إعـــــــلان

Collapse

.

,
See more
See less

سلسلة فضايح و سلبيات توكيل بيجو مصر

Collapse
X
 
  • Filter
  • الوقت
  • Show
Clear All
new posts

  • #16
    فضيحه رقم 5

    بإختصار انك تروح التوكيل CDCM - القاهره للتنميه و صناعه السيارات - و تضيع يومك فى عمل الصيانه شىء مش مقبول و انك تشوف مكان مش منظم من العاملين فيه شىء سخيف

    لكن لما تدخل و مهندس الاستقبال قبل ما ياخد منك مفتاح العربيه علشان يدخلها الورشه يفك الميداليه و يديها ليك مع الجمله المشهوره - لو فى متعلقات شخصيه فى العربيه .. نضاره او فلاشه او غيره يا ريت تشيلها معاك.

    عادى ممكن نسمع ده كإجراء احتياطى

    لكن انى افضى العربيه من كل حاجه و اسيب كميه (بونبوني) فى درج مسند عربيتي و العربيه تدخل الورشه تخرج فيها بقايا البونبونى ده .. هار اسود هى بتوصل لكده !! يعنى عربيتي بتتفتش جوه فى الورشه انا طالب اعمل صيانه مش تفتيش على درج المسند .. تفتح درج المسند و درج التابلو ليــــــــــــــه فى العربيه الا لو انت ناوى تسرق ؟؟


    تم تقديم شكوى من ضمن شكاوى كتييييير و كانت النتيجه بعد ما الموضوع وصل للاداره .. الفنى الشرير اللى سرقنى خد كلمتين فى جنابه جااامد لكن لسه مكمل شغل فى المكان علشان ربنا يكرمه و يسرق المره الجايه حاجه اغلى و يمكن يسرق حاجه من العربيه او يغير قطعه من عربيتي و يديها لعربيه واحد تانى كانت فيها مشكله و البس انا مثلا ..
    ما هو فى حرامى فى ورشه توكيل بيجو و الاداره أكدت ده و كمان مترفدش يبقي حيكمل سرقه و ان شاء الله ربنا يوفقه فى سرقه كبيره المره الجايه

    لما اتكلمت عن الموضوع ده مع باقي ملاك بيجو 301 على الفيس و مباشره .. طلع ان فى ناس اتسرق منها فلوس و فلوس فضه و قلم دوكو و شويه حاجات صغيره كده اتكسفوا يشتكوا من سرقتها بعد استلام العربيه ما انت بتكون مقضي 7 ساعات فى الصيانه و ما صدقت خرجت من عندهم

    لدرجه ان فى الصوره الجايه احد الملاك بيقول كنت سايب حاجات منها فلوس فضه كتير فى العربيه و لا اتلمست .. لان ده كان متعارف عليه فى التوكيل .. يظهر الحرامى كان اجازه اليوم ده

    الخلاصه :
    خد بالك من عربيتك و اجزاءها و متعلقاتك الشخصيه و انت بتسلم عربيتك لورشه بيجو CDCM لان في حرامى فى الورشه...

    و الى اللقاء فى الفضيحه 6

    تحياتى
    Muhammed Ahmed


    #مطلوب_تغيير_توكيل_بيجو_مصر

    #Peugeot_change_CDCM_Egypt




    صور اثبات و دليل


    بعد عدد من سرقات المتعلقات الشخصيه من العربيات فى توكيل بيجو ( حد الملاك بيقول كنت سايب حاجات منها فلوس فضه كتير فى العربيه و لا اتلمست )

    صوره الباقي من البونبوني :

    Comment


    • #17
      هنفضل وراهم مع بغض لحد لما يتعدلوا أو يقفلوا التوكيل خالص ... و هنسيحلهم فى كل حتة ( الكل يشير الموضوع )

      Comment


      • #18
        فضيحه رقم 6


        العربيات البيجو فيها وحده تحكم ECU مسئوله عن حاجات كتير فى العربيه
        منها تسارع العربيه و استهلاك البنزين و نقلات و توقيت نقلات الفتيس على وضع D و غيره من الوظايف الكتير

        و علشان كده العربيه ليها سوفت وير بيشغل كل حاجه فيها و اللى يشتغل فى الجزء ده من العربيه لازم يكون فاهم كويس لان ده مخ العربيه بس لما التوكيل يكون مش فاهم !!!

        رحت غمره الفرع الرئيسي للتوكيل الفاشل .. طلبت يبصوا ليا على تيل الفرامل بيصفر و قالوا يتغير مع ان كان فاضل فيه شويه كويسين بس انا قلت ماشي علشان ابقي مطمن على الطريق .. و غيرت التيل .. خلاص يا بشمهندس العربيه خلصت ؟ لا لسه السوفت وير ... طيب

        نزلوا تحديث لسوفت وير العربيه .. و المهندس العبقرى اللى عمله خلى العربيه مفيش فيها اى تسارع .. تدوس على بدال البنزين لحد الربع علشان العربيه تفكر تطلع و تطلع براحتها جداااا .. اول يوم مخدتش بالي كان سواقه جوه البلد و زحمه .. بعد كده على الدايرى العربيه بتزحف .. نقلت على Ds ال sport mode علشان احاول اجرى شويه كان اداء اقل من ال D العادى
        من 3 اسابيع لشهر مشغول فى شغلي و مش عارف اروح ليهم تانى .. لحد يوم طالع كوبرى اكتوبر و بطلع من عربيه مسكت الشمال و بقرص بنزين و فى المرايا ورايا اتوبيس عمال يقرب منى و انا لسه ماشي 50 او 60 .. ان العربيه تتحرك مفييييش غير لما عملت كك داون علشان ادى الاتوبيس فرصه و هو كمان كان بيهدى و عدت على خير

        و طبعا مكانش عندى استعداد استحمل العربيه بالشكل ده و اضيع وقت و اروح غمره تانى .. فرحت مركز معتمد عملوا ليا السوفت وير فقط لاغير ولا تغير فلتر و لا تنضيف بوجيهات و لا اى حاجه اتعملت فى العربيه و انا قاعد فيها غير سوفت وير بكمبيوتر الاعطال و مروح بالعربيه بلمس بدال البنزين العربيه بتجرى بجد و تسارع هايل و استهلاك بنزين طبيعي جدا و ده مش حصل معايا انا لوحدى لاء مع كل ملاك بيجو 301 و اى حد عربيته فيها حاجه مش مظبوطه يا ريت يراجع سوفت وير العربيه عند حد بيفهم لان العربيه دى فيها امكانيات هايله و قوه موتور ممتازه بس محتاجه مهندس بيفهم يظبطها .

        انا حكيت ليكم الموقف ده علشان تعرفوا ان فى مهندسين فاشله فى توكيل بيجو الفاشل فرع غمره و للاسف مش فاهمين فى شغلهم حاجه .. مش كفايه الوقت اللى بنضيعه فى الصيانات لا كمان و النتيجه تحت الصفر و نتيجه ممكن تتسبب فى كارثه لانه مش مقدر شغله بيترتب عليه ايه ..

        الخلاصه :
        خد بالك من عربيتك البيجو متعملش سوفت وير فى توكيل بيجو فرع غمره علشان ده مش امان و العربيات فيها ارواح ناس ممكن تتأذى بسبب مهندس مش فاهم او فاشل او معندوش ضمير شغال فى المكان ده

        و الى اللقاء فى الفضيحه 7

        تحياتى
        Muhammed Ahmed


        #مطلوب_تغيير_توكيل_بيجو_مصر

        #Peugeot_change_CDCM_Egypt

        Comment


        • #19
          نتمنى زيارة مركزنا (احمد عمارة)مصر القديمة) لتلقى افضل دعم و خدمة

          Comment


          • #20
            كانت ﻻفتة نظرى ال 508

            بس لما رحت عند مدير مبيعات لواحد من اكبر موزعى سيارات بالقاهرة قالى هيا عربية كويسة بس مشكلتها ان التوكيل واخدها بالدراع يعنى مش هتﻻقية فاهم فيها زى مانت متوقع..غير عﻻء قطع الغيار المعروف.. فبصراحة برغم ان العربية معروضة غندة اﻻ انة خوفنى وصرفت نظر..وقتها قالى فى رينج 120 لربع مليون هما خمس عربيات: اوكتافيا-كوروﻻ-شارك-صنى القديمة-اوبترا القديمة..ودة مش كﻻم مطلق دة كﻻم يخص البضاعة الى عندة..يعنى لما سألتة عن اﻹنسجينا مثﻻ قالى اﻷوبل مصروفها كتير يعنى ﻻزم يكون صاحبها بيحبها.. وﻻ جابلى سيرة السياز وﻻ الجين وﻻ البيرسونا ﻻنهم مع الفولفو قليل جدا لما تﻻقيهم عند الموزعين برة التوكيل ..وبصفة عامة الى اشترى عربية يستمتع بيها وياخد خيرها و يصينها عند الى بيثق فية ..وكل عام وانتم بخير

            Comment


            • #21
              فضيحه رقم 7

              من الطبيعي انك تعمل صيانه او اصلاح فى ورشه فى الشارع فتسمع من ورشه عم عبده سعر و من ورشه عم فلان سعر لنفس قطعه الغيار و للمصنعيه كمان
              لكن فى توكيل بيجو شركه القاهره للتنمية و صناعة السيارات CDCM
              ( ورشه CDCM - ورشه بيجو )
              كان المفروض انى اشترى قطع الغيار بنفس السعر من كل فروع التوكيل
              لكن الجميل اننا كملاك فى جروب بيجو 301 كل واحد فينا بيشترى قطعه الغيار بسعر مختلف مره اغلى و مره ارخص و مفيش ليها سبب مفهوم مع ان المفروض ان الناس دى بتشتغل بسستم ده لو كانوا شركه محترمه .. احنا بصراحه مش عارفين سعر محدد لقطع غيار بيجو فى التوكيل الفاشل ده .. ممكن الاسعار تغلى اه .. لكن تشترى مره تيل بسعر 424 و بعدك حد تانى يشترى نفس التيل لنفس العربيه البيجو 301 بسعر 444 جنيه و بعد كده مالك تالت يشتريه بسعر 418.8 جنيه
              فى شهر 2 و شهر 3 مارس 2015
              دى تبقي وكاله بلح مش وكاله لبيجو

              الخلاصه : مفيش اسعار قطع غيار محدده فى التوكيل بتشترى حسب مزاج موظفين الحسابات تقريبا .. و لما اشتكينا للاداره من 4 شهور قالوا حنحل المشكله دى و مازالت الفواتير الجديده بتقول ان كل فرع شغال باسعار بمزاجه و كل مالك بيجو 301 بيدفع فاتوره من نفس الفرع باسعار مختلفه

              حقيقي
              #مطلوب_تغيير_توكيل_بيجو_مصر
              #Peugeot_change_CDCM_Egypt

              تحياتى
              Muhammed Ahmed

              و الى اللقاء فى فضيحه رقم 8


              صور اثبات و ادله


              صوره فاتوره لتيل امامى بسعر 424 جنيه :



              صوره فاتوره لتيل امامى بسعر 444 جنيه :



              صوره فاتوره لتيل امامى بسعر 418.8 جنيه :

              Comment


              • #22
                أخبارك.نت | مطالبات بإحالة جميع شركات السيارات في مصر للنيابة

                Comment


                • #23
                  متابع
                  [B][I][fot1]Bassem Aly[/fot1][/I][/B][FONT="Arial Black"][/FONT]

                  Comment


                  • #24
                    فضيحه رقم 8


                    طبعا زى ما انتم شايفين الفرق فى الاسعار فى التيل مع انه فرق بسيط لكن بيقول ان السعر مش موحد

                    طيب نشوف حاجه الفرق فيها اكبر شويه كمان

                    من المعروف ان التوكيل المفروض يقدم قطع غيار موحده يعنى مينفعش يبقي عنده ريداتير المانى بسعر و ريداتير صيني بسعر مختلف مثلا .. بس مع توكيل ورشه بيجو .. حنشوف العجب فى الفاتوره دى و هم بيعدلوها علشان التأمين .. سعر الريداتير فى اسبوع واحد فى شهر يوليو 2014 .. يتغير من 1618 الى 1330 جنيه .. ازاى و ليه يا مهندس الاستقبال ؟ اصل ده ريداتير رفيع و الريداتير التانى ريداتير تخين .
                    الرد ده كان بجد .. من مهندس استقبال في توكيل بيجو اقصد ورشه بيجو غمره الى احد ملاك بيجو 301 .
                    و شوف انت بقا لو مكانه :)

                    صور اثبات و ادله





                    حقيقي

                    #مطلوب_تغيير_توكيل_بيجو_مصر
                    #Peugeot_change_CDCM_Egypt

                    تحياتى
                    Muhammed Ahmed

                    و الى اللقاء فى فضيحه رقم 9

                    Comment


                    • #25
                      فضيحه رقم 9 :

                      ببساطه فى بعض اجراءات نفذها توكيل بيجو فى مصر
                      شركة القاهره للتنميه و صناعه السيارات
                      CDCM
                      و غالبا بموافقه من بيجو في فرنسا

                      منها إغلاق حساباتنا على موقع peugeot servicebox
                      علما بان حسابتنا دى كان مسموح بيها و كانت public
                      و اصبح دلوقتى مفيش تسجيل حساب جديد في servicebox

                      كان بيتم عمل job card
                      يدوى بخط مهندس الاستقبال و تسليم نسخه منه للعميل او مالك السياره مكتوب فيه طلبات العميل و اى حاجه بيشتكي منها فى عربيته
                      تم إلغاء الخطوه دى علشان العميل ميبقاش معاه اى حاجه تدين التوكيل و يبقي الورق ورقنا و استخدموا تابلت و سستم جديد يسجل المهندس عليه طلبك و يستلم العربيه و انت مش عارف ايه المكتوب ولا يبقي معاك دليل لو العربيه حصلها حاجه

                      المكان مازال غير متاح فيه انك تشوف عربيتك و هى فى الصيانه فى غمره .. لكن تم اضافه ماكينه نيسكافيه حلو اوى للساده العملاء علشان بيقضوا اليوم كله مع الموظفين فى التوكيل :) . و لحد ما نتقابل تانى فى المشاكل الكبيره فى توكيل بيجو

                      احذر وجود حراميه في توكيل بيجو غمره لو حتسيب عربيتك للاصلاح مده طويله اكتر من يوم :)

                      تحياتى
                      Muhammed Ahmed

                      #مطلوب_تغيير_توكيل_بيجو_مصر
                      #Peugeot_change_CDCM_Egypt

                      Comment

                      Working...
                      X