هل البيجو فى انهيار

[Nour_Peugeot]

احب اتقدم بالاسف للاخ ميشو عما بدر منه اخطاء في حقق و ارجو تقبل الاسف مني شخصيا

و هو بالتالي سيتقدم بالاسف


و لم نكن نردا ان يتطور الحوار بهذه الطريقه


ولكن يبقي لكل سياراه عشاقها و الذين يكرهونها و لكل واحد حريه الاختيار


و شكرا للاخ ميشو و متزعلش مننا الحوار تطور بسرعه جدا و ان شاء الله مفيش مشاكل

[mecho]

انت رجل محترم يا استاذ نور و انا متابع كل مشاركاتك و انا اعتذر لو عنت دايقت حد .انا لا اكرة البيجو و الا مكنتش اشتريتها و لكن فعلا خدمة العملاء سيئة و دة بيكبر اى عيب فى السيارة .عندك مثلا اسبرانزا عربية سيئة جدا لكن التوكيل بيسوقلها كويس و خدمة 100 100.بالاضافة الى ان quality check عند الفرنسيين اقل كثيرا من اليابانيين

[triple_a_101]

ما هو دة اللي أنا بقوله التوكيل هو السبب ومش العربيات
العربيات بريئه من سوء التوكيل
ومعلش يا ميشو لو كان بدر مني حاجه

[Ahmed Selim]

ادبى يمنعنى من الرد على امثالك و لكن اعتقد ان الادارة عليها اتخاذ موقف و الا سيصبح المنتدى ساحة سباب و ليس حوار

أختلافى معك فى الرأى لا يمنعنى بأى شكل من الأشكال بأبداء أعجابى بموقفك المتزن.......أحييك تحية كبيرة على تمالك أعصابك والرد بهدوء.

[ssafwat]

ارجو منك ان تراعى ان ما يكتب فى المنتدى يجب ان يمثل الواقع لان هناك اشخاص تستخدمة فى الحكم عند شراء سيارة . و لذلك ليس المنتدى مكان الدعاية لسيارة علشان سوقها لا يتوقف او حضرتك تقدر تبيعها . ايضا هذا ليس منتدى ترفيهى زى..... . و لكن هنا نريد تقديم نصيحة للناس . لم يرد شخص واحد انة ذهب للوكيل الرئيسى و خرج رادى عن الخدمة تماما . كما انة لم يرد احد من ملاك 406 او 206 موديل 2001 و اشادو بيها . كما ان احدا لم ياتى بموقع واحد يشير ان هناك اى موديل حديث لبيجو نال مركز مرتفع فى الاعتمادية فى الفترة الاخيرة

هو بس انا عندي سؤال رفيع كده .. لما مش عاجبك التوكيل الرئيسي بتروح ليه؟ في بتاع 7 مراكز خدمة معتمدين في القاهرة مش بتروح لحد تاني ليه؟

في رأي من اهم مميزات التوكيل في مصر ان في عدد كبير من مراكز الخدمة لو مش عاجبك واحد تروح التاني وده مس موجود في اي عربية تانية الا الهيونداي مثلا ومش نفس العدد وطبعا مش ممكن نقارن الهيونداي كعربية بالبيجو

السد الفرنسي تاريخ مش محتاج حد يدافع عنه

[mecho]

الحقيقة ان قطع الغيار غالبا متوافرة اكثر فى المركز الرئيسى ايضا الفنيين الموجودين فى المركز الرئيسى معظمهم اخذ تدريب على السيارة كما انهم يخشون من الشركة الام فى فرنسا و بالتالى الاعور افضل من الاعمى

[Nour_Peugeot]

طيب ممكن اتخدل في المساله دي و اضيف حاجه

احنا منرحش التوكيل الرئيسي لان مراكز الخدمه التانيه التحميل عليها اقل و مراكز الخدمه دي عن تجربيه كويسين جدا و 90 % من قطع الغيار موجوده و لو مش موجوده تاني يوم بتبقي موجوده

و ثانيا معلش محدش يزعل مني يعني

انا ايه اليخليني اروووح يطلع عيني في التوكيل عشان مثلا اغير تيل فرامل او حاجه بسيطه

ما ميكانيكيه البيجو ملين البلد انا مروحش التوكيل غير ب كذا موديل بيجو بس

206
307
407
207
308
406

و شكرا علي كده الحجات الفيها كومبيوتر

و اوقولكم علي مفاجه انا الميكانيكي بتاعي هو و الكهرباءي هيجيبو لاب توب عشان العربيات الفيها كومبيوتر ييعرفو المشاكل فين

يعني هي بالكتير اوووي 3 سنين و تلاقي نص الميكانيكيه شغلين بالكمبيوتر في العربيات دي

يبقي مفيش قلق خالص

و محدش يقدر ينكر اان اعتماديه البيجو تفوق الوصف

و ربنا يقدم الفيه الخير

[ssafwat]

صح يا نور .. المراكز التانية كلها فيها قطع غيار متوفرة ولو مش متوفرة تاني يوم تكون موجدة زيهم زي المركز الرئيسي. كمان كل المركز يخضعوا للحساب من بيجو لأنهم معتمدين من بيجو برضو وفي ادارة خدمة ما بعد البيع تشتكيلهم لو عندك مشكلة.

ده غير ان كل الفنيين في كل المراكز بيتدربوا مع بعض كل تخصص مع بعض في نفس الدورات التدريبية زيهم زي المهندسين برضوا بيخدوا دورات تدريبية مع بعض. مش حقدر اقول ان كل الناس زي بعض لأن في فرق خبرات وامكانيات ولغة كمان. اللغة للمهندسين مهمة جدا في التعامل مع جهاز تشخيص الأعطال.

اما بالنسبة للجهاز اللي بتقول الميكانيكي حيجيبوا يبلوا ويشرب ميتوا زي مكنت لسه بقول الموضوع محتاج لغة وخبرة في قراية الأعطال وكمان الابتوب ده مش حيدخل على السرفر في فرنسا ولو تعرف ده بيكلف كام ممكن يغمن عليك

وأخيراً اتفق معاك بشده في هذه المقولة "و محدش يقدر ينكر اان اعتماديه البيجو تفوق الوصف"

[sparion]

واحب اضيف نعلومة تانية البيجو الي بيتكلم عليهم دول زي البارس دي عربية ايراني اولا مصنعة بتوكيل الشركة ومنزلت مصر كفاية وفي من البيجو مصري زي 405 واتجمعت هنا وفي تركي تجميع عشان كدة بتبقي في عيوب زي اي عربية بتتجمع في بلد غير بلدها وعشان كدة بيكون سعرها اخرص يعني مثلا هات 406 ايراني وزيها فرنسي فرق السعر بيعدي 65 الف وبتفرق في حاجات كتير بيجو اعلنت مرة قالت ان العربيات الي بتنزل في غير توكيلها بتكون صفقات جية من الخليخ بتكون مصممة انها اوربية متمشيش مع الحرارة طبعا انت عارف ان الحرارة عندهم بتبقي تحت الصفر عايز بقي العربية تروح الخليج بنفس المواصفات دي وتمشي هناك طبعا لا في عربيات بتنزل من بيجو للبد يعني لو معمولة اصلا للخليج بتبقي مجهزة لذلك عفشة وموتور يعني انا كنت اعرف واحد كان معاة عربية بيجو 505 خليجي ودي نادرا كانت 6سلند 3000 سي سي قوية جدا ووسعة جدا ومفيش منها في الا كام وحدة يتعدوة علي الايد وكانت كابالن مش كرونة كمان وتكيفها قوي وعفشة ونزل بيها مصر وكانت ممتازة جة عشان يصلحها ملقاش برضوة ليها بعض قطع الغيار دة لية عشان العربية منزلتش اصلا مصر من التزكيل كانت بتشتريها جمرك معظمها كانت كدة لانهاااااااااااااااااااااااا غالية جدا وكانت اغلي من مرسيدس اس عندوهم في الكويت في الوقت دة دة حسب كلاموة وعلي فكرة الراجل الي انا بقولك علية دة بيحب مرسيدس بنز اكتر من بباة وممتوة بس بعد مركب بيجو احترمها جدا وخالها عندوة مع المرسيس عندوة مرسيدس اس 350 اس اي

[Nour_Peugeot]

يا جماعه الاعتماديه عايله و التكنولجيا عليا

يبقي عيزين ايه تاني


با مانه احنا الشعب مهمل في حجاته

[mecho]

انا بس عايز اوضح حاجة . طالما اسم الشركة على العربية تباة مسؤلية الشركة . انا مليش دعوة متجمعة فان . نيسان بتتجمع فى مصر و كانو بيحطو كوتش مصرى حصل حوادث كتير بسبب الكوتش راحت نيسان اليابان منعت الكوتش من مصر. الموضوع هو مدى احترام الشركة الام لاسمها . و شوف جيتا و هى تجميع مكسيكى بس فية كواليتى كونترول 100 100

[mecho]

معلومة اخرى مفيش حاجة اسمها 406 ايرانى . كما ان البارس موجودة من زمن فى تركيا و سوريا و دول اخرى عديدة و هى افضل من كثير من موديلات بيجو الفرنساوى بستثناء 405 الفرنسى لان دية مفيش اختلاف عليها

[mecho]

اة نسيت حاجة مرسيدس كمان بتتجمع فى مصر و مفيش فيها عيوب

[Nour_Peugeot]

لا يا باشا مفيش عربيه كامله

بعد اذن حضرتك انا مبجملش في حاجه بس ليا واحد معرفه معاه مرسيدس اتخنق من كتر كل شويه

سينسور يبوظ و حجات في الكمبيوتر و صيانتها نااااار