peugeot 504

[hazem_khidr]

معاك عربيه ايه؟؟
معايا بيجو
من الكلمه دي بس تقدر تعرف ان اللي بيتكلم معاه عربيه بيجو موديل من 71 لحد 83 و تكون 504!!!
انهارده حتكلم عن عربيه مفيش حد في مصر كلها ما يعرفهاش و اللي معاه واحده منها نضيفه بيعتز بيها اوي و ما بيبعهاش
حتكلم عن البيجو ال 504 العربيه الي ركبها الشعب المصري كله بلا استثناء بمختلف طبقاته مين فينا مكنش والده عنده 504 و مين فينا محدش من اصحابه كان معاه 504 و مين فينا ما ركبش تاكسي و مين فينا اتزنق في يوم و سافر مواصلات و ركب من موقف البيجو!!!!
نزل من العربيه دي شكل واحد بس.من 69 لحد 74 كان اكره الباب مختلفه (بيسموها اكره زرار) و من 75لحد 83 الاكره العاديه المعروفه غير ان التابلوه في الموديلات الاولي كان لونه فاتح اما بعد 75 كان لونه اسود و نور التابلوه كان لونه ابيض (GL) لحد سنه 77 اما سنه 78 كان لونه اخضر و سنه 79 كان لونه احمر و واستمر نور التابلوه الاحمر مع بيجو لحد انهارده
بالنسبه لدواخل العربيه كان لونها في الموديلات قبل 75 لونها بني غامق و الموديلات لحد 78 لونها رصاصي اما ال 79 كانت بنفس لون السياره.
نزل منها اربع موديلات(GL.GR.SR.L)كانت كلها موتور واحد تقريبا ما عدا ال L كانت بموتور اصغر و غالبا ما تكون تاكسي
في الاخر احب اقول ان العربيه دي لحد انهارده قفله بابها هيا واحده و مفيش منها عربيه بابها مش مظبوط و عربيه ناعمه جدا جدا جدا و كان ليها شنه و رنه في مصر لدرجه انها كانت بتتقارن بالمرسيدس رغم ان شكلها مش حلو اوي لكن عربيه يعتمد عليها و دي اقل حاجه اقدر اكتبها لعربيه بقت لفتره طويله حلم لمصريين كتيييير .
علي فكره اتوقف انتاجها في فرنسا سنه 83 و بتنتج في الارجنتين لحد انهارده علي ما اعتقد بس بشويه تعديلات طفيفه بس في الاخر تبقي 504!!
ازاي بنعرف الفرق بين الموديلات
ال (GL) كان التابلون بتاعها اكثر اناقه في رايي و كانت العدادات علي شكل دواير منفصله و الكراسي الاماميه كان مدمج فيها مسند الراس و كان الشبكه الاماميه فيها خطين نيكل و الابواب عليها فروع نيكل علي القوايم و المقبض الداخلي دان نيكل برضه و فرش الابواب كان خلد لحد موديل 79 كان جلد و صوف مع بعض علي حسب لون الكراسي.
اما ال(L) فكانت افقر موديل فيهم من حيث التابلوه و من غير جرايد علي الجوانب ولا نواكل علي الابواب و اكر الداخليه بلاستيك ردئ.
اما ال(GR) فكانت اعلي شويه من ال L لكن كانت ال GL احلي طبعا من اي حاجه فيهم
بالنسبه للفروقات الميكانيكيه كان مواتير (GL.GR.SR)نفس الموتور ال 2000 سي سي بكامه واحده انما ال(L)كانت 1800 علشان كده تلاقي معظمها تاكسيات و اللي بيفرق بقي ان الاتنين جر خلفي لكن (GL.SR) علي كبالن خلفي انما(GR.L)علي ديفرانس زي بتاع ال 131 و ال132 كده بس طبعا علي كبالن احسن علشان ما بتحسش بهزه المطبات بعكس الديفرانس اللي بيخلي العربيه كله تطلع و تنزل علي المطبات مثلا.

[Abdallah]

كلام جميل ومعلومات قيمة يا حازم بس انا اعرف ان البيجو بعد ال 120 بتبقا سهلة العومان جدا ولو عامت مبتتلمش وغير كدة اسعار قطع غيارها بقت غالية بطريقة مبالغ فيها بس حتى الان هيا العربية الوحيدة الى شفتها بتسافر ليبيا وترجع فى الاسبوع 3 مرات.

[hazem_khidr]

علي رايك يا عبد الله انا نسيت اكتب في الموضوع الكلام دا الصراحه و بالمناسبه اول ما نزلت مصر كانو مسمينها النعش الطائر!!!

[Abdallah]

التسمية دى بسبب كثرة الحوادث الى بتعملها وعموما انا اعرف برضة ان كابراتير ال GL بياكل بنزين عشان كدة معظم الى بيجيب ال GL بيركبلها كابراتير L لانه موفر شوية فى البتزين وحابب كماان اقول انها العربية الوحيدة الى شفتها لما مساعدينها بيبوظوا بيتخرموا ويتملوا زيت ويتلحموا ويركبوا كانهم جداد واسطوانة الدبرياج برضة بتتملى وحقيقة العربية انا ركبتها فى طرق مدغدغة وكانى ماشى على اسفلت.

[asaber]

العربيه دي ملهاش حل انا كنت بركبها لحد سنه فاتت واحيانا كل فتره دلوقتي وهيه علي فكره ثابته يعني 150 بدون مشاكل ودا علشان مبتحسش بمشاكل الطريق
يعني دلوقتي بحس اني كنت في نعيم انا برجع المنصوره كل اسبوع و مكنتش اعرف ان الطريق رديئ بالشكل دا دلوقتي بحس بكل تعريجه في الاسفلت

[alaaaboelata]

معلش يأستاذ حازم احب اعلق على كلا حضرتك الجميل دة

بالنسبه لدواخل العربيه كان لونها في الموديلات قبل 75 لونها بني غامق و الموديلات لحد 78 لونها رصاصي اما ال 79 كانت بنفس لون السياره.

الكلام دة بالنسبة لحوض الموتور مش الدواخل كلها
شكرا

[hazem_khidr]

ارسل: الاربعاء 9 مايو 2007 5:02 موضوع الرسالة:




معلش يأستاذ حازم احب اعلق على كلا حضرتك الجميل دة
اقتباس:

بالنسبه لدواخل العربيه كان لونها في الموديلات قبل 75 لونها بني غامق و الموديلات لحد 78 لونها رصاصي اما ال 79 كانت بنفس لون السياره.


الكلام دة بالنسبة لحوض الموتور مش الدواخل كلها
شكرا

معلش يا استاذ علاء انا فعلا قصدي الحوض بس انا اتلخبط و انا بكت هيا فعلا القوايم و الشنطه و الدواسه و كله بلون العربيه باختلاق الحوض

[محمد بظاظا]

ارسل: الاربعاء 9 مايو 2007 5:02 موضوع الرسالة:




معلش يأستاذ حازم احب اعلق على كلا حضرتك الجميل دة
اقتباس:

بالنسبه لدواخل العربيه كان لونها في الموديلات قبل 75 لونها بني غامق و الموديلات لحد 78 لونها رصاصي اما ال 79 كانت بنفس لون السياره.


الكلام دة بالنسبة لحوض الموتور مش الدواخل كلها
شكرا

معلش يا استاذ علاء انا فعلا قصدي الحوض بس انا اتلخبط و انا بكت هيا فعلا القوايم و الشنطه و الدواسه و كله بلون العربيه باختلاق الحوض

اريد تكيف لسياره بيجو 504 ماذا افعل؟؟؟؟؟

اريد رد

وشكرااا :?:

[محمد بظاظا]

اريد تكييف سياره بيجو موديل 504

اين اذهب
اريد رد

[محمد بظاظا]

عندى سياره بيجو 504 موديل 78
واريد تركيب تكييف
اريد مركز صيانه معتمد
او ماذا تنصحون

ولكم جزيل الشكر

[hazem_khidr]

انزل بور سعيد اشتريه مستعمل يا 504 او 505 حيركب في اعتقادي بتاع ال505 بس اسأل حد انا بقول كده علشان الاتنين موتورهم واحد بس خلي بالك قبل ما تركب التكييف لازم تكون العربيه محكمه اوي اوي و الموتور شديد خصوصا المواتير القديمه بتبقي حالتها متوسطه اتاكد من الموتور و من احكام العربيه الاول

[ahmed1981]

العربية ال 504
صاج متين
ماتور هندسيا أكثر من رائع
عفشة ممتازة تعيش معاك

العيوب
أهم عيب أن العربية خفيفة جدا في السرعات العالية وكان في دكتور في الهندسة قال لن أن وزن العربية ال 504 على سرعة 120 هو سبعة كيلوجرام
وذلك بسبب أن الديناميكا الهوائية ليها وتوزيع الهواء عليها سيء جدا جدا جدااااااااااااااااااااااااااااااا

ولو عامت منك يبقى عوضك على الله ولو عجلة ضربت منك يبقى ربنا يستر
وطبعا سهلة القلب جداً لهذا السسب السابق

الكلام ده كل عن دراسة وتجارب شخصية

الخلاصة لو جبت ماتورها وعفشتها وركبتهم لعربية مفيهاش عيب الخفة ده يبقى أنت راكب مرسيدس

والله أعلم

[محمد ابراهيم 1]

العربيه دى كانت سابقه عصرها بكل ما تحمل الكلمه من معانى
بالنسبه للعومان العربيه بتنتج من سنه 69 وبتعوم على 120 كم تويوتا 2007 بتعوم برضه بعد 120
بابا سنه 84 جاب لنا واحده من النمسا كانت موديل 79 ولا تتخيلوا الكماليات التى كانت فيها
تكييف باور أوتوماتيك R P M زجاج كهربائى فرامل قرصيه فى الامام والخلف ومحركه كان 1971 سى سى يعمل بنظام رشاشات ( مش كاربراتير وطبعا مش إنجكشن ) بس كانت بتعمل حوالى 220 فى الصفيحه
اشترناها فى ذلك الوقت بحولى 9000 جنيه

[hazem_khidr]

فعلا يا ديدو العربيه دي كانت تحفه بكل ما تحمل الكلمه من معاني و خصوصا انها متصمه سنه 69 فين بقي الياباني الايام دي ما اعرفش و لحد انهارده لسه بتخدم و قفله الباب بتاعها واحده و ما بترزعش!!!!!!!
و عفشتها ناعمه جدا كانت فعلا عربيه حكايه و ال 505 برضه من العربيات الجميله و احلي من ال 504 بكتير

[ahmed1981]

فعلا يا ديدو العربيه دي كانت تحفه بكل ما تحمل الكلمه من معاني

كلام سليم ولكن
وآه من لكن :(
هذا الكلام ينطبق على كل ما في هذه السيارة ما عدا نظام إتزان السيارة الذي هو أقل إتزان سيارة ركوب رأيته في حياتي عن تجربة سأحكيها لاحقا حيث كنا نمتلك هذه السيارة موديل 80
الحكاية مش عومان الحكاية إن العربية على سرعة 100 مثلا لو عجلة نامت منك لا سمح الله يبقى لا حول ولا قوة إلا بالله
تلاقي العربية بترقص يمين وشمال كإنها بتتوجع من نومان الكاوتش مثلا :(
ولو ربنا ستر وعرفت تسايسها وتقف على العجل مش على السقف يبقى ربنا لطف :shock:
العيب ده دكتور في هندسة القاهرة كان قال إنه بسبب إن وزن السيارة على سرعة 120 كيلومتر هو سبعة كيلو جرام!!!!!
وذلك نتيجة لعدة أسباب منها مثلا التصميم الخارجي لتوزيع ضغط الهواء أثناء السير به عيوب خطيرة بالإضافة لقاعدة العجلات الرفيعة (الكنزة) أكثر من اللازم بالنسبة لحجم السيارة الكبير
بالإضافة إلى توزيع الحمل والوزن على أجزاء السيارة والإطارات به من المشاكل الكثير

ولا أنكر أنها تحمل محرك لا يوصف إلا بكونه عبقري سابق لعصره بالكثير لكن ظل كما هو حتى التسعينات في ال 505 وبعدها توقف إنتاجه