف برضه حضرتك الجروب بتاع ال301 على الفيس و آراء الملاك لو ما لقتش الاستجابة المرجوة

سوزوكى شركة يابانى بس مش بدرجة تويوتا او هوندا مثلا

[Ashraf Fawzy]

مشكلة الفرامل اللى الاعضاء بيتكلمو عنها لم تحسم بعد خصوصا ان العرض من جانب أحادى فى المنتدى

و برضه المشكلة بتاعة نيسان كانت فى عربية واحدة و بعد الحكم الوكيل التزم

شوف برضه حضرتك الجروب بتاع ال301 على الفيس و آراء الملاك لو ما لقتش الاستجابة المرجوة

سوزوكى شركة يابانى بس مش بدرجة تويوتا او هوندا مثلا

"العرض من جانب أحادى" محدش منع التوكيل إنه يدخل و يرد على مشكلتى اللى تسببوا فيها بإهمالهم, و دى مش حالة فردية, بس مش كل الناس عندها طولة البال على الدخول فى صدام للدفاع عن حقها. و مشكلة التيل التالف المستخدم فى فرامل البيجو 301 حاجة معروفة للجميع و تم تقديم شكوى جماعية من ملاك البيجو العام الماضى بسببها و مازالت قائمة, و التيل التالف ده ممكن يؤدى لهروب الفرامل فى أى وقت و مش بالضرورة من أول إستخدام ليه.

"مشكلة الفرامل اللى الاعضاء بيتكلمو عنها لم تحسم بعد" من واقع لجنتى الفنية بجهاز حماية المستهلك و الكشف الفنى بكلية الهندسة و عدم قيامهم بتفريغ البيانات بمعرفتهم و طلبها من الخصم اللى هوا توكيل بيجو, فيبقى الموضوع شبه محسوم.

و فى كل الأحوال ربنا يوفق اللى بيسأل لحسن الإختيار و ربنا يرزقه خير العربية اللى هايشتريها و يكفيه شرها.

[bluemagic11]

مشكلة الفرامل اللى الاعضاء بيتكلمو عنها لم تحسم بعد خصوصا ان العرض من جانب
أحادى فى المنتدى

و برضه المشكلة بتاعة نيسان كانت فى عربية واحدة و بعد الحكم الوكيل التزم

شوف برضه حضرتك الجروب بتاع ال301 على الفيس و آراء الملاك لو ما لقتش الاستجابة المرجوة

سوزوكى شركة يابانى بس مش بدرجة تويوتا او هوندا مثلا

انا اعرف ناس معاهم العربيه مشتكوش من الفرامل لكن اكدو ان التيل عند 15 الف بيخلص .

بالنوسبه للجروب انا بحاول ادخله من اكتر من اسبوعين و حتى الان لم يتم تاكيد الاضافه وادينى مستنى .

[bluemagic11]

"العرض من جانب أحادى" محدش منع التوكيل إنه يدخل و يرد على مشكلتى اللى تسببوا فيها بإهمالهم, و دى مش حالة فردية, بس مش كل الناس عندها طولة البال على الدخول فى صدام للدفاع عن حقها. و مشكلة التيل التالف المستخدم فى فرامل البيجو 301 حاجة معروفة للجميع و تم تقديم شكوى جماعية من ملاك البيجو العام الماضى بسببها و مازالت قائمة, و التيل التالف ده ممكن يؤدى لهروب الفرامل فى أى وقت و مش بالضرورة من أول إستخدام ليه.

"مشكلة الفرامل اللى الاعضاء بيتكلمو عنها لم تحسم بعد" من واقع لجنتى الفنية بجهاز حماية المستهلك و الكشف الفنى بكلية الهندسة و عدم قيامهم بتفريغ البيانات بمعرفتهم و طلبها من الخصم اللى هوا توكيل بيجو, فيبقى الموضوع شبه محسوم.

و فى كل الأحوال ربنا يوفق اللى بيسأل لحسن الإختيار و ربنا يرزقه خير العربية اللى هايشتريها و يكفيه شرها.

ربنا يكون فى عونك ويرجعلك حقك . والف حمد الله على السلامه