جدل حول البيجو 305

[amr mokhtar]

سمعت كتير عن مشاكل ال305 و إنها عربية مش بتتظبط يعنى على طول فيها مشاكل
و تجد أسعار المستعمل منها فى حدود 12 الف جنيه

بالرغم من ذلك انا شايف إنها عربية شيك و من جوة شكلها نضيف مقارنتآ بالعربيات اللى فى جيلها يعنى أشيك من 128 و اللادا

السؤال هنا
هل البيجو 305 هى أسوأ ما انتجت بيجو؟
ام
هى عربية جيدة لكن صادفها حظ سىء من صيانة اى كلام و عدم فهم من الميكانيكية؟

[amr mokhtar]

No answer
thank you

[Ahmed Hassan]

لأ هوه مش سوء حظ. العربيه موتورها مش كويس و على طول بيجيب كامه. و ان كنت اتفق معاك ان شكل العربيه كان سابق عربيات كتير من جيلها.

[the-hero]

فعلا هو وصمه عار فى تاريخ بيجو
لأن بيجو عودتنا على الكفئة والجودة العالية جدا جدا خصوصا فى مواتيرها والدليل كم ال504 اللى لسه شغال زى اللسعة فى جميع انحاء مواقف مصر وكله فى السبعينات
وال 305 تعتبر كفائه لآ بأس بها بس لا تليق بالماركة الفرنسية يعنى حاجه مقبولة
ولكن مقارنه ببنات جيلها ورينجها من 128 والكلام ده
فا فى الصدار وأعلى منهم بكتير
ولكن موديل الطيارة منها تعتبر احسن بكتيرمن العادة وجيده فى مستوها

[moh_taia]

ولكن موديل الطيارة منها تعتبر احسن بكتيرمن العادة وجيده فى مستوها

هو موديل الطياره بيبدأ من سنة كام ؟

والتغيير فى الشكل فقط ولا كمان مشاكل الموتور اتحلت ؟

وشكرا

[amr mokhtar]

هو موديل الطياره بيبدأ من سنة كام ؟

والتغيير فى الشكل فقط ولا كمان مشاكل الموتور اتحلت ؟

وشكرا

ده سؤال كويس؟
بس كده فعلآ ال305 عربية سيئة
حد ليه رأى تانى

[walids]

السلام عليكم


بص العربيه حلوة جداً مش وحشة ، هي بس أيامها مأخدتش فرصتها في الشهره جوه مصر و مش أي حد يفهم فيها كويس ، علشان كده مش واخده وضعها ، هي مقارنة بالفيات و العربيات اللي في سعر 14-20 فهي أعتبر انها الممتازة لعدة اسباب أهمها أنها بيجو + شياكة + واسعة + قوية

أهم شيء انك لما تشتريها تشتري حاجه نضيفه ، لأنها لو مش نضيفه فممكن تتعبك ، و أهم حاجه برده انها لما تطلب منك انك تصرف عليها في حاجه فمتبخلش ، علشان هتريحك و كمان هي معمرة

[kzizo]

معلش يا جماعه الي عنده العربيه بس هوه الي يقول رأيه في العربيه
لإن ناس كتير بتتكلم وخلاص
أنا معايا العربيه الحمد لله زبطها وعملت فيه شغل وبسوق بغباء طلعات أمريكاني وبشد مع عربيات كتير جدا وبفشخهم والعربيه عمرها ما قصرت معايا العيب الوحيد فيها إنها عايزه صنيعي بيفهم فيها وحاجتها غاليه شويه بس الكلام ده من واحد مجرب والعربيه عمرها ما بتجيب كامه الكلام ده من ناس تانين معاهم العربيه النصيحه الوحيده بس لما الواحد ييجي يشتريها يشتري واحده نظيفه بس

[Ahmed Hassan]

معلش يا جماعه الي عنده العربيه بس هوه الي يقول رأيه في العربيه
لإن ناس كتير بتتكلم وخلاص
أنا معايا العربيه الحمد لله زبطها وعملت فيه شغل وبسوق بغباء طلعات أمريكاني وبشد مع عربيات كتير جدا وبفشخهم والعربيه عمرها ما قصرت معايا العيب الوحيد فيها إنها عايزه صنيعي بيفهم فيها وحاجتها غاليه شويه بس الكلام ده من واحد مجرب والعربيه عمرها ما بتجيب كامه الكلام ده من ناس تانين معاهم العربيه النصيحه الوحيده بس لما الواحد ييجي يشتريها يشتري واحده نظيفه بس

بناء على الشروط اللي حضرتك حطيتها لابداء الرأي في العربيه احب اوضح ان والدي كان عنده العربيه فاسمحلي بعد اذنك اكرر ان العربيه بتجيب كامه على طول لأن الموتور فيه عيب تصنيع. العربيه موتورها موجود استيراد... و بعد ما يركب (لو كان سليم اصلا) بيبوظ تاني و يجيب كامه.
حاجه تانيه... يا ريت بعد اذنك الاوصاف اللي بتوصف بيها قوه عربيتك تكون كويسه شويه
شكرا.

[bee]

معلش يا جماعه الي عنده العربيه بس هوه الي يقول رأيه في العربيه
لإن ناس كتير بتتكلم وخلاص
أنا معايا العربيه الحمد لله زبطها وعملت فيه شغل وبسوق بغباء طلعات أمريكاني وبشد مع عربيات كتير جدا وبفشخهم والعربيه عمرها ما قصرت معايا العيب الوحيد فيها إنها عايزه صنيعي بيفهم فيها وحاجتها غاليه شويه بس الكلام ده من واحد مجرب والعربيه عمرها ما بتجيب كامه الكلام ده من ناس تانين معاهم العربيه النصيحه الوحيده بس لما الواحد ييجي يشتريها يشتري واحده نظيفه بس

على فكره العربية دي معروفة جدااااااا بموضوع الكامة ده وتقدر تسأل اي ميكانيكي عن الموضوع ده .. وعلى فكره بردو عن تجربة يعني مش كلام وبس ..
يمكن انت عربيتك الي فلته بسم الله ما شاء الله

بعيدا عن العربية بقه ..
ياريت تاخد بالك من كلامك عشان فيه ناس الكلام ده بيضايقهم وانا منهم ..
شكرا لتفهمك

[amr mokhtar]

طيب هل مشكلة الكامة دى موجودة فى كل الموديلات و لا حاجات معينة؟
و هل هى فعلآ مختلفة ميكانيكيآ عن موديلات البيجو اللى فى عصرها إختلاف جذرى؟

و بلاش ننسى الهدف من الموضوع و هو المناقشة الهادئة

[kzizo]

معلش لو كنت حاد شويه في كلامي بس أنا أعرف تلاته معاهم العربيه وعمرهم ما إشتكوا من موضوع الكامه ومنهم واحده طياره

[hesham_shousha]

أنا تعبت من الكلام عن ال 305
وقلت قبل كده سوء حظها إن الفئه اللى بتشتريها فئه غلبانه ( معهاش فلوس ) لإن سعرها رخيص وبالتالى موش بتصرف عليها فى الصيانه وبالتالى موش بتعمر معاها
ياجماعه العربيه معايا من سنه 1984 والعربيه زى الفل وموش بافكر أبدلها بحاجه تانيه لانها مريحانى جدا مع العلم ) الحمد لله ) لو عايز أجيب عربيه على الزيرو ممكن أجيب النهارده - بس أجيب ليه والعربيه اللى معايا موش بتروح للميكانيكى إلا عند الصيانه الدوريه ( كل عشره الاف كيلو متر )
وحكايه عيب الكامه موش موجود عندى نهائى وموش عارف اللى حصلتله حصلتله ليه ؟؟؟؟؟؟؟؟؟؟؟؟
واللى عايز يعرف اكثر عن تجربتى مع العربيه يراجع مشاركاتى فى المنتدى
وفى النهايه ارجو من اللى يدى رايه يكون راى عن تجربه موش عن سمع

[amr mokhtar]

ملحوظة عامة على كل سيارات البيجو: إن البيجو بيحتاج صيانة محترمة و حد بيفهم ايآ كان موديل العربية يعنى من الآخر البيجو مينفعش يمشى بأى قطع غيار

و يبدو ان مالكى ال305 الحمد لله مبسوطين منها...
بس إيه هى الحاجات المكلفة فى العربية دى من ناحية الصيانة و اللى بيخلى إصلاحها او صيانتها صعب؟

[walids]

هي مش مكلفة أوي يعني للدرجة اللي انت متخيلها

يعني انا حالياً كنت بظبط عربيتي ال 305
اشتريتلها فانوسين جداد خلفي ، الفانوس ب 130 جنيه
المارش عندي كان وشه محتاج يتغير ، اشتريتلها وش مارش ب 55 جنيه

يعني فيه حاجات بس مش متوفرة في كل الأماكن فخلي بالك انك تكون عامل حسابك علي حاجه احتياطي منها علشان انت متتعطلش لو جري حاجه للعربيه لقدر الله زي المارش مثلاً ، لأنه شمال في المكنه مش يمين زي الموجودين حالياً

علي فكره انا شديت عربيتي شدة كاملة و صرفت عليها حبتين :d

ان شاء الله في القريب هصورها و ارفعلكم صورها