هل البيجو فى انهيار

[ahmed_khalil]

شوف كام موضوع بتتكلم فيه ان البيجو سيئه و الناس ردت عليك من 1000 دليل و برضه نفس الكلام
من نوع شوفوا بيجو 206 اللى مش عارف ايه
يا سيدى الفاضل الناس بتخش ترفيه مش تخش تقرا مواضيع مستفزه و خلاص

[Ahmad Shawky]

وضاعت بيجو وضاع قسم البيجو فى المتدى علي العوض
بعد مالواحد كان فخور انى هيشترى علربيه بيجو وينضم للفريق هنا!!!

[triple_a_101]

ما عاش ولا كان اللي يقدر يضيع أسم بيجو غير الله سبحانه
ومفيش حد يجرؤ إنه يقاوح مع الاسد

الكبير هيفضل كبير
والاسد هيفضل طول عمرة أسد مهما يتقال
كله كلام في الاخر

[mecho]

ارجو منك ان تراعى ان ما يكتب فى المنتدى يجب ان يمثل الواقع لان هناك اشخاص تستخدمة فى الحكم عند شراء سيارة . و لذلك ليس المنتدى مكان الدعاية لسيارة علشان سوقها لا يتوقف او حضرتك تقدر تبيعها . ايضا هذا ليس منتدى ترفيهى زى..... . و لكن هنا نريد تقديم نصيحة للناس . لم يرد شخص واحد انة ذهب للوكيل الرئيسى و خرج رادى عن الخدمة تماما . كما انة لم يرد احد من ملاك 406 او 206 موديل 2001 و اشادو بيها . كما ان احدا لم ياتى بموقع واحد يشير ان هناك اى موديل حديث لبيجو نال مركز مرتفع فى الاعتمادية فى الفترة الاخيرة

[triple_a_101]

مش عجباك البيجو مشتريهاش

لو كانت ال206 فاشله ما كانت لتبيع أكثر من 6.5 مليون سيارة حول العالم ( شوف فيه كام عربيه في بلدك لوحدها )
لو كانت ال 406 فاشله ما كانت لتبيع في مصر فقط أكثر من 15.000 سيارة ( شوف باقي العالم فيه كام سيارة )
ومش هكلمك عن باقي سيارات البيجو الحديثه زي ال307 وال 308 وال 407
علشان القديمه اللي من الستينات والسبعينات كفيله أنها ترد عليك
ولو كانت البيجو فاشله ما كانت لتكون (ثاني أكبر شركه في أوروبا ) اللي سكان البلاد الاوروبيه مبيعجبهمش العجب
لكن لو كان التوكيل السبب فالتوكيل من أختصاص الاشخاص العاملين به وليس السيارات .
( وإن كان الاشخاص مش قادرين يحافظوا علي سياراتهم التوكيل هيعملهم إيه )

[triple_a_101]

وبمنتهي البساطه
بيجو مش عجباك فيه أكتر من 100 نوع تاني ممكن تركبه

[ahmed_khalil]

الله اكبر
ارجوك اقرا كمان المواضيع اللى بتتكلم عن 206
و تانى حاجه اكيد الشرطه و الجيش و شركات البترول كلها و الهيئات الحكوميه و المؤسسات بتشترى عربيات بيجو و هى عربيه سيئه

[mecho]

انا قلت 206 موديل 2001 و بالنسبة ل 406 فيكفى للدلالة على فشلها الزريع رغم شكلها الرائع ان سعرها نزل من 230 الف جنية ل 80 الف فى اقل من 8 سنين و مش هقول اكثر من كدة

[triple_a_101]

ما أنت بتقول أهه 8 سنين ولسه فيه ناس عايزنها

[triple_a_101]

وعلي فكرة لو ال 406 سيئه وفاشله فشل زريع مكانش الوزراء كلهم ركبوها

[triple_a_101]

وال 406 المستعمله اللي ب 100 و ب120 ألف وأكتر مش شايفهم ولا إيه أدخل علي مواقع المستعمل وشوف الاسعار
وعلي فكرة فيه شكلين لو مكنتش عارف شكل قديم وشكل جديد والشكل القديم اللي أنت بتتكلم عنه هو اللي ب 80 ألف ودة علشان فيه الشكل الجديد اللي موتورة أقوي

[triple_a_101]

وغير كدة فيه 406 موتورها 1600 سي سي و2000 سي سي
وسيبك من دة كله قصه التوكيل وجهل الفنيين دي مش شغله العربيات دي شغله المسؤول عن التوكيل يعني العربيه ملهاش ذنب في جهل الفنيين

[Nour_Peugeot]

يا جماعه البيجو 406 زي الفل عيبها في الفتيس و اتعدل خلاص و الناس بتحلف بالعربيه دي و ال 206 اكتر عربيه مبيعات في القرن الحالي فمحدش يتكلم عليها لانها عربيه تحفه فوق المقاييس

و بالنسبه للتوكيل فهو توكيل فوق السييء بس كا فنيات كويسين و عن تجربه

[nabaster]

ايه الي بيحصل ده وايه كل المشكله دي انا اول مره ادخل واشوف الموضوع ده براحه يا جدعان مش كده وبالنسبه للعضو البيه ده الي مش عاجباه بيجو انتو ليه كده عاملين اهتمام وهوا فرحان بنفسه بالاهتمام ده
خلاص يا جماعه اهدو وسبوه يتكلم وهوا الي يجيب الدليل مش انتو انتو ليه اصلا واخدين موقف الدفاع بالشكل ده وسيبين واحد زي ده جاهل في معلوماته عن بيجو ياخد موقف الهجوم عليكم بالشكل ده
الاسد يا شباب هيفضل اسد والبيجو بيجووووووووووو

يا جماعه البيجو 406 زي الفل عيبها في الفتيس و اتعدل خلاص و الناس بتحلف بالعربيه دي و ال 206 اكتر عربيه مبيعات في القرن الحالي فمحدش يتكلم عليها لانها عربيه تحفه فوق المقاييس

و بالنسبه للتوكيل فهو توكيل فوق السييء بس كا فنيات كويسين و عن تجربه

بالنسبه بقي لتعليقك يا نور هوا كان عيب بس وفي الفتيس الاوتوماتك كمان والعيب ده اتصلح بعدين وخلاص علي كده
وعلي فكره بيجو لمت كل العربيات الي في اوربه الي كان فيها العيب ده بس التوكيل عندنا انتو عارفين شرا الدماغ

يعني البيجو في مصر الي مقلل من سمعتها التوكيل مش اكتر

يارب مكونش طولت عليكم
سلام عليكم

[mecho]

ادبى يمنعنى من الرد على امثالك و لكن اعتقد ان الادارة عليها اتخاذ موقف و الا سيصبح المنتدى ساحة سباب و ليس حوار